[ولدالخليج]

مبارك احلا بالف مره

[ياردلي]

صحيح الحسون بضاعته حلوه والله ........لكن انا من زمان عنه

[الشيرازي]

الهرم جاكم

[ابوعكايص]

قلي بكم يبيع الكحفية حقت الوغدان علمن وانا اقولك هو رفع الاسعار والا لا

وبعدين يانظر عيني هي جت على الحسون ترى كلن ينهب من حافه

[قناص الليل]

من حقه يرفع الاسعار الي يبغى يشتري يشتري والى ما يبغى يروح الى السوق الداخلي

[الــ ع ــود الأزرق]

فعلا انا شفت اسعاره جدا مبالغ فيها..

والله دخلت قبل فتره وطلعت مادفعت ولا ريال زاحم البضاعه يعني ماتنقين على رواق,,ورافع الاسعار قلت بلاش من وجع الراس وطلعت..

[solyman]

معروف بضايع الشتاء غاليه ..

[**((الحنونه))**]

اقتباس المشاركة الأساسية كتبها solyman معروف بضايع الشتاء غاليه ..

فعلاً البضاعه الشتويه غاليه وإذا جاء الصيف تتقولن الحسون مخفض وهذولي اسعارهن

[موكا بارد]

صاااادق اسعاره مره غاليه اروح للماركات احسن واجود بضاعه منهم دامه واصل لغلاء الماركات اروح للماركات

[حلوة القصيم]

من يقول ان بضاعته حلوه
والله مادله الزين
وغالي على غير سنع

المبارك احلى منه وارخص
يارب مايسكر
الملابس من النوعيه الجيده

فرق عن الحسون من اول غسله
ترميه

والله صادقه ما ابالغ
وربي شاهد على كلامي
عن تجربه...
والله يزيدهم ويبارك لهم
بس الحق ينقال

[الدب الصيني]

الله لايهينك .. ترا فيه اسواق غيره .. يوم الاثنين سوق الضلفعه يمدحونه رح شف اغديه رخيص.

[حَنْظَلَة]

فعلاً الحسون بعد وفاة الأب المؤسس رحمه الله تم التلاعب بالأسعار

أذكر مرة أشتريت قطعة ملابس لإبنتي وكان سعرها " 39 " ريال في آخر الصيف تقريباً
وفي الصيف من السنة التي بعدها وجدت نفس القطعة وعليها عرض
السعر قبل الخصم " 110 " ريال وبعد الخصم " 89 " فأخبرتني زوجتي بذلك وفعلاً تأكدت من القطعة في البيت
الغريب في الأمر أنني عندما دققت النظر على التسعيرة وجدتها قد تم إلصاقها على التسعيرة القديمة
حركة غبية كيف تفوت عليهم ، لا أعلم

عموماً وفقنا الله والتجار للربح الحلال

[محـــــ بريده ــب]

اقتباس المشاركة الأساسية كتبها حَنْظَلَة فعلاً الحسون بعد وفاة الأب المؤسس رحمه الله تم التلاعب بالأسعار أذكر مرة أشتريت قطعة ملابس لإبنتي وكان سعرها " 39 " ريال في آخر الصيف تقريباً وفي الصيف من السنة التي بعدها وجدت نفس القطعة وعليها عرض السعر قبل الخصم " 110 " ريال وبعد الخصم " 89 " فأخبرتني زوجتي بذلك وفعلاً تأكدت من القطعة في البيت الغريب في الأمر أنني عندما دققت النظر على التسعيرة وجدتها قد تم إلصاقها على التسعيرة القديمة حركة غبية كيف تفوت عليهم ، لا أعلم عموماً وفقنا الله والتجار للربح الحلال

أي اب مؤسس وأي ووفاة ...
الغريب كنك تتكلم وانت ..........؟؟؟

لاتكون قريب للحسون واحنا ماندري .. الحسون والدهم عايش والله يطول في عمره
لكن مع الاسف فيه ناس تكتب للذم والسب والشتم ... المشكله من كلامك انك ابوعائله
يعني مربي .,,,,,,؟؟؟؟؟؟؟؟؟

تحياتي للروائي الخطير ((( حنظله )))

