[sssــlــيـoـآآآنــ]

السلام عليكم ورحمة الله وبركاته
أولا : أرحب بجميع أعضاء منتدى بريــــدة ستي
ثانيا : عندي ملاحظة على شبابنا عندما تطلب منهم الدورية أثناء مخالفة النظام بالتوقف ..
بصراحه أنا أنقهر وتفور تسبدي إذا شفت واحد موقفته الدوريه وهو اللي نازل ورجل المرور بالسياره طيب ليش؟
النظام يقولك إذا وقفك رجل المرور هو اللي ينزلك لأن هذا عمله وواجب عليه ينزلك لكن تدرون وش خرب الدوريات عندنا إن الواحد إذا وقفته الدوريه على طول نقز ونزل لراعي الدوريه ياخوي لا تنزل خله هو اللي يجيك وهو مايشوف الدرب .. بصراحه الشباب وغيرهم خربوهم وعودوهم إنهم ما ينزلون .. واللي يقهرك إذا مانزلت وخليته هو يجي تلقاه معصب ونفسه براس خشمه وبعض رجال المرور وسيع وجه ويقولك ليش ما تنزل يوم وقفتك ؟ ( شين وقوي عين )
أخيرا أطلب من الجميع عند المخالفه إنه ما ينقز وينزل لأن المخالفه جايتك جايتك الله لا يعوق بشر فلذلك خله ينزل ولا تفتح له الدريشه على طول خلك إقالك منشغل بشي على الأقل حلل المخالفه
آآآسف على الإطالة وتقبلوا تحياتي

[د/الفـهـد]

..


.

والله موب ناكبنا غيرك ياخلفهم..


جالس تهياط بذا ياحبيلك وإذا وقفك مرور او دوريات نزلت ودقيت التحيه له بعد..

مير مره بالرياض وقفن سريه على الدائري ونزلت له بسرعه قلت أخوي تعبان بالمستشفى وبروح له ضروري قال الله يستر عليك لاتسرع قلت سم

عاد انا ماصدقت خبر فعت الموتر ورحت ههههههههههههههههه



..

[~RAHAL 8347~]

احسن تنزل لمه لاتخليه ينزل عشان اذا نزل يشوف مخالفه ثانيه مثل هو موقفك عشان التظليله يشوف زنن مخالفتين ابلش خله وحده احسن واذا نزلت لمه قعده تصرفه يحسبك حبيب ويمشيك واذا نزل هو عشانك نزلته يعطيك 10 مخالفات من القهر


تقبل مروري

[HeeMo]

يآرجآل يبي ينزلك غصب لأنه من المرور

[sssــlــيـoـآآآنــ]

أولا :مشكور على الشطفه الخطافيه لموضوعي
بعدين تعال يا حبيلك أنت مو مشكله أنزل وأدق له عشر تحيات إن بغى لكن وش يضمن لي إنه بعد التحيه ما يعطين مخالفه
طيب لو دقيت له تحيه وعطان مخالفه قسم تجلس شهر من القهر تحسف على التحيه اللي طارت بالهوى

[~RAHAL 8347~]

اقتباس المشاركة الأساسية كتبها د/الفـهـد .. . والله موب ناكبنا غيرك ياخلفهم.. جالس تهياط بذا ياحبيلك وإذا وقفك مرور او دوريات نزلت ودقيت التحيه له بعد.. مير مره بالرياض وقفن سريه على الدائري ونزلت له بسرعه قلت أخوي تعبان بالمستشفى وبروح له ضروري قال الله يستر عليك لاتسرع قلت سم عاد انا ماصدقت خبر فعت الموتر ورحت ههههههههههههههههه ..

على طول صرفه انا مره وقفن معاكس نزلت له قلت قال وراك معاكسقلت امي معي حاله ولاده
قال امش بسررعه تبي امشي قدامك افتحلك الطريق >>ابلش
قلت لا عادي انا امشي بالحالي ادل المستشفى

[*عزيزة نفس*]

بس المشكله إذا كل واحد جلس ينتظر الثاني ينزل

بهذي الحاله بتجلسون إلى الصبح

[** فارس بلا خيل **]

عموماً ..من وجهة نظري أنك أنت بعد ما تصير شين وقوي عين؛تخالف وتقعد بالسيارة..لاااا ..وتنشغل بشيء بعد!!..
الأفضل أنك تنزل وتستقبله ببشاشة واحترام لكي تكسبه مثل ما فعل د/الفهد..وحتى لو كان النظام يطالبه أنه هو الذي ينزل..
لأن هذه عسكرية يعني أنواع الإهانات..بس أنت تخفف مصابه وتحترمه..
في الأخير..
اشكرك على طرح هذا الموضوع لنناقشه جميعاً,وأيضاً أتقبل وجهة نظرك تجاهه..
تقبل تحياتي..

[sssــlــيـoـآآآنــ]

د/ الفهد
رحال
هيمو
أشكركم على الشطفه السريعه لموضوعي
طيب لو نزلت وعطاك مخالفه تصير منقهر مرتين على المخالفه وعلى النزله للدوريه

[د/الفـهـد]

.

.

اقتباس أولا :مشكور على الشطفه الخطافيه لموضوعي بعدين تعال يا حبيلك أنت مو مشكله أنزل وأدق له عشر تحيات إن بغى لكن وش يضمن لي إنه بعد التحيه ما يعطين مخالفه طيب لو دقيت له تحيه وعطان مخالفه قسم تجلس شهر من القهر تحسف على التحيه اللي طارت بالهوى

العفووو ياخلفهم..


أنت انزل ودق تحيه وهو يبي يعطيك مخالفه وبعدين اجلس تلفت بالشارع هههههههههههه






..

[د/الفـهـد]

.

.

اقتباس على طول صرفه انا مره وقفن معاكس نزلت له قلت قال وراك معاكسقلت امي معي حاله ولاده

اقتباس قال امش بسررعه تبي امشي قدامك افتحلك الطريق >>ابلش قلت لا عادي انا امشي بالحالي ادل المستشفى

ههههههههههههههههه

أجل ولادة ياهدر بالليل ومعاكس ولابعد واقفن لدورية هههههههه

أنا لو معي عصفور وبه جرح وبوديه لدكتور بيطري ماراح اوقف لأي دورية

لآني عند حاله طارئه هههههههههههههه

..

[sssــlــيـoـآآآنــ]

أشكر الجميع على المرور وكل واحد طبعا له وجهة نظر وأنا أحترم وجهات النظر المختلفه سواء معي أو ضدي

[د/الفـهـد]

.


.

اقتباس طيب لو نزلت وعطاك مخالفه تصير منقهر مرتين على المخالفه وعلى النزله للدوريه

لابالعكس مستانس وروح لم كوفي واشري لي موكا حار لآن الجو بارد


وبعدين اروح للبيت واجلس تحت الغساله


/واصيح او تدري وش لون أبكي أحلى/


..

[sssــlــيـoـآآآنــ]

رحال أبسألك لو راح وشاف السياره ولا الدعوى لا ولاده ولا شي والله ياهو يبي يسحبك معه للقسم .. تدري وش يبي يقول عاد : يبي يقول هذا مخالف ويحتال على رجل المرور عشان يمشي