[أبومـحمد]

أخواني الكرام
ولدت وعشت وعملت في مدينة الرياض، وتراودني منذ مدة فكرة الإنتقال كلياَ لمدينة بريدة والعيش فيها، أطلب وجهة نظركم ومرئياتكم.
تحياتي

[شهلول]

*
*

هلا بالغالي أبامحمد
لا تكون أنت بابا وأنا ما ادري

لا شك أن الأمر يحتاج لتأني ودراسة
من حيث وجود الوالدين والأقارب
فالقرب من هؤلاء لا يُقدر بثمن

ثم مقارنة بين الرياض وبريدة
فبريدة أفضل من ناحية توفر السكن وسعره المعقول نوعاً ما
أضف إلى ذلك قلة الإزدحام والمرور في بريدة مقارنة بالعاصمة الرياض

ثم لا تنس أن تأخذ رأي من تحت يدك لأن لهم علاقة بالموضوع
سهّل الله أمرك ووفقك للخير أينما كنت

وتقبل مروري أخوك شهلول


.

[المكاشيت]

مشكور على الموضوع

[أبومـحمد]

شكراً شهلول، ويطيب لي مرورك المكاشيت
وما طلبي لرأيكم الا لدراسة الموضوع وعنكم وآرائكم لأستغني
ماأشرت اليه من وجود الأقارب مايجعلني أتردد مع العلم أن لي منهم الكثير في بريده لكن العائلة النواة من سكان الرياض.
لكن هل الرياض بعيده عن بريده؟؟ لاأتوقع خاصة لشخص يستغرق منه الذهاب للعمل 35 دقيقة والعودة مثل كل يوم.
تحياتي لكما وبإنتظار مشاركات البقية

[المحب4006]

أخي : أبو محمد

أهلاً بك بين أهلك وأحبابك ، ويسعدنا ذلك
لكن الأمر الأهم هم أين تجد راحتك ؟ بغض النظر عن ما سواها فالدنيا قصيرة فلا تقصرها بالكدر والضيق .

جعلك الله مباركاً نافعاً أينما كنت .



..

[بندر 1430]

أهلاً بأخي أبو محمد ..

إسمح لي بالمشاركة في موضوعك ..

يبدو أننا نمرّ في نفس التجربة تقريباً

أنا ولدت في الرياض ثم انتقلت لبريدة مع الأهل في سنوات عمري الأولى ثم عدت مرة أخرى للرياض للعمل فيها ..

كانت عودتي للرياض رغبة منّي لما أجده هناك من خدمات متكاملة (قد) لا أجدها في بريدة أو القصيم عموماً ..

السكن في الرياض كما تعلم جيّداً غير مناسب من ناحية الازدحام و غلاء العقار .. ولا أعلم مشكلة أخرى غير تلك ..

أما بريدة فسوف تجد بها الراحة و الهدوء و عدم وجود الإزدحام حتى في ساعات الذروة .. و مهما يكن هناك من

إزدحام للسيارات فمن الصعب مقارنته بما يحصل في الرياض .. أما بالنسبة للعقار فيمكنك أن تجد منزلاً مناسباً

بسعر معقول أرخص من مثيله في الرياض ولكن على حسب الحيّ الذي تريد السكن فيه ..

عموماً .. إن كنت اعتدت على الحياة في الرياض من ناحية توفّر الخدمات المميّزة فسوف تفتقدها في بريدة .. لذلك

ضع في إعتبارك هذه النقطة المهمة .. لأنها ستزعجك نوعاً ما ..

دعواتي لك بالتوفيق ..

[الصباخ]

أنا مثلك عشت في الرياض منذ سنوات عمري الأولى ولا أنصح أي شخص بالخروج من الرياض والذهاب إلى مدينة بريدة.
وعن نفسي مستحيل إني أسكن في بريدة، قد أزورها وأزور الأهل فيها لكن السكن مستحيل.

[المسفهل]

أما أنا فأقول :

إن أفضل قرار إتخذه والدي ــ رغم عدم رغبتي حال إختيار ذلك القرار ــ هو أن نقلنا من العاصمة المزدحمة إلى حيثُ بريدة الطيبة .


لا تعلم حجم البكاء الذي بكيته يوم أن نقلنا إلى بريدة حيثُ لا أودّ الرحيل عن الرياض ، ولكني بعد ذلك أحمد الله على تسهيل ذلك النقل وذلك القرار الشجاع من والدي .


إنقل وتبي تحب يدك مقلوبة بإذن الله .

[غريب احساس]

ابو محمد كيف حالك ؟
تبي نصيحتي ان كنت تبي الراحة وتبي الوناسه وكل شي توكل على الله ورح لبريدة تدري لية ؟
لأن الرياض ما عاد يسكن زحمات ترفع الضغط وحوادث وسرقات ومصايب ومشاكل وترى الرياض يزود كل سنة يعني اتوقع بعد عشر سنوات ما فية سيارات يبي يصير مثل الصين على دبابات و سياكل
يا ابو محمد انا بالرياض عزوبي طبعآ والأهل ببريدة والله اني منقرف من الرياض قرف تخيل اداوم بشارع الوزارات وساكن بالنهضة قبل الدوام بساعة و نص امشي واطلع من الدوام اثنين ونص اجي البيت الساعة ثلاث ونص حالة كئيبه وبعدين لو تروح مشوار مثل السوق او غيره راح تواجة زحمات في كل مكان وبكذا الواحد يكره نفسه ما يطلع من البيت علشان هالعالم والزحمات ومن غير الطفش اللي ما تدري وين تروح بالرياض €
وتصدق اذا جاء الأربعاء وطلعت انا من الرياض ومسكت خط القصيم ودخلت بريدة ما تتصور فرحتي كأني طالع من سجن ارتاح نفسيآ لا زحمات لا مشاكل ولا هموم ولا طفش والوقت معك يعني تخلص اشغالك بسرعة & اما في الرياض الساعة كأنة دقيقة ما فية وقت مستحيل تخلص اشغالك بسرعة
وبعدين بريدة فيها جميع الخدمات ولله الحمد حتى في طلعات البر * * ببريدة تطلع لبر يشرح الصدر مو مثل الرياض ان طلعوا . . . طلعوا الثمامة اللي تضيق الصدر €
اول ما كنت احب بريدة بس يوم جيت لرياض قلت اه يابريدة جنة الدنيا عند الرياض صدق اللي قال ( يحول يالي ماله بريدة)
وتوكل على الله يا بو محمد
وروووووووووح لبريدة ولا تشاور وانشاالله ماراح تندم وعسا الله يوفقك في حلك وترحالك

تحياتي لك

[أتعبني طموحي]

أخي الفاضل لاتنسى الإستخــارة ..
جعلك الله مبــاركاً ومــوفقاً أينما كنت ..

[قصمنجاوي]

هلا فيك اخوي
الديرة الي انت مرتاح فيها عش فيها والله يوفقك

[أبومـحمد]

جزاكم الله خير على هالآراء الطيبه وجعلها الله في موازين حسناتكم

[اهوما]

لاشك انك بيضيق صدرك لان عشت فيها كثير وفيها ذكريات جميلة لاكن عاد ارضى بالمر الواقع وانشاء الله يكون خير لك والاهلك .. أهوما

[رويدا]

سهل الله امرك
ووفقك بمافيه خير لك