[محمد العبدالله]

ليس بغريب هذا الموضوع على أبناء جلدتنا ..ولكن الغريب هو من يأتي ومسوي فاهم وهو يدربيه

اقتباس المشاركة الأساسية كتبها حَنْظَلَة فعلاً الحسون بعد وفاة الأب المؤسس رحمه الله تم التلاعب بالأسعار أذكر مرة أشتريت قطعة ملابس لإبنتي وكان سعرها " 39 " ريال في آخر الصيف تقريباً وفي الصيف من السنة التي بعدها وجدت نفس القطعة وعليها عرض السعر قبل الخصم " 110 " ريال وبعد الخصم " 89 " فأخبرتني زوجتي بذلك وفعلاً تأكدت من القطعة في البيت الغريب في الأمر أنني عندما دققت النظر على التسعيرة وجدتها قد تم إلصاقها على التسعيرة القديمة حركة غبية كيف تفوت عليهم ، لا أعلم عموماً وفقنا الله والتجار للربح الحلال

.
أجل الأب المؤسس..لاتصير أنت اللي ماسك الحسون سنتر الحين
تدري من زمان ماضحكت..
تكفى لاعمرك تسوي فيها فاهم ..ترى تصير مضحكة والله
يا حنظلة زمانك لقد أضحكتني حتى تدربيت من سريري وأدمعت عيني حتى بت لا أرى من الشاشة غير الخيوط
أطال الله بعمر والد الحسـون ..حتى تفهم .!

اقتباس اقتباس المشاركة الأساسية كتبها هشاآآم يمكن علشان الحوثيين ؟؟ تعرف الحسون اللي ماسكة يمنية لا حسيب ولا رقيب اقتباس المشاركة الأساسية كتبها الفـــــــــــــرح هههههههههه !!! والله ياأنت قاضي

ملاحظ أنت
ترى الحين وينه عند روحه من قوة الذهانة
بفهم بس وش دخل اليمين بالموضوع.؟
ياشين اللي يسوي فاهم

ردود مدرعمة لاتقل عن الدرعمة العلوية

اقتباس المشاركة الأساسية كتبها واثـــ الخطى ـــقة ابو يمن بدأ يتلاعب عيني عينك ........ لو كل الناس تقاطعهم كان يتأدبون ... وملابسهم غسلتين وارميهم ... مو أصلية .. الله يعيننا ع ارتفااع الأسعااار

اقتباس المشاركة الأساسية كتبها هامتارو يجب ان تبداء مقاطعة كل من يتكبر على اهله وربعه مثل الحسون سامي سنتر ويجب مساعدة كل من ساهم في تطوير والرخص لاهله وربعه مثل مبارك

يتكبر...قلت يتكبر
بس ماقلت يالأخو وش دخل سامي .؟!

اقتباس المشاركة الأساسية كتبها نادي النصر اولا انا وديت الاهل للحسون يوم الخميس صحيح فيه غلا ببعض الملابس تصل الى 400 ريال ولكن الي لفت انتباهي هو ان هذه الملابس هي اسبانيه يعني ماركة من اسبانيا وتكون متكامله من البلوزه الى البالطو والتنورة والهيلاهب يعني مايبقى الا الجزم والغلا اللي شفته بس بالملابس الاسبانية..وهي الصراحة وبشهادة الاهل انها حلللوة مررة.. وشفت الملابس السورية اسعارها معقوله من 40 الى 80 ريال

هذا هو السبب بشكل سهل..مايحتاج لا الحوثيين ولا سامي ولامخ كبير
الحكاية أني سمعت أن الحسون سنتر جايب بضاعة أسبانية للأطفال فقط..وهذي أول مرة تحصل
يعني تبونه يبيعه بريالين..
وألا مثل ماقال ابوعكايص يوزعه عليكم ببلاش
وممكن تلاقون قطعتين مثل الشكل بس وحدة ب400 و وحدة بريالي والفرق أن الأولى أسبانية والأخرى تقلـد للماركة الأصلية ..يعني هو خابزكم خبز..ويدري أنكم سلقاطي للتقليد.




ياحبي لكم يابنو قصمااان
أبو عبدالله.