[ما عُدتُ أنا]

تم حذف المقدمة لأسباب أمنية



السالفة ومافيها إن أختي كان عندها سواق مب عربي..

ومب مسلم..


لكنه خادم كل عايلتنا بدون تذمر..

وبدون ما يطلب زيادة راتب<< عاد حنا نعطيه.. مهما كان مو ملزوم..



محترم جداً..

وتعامله رائع مع الأطفال..




في المقابل..

سواق قريبهم عربي ومسلم..

بس عصبي وأخلاقه قافله مع الأطفال وغيرهم..



عاد الأطفال يقولون لابوهم :


جب لنا سواق مب مسلم مثل فلان عشان يصير حليل...

!!!








العباره قويه جداً ولها آثار بعيدة..



الأطفال ربطوا الدين بالتعامل ..



صدق من قال " الدين المعاملة"..


هل نضمن إن فكرتهم راح تتغير لما يكبرون؟؟..


الأمر خطير جداً..



الكل يتأثر بالمعاملة..


كم شخص أسلم بسببها..


وكم شخص نفر من الإسلام وأعرض عنه بسببها أيضاً..




لما ندخل منتديات أجانب..

لما نتعامل معهم في الحياة..

لما نسافر برى..



كل تصرفاتنا مراقبة..

ومحسوبة..


لا على أننا عرب...


لكن على أساس أننا مسلمين..


ياما شلنا الحجاب..

ياما ارتدنا بارات ومراقص..

ياما تحايلنا ونسينا الصلاة..

ياما بعنا الأعراض بأبخس الأثمان..



إذا أطفال هذا تفكيرهم..وهم مسلمين وعايشين ببلد مسلم..


كيف تفكير الأجانب وهم يشوفون تصرفاتنا؟؟..


ليه نطالبهم باحترامنا وحنا أنفسنا ضيعنا الأمانة؟؟

ليه نطالب بحقوقنا وحنا بكامل حريتنا تنازلنا عنها؟؟






إذا كان هذا السواق..

طيب لو كان الأبو بهالأخلاق..

وش بيقولون عياله؟؟




والله يا ابوي تراك ما عجبتنا..ونبي " أب " ثاني غيرك..مب مسلم..



وش موقفنا حينها؟؟


(:



ووبس..

[assamer]

فعلااا...ماعدت أنا..


كلااام مزبوط..وميه بالميه...


بس .. لما الأهل عارفين ان هالعربي هذا اخلااقه زفت...ليش يتمسكون فيه..؟


وبعدين الاطفال....يأخذون الامور بمشاعر وأحاسيس...ولاايعرفون وش اللي يصير..


يعني..: لو عطيتي طفل حلااوة,,وش بيقول لك.....: احسن وحدة بالعالم...وأنا احبك

والعكس..: لو ماعطيتيه..: بيقول انا ما احبك...


يعني هي مربوطة بشيء.....وهالشيء لاازم الاهل يعرفون كيف .. يوظفوونه...وخصوصا الاطفاال يتأثرون بسرعة وبشكل مخيف...


والله يستر...


شكرا.



.

.

[صرهجي]

لي رجعة

[شرقاوي ذوق]

مو أطفال بس
الكثير من الشيبان عندهم نفس الفكر
دايما أهل الغنم الي عندنا يجيبون عامل هندي كافر يسرح بالغنم
ويقولون على كلامهم أننا أحضرنا مسلمين وطلعوا سرووقين ولا يشتغلون إلا اذا كنا موجودين ..! << هذا كلامهم
لو أنه شايب واحد الي قال هالكلام كان قلنا سهلات لكن المشكله متكرره كثير
والله أن بعضهم من أقربائي بس عجزنا نغير فكرهم
ويقولون أنتم صغار ولاشفتوا الي شفناه
الله يهدي الجميع
شكرا لتس

[فشخره]

ماعدت انا ,, بصراحه كلامك درر , فوائد لاحصر لها , طرح في قمة الروعه , مع اسلوب جميل


, نعم مشكلة الأطفال , انهم قد يقولون بحسن نيه , مثل هذا الكلام الخطير , لكن نحن آباء وأمهات


واجبنا إتجاه أطفالنا , أن نعلمهم ونصحح أفكارهم , فإن أخطأ هذا السائق المسلم فهذا لاينطبق


على كافة المسلمين , والسائق الغير مسلم يجب أن نحذر منه , حتى ولوكان لسانه كالعسل ,


فقد يكون لسانه عسل وقلبه ممتلي بالحقد والكراهيه وينتظر الفرصة السانحه لإخراج مابداخله


من حقد وغل , وأعتقد أن هناك الكثير من المآسي الذي تركها الغير مسلمين من شغالات وسائقين


, نعم للتعامل الراقي مع الجميع حتى الصغار , لكن شخصيا ارفض التعامل قطعيا مع غير المسلمين


والثقه بهم , والمسلمون فيهم الخير حتى لو ظهر من كثير منهم العكس ,, أشكرك موضوع مميز بحق .

[زيتوونة]

كلاـآمـ سليييمـ وصحيييحـ...~



زيتوونهـ

[.:القيصر:.]

فعلآ الدين المعامله ونحن لم نفهم الحديث ونطبقهُ فقط . نقرائه بالمدارس ولآ نطبقهٌ
,
,
,
,
,
’
,\
\
\
\
\
,


,,وجهة نضر فقط,,

[ما عُدتُ أنا]

لكل من مر هنا


شاكرة لكم حضوركم..

ليس لي من الأمر شيء لأنصحهم باستبدال سائقهم بآخر..

(:

[mr.muhmmed]

كلام حلو ,

[ما عُدتُ أنا]

شاكرة لك حضورك..