 |
|
|
|
|
24-02-2004, 04:31 AM
|
#1 |
|
عـضـو
تاريخ التسجيل: Jan 2002
البلد: السعودية
المشاركات: 239
|
قصة حلوة
قصة عجيـــبة … السلام عليكم ورحمة الله وبركاته….
عجوز على فراش الموت وما عندها إلا ولد واحد …. وهي على فراش الموت قالت له وصية خذ ياولدي الورقة هذه … وأي بنت تشوفها ( بأي مكان ) إفتح لها الورقة ( وخلها تقراها وياويلك (( إذا قريت اللي فيها )) أنت ما تشوفها ماتفتح الورقة …. إلا إذا وافتك المنية وقربت تموت …..قالها إبشري … وماتت الأم الله يرحمها حزن الولد حزن شديد ضاق صدره بعد مده ….. قال لازم أنفذ وصية أمي ،طلع للشارع …. وبالصدفة وهو مار من عند ( محل قهوه ) قال يالله … اضرب لي فنجال قهوة أعدل الراس فيه ودخل المطعم طلب قهوة جت يمه الجرسون ( بنت ) وقدمت له القهوة وهو يشرب القهوة… قال ليه ما أوريها الورقة فكرة والله …قام أخينا بالله وفتح لها الورقة ،البنت على طوووووول قامت تصارخ عليه ياقليل الأدب …. يا عديم الذمة يا عديم الضمير … يا منحط … ياسافل …الرجال بطل بوزه مايدري وش السالفة …جاه صاحب القهوه …. وطرده ،المسيكين ضاق صدره وحزت في خاطره قال أكيد البنت هذه مجنونة … أكيد فيها شي …طلع من القهوه … ومشي في الشارع وبالصدفة لقى ملاهي … قال أبي أدخل فيها …دخل الملاهي … وراح يلعب فيها …راح إلى لعبة تصادم السيارات يحبها من يوم كان صغير مالقى ولا سيارة فاضية …. شافته بنت قالت له .. تعال إركب معاي …الرجال إستانس ... فرح ... ركب معاها ... وقام يلعب وسواليف ... وفله وضحك .. وسعه صدر وبالأخير .... عزمته على آيسكريم .... إنهبل ماصدق خبر راحوا يشترون آيسكريم ... وقعد يسولف معاها قال أبي أوريها الورقة أكيد تختلف عن البنت اللي في القهوه ... فتح لها الورقة فالبنت على طوووووول ياللي فيك ومافيك ... يالخسيس ... يالحقير ياقليل الأدب .... يا عديم الذمة يا عديم الضمير يا منحط ... ياسافل …صطرته ولعنت وجهه ... وهج منها ،بعد الرجال ..... مايدري وش الطبخة …ونفسه يقرأ اللي في الورقة ... لكن أمة ... محذرته …راح للبيت مر على مطعم ... قال ليه ما أتعشى طلب عشاء مجبوس لحم ... وشبع بالليل عوره بطنه قام يتوجع ... الظاهر فيه ( زايدة ) طار للمستشفى ... سووا له عملية زايدة يوم صحى من النوم شاف الممرضة قدامة ... قال أكيد هذي تختلف عن الباقيات هي بترحمني ... أنا مريض ... وراح تعطف علي وقام أخينا بالله ... ووراها الورقة البنت على طوووووول ياللي فيك ومافيك ... يالخسيس ... يالحقير ياقليل الأدب .... يا عديم الذمة يا عديم الضمير ... يا منحط ... ياسافل وقومي وأحذفيه من عند الدريشة ( النافذة ) إنهبل الرجال ..... جن جنونه .... قال مالي قعده بالبلد هذي ..... أكيد كلهن مجانين مالي إلا السفر ..... خارج الديرة هذه … قص تذكرة على اول رحلة خارج البلد ركب الطيارة وقعد في الكرسي ... جت المضيفة تخدمــه بنت … أنتم عارفين وش بيسوي لها جابت له العصير … وقال بإذن الله راح أوريها الورقة أكيد هذولي البنات راقياتومحترمات …فتح الورقة لها .......... والبنت على طوووووول ياللي فيك ومافيك يالخسيس ... يالحقير ياقليل الأدب .... يا عديم الذمة يا عديم الضمير ... يا منحط ياسافل والله لأنادي لك السوبرفايزر ... أشتكيه عليك جاء السوبرفايزر ... وسمع القصة من المضيفة قال ..... أبداً .... أبداً .... مالك قعود بالطيارة هذي ... أبداً ما فيه إلا حل واحد ما فيه غيره .... نرميك من عند باب الطيارة والله ياناس رحمتـــه إنهبل الرجال وإنفقعت مرارته .... وبرضه ما يدري وش الطبخة ..... قال لهم معزمين من عند الباب …قالوا أبد ... من عند الباب ... قال شكواي إلى الله اللهم إني أنفذ وصية أمي ...... طيب ... أنا عندي طلب ممكن ...... قالوا تفضل قال لهم ... وأنا واقف عند الباب قبل ما تدفوني على الأرض ودي أقرأ الورقة لأني سالفة أمي كذا وكذا ... وقالهم إن أمة موصيته إنه مايقرأ الورقة ... إلا إذا جاء يموت وهو أكيد راح يموت لأنه بيطيح من الطيارة الزبدة ... وهو واقف على الباب ومفتوح هب الهواء ... عجزوا يسوقون الطيارة وعلى وشك إنهم يدفعوووونه عشان يطيح .... فتح الورقة ..... عشان يقرأها أخينا بالله أول ما إنفتح الباب ... فتح الوررقة وش صار له …طارت الورقة ودفعوووووه من عند الباب وطاااااح … ومات المسكين وهو ما يدري وش في الورقة وأنا بعد مدري وش فيهاااااااااااااا .... [c]وصلتني عبر البريد [/c] |
|
|
|
24-02-2004, 07:18 AM
|
#2 |
|
عـضـو
تاريخ التسجيل: Sep 2003
المشاركات: 1,739
|
حلوة فعلاً يالشاهين ..
أنا وصلتني لكن مشابهة جداً .. أنا الميت عندي رجال وانت حرمه .. شكل اللي قاص لك القصة رومانسي !! هههههههههه
__________________
××××××××× هـــذا التــوقـيــــع :::: إهـــداء مـن أســتـــاذنـــا ( الرزيـــن ) وفـــقــــه الله ::::  |
|
|
|
|
26-02-2004, 03:48 AM
|
#3 |
|
عـضـو
تاريخ التسجيل: Jan 2002
البلد: السعودية
المشاركات: 239
|
مشكور اخي آسر على الرد
اما مسألة انها وصلت عندك بالبريد فإظن القلوب مع بعضها <==== يحاول يشبك على العموم مشكور آخر من قام بالتعديل الشاهين; بتاريخ 26-02-2004 الساعة 03:52 AM. |
|
|
|
 |
| الإشارات المرجعية |
|
|
النمط المتتابع
