[حلوه بضحكتها]

المركز الي ذكرت قبل فتره سمعت عن عروضه واكيد اغرونا بالسعر
لكن لما سويت بحث عنه مالقيت احد يمدحه كثير سبوووه ..
لكن من خلال بحثي عن افضل الاطباء ..
دكتور المقبل وله عياده خاصه
وكذلك الجبير اعتقد اسمه خالد الجبير
ووليد الطويرقي بالنخبه
وعبدالملك القحطاني بالشميسي

وكل هالاطباء ممدوحين بكثره وانت سو لهم بحث لتتأكد

[الهاديو]

اقتباس المشاركة الأساسية كتبها حلوه بضحكتها المركز الي ذكرت قبل فتره سمعت عن عروضه واكيد اغرونا بالسعر لكن لما سويت بحث عنه مالقيت احد يمدحه كثير سبوووه .. لكن من خلال بحثي عن افضل الاطباء .. دكتور المقبل وله عياده خاصه وكذلك الجبير اعتقد اسمه خالد الجبير ووليد الطويرقي بالنخبه وعبدالملك القحطاني بالشميسي وكل هالاطباء ممدوحين بكثره وانت سو لهم بحث لتتأكد

انا والله سويت بحث عن افضل المراكز

لكن انا ودي اقصر العنوه وابي احد سوا عمليه ببريده

يعني عندنا الحبيب ما حد سوى فيه عمليه


ومشكوره اختي وما قصرتي

[ماءالسماء]

اقتباس المشاركة الأساسية كتبها الهاديو اتمنى منكم تجاوبون ع هالاسئله ابي اسم المستشفى ؟ المركز التخصصي الطبي بالرياض على طريق الملك فهد (يعني وأنت جاي من القصيم ) بعد ما تمشي مسافة مدري كم >> وصف حريم يجيك محلات الشتاء والصيف يمين وبعده يجيك برجين مرتفعات اللي هن المستشفى وش اسم الدكتور ؟ أبو الدهب وكم الانحراف عندكم ؟ نسيت والله بس أذكر إني ما أشوف إلا النور من شدة الضعف وكم رقم المستشفى ؟ 014164000 وكم سعره لما سويتو العمليه ؟ 4000 طبعا فيه خصم شركة والعمليه كم تجلس مدتها ؟ يعني يوم وانا مرقد عندهم ولا نص ساعه وانا طالع ولا وش القصه كنت ألبس عدسات ودقينا عليهم للاستفسار قالوا لازم أسبوعين من دون عدسات وبعده رحت وكشفت ومن بكرى سووا العملية وهي ما تاخذ وقت أبد وعلى طول للبيت ولله الحمد وش الفرق ليزك ولا لليز والي سواها وش اخترتم ليزك ولا ليزر طبعا ليزك أفضل والدكتور راح يخبرك عن الفرق بينهن ويوزعون نشرات عنهن وهن كلهن نفس الشي بس هذي متطورة أكثر وصحيح النظارات السود الي يصرفها لكم الدكتور لازم ؟ طبعا قال مو لازم لكن لبسها أفضل لمدة بسيطة والي سوى العمليه وش الاحتياط علشان مايرجع ضعف نظره طبعا ما تتعرض للشمس والنور الساطع في البداية وبعدين مارس حياتك طبيعي والحريم ما يحطون لا مكياج ولا كحل ولا عطر لمدة شهر تقريبا صراحه انا مقبل على زواج بعد سنتين << يالله العافيه وودي صراحه ارمي هالنظارات الله يوفقك

أما الدكتور وليد الطويرقي موجود بمستشفى الملك خالد مع مستشفى النخبة بس لازم تقدم على الإمارة

وتجلس مدة طويلة وهم يمكن يقبلون ويمكن لا

أتمنى إني أفدتك

[الهاديو]

كفيتي و وفييت وماقصرتي والله

الله يجزاك خير

وبالنسبه للوصف امره سهل إنشاءالله

مشكوره وما قصرتي

[فيتـامين]

اقتباس المشاركة الأساسية كتبها loquacious~~ ^^^^^ طيب بأي مستشفى وشنو اسم الطبيب خلي السائل يستفيد !!

مستشفى الاستشاريون << الظاهر اسمه كذا
واسم الطبيب .............. المزيني <<< نسيت اسمه

وخيرونا بين طبيبين واخترت السعودي، وبصراحه هو انسان خلوق ومحترم.

والقيمة بـ 8 الاف


شوفوه بعد ماتدخلون للرياض مع طريق الملك فهد، وتمشوووووون قدام قدام وتجيكم لفه على اليمين تروحون معها وتمشون وتمشون ويجيكم على اليمين وتحته صيدليه

[ام جووري]

انا جربت الدكتور الامريكي المسلم عبد الله براوان بالمستشفى المغربي بالمدينه قبل سنتين وكلفتني العمليه 6000والكشفيه 250 والان ارفعوا السعر الف ريال وهذا رقمهم 048423252

[الهاديو]

اقتباس المشاركة الأساسية كتبها فيتـامين مستشفى الاستشاريون << الظاهر اسمه كذا واسم الطبيب .............. المزيني <<< نسيت اسمه وخيرونا بين طبيبين واخترت السعودي، وبصراحه هو انسان خلوق ومحترم. والقيمة بـ 8 الاف شوفوه بعد ماتدخلون للرياض مع طريق الملك فهد، وتمشوووووون قدام قدام وتجيكم لفه على اليمين تروحون معها وتمشون وتمشون ويجيكم على اليمين وتحته صيدليه

يا كثر اللفات الي بتجيني ع طريق الملك فهد

إذا ماعليك امر اسدح رقم المستشفى إذا كان عندك

يالغالي إذا عندك رقم

[الهاديو]

اقتباس المشاركة الأساسية كتبها ام جووري انا جربت الدكتور الامريكي المسلم عبد الله براوان بالمستشفى المغربي بالمدينه قبل سنتين وكلفتني العمليه 6000والكشفيه 250 والان ارفعوا السعر الف ريال وهذا رقمهم 048423252

جزاك الله خير اختي

ممكن تفدينيا العمليه سويتيها على طول ولا كيف

وكم مده العمليه

[حموود]

جعل عيونك تسير عيون صقر قل امين

[loquacious]

اقتباس المشاركة الأساسية كتبها الهاديو اكيد مو لعبه ويا كثر الي قالوها لي حتى صرت بديت اخاف اني اسويها طيب لو ممكن تكلمين اخوك تقولين له العمليه كم تجلس يوم يعني انوم عندهم ولا ساعه واطلع < ترى مايعرف شيء عن العمليه ماتستغرق العمليه ساعه الا ربع ويحطونك بغرفة النقاهه ساعه ويطلعونك وخلصنا .. واتمنى تسئلين اخوك دامه مسويها ودي اعرف كم سعرها وكم جلي وهو يقطر عيونه مسويها مجاناً أمر من الاماره , لكن اذا على حسابك 9500ريال التقطير الى الآن وهو يقطر وهو مسويها قبل 3سنين وهل صحيح اذا جاء غبار تحمر عيونه لا مو صحيح على حسب نجاح العمليه والنظارات السود الي يصرفها له الدكتور لازم سنه كامله يلبسها مايصرفها الدكتور له , أي نظارات شمسيه تلبسها عشان الشمس والنور القوي .. تقريباً ثلاث اسابيع . والله ودي اعرف اكثر ما عليش أبتعبك معي

وأي استفسار اسألني واجاوب , واذا بخصوص الإماره راسلني ع الخاص ..

[ام جووري]

اقتباس المشاركة الأساسية كتبها الهاديو جزاك الله خير اختي ممكن تفدينيا العمليه سويتيها على طول ولا كيف وكم مده العمليه

الكشفيه والعمليه بنفس اليوم كشفت الصباح والعمليه بعد المغرب ومده العمليه عشر دقائق وطلعت على طول يم القصيم

[الهاديو]

اقتباس المشاركة الأساسية كتبها حموود جعل عيونك تسير عيون صقر قل امين

آمين

من بؤك إلى باب السماء

[الهاديو]

اقتباس المشاركة الأساسية كتبها loquacious~~ وأي استفسار اسألني واجاوب , واذا بخصوص الإماره راسلني ع الخاص ..

اختي انا كنت ابرسلك رساله خاصه طلع لي :

عفواً..لا يمكنك إرسال رسالة خاصة قبل 60 مشاركة.

جزاك الله الف خير ع مساعدتي

[الهاديو]

اقتباس المشاركة الأساسية كتبها ام جووري الكشفيه والعمليه بنفس اليوم كشفت الصباح والعمليه بعد المغرب ومده العمليه عشر دقائق وطلعت على طول يم القصيم

جزاك الله الف خير