[ღ ليالي نجــد ღ]

,’,



السلام عليكم ورحمه الله وبركاته


عظم الله اجر كل فقيد بسبب الفيضان وربي يعوضكم على ما فقدتم من ارواح وممتلكات يارب لك الحمد على ما عطيت ولك الحمد على ما اخذت وانت قادر على كل شي
الحمد لله على قضائك وقدرك
الحمد لله على ما اصبنا


طبعن راح اقولكم وش صاير في المنتديات من سب وشتم وربي شي يحزن اكثر من ما صار الي في جده
لان ما فيه مجلس ولا فيه منتدى الا وما خلو شي بصراحه عيب الي يصير انا ما ادري هل هو جهل؟اوهل هو غبى؟

ليه مافسروها تفسير حسن ..!؟

بآن هذا ابتلاء من رب العالمين ..

وآن الله اذا احب قومـ ابتلاهمـ ..


وآحنا عارفين ان اللي مات بالغرق .. آو الحرق .. آو الهدمـ شهيد باذن الله ..



المصائب قد تقع بسبب رفع الدرجات, وإعظام الأجر للشخص كما يقع للأنبياء وكثير من الأخيار, مثل ما أصاب أيوب وغيره- عليه الصلاة والسلام-, ومثل ما أصاب نبينا في يوم أحد وغيره,


نفسي اعرف لمن تجون تتكلمون عن فيضان جده غضب او فضيحه او عذاب او عقاب من انتم عشان تحكمون! والله ياياناس ترا الواحد يتكلم من غير ما يفكر او من غير ما يعي وش يقول بصراحه احس اغلب الناس يتشمتون لان كل كلامهم ان جده فيها فساد
وجده اساس الخراب وجده وجده وجده طبعن ماراح اكتب نفس العبارت الي انكتبت لان انتم ادرى وش انكتب وش انقال والله عيب عيب هذا الكلام طيب الغبار الي جاء لمنطقه نجد من فتره و الزلزال الي في العيص ومرض انفلونزا الخنازير وحرب الجنوب ليش ما يقال غضب من الله~ ابي شخص بس يقولي هل هي ما شاء الله كامله اومجتمعها كامل عشان تتفلسفون احب اقولكم في اي مدينه بلعالم فيها الخير والشر وطبعن الشر يعم والخير يخص لكن ليش ينقال انو الفيضان عذاب وانو عقاب ليش ما يكون امطار خير بتقلون كيف خير وناس ماتت ناس تدمرت بيوتها وسيارتها؟
خيرانو المسئولين ينظرون بوضع جده لان الي صاير بجده بصراحه ويحزني شي لا يوصف تعالوا للاحياء الراقيه بجده بصراحه تنصدمون طبعن مافيه مطبات مافيه حفريات وكمان نظيفه واشجراها تفتحت النفس وفيها صرف صحي طبعن انا ما اقول انولازم يحطون لجميع الاحياء اشجار لالالالا كثر خيرهم بس جده تحتاج صرف صحي لان الي سبب الكارثه انو ما فيها صرف صحي وين تروح المويه اكيد انها سببت ها الفيضان

لاكن ما اقول غير حسبي الله وانت نعم الوكيل لان وين راحت الاموال الي تنرصد للبلديه عشان الصرف الصحي؟؟؟؟ بس كل واحده همه تكتب اي شي وخلاص خافو ربكم لان راح تنسئلون عنها يوم الاخره لان والله حرام عليكم فيه ناس تدمرت بيوتها وناس سيارتهم وناس محلاتهم وهي مصدر رزقهم وناس افقدت ارواح


اتمنى مثل ما يسون تبرعات للدول الي يجها كوارث يسوون تبرع للمتضررين مع انو الحمد الله حنا دوله غنيه على الاقل لو نعوظهم لو بجزء بسيط لان تكفي فجعتهم الي ماراح ينسونها مدا العمر




اللهم انا نعوذ بك من فجأة نقمتك وتحول عافيتك وزوال نعمتك
اللهم بااعد عنا الفتن مااظهر منهاا وماابطن
وارحم الاموااات ونجي منهاا الصاالحين ياارب
اللهم طهر الارض من المعااصي واهد شبااب المسلمين
وأحسن ختمتناا وامد بعمرنا على طاااااااعتك



’,

[ماشي وين؟؟]

شكرا لك ليالي نجد كلن له وجهة نظر وراي --

تحياتي

[.:القيصر:.]

لا بل اتوقع من أسباب الجامعهُ الجديدهٌ والله يمهل ولآ يهمل سبحآآنهُ

...!وجةُ نضر.

[مدحت شوقي بريده]

زلازل ..
حروب ..
براكين ..
غلاء أسعار ..
فياضانات ..
غرق ..
هدم ..
خوف ..
انحلال ..


يازمن وش بقى ماظهر ..




سي يو ..

[private.ID]

~


[ ظهر الفساد في البر والبحر بما كسبت أيدي الناس‏ ] وَ [ وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا ] وَ [ وما كنا معذبين حتى نبعث رسولا ] وَ [ وماكان ربك ليهلك القرى بظلمٍ وأهلها مصلحون ]


عن أبي موسى الأشعري ، رضي الله عنه ، قال : قال رسول الله ، صلى الله عليه وسلم : " إن الله ليملي للظالم ، حتى إذا أخذه لم يفلته " ، ثم قرأ رسول الله ، صلى الله عليه وسلم : ( وكذلك أخذ ربك إذا أخذ القرى وهي ظالمة إن أخذه أليم شديد ) .

قيل لرسول الله صلى الله عليه وسلم : [ أنهلك وفينا الصالحون ] قال : [ نعم إذا كثر الخبث ]

ولا بد للإنسان أن يستشعر ذلك أنه من غضب الله وسبب ذنوب العباد والفساد القائم في البلاد ، وإلا فإن كان كذلك فإننا بجهل سنحتسب أن عقاب الله للأمم السابقة ابتلاء وامتحان ليس عقابا والعياذ بالله .

تبا لبني البشر إذا هوّن ذنوبه على حساب مرضاة ربه


~