[ابوفهد911]

بسم الله الرحمن الرحيم


انا من الناس الي قدر الله علي و قدمت على بنك التسليف ابي سلفه زواج وتبهذلت بهذه وقصتي

اني جيت لمهم في البداية قالو نبي نعطيه 45 الف بس بعد ماتجيب عقد القران قلت ابشرو والله واطق صدري لي ابو البنت وقلت له بس خلنا نملك وابشر اسبوع ويجيك المهر طبعا كنا في شهر 4 سنه 1430 وابو البنت تفهم الوضع وقالي خلاص وملكت والحمد الله وقدمت عليهم قالو لي اطبع بطاقه زواج بعد اسبوع عشان نعطيك يعني ( تحايل ) ورحت وطبعت بطاقه وقدمتها وقالي الموظف تعال بعد شهر يعني شهر 5 سنه 1430 هـ وجيت ورحت لم واحد من الاصدقاء قلت له سلف 45 الف وشهر انشاء الله واعطيك عشان ماتخجل قدام ابو البنت وتسلفت من خويي ومر شهر ورحت وانا مبسوط ابخذ الشيك من بنك التسليف قالي وبكل برود الموظف انت تووووك قدام كثير قلت وشلون تواعدني وتقول تووك قال وش نزين ماعندنا فلوس قلت طيب مته يجيكم قال مادري ادخل على المدير قلت وين المدير ودخلت على المدير يوم دخلت لقيت المدير متفهم في البدايه قالي ابشر بس اصبر شووي علينا قلت مته يعني قال انشاء الله شهر وتعال قلت ابشر وطلعت وانا ضايقا صدري واتصلت على خويي قلت له اصبر شهر وانا مستحي منه قالي لا ماعليك شهر مهