[بريده احلا]

بسم الله ,

السلام عليكم ..


ياخواني .. وين البلدية عن طلعة الفايزية الي من جهة دوار النافورة .. الشارع زفت يبي له زفلته

تحياتي : الدبلي

[قصمنجاوي]

الله يعين دامك ببريدة والله أن تراء البهاذيل في الطرقات عسى الله أن يخرج من أصلابهم من من يعتني بالطرق

[HeeMo]

كلامك صحيح أخوي تقل هزازه هههههههههه تحياتي لك

[مَــهــَجــٌور]

لو كل بريده تطور وتصير كباري وانفاق الشارع ذاك بيبتل زي ماهو

[أمير القوافي]

هههه ياحبيلك بعد
اصلا به شارع ببريده يفتح النفس كلهن يحوم السبد اللي فيه مطبات واللي محفر واللي واللي واللي واللي
تبتل وانت تعد

[أبــوتــج]

تبي الصرااحة اخوي


انا اذا صرت نازل منه لم دوار النافورة اتنرفز





تحيااتي

[روسانا]

شكرا لك على الموضوع

[الطرس ممدوح]

مشكور

[ابو شرين]

المشكلة ماهي بالطلعة كتبنا عنها من سنة وماصار شي

المشكلة في اذان وعيون وعقول المسؤولين

[سفيان الثوري]

فــعــلاً مزعجة جداً

لا أدري لماذا كل هذا الإهـمـال مع الضغط الشديد على هذه الطلعة ووجودها في مكان حيوي
لأهــل بريدة وغيرهم

[CR!S]

وععع هاك الشارع اعوذ بالله

يخلي اللي مايقرقع بالموتر يقرقع

[أبـوجـمـانـة]

هههههههههه

والله لو تبتل مالقيت موب مجيب لا مالقيت سامع.,,

[سليل المجد]

صحيح الطلعة تقل داخل رادمية عروق الاسفلت وتكسراته واضحة

الشارع لا يتعدى ال 500 متر ومهم جدا ومع ذلك ترقيع × ترقيع

[Total ransom eyes]

وش اقول بس واخلي شاارع مو زفت ولا شين وش اقول بس عنه
شوفو شباب الزفلت على مااظن ماراح يزينونه الا بعد مايزين الكبري اللي يبي يفكرون فيه مو يبي يشلون الدوار
ويبي يحطون كبري ايه يمكن عشان كذا مايحطون مرتين زفلت وخسااره عليهم
لان اذا بدو بالكبري يبي يسكرون الشارع اللي ينزل للدوار
انا جت برااسي كذا ولا مو معققوله يخلون الشارع مازفلت
بس ماشا مافيه اماانه عندهم ولا ذمه الله حسبي الله عليهم بس