بريدة






عـودة للخلف بريدة ستي » بريدة ستي » سـوالـيـف كـشكـولـيـة » رصيف الكشكول » شاب فقير راح يخطب بنت عمه المبسوط‎

رصيف الكشكول قسم الألعاب والمواضيع المنقولة والمكررة

إضافة رد
 
أدوات الموضوع طريقة العرض
قديم(ـة) 26-09-2009, 08:11 PM   #1
لعيون حمودي
عـضـو
 
تاريخ التسجيل: Aug 2009
البلد: الشرقيه
المشاركات: 54
شاب فقير راح يخطب بنت عمه المبسوط‎

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه <<<< خربت الأخلاق

تراك شايب رأس مالـك رياليـن ***والبنت ما تسوى جنـاح الذبابـة

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه



قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا السعودي
لعيون حمودي غير متصل   الرد باقتباس


قديم(ـة) 26-09-2009, 09:29 PM   #2
ابوخريف
عـضـو
 
صورة ابوخريف الرمزية
 
تاريخ التسجيل: Apr 2009
البلد: مكان والدي رحمه الله
المشاركات: 602
...............!.............
__________________
ابوخريف غير متصل   الرد باقتباس
قديم(ـة) 27-09-2009, 02:42 AM   #3
فهدالقصيعه
عـضـو
 
صورة فهدالقصيعه الرمزية
 
تاريخ التسجيل: Aug 2009
البلد: بريده
المشاركات: 131
جزاك الله خير على الموضوع المميز
__________________
لاله الاالله محمد رسول الله صلى الله عليه وسلم
فهدالقصيعه غير متصل   الرد باقتباس
قديم(ـة) 27-09-2009, 03:02 AM   #4
ابوالمعالي
عـضـو
 
صورة ابوالمعالي الرمزية
 
تاريخ التسجيل: Aug 2009
البلد: بريده
المشاركات: 343
القصيده راأعه وممكن عمه يصرفه
ابوالمعالي غير متصل   الرد باقتباس
قديم(ـة) 27-09-2009, 12:46 PM   #5
لعيون حمودي
عـضـو
 
تاريخ التسجيل: Aug 2009
البلد: الشرقيه
المشاركات: 54
شكراا علي مروركم وردودكم وسام على صدري
لعيون حمودي غير متصل   الرد باقتباس
قديم(ـة) 27-09-2009, 01:04 PM   #6
ماركو
عـضـو
 
تاريخ التسجيل: Sep 2008
البلد: فوق الارض
المشاركات: 745
هههه , واضح أنهم يبغون يطردونه بطريقة نظيفة

عوافي يالغالي
ماركو غير متصل   الرد باقتباس
قديم(ـة) 28-09-2009, 01:38 PM   #7
ابوولعf
عـضـو
 
تاريخ التسجيل: May 2009
البلد: ناقد بدون رحمه
المشاركات: 5,371
احسن قصيده قريته

مشكور
لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه
__________________
التوقيع مخالف
ابوولعf غير متصل   الرد باقتباس
قديم(ـة) 28-09-2009, 08:56 PM   #8
abu-waled
عـضـو
 
تاريخ التسجيل: Aug 2009
البلد: بريدة
المشاركات: 66
thanxxxxxxxxx
abu-waled غير متصل   الرد باقتباس
قديم(ـة) 29-09-2009, 08:30 AM   #9
غرك زمانك؟
عـضـو
 
صورة غرك زمانك؟ الرمزية
 
تاريخ التسجيل: Aug 2009
البلد: و د ا 320
المشاركات: 517
اقتباس
المشاركة الأساسية كتبها abu-waled
thanxxxxxxxxx

عربي لو سمحت
__________________
مدلهمـه والهـمـوم وحنيـنـي
والوجد الاشهب والضلوع الهميـده
كـل المناظـر لا طريتـي تجينـي
يـادار عـزي ياضواحـي بريـده
والحاقديـن الحـسـد والعاذليـنـي
كـل عجـز يحتـال بينـك وبينـي
وحاولت اجمع بس جملـه مفيـده
قلت انتم اصلاً مـا عرفتـو حنينـي
ويحول ياللي ما سكن فـي بريـده
ن و ح 888
غرك زمانك؟ غير متصل   الرد باقتباس
قديم(ـة) 29-09-2009, 02:13 PM   #10
..M..
عـضـو
 
صورة ..M.. الرمزية
 
تاريخ التسجيل: Jul 2009
البلد: K.S.A
المشاركات: 222
حشى بيتزوج العائله الكريمه كلهم مب بنتهم
..M.. غير متصل   الرد باقتباس
قديم(ـة) 29-09-2009, 07:30 PM   #11
لعيون حمودي
عـضـو
 
تاريخ التسجيل: Aug 2009
البلد: الشرقيه
المشاركات: 54
شكراا علي مروركم جميعآ وردودكم الأجمل

آخر من قام بالتعديل لعيون حمودي; بتاريخ 29-09-2009 الساعة 07:34 PM.
لعيون حمودي غير متصل   الرد باقتباس
قديم(ـة) 03-10-2009, 09:20 PM   #12
كبير مايكبرني لقب
عـضـو
 
صورة كبير مايكبرني لقب الرمزية
 
تاريخ التسجيل: Jul 2009
البلد: كوخ الاحلام
المشاركات: 1,484
العرس ذابح العالم
كبير مايكبرني لقب غير متصل   الرد باقتباس
قديم(ـة) 05-10-2009, 04:37 AM   #13
ولد الذيب
عـضـو
 
صورة ولد الذيب الرمزية
 
تاريخ التسجيل: Oct 2008
البلد: بريدة
المشاركات: 1,743
مشكوووووووور ياخلفهم
__________________
ولد الذيب غير متصل   الرد باقتباس
قديم(ـة) 09-10-2009, 01:05 AM   #14
لعيون حمودي
عـضـو
 
تاريخ التسجيل: Aug 2009
البلد: الشرقيه
المشاركات: 54
اقتباس
المشاركة الأساسية كتبها كبير مايكبرني لقب
العرس ذابح العالم

شكلك طاف بحقين الدوران !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!




أمزح معك ياخلفهم
مشكور علي مرورك الرائع
لعيون حمودي غير متصل   الرد باقتباس
إضافة رد

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:32 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)