[جوال_عزو]

لقد أثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه .

فحوى الرساله :
إن اللي تبي الدلع تاخذ لبناني
واللي تبي الكلام الحلو تاخذ سوري
واللي تبي.....
واللي تبي.....
واللي تبي الأجر تاخذ سعودي . ( عاد الأخيره هي الشاهد) .


معلومه أفتتح فيها رسالتي :

أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.

إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....

أختي الفاضله:
إجلسي مع نفسك صباح يوم من الأيام بعد أن يغادر زوجك السعودي إلى العمل.

راجعي يوم الأمس الذي مضى لحظة بلحظة، وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟

بعد أن استيقظ، ودخل الحمام للدش؛ هل وجد حمامه جاهز؟

لما خرج والأمل يحذوه في وجبة إفطار؛ هل كنتي جهزتي له إفطاره؟
(ولا كوب قهوه وكيكه على المكتب)

قبل أن يخرج للعمل؛ من أين أخذ ملابسه؟ (من بين يديك ولا من الدولاب)

هل ساعدتيه في لبسه؟ (وكشختيه وعطرتيه)

بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا رمتيها بطرف السرير)
يبي يدخل الحمام وياخذ دش؛ (كرري السؤال حق دش الصباح).
بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟
(الثمره أكيد الدلع والكلام الحلو و... و....) اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني،
واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا...ولا...
يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.


منقول من الواقع

و ان برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا

ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط .

وللأمانه ( أعجبني الموضوع ونقلته لكم )

[شميساوي]

^^^^^^^

والله أنك أزين واحد بالعالم ....

وموضوعك يعطي للرجال فرصه لياخذون حقهم الضايع ...

تشكراااااات أخوي ...

...

..

.

[قاهر المواقع]

والله كلام واقعي جدااا
والرجال نفس الفكرة دائم يقولون كذا
اذا ارت الدلع من الكلام خذ لبنانيه
لا والله يابنت ديرتي افضل من التي مادري من هي
وليس دفاع عن الزوجات لكن هذا مجتمعنا
كل شخص يحب نفسه وشاهدو

[رابعة]

اشوف يااعمري ماينام الليل السعودي من هم ان زوجته تعباانة,,!!

للمعلووومية الحاال من بعضه لا سعودي ولا سعوودية..

وانا اواافق وبقوة الي تبي الاجر تاخذ سعوودي والوااقع خيير دليل,,,

[لندا]

أأخــــوي ..

كل شي وسط حلووو .. يعني موب اهماااال ولا اذلال يا ابن الحلال .. فهمت قصدي ..

يعني اغلب الي قلت تعجيييييز .. انت تبيه خادمه , وزوجه ,وممرضه .. وو .. الخ ..

وراه وهو طيب وش يسوي ..؟؟ رايح لـ وظيفته هذا واجب .. لكن االي قلتهن للمرأه انت ذولي ( زود حشيمه يعني ) ..

قصدي باختصار .. :: ( لا تدورون ع المبالغات .. مثل بعض النقاط المذكوره بهالموضوع ) ::

وبعدين فكرة تدليك الرجلين .. وش قالو لك هي .. ؟؟ .يعني لو تعبت زوجته من شغل االبيت يبي يجي يدلك ..؟؟ اييييييييه هين ..


خلكم في حدود المعقول .. انت ماخليت شي تبيه الا وتبي المرأه تسويه ..


أأعتذر ع الاطاله .. وشكرا ..

[.:القيصر:.]

اقل بس ترا الموضوع مكرر!

[شـــمـــس]

اخاااف احشم هالسعودي ويطلع باتسر مثل ابو عقاااب ........ مافاد به حشيمه شريفه خخخخخخ

حشيمت المرة للرجل مضمووونة بشرط انة هو اللي يحشمة بالبدااية صدقني اذا عاملة زين ودللة راح تباادلة اكثررر

خلنا كذا احسن عشان مانتحسف انتم يالرجال ماينتوهق فيكم.........

تقبل مشاركتي ومروري

[روسانا]

تشكراااااات أخوي ...

[قُنصـل ~]

جوال-عزو..شكرا لك أخي الكريم على نقلك إلينا الموضوع خصوصا في هذا المنتدى ..قد قرأته من قبل في منتدى أخروتناقشت أنا وأسرتي فيه...
اسمحلي أخي أن اسطر حروفي........

