بريدة






عـودة للخلف بريدة ستي » بريدة ستي » ســاحـة مــفــتــوحـــة » قصيدة محترمة جداً جداً

ســاحـة مــفــتــوحـــة المواضيع الجادة ، والنقاشات الهادفة -- يمنع المنقول

موضوع مغلق
 
أدوات الموضوع طريقة العرض
قديم(ـة) 18-02-2004, 01:57 AM   #1
الكايد
عـضـو
 
تاريخ التسجيل: Aug 2003
البلد: بريدة
المشاركات: 407
قصيدة محترمة جداً جداً

الله من هم بصدري بدى يجيش يزفر كما البركان بصدري إليا جاش
لو يضرب جبال الهدب طيره ريش وخلى الوطى من تحت الأقدام تنخاش
وفكرت في دنيا بها الخلق مدريش واخذت انا في بحر الافكار مطراش
يقطعك يا دنيا تزعّم بها الديش بوقت تغير واصبح الراس منقاش
ولد الحموله يذل وزمّره حتيريش وقامت تمخشنا سلق طاش ما طاش
ناس مثل وصف الهلايم قرافيش ولو جبتهم للبيع عيّبوا بليّاش
ولو قمت افتشهم عن الطيب تفتيش لو قدّر آخرهم حذاريب وقشاش
لاقام يمدح بنفسه بدا يطيش ما كنه إلا اللي يسمونه التّاش
وهو حثال من حثايل دراويش عايش مع الطيّب سوا مثل من عاش
احب انا الطيّب ولو ما عطانيش ولا الردي لو يملك الرماح هتّاش
يا رايح لم القصبجي وابو خيش وزميله السدحان للكذب محواش
قله عليكم من هل الفكر تفتيش وبين خطاكم ما على الناس يخفاش
تمثيلكم كله سبايب وتمخيش تجّار هرج ما بكم عز وعراش
الهزو في شيباننا والغلط ليش وش الهدف واللي تريدون يا خياش
إن ما تركتو سب عمّاش وعميش والله لاشيحكم مثل شغل مخناش
واحذركم الكهرب شبكناه بالفيش وانتم بزارين تحدون بفلاش
وان كان عندك رد هاته وتلطيش دونك مطوع عشر الأمثال عطّاش
المرجلة بينك وبينه لوا جيش مالك على خطو الحثاله وما حاش
حقرانكم للناس ما يجيب لكم عيش ومعيبة في منطق العقل والجاش
الهزو في شيباننا فيه تغشيش وغشيتو المشاهد بتزييف ابو شاش
أذناب ناس بالحكايا مطانيش نافخكم المدحول والريح تنفاش
ان كان طموحاتك بعيشك تبي تعيش فانتم وانا وفلان ولدنا ممعناش
وان كان طموحاتك لكسب المعاويش بالكلب في دنياه عايش ومعتاش
ما ينفع الطماع اكل البخاشيش ومليت الوم بس خاب حظه ولو عاش
كلن تجر بالناس حتى الهكاريش وصارو اهل مزرع ودكان وجراش
ومن صار عنده مال وبيده عرافيش حبوه كل الناس لو كان حشّاش
ولا الكريم الشهم منفط له ريش اللي يكرم الضيف لا جاه طرّاش
قرم يشب النار يلفّي المداغيش إلا اسفرت دنياه سموه هلاّش
المال والدرهم وزين المعاويش اصبح بدين العجز والخمع واللاّش
ما دام عندك مال وبيدك عراميش لو تخيس المجلس على زل وفراش
يوم الشنب بالوجه يفتل على ويش ماهوب لاكل الرز او لبس الاقماش
يفتل إلا جت الركايب معاطيش وجلبت عصي المرجلة يشريه كاش
يا عل رجل ما براسه نغاميش يا عل تبكيه الحَليلة وتنحاش
لا صار ما به خير والطيب مافيش مغير يجمع مال والصيت مهناش
عنده ملايين القضا مير حتيش يا كل ويشرب والهدف بس يعتاش
ما هوب لا يقنص ولا له مطاريش ما همه الا عيشته مثل الادباش
الكلب عايش والنمل والخفافيش ما هو كثير الكل بدنياه معتاش
مير الحكي لا جا المحطاه تشويش يبين فعل الطيّب بعايش وعيّاش
وتمت وصلى الله على صفوة قريش على النبي ما تبصر العين برضاش
الكايد غير متصل  


قديم(ـة) 18-02-2004, 02:46 AM   #2
الكايد
عـضـو
 
تاريخ التسجيل: Aug 2003
البلد: بريدة
المشاركات: 407
نسيت اعلق

هذ قصيدة هجاء
موجهه لسلق طاش ما طاش

وارجو انها تحوز على اعجابكم

حاولنا نكبر الخط لكن المشرف العام الله يهديه مسوي تعديل الموضوع بعد 45دقيقه لكن المره الجايه انشالله

وسلامتكم
الكايد غير متصل  
قديم(ـة) 18-02-2004, 01:16 PM   #3
=> قناص بريدة <=
عـضـو
 
صورة => قناص بريدة <= الرمزية
 
تاريخ التسجيل: Nov 2002
البلد: مملكة { بريدة } العظمى
المشاركات: 729
كفوهوم :: يستاهلون أكثر

ولد الحموله يذل وزمّره حتيريش وقامت تمخشنا سلق طاش ما طاش::
__________________



يمنع وضع الإيميل
=> قناص بريدة <= غير متصل  
قديم(ـة) 18-02-2004, 03:14 PM   #4
الزورق
عـضـو
 
تاريخ التسجيل: Sep 2003
البلد: قصيم النماء
المشاركات: 514
بارك الله فيك
ألا ترى أخي ماهو مفهوم ( وجادلهم بالتي هي أحسن )

يبقى رأي
قابل للصواب
وأيضاً قابل للخطأ
__________________
الزورق غير متصل  
قديم(ـة) 18-02-2004, 03:20 PM   #5
الكايد
عـضـو
 
تاريخ التسجيل: Aug 2003
البلد: بريدة
المشاركات: 407
؟؟؟؟؟؟؟؟؟؟

الزورق

ياشيخ لفعن كاني فهمت شي

وضح مشاركتك اخوي اكثر
الكايد غير متصل  
موضوع مغلق

الإشارات المرجعية


قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 07:58 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)