 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
|
|
أدوات الموضوع | طريقة العرض |
10-12-2009, 10:28 PM
|
#11 |
|
عـضـو
تاريخ التسجيل: Jul 2009
البلد: السعوديه
المشاركات: 96
|
موقف حصل لأم مرة خالي وابغى مشورتكم
[size="5"][color="indigo"]السلام عليكم ورحمة الله وبركاته
كيفكم شباب صبايا بعرض عليكم سالفه سمعتها امس نرفزتني بالمررررررره (وعلى قد مااحزنتي القصه على قد ماضحكت عليها فعلا شر البلية مايضحك ) المهم حبيت أخذ رايكم فيها امس مجتمعين مع خوالي بااستراحه وجت حرمة خالي وتعرفون سلااام وشلونكم وش اخبار الوالده قالت الوالده مره منغثه ومتكدره لان صارت لها سالفه بدار التحفيظ اللي تدرس فيها العصر طبعا بقولكم نبذه عن ام مرة خالي نعرفها من يوم حنا صغار كانت تجي لخوالي حبوبه وعسسل وقلبها ثلج ولازم تجيب معه شرط (شوكولاته وحلاو مصاص 000الخ) للمبزره اللي آنذاك انا من ضمنهم وتحب المزايين والشعوريعني مشقاة <<عاد ماادري وشلون اترجمها خخخخخخ المهم طبعا تزوجوا كل عيالها وبناتها وصارت وحدانيه وطال عليه الوقت وحتى زوجها متوفي من زمااان الله يرحمه فااقترحوا عيالها تسجل بالدار العصر وفعلآ قبل ثلاث سنوات سجلت وتقول مرة خالي اميمتي انقلبت راسآ على عقب نفسيتها وصارت تسولف وتجيب لنا قصص وتأخذ معه قهوه وتمروكليجا ومراصيع(فسحتهم بالدار وه ياطعمهم) وبالبيت تشغل نفسه بالحفظ وتحمس اذا عطوه جائزه تكلم على كل عياله وجيرانه تعلمهم و هالكلام دايم نسمعه من مرة خالي ماافيه جديد طيب وش الجديد انها فصلت وليش فصلت ومين السبب؟؟ جايتكم بالسالفه تقول آخرشهرين من العام الماضي جتهم معلمه جديده امها مصريه وبيضاء بالمره البياض الباهت وملامحها عاديه وشعرها اسود وطويل وناعم ولاصق وخفيف بالمره وجسمها اقل من عادي ومتزوجه وعنده ولدين بس تعرفون ذووق العجز شافت البياض والشعر الطويل وتقول مرة خالي بدت امي تقول للمعلمه ماشاء الله ياملحتس والله انتس جزتيلي وانقطعت رقبتي من مناظرتس ومره ثانيه قالت الله لايضرتس ماشاء الله تهبلين والله اني امدحتس عند بناتي وطبعا ام مرة خالي عمرها 70 سنه المهم تقول يمكن مدحت هالمعلمه 3مرات خلال هالشهرين تقول يوم صار هالسنه جت اداريه وقالت ياام عبدالرحمن الاداره تبغاك وتقول يالله عسى خير ويوم راحت قالت له المديره انك اكثر من مره تمدحين هالمعلمه انا على طول قلت يمكن يبي يقولون انك نحتيه وعطيتيه عين اقري عليه لكن الادهى والامر ان المديره تقول ان هالمعلمه شاكيتك تقول انك بس تمدحينه وتغزلين به زوجها مامدح هالمدح وانه طلبت انك تنقلين للفصل الثاني درءآ للا عجاب والتعلق بغير الله لايجوز وقعدت ساعه المديره تنصحه تخيلوا الموقف طبعا العجوز انكسرت نفسها واخذت اغراضه وراحت للفصل الثاني وطبعا ام فهد وام ناصر صديقاته بالفصل انلهدوا وقالن له يخسوون اتركيهم بس واقعدي اهنيا والمعلمه هي اللي تنقل للفصل الثاني المهم انتشرت السالفه بالدار وصارت تزوود وتنقص وصارن حريم الجيران يدقدقن عليهم يتأكدن من سالفة الاعجاب حتى مرة خاالي تقول انتشرت السالفه بشكل غيرطبيعي وكلن يسألنا من اقاربنا عن السالفه المهم تقول امي تعقدت وطابت نفسه واستحت وقررت انه تفصل ماتروح وياعمري تقول مرة خالي ان امي اذا جبنا طاري الدار تغورق دموعه المهم انا استشطت قلت لمرة خالي وسكتوا قالت وش نسوي ؟؟ انا بصرااحه هالمعلمه والمديره ماادري وشلون مايخافون من حوبة هالمسيكينه لكن انا ودي اكلم اهزئ المعلمه اقول ترى مابك زوود يااليسا ولانانسي خخخخخخ حدك ذوق عجايز<<لاعاد امزح ماراح اقول كيذا بس بخوفها من الله واحس ان هالمعلمه ودها تشتهر يعني اني حلوه وشوفوا وش ينقالي بس ماحسبت حساب تفاهتها انها بتضيق صدر هالحريمه وودي كمان اكلم على المديره اقول خير انتي مديرة متوسط مراهقين يوم انك اعجاب ومااعجاب زين ماعديتي اسمها بالطابور بعد وخصمتي من درجات السلوك بعد ووقفتيها حصتين او استدعيتي ولي امرها يعني انا بوجهة نظري ان المديره يوم جتها هالمعلمه وادلت بتفاهتها قالت بامكانك انتي تنتقلين للفصل الثاني او قالوا للطالبات(الامهات) بشكل عام لااحد يمدح احد فيه ناس موسوسين او مايصلح ممنوع بدار التحفيظ المدح مع اني مو مقتنعه بهالكلام بس ارحم مليون مره من التصريح الجارح المهم انا ماراح اسكت لازم الفت نظر هالدار لو بخطاب او اتصال لكن مااستغني عن مشورتكم ماهو التصرف الصحيح تجاه المعلمه والمديره؟؟؟ |
|
| الإشارات المرجعية |
|
|
النمط الأحادي