[مآحد شرآتي ..~]

السلام عليكم ..


مساء الخير ،،

الله يجزآكم خير ابغى احد يدلني على مستشفى او مستوصف ببريدة ..

يكون فيه دكتوره متمكنه .. لاني اعاني من تساقط الشعر ..


ورحت لكذا دكتوره برا بريدة بس ما احد فادني ..



وابغى كمآن دكتوره جلدية يكون شغلهآ حلووو ومو رآعيه موآعيد ع الفاضي


اتمنى تساعدوني .. لكن عن تجربه .


وشكرآ ..

[نور عيوني]

اذا خاص لازم تتحملي المواعيد علشان يأخذون فلوس

واذا تبي دكتور عندك عبد الله مسعود بالتخصصي بس مواعيده بالاشهر

اما خاص عندك الفيحاء فيه دكتوره على ماعتقد اسمها احلام يمدحونها

[جـلـوكـوز]

اقتباس لازم تتحملي

نور عيني تراه ذكر >> معليش على اللقافة

وان شاء الله يالاخو يساعدونك اللي فيهم الخير والبركة

[الــ ع ــود الأزرق]

فيه بالصيدليه حبوب كبد الحوت مررره زينات لتساقط الشعر..واسال الصيدلي ياكد لك كلامي ولا عليك ضررباذن الله منهن..

[مآحد شرآتي ..~]

لآ انآ ابغى حرمه ..بس ابغى ثقه ..

عآدي خاص والا حكومي ..


مشكوووووووووووورين كلكم ..

اقتباس نور عيني تراه ذكر >> معليش على اللقافة

معليش اخوي توني انتبه اني حآطه الجنس ذكر ..


مشكور ع المرور ..


انتظر البقيه

[نور عيوني]

اقتباس المشاركة الأساسية كتبها س د ر 999 نور عيني تراه ذكر >> معليش على اللقافة وان شاء الله يالاخو يساعدونك اللي فيهم الخير والبركة

الحين انت قول اسمي صح

بعدين طلعت بنت احسااسي مايخيب

لا بس انا قلت انها بنت لانه تقول ابي دكتوره
بعدين لاتدقق

المهم انه ظهر الحق

اممممم اقولك ياختي

عندك اللي في مستشفى الحبيب او الاخصائيه اللي بالفيحاء

[**((الحنونه))**]

اقتباس المشاركة الأساسية كتبها الــ ع ــود الأزرق فيه بالصيدليه حبوب كبد الحوت مررره زينات لتساقط الشعر..واسال الصيدلي ياكد لك كلامي ولا عليك ضررباذن الله منهن..

لوسمحتي انتي مجربه حبوب كبد الحوت
والله العظيم اني خايفه يصير بي صلع
الله يخليك ردي انا بنتضارك
واذا عندكم زود معلومات ثانيه يالاعضاء ساعدونا

[حايمتن تسبدي]

الله يعينك اذا تعاني من امراض جلديه
علاجها صعب ويطول.. ممم من خلال تجاربي كل الدكاتره واحد..نفس العلاجات نفس كل شئ
لاتتعبين نفسك وتغثين عمرك... الا دكتوره بالفيحا اكبر طبله بالعالم انتبهي تروحين له

واي دكتور جلديه بيعالج تساقط شعرك ..طبعا حطي ببالك الاهتمام بالغذا كويس والفيتامينات وووالخ
لان نقصها سبب اساسي للتساقط
مو يعطيك شامبو وبخاخ وبس..لازم تهتمين بنفسك شوي
وسمعت عن ابر الميزوثرابي يقولون كويسه وانا ماادري

اقتباس تقوية بصيلات الشعر وخاصة النساء يمكن الاستفادة من الميزوثربي في حقن فروة الرأس وعلى مراحل متعددة نحصل على كثافة الشعر وتقليل نسبة التساقط أيضا.

والله يعيييننا وياك

[مآحد شرآتي ..~]

جزآك الله خيييييييييير اختي ..


طيب دكتوره الفيحآ كويسه والا لا ..؟

[حايمتن تسبدي]

لاااااا اقولك الا هي
مره دلخه بجد

[نور عيوني]

شكله طاح كل شعرتس بعد ماكتبتي الموضوع

[مآحد شرآتي ..~]

طيب فيه بمركز الصفوه دكتوره شاطره ..؟


ياليت تساعدوني لأني من خارج بريدة ..وصعبه اجي لبريدة الا لمآ اتآكد ان الدكتوره كويسه

[غلا الروح]

انا ابي دكتوره لتسااقط لشعر

بس تكون مجربه ومضمونه

[loquacious]

يمدحوووووووون عبد الله المسعود بقوه كويس لاكن مدة العلاج تطوووول كثييييير بس معليش لأنه مضمون ..

التغذيه التغذيه لها أثر عالشعر والبشره كمان موية الجرجير للشعر حلوه ..

ولا ننسى الدعاء .. والله يشفيكم

بس ملاحظه التساقط كثير صاير هالايام خاصه بالشباب مدري شنو السبب ؟؟ وأكثر شي ملاحظته بالقصيم يمكن يكون السبب مويتكم ؟؟