 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
19-10-2009, 12:09 AM
|
#11 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Aug 2009
البلد: سئودي آريبيآ
المشاركات: 453
|
رجعت أقرأ الخبر مره ثانيه شككتني إن الموضوع دعاره مو مدرسه  يآخي شف اخوانك واقاربك تلقى الواحد يوصل المتوسط وهو يلعب مع بنات خالته واقاربه ويروح ويجي معهم أجل أمنع أخوك ابو 7 سنوات ما يلعب ولا يجلس ولا يمشي مع بنات بعمره حتى لو كانوا قريباته .. يآخي والله لو يبون الأختلاط في الثانوي وغيره خلوه من السنه الجايه 1431هـ ولا هم جايبين خبر أحد لكن فرق إنك تنشأ طفل ببداية تعليمه مع مدرس يكره أنه يدخل على الفصل لانه مايتحمل الصغارين بعكس المعلمه وأسال الاطباء النفسيين والاخصائيين الإجتماعيين أيهم انفع لتدريس منهم بهالمرحله بعد ليش ما تطالب الروضه انه يصير المعلم رجل ؟ لأنه بعدين بيتطور الوضع ويصير أختلاط  وأتمنى أن نتفائل خير ونصفي النيه **
نعم قبل أربع أيام كنت أوصف بالعلماني بعدها بيوم صرت ليبرالي بعدها بيوم طلعت جامي والله يستر من الجاي  **
طيب وإذا طلع كلامي خير بس انت فاهم غلط من اللي يصمت ؟ يعني يآ أطير بالعجه معكم ولا أطلع ما قلت خير أنا لي رأي وأحب أشوف رأي غيري حتى لو ماني مقتنع برأيك لاكن أحترمه ولا أعتبره خطأ فربما تكون أنت مصيب وأنا مخطي وربما العكس من الغباء إني أشوف ردي هو الصواب ورد غيري باطل ,, لي رأيي وأستفيد من رأيك حتى لو ماعجبني
هذا وجهة نظري وتفكيري من قبل أشوف الموضوع أصلا وانا مو مقتنع بتدريس الرجال للأطفال في أوائل المرحله الابتدائيه
ياليل السطاله أنا مو راضي عن الأختلاط بالجامعه ولا أرضاه لأختي عشان ماتحس انك حجرت لي لاكن أنا ضد ان الجامعه تغلق ونرمي نجميع ايجابياتها عرض الحائط بحجة الاختلاط ياخي انت ماتبي الاختلاط لاتروح الجامعه مو بالغصب اللي يسمعنا على هالضجه يقول محلوف علينا ندخل الجامعه أصلا حآمضه على بوزنآ دراسات عليا مآهيب تقنيه ولا مهني بعدين انا مدري وش هالتناقض جميع ابنائنا وبناتنا من يذهب للخارج ليكمل تعلميه سواء طب او هندسه او غيره من الاقسام ,, يروح برا ويدرس بجامعات مختلطه ليش ما نمسك عيالنا وبناتنا مايروحون يدرسون بجامعات مختلطه ؟؟ كان ماتلقى عندك لا طبيب ولا مخترع ولا مهندس ولا طيار ...إلخ ليش ماتعتب على أي طبيب او طيار او اي رجل قريب لك اكمل مشواره التعليمي برا المملكه بجامعات مختلطه ؟ وبعض الأعضاء يقول اصلا ما وضعت الجامعه الا للفساد فقط ,, إذا كان هذا تفكيرنا الله يخلف .
لو طبق القرار تدريس مختلط الى الصف الثالث الابتدائي أنا أول من يسجل أختي وعشان ما تحس انها جريمه ناظر خواتك الصغار او بنات خواتك وشف كم عمر اللي يماشيهم من العيال الصغار الاقارب تلقى الولد واصل سادس ويدخل عند الحريم ويلعب مع البنات وحنا عادي الوضع بس بالمدارس نصرخ لالالالالالالا وهي نفس الحكايه بس إننا مانقارن أبد بالواقع ولو قارنا بالواقع نلقى اننا نناقض أنفسنا بكلامنا .
ليش ما يقبل وش فيها الورده ؟ يا أخي هذا طفل لازم تجيبه بالامور الطيبه والهداوه ولا ليش باول ابتدائي يوزعون هدايا وبسكوت كله للترغيب قاتل الله كل ورده خبيثه
من قال ان تعليم الاطفال مختلطين كما في التمهيدي مخالف للشريعه الإسلاميه ؟ سبحان الله !! مثال بسيط إننا نناقض انفسنا تلقى الولد ابو سن 12 ولنفترض انه بسادس ابتدائي يدخل قصور الافراح قسم النساء ويلعب مع البنات ويشوف الرقص وكل شي والوضع جداً عاااااااااااااااادي ليش مانقول لاتخالف الشريعه وتدخل القصر ,, تقزز عورات المسلمين . والتعليم نقول لا لأبو 7 و8 سنوات انه يدرس مع بنت بعمره وتدرسه معلمه. **
وإياك  **
لايدرسون عرابجه قلنا الى الصف الثالث يعني بصآبيص ما قد سمعت ان فيه مشاكل المشاكل اللي فيه هي ناس تبي الاختلاط وناس ما تبيه ومراحل اكبر من الابتدائي **
ياعيني أنا وآحد مجلود فلكه قدام الطلبه السبب تافه جداً وأنا قمة البراءه أسلوب وطريقة الجلد متعبه نفسياً للطالب أكثر ما هي متعبه جسديا يعني لما تنجلد لحالك 10 دقايق بالكثير ويروح الألم لاكن قدام الطلبه وكأنك قدام طابور عسكري تكون الظربه نفسيا وتنشأ مع الطفل ولربما تسبب في انقطاع الطالب عن الدراسه .
من قالك ان تعليم أول تربيه ؟ هل تسمي الظرب والجلد تربيه الواحد مايتخرج من الابتدائي إلا إذن أطول من الأذن الثانيه من كثر ما سحبها المعلم أقسم بالله مرينا بأساليب تعذيب ولا كأننا بسجن تمعيط إذان ,, سحب الشعر من عند الاذن ,, طق ظهر اليد بالطاوله ,, الجلد بعصى خشبيه على الاصابع من الخلف ,, الوقوف ساعه كامله مع رفع كرسي أو طاوله الجلد العادي والجلد الفلكه (مع الرجلين) واللي يزيد الطين بله يجي ولي الأمر للمدرسه ويقول الجلد العلوي لك يامدرس فلان  عاد المدرس يفرح يقول أبشر يابو فلان ولا كأننا أوادم ,, هذي كلها كانت تمارس بالابتدائي وانت تسميه صلاحية كامله في تربيه الطفل .
وهذا اللي حنا نبيه ,, ليش رفع الصوت ليش مايكون تعليمنا قد المسئوليه
 لا حرام ينقلون المدرسين ,, ويكتفى بدفن الطفل بساحه المدرسه إن حصلت عشان يتأدبون الطلبه الله يخلف ان كان هذا تفكيرنا لعيالنا
وش موقع هالمثال من الإعراب
رفقاً بالفطافيط
__________________
لا تجادل الأحمق ,, فقد يخطئ الناس في التفريق بينكما
آخر من قام بالتعديل أبو نشقه; بتاريخ 19-10-2009 الساعة 12:13 AM. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| الإشارات المرجعية |
|
|
النمط الأحادي