[&ابوحمد&]

السلام عليكم شدني موضوع اخو دريحم عن امرأه معها طفل تتسول في احد الطرقا ت القضيه اكبر من هذه المراه هناك عصابه من المتسولين موجدين في بريده لهم حوالي خمسين سنه البدايه كانو افراد قليله وتكاثرو الى يومنا هذاوالتسول لهم عباره عن مهنه البعض يعرفهم والبعض لا يعرفهم انهم 0ص0؟ب0مكونين من اطفال واكثر شي النسا يبدا دوامهم مع الظهر وينتهي في العشا حاقدين على الناس واذا اعطيتهم يدعون عليك ويلعنونك الناس مساكين يعطونهم مع ان هناك اناس متعففين يستحقون الصدقه وهي حلاال عليهم الملاحظ ان هولا المتسولين لايصلون واتحداك ان ترى منهم من احضر جنازه الى اي مسجد في بريده وصلى عليهاالطامه الكبرى مكافحه التسول تعرفهم ولاتفعل لهم شي لاادري لماذ ربما مكافحه التسول يحتاجون الى مكافحه تسول لهم المهم احسن حل لهؤلا ان يتكاتف الناس ويحذرون منهم ولايعطونهم هناك اخرين من اهل الجنوب وبعضهم زيود ياتون بعد صلاه الجمعه خاصه ويقومون بالقا خطبه عصما بانه حصل له حادث اولديه مريض يعوله واحيانا يمسك طفل كانه متشنج ربما اعطاه نوع من الادويه ليصدقونه المسلمين وهناك نصابين من نوع اخر موديرن جاليات من جنسيات عربيه فلسطيني اردني غيره اوهنديه ياتون على سيارات تحمل لوحات اماراتيه ويوهمك بانه قدم من الامارات وذاهب الى مكه وحصل لهم مشكله في السياره ومامعهم فلوس ويقولك بالله انطينا حق الطريق وتصور كم محطه راح يقف عندها من يوم يدخل السعوديه الى يصل الى بلده مره اخرى ارجو ان لا يلعب علينا هؤلا المرتزقه اكثر من ذلك0 تحيه للجميع0

[&ام النعومه&]

صحيح والله انك صادق مره كنا في طريق الرياض بقرب المحطه فجاه وقفت سياره شبح علشان نصدقهم وما نعتقد انهم متسولين يقولون انه متعطله سيارتهم وصلحوها وخلصت الفلوس ويبون حق الطريق وشكلهم نصابين

[شنيدر]

اهم شي الافلووووووووووووووووووووون

[لازود القادم]

والله ياشيخ الواحد ماودك يكتب مثل هـ المواضيع

لأن اغلبهم مطلعتهم الحاجه

والرسول صلى الله عليه وسلم

خرج في يوم من الأيام من الجوع

موب عاد حثالة الناس

يعني لو مأحد عطاهم فلوس وهم مستحقين اللوم راح يكون عليك انتياصاحب الموضوع


الله يصلح احوال المسلمين

[ا ص د 4320]

الناس محتاره الحين ماتدري الى قادمه هو محتاج صدق او انه احد العصابات الى منتشره وش يسوي!

[فيلق 9]

يا اخي اكتبها بصريح العبــــــــــــــــــــــــــــــــــــــــــــــ ــــاره

الصــــلـــــب

واهـــل جـــيـــــزان

والــزيـــود مـن اليـمـن 00


الحقيقه لايستحقون الا ان لايعطون شي وين الجمعيات الخيريه والمحسنين

[القلب الجريح ...؟]

ولايهونون العراقات اكثرهم رافضه والمشكله اخذو الجنسيه

[دائما مبتسم]

المشكلة هي أكبر من ذلك :

أنهم تعودوا على هالعادة و لا يستطعيون تغييرها

[ذكريات امنول]

اقتباس المشاركة الأساسية كتبها لازود القادم والله ياشيخ الواحد ماودك يكتب مثل هـ المواضيع لأن اغلبهم مطلعتهم الحاجه والرسول صلى الله عليه وسلم خرج في يوم من الأيام من الجوع موب عاد حثالة الناس يعني لو مأحد عطاهم فلوس وهم مستحقين اللوم راح يكون عليك انتياصاحب الموضوع الله يصلح احوال المسلمين

صدقت وجزى الله فاعل الخير خير
وكلن يتصدق بحسن نيته

[توته زرقا]

استغفر الله

[البرنس455]

والله مشكله والدنيا مافيـهــا أمــان وكــيــف تــفــرق بــين الـمـحــتاج والـنـصاب وكــل واحــد ونيــتــه !!

[فشار نسمه]

انما الاعمــــــــــــــال بالنيات ...بعدين تقول نصهم اطفال ! وش ذنبهم ؟

[غريب احساس]

صح اكثرهم نصابين &
فيه حرمه تجلس عند مطعم الديرة لها اكثر من سنتين تبدا من بعد المغرب إلى الساعه 11 يوميآ تخيلوا يعني ما شبعت من الفلوس والله لو تشوف رصيدها بالبنك تلاقية بالملايين وين مكافحة التسول عنها
يعني لو نقول تحصل باليوم 300 ريال يعني تحصل بالشهر 9000 الاف ريال وبالسنة تحصل 108000 الف ريال تخيلوا ما تبونة تشحد ولو تجية وتقول ابوظفك براتب 4000 ريال كان ترفض بسبه الشحادة لأن الشحادة يحصلون فيها فلوس اكثر من الوظيفه واحنا والله نبي الأجر بس المشكله نتصدق على ناس ما تستحق والصدقه على المحتاج فقط

انا بسأل مكافحه التسول وش عملهم بس نايمين لا شغل ولا مشغله

[mms]

الي يلاحظ كثرتهم عند محطة الحربي بطريق الرياض السريع بعد السالمية وكلهم نصب بنصب