[بريده احلا]

سلام عليكم
نخش بالموضوع دوقري امس البارحه واقف بالفاخريه عند المطاعم ويجي عسكري وراي والله اني واقف جاء طلبي بمشي وهو مسكر علي برجع دنبت >>اوخس ياقوي يوم طنبت وينزل قالي ليش مشمع انا توحشت قلت شكله نز من البوري وانهبل مابوش تشميع قسم بالله قلت اي تشميع قالي قال تشميع الكفرات بدينا بالأستهبال قلت ايه والمطلوب قالي رخصك وستمارك مامعي رخصه انا معي تصريح ومير يقولي ماشاء الله وشخط على مخالفه ليش الظلم هذا

[الجـــريـــح]

يارجال لاتستغرب شيئ قسايم مرور بريدة على حسب الموقف


يعني اذا مالقى شيئ قال الحزام بس تصدق زينة الحزام انهم مرخصين غرامته يعني


موب مثل الرخصة او الاستمارة..

[dr old]

شوف يالغلا بقولكـ ,,

نفس صفت مطاعم الفاخريه عليه تجمع واغلب الوقت فيه مرور ويبتلي الواحد وهذي حجته ,,

وغير كذا ما انكر ان مرور بريدهـ شديد ولكن انت معاكـ تصريح ,, يعني ليه القسيمه ,,

ياليت توضح لاهنت ,,

واسف على الآطاله ,,

[بريده احلا]

اقتباس المشاركة الأساسية كتبها dr old شوف يالغلا بقولكـ ,, نفس صفت مطاعم الفاخريه عليه تجمع واغلب الوقت فيه مرور ويبتلي الواحد وهذي حجته ,, وغير كذا ما انكر ان مرور بريدهـ شديد ولكن انت معاكـ تصريح ,, يعني ليه القسيمه ,, ياليت توضح لاهنت ,, واسف على الآطاله ,,

هو والله انه يبي يعطين يوم قلت له وش المطلوب بدأ يطلع علث ويجلس يحسب عمري والله اني ودي اتلاسن انا وياه بس قلت ماخذ قسيمه ماخذ اسكت وامش يحسب عمري يقول المفروض تطلع الحين والله ياهو يلهد

[عنيزاويه بحته]

أخوي مملوح علشان كذا ما عمره أخذ عندكم قسيمه مع أنه قبل ببريدة

[بريده احلا]

اقتباس المشاركة الأساسية كتبها عنيزاويه بحته أخوي مملوح علشان كذا ما عمره أخذ عندكم قسيمه مع أنه قبل ببريدة

خخخخخخخخخخخ الله يخس ابليسك والله ان وجهي كله ملح بس اني خال

[dr old]

اقتباس المشاركة الأساسية كتبها عنيزاويه بحته أخوي مملوح علشان كذا ما عمره أخذ عندكم قسيمه مع أنه قبل ببريدة

يالبى قلبكـ ,,

معقوله إلى هالدرجه التفكير

لكن من جد حسبي الله على بعضهم ,,

يعني لازم يخلص الدفتر ,, والله حاله ,,

[ودعت ابتسامتي]

هههههههههه لازم يعطيك مخالفه عشان يخلص دفتر المخالفات الي معه عشان يسلم من العمل ويروح يركب جيبه الربع وتشميع وازعاج واذا مسكه المرور طلع بطاقه العمل انه من الزملاء ويمشي بالراحه

يارجاال خلها على الله

[عطــر الأمــاكن]

اقتباس المشاركة الأساسية كتبها بريده احلا سلام عليكم نخش بالموضوع دوقري امس البارحه واقف بالفاخريه عند المطاعم ويجي عسكري وراي والله اني واقف جاء طلبي بمشي وهو مسكر علي برجع دنبت >>اوخس ياقوي يوم طنبت وينزل قالي ليش مشمع انا توحشت قلت شكله نز من البوري وانهبل مابوش تشميع قسم بالله قلت اي تشميع قالي قال تشميع الكفرات بدينا بالأستهبال قلت ايه والمطلوب قالي رخصك وستمارك مامعي رخصه انا معي تصريح ومير يقولي ماشاء الله وشخط على مخالفه ليش الظلم هذا

وعليكم السلام ..

لا تستغرب يا اخي

فا انت تتكلم مع رجل امن
اتفهم ما اقول ؟

وماعليك الا انت تقول سمعاً وطاعه ولو كنت مظلوم

وسع صدرك وربك يعين تخلف في كل شئ وش نقول بس .

[بريده احلا]

لا بس وشوله يقول تشميع وبعدين يعطين مخالفه غير التشميع وش يحس به العسكري ذا يلهد والله ياهو يلهد

[جساس1000]

الا لعنة الله على الضالمين

[الورد الابيض]

حسبنا الله ونعم الوكيل

سجدتين في آخر الليل مع دعوة مظلوم لاتــُردٌ إن شاء الله ..

[مجنون وطني]

وشوله تدنبي على رجل هكومه ليش ماتصبري بعدين إذا راه تروهي

[*سـكـر خـشـن*]

اقتباس المشاركة الأساسية كتبها مجنون وطني وشوله تدنبي على رجل هكومه ليش ماتصبري بعدين إذا راه تروهي

صآدق