أنا كفتاة سعوديه أرسلت لي صديقتي هذه الرساله وهي أمرأه سعودية بخصوص زوج(رجل)سعودي...بداية قد ابتسم على جمال ( النكتة) ..وهذا الجمال جاء من وحي الواقع....لماذا بعض الأعضاء غضبوا سواء من منتدانا أم غيرة من المنتديات بعد قرائته لمحتوى الرسالة أوبعد قرائته للموضوع...أرى رسائل عن الزوجة السعوديه لاتعد ولاتحصى وهي في موضع استهزاء وتضحكون وتسخرون بل وتقولون( إيه والله صادق ) وتريدوننا (ننطم) ونقول سمعا وطاعة اضحكوا علينا و( شرشحونا ) ونحن لانتكلم ولا نفتح فمنا بكلمة وافعلوا ماشئتم بنا .....لا.....كذلك نحن لنا حريتنا بالقول والضحك وإرسال مانريد.......



هل تعلمون لماذا استخدمت معكم تلك الطريقة الهجومية؟؟؟؟؟؟؟؟؟؟؟؟؟....مع أنني لست من تلك الفئة!!!!!!!


لأنكم أنتم من أجبرتموني على أخذها.......لم تقوموا بإرسال رسائل عن العطاء تحتوي مايجب أن يضحي الزوج لإرضاء زوجتة وكذلك العكس...أو إرسال مدح للسعودية عن طريق طرفة واخذتموها مأخذ الجد....بل أخذتم المسخرة والتقليل من شأن المرأه مأخذ الجد...
وبالنسبة للموضوع لا أعتقد أن ما قالة صعبا أو مستحيلا ..كل من حولي من الزوجات بملاحظتي وليس من أقوالهن يقومن بأكثر مما قالة صاحب الموضوع ولكن ماذا وجدن من الأزواج غير الجفاء والغلظة في المعاملة بل والخطأ في حقهن.....

ماذا نصنع لكي ترضون عنا وتقدمون لنا مانرضاه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

ولكن إن استمرت بأن تكون الحكاية مسخرة واستهزاء بشكل جدي....لا ......لن ندعكم (سنضحك كما تضحكون) أيضا بشكل جدي............... ولاتنسون أنكم أنتم من أرغمتمونا...................




عذرا على ركاكة الأسلوب فغيرتي طغت على أسلوبي...........


تحياااااااااااااااااااااااااااااااااااااتي........ ..........

[أبـوجـمـانـة]

اقتباس المشاركة الأساسية كتبها شميساوي ^^^^^^^ والله أنك أزين واحد بالعالم .... وموضوعك يعطي للرجال فرصه لياخذون حقهم الضايع ... تشكراااااات أخوي ... ... .. .

أي حق وأي ضايع عسى ماشر الرجال حقه ضايع زيييييين والله ....هههههههه

((أنا مع التي تقول:اللي تبغى الأجر تتزوج سعودي))صادقه والله لكن..!!!

[الولاعة]

[لي قلب مايعرف يخون]

اقتباس المشاركة الأساسية كتبها شـــمـــس اخاااف احشم هالسعودي ويطلع باتسر مثل ابو عقاااب ........ مافاد به حشيمه شريفه خخخخخخ حشيمت المرة للرجل مضمووونة بشرط انة هو اللي يحشمة بالبدااية صدقني اذا عاملة زين ودللة راح تباادلة اكثررر خلنا كذا احسن عشان مانتحسف انتم يالرجال ماينتوهق فيكم......... تقبل مشاركتي ومروري

[بريداوية كول]

اللـي تبي آلآجـــــــــــــــــــــــــــــــــــــــر تآخذ سعــــــــــــــــوودي ...............
اوافق على هذا الرأي ...

[•°انكسار الأماني°•]

ترى الحب والحشيمة والتقدير والإحترام أمور لاتؤدي إلى التصرف بتصرفات غبية تسيء لي .
يعني أقوم من النوم قبل زوجي علشان أصحيه معصي ولايفكر به مادمت حية أرزق .
مهب وقته فيه إختراع أسمه ساعة إذاً هالفلسفات مالها داعي < حكم رجال فاضيين .
أيضاً الملابس يفتح دولابه ويطلعهن وش بيجيه يعني ؟ بينشل وإلا بيموت خلال ذلك ؟
أوكي الفطور مافيه مشكلة لاجهزته لكن ماسبقه بصراحة خرابيط وتحكم وإستعباد .
حبي لزوجي مايعني أني ألغي ذاتي , وأصير تقل خبلة وراه ولد آل سعود .
أمي حلوة اللبن ماطلعت له ملابسه ولبسته ولاصحيته للصلاة علشان أصحي ولد الناس .
أتركوا عنكم بس لو حصل ماحصل عطاني الخامس ونسي كل شيء ,
لذا الوحدة أو الواحد يصير رسمي في تعاملاته مع الآخرين .
مش لاصار زوج وإلا زوجه تهايطون زيادة عن اللزوم .
لا أمسكوا عظامة رووسكم ترى ماأحد يسوا والتفاني مش من صالحكم أبد .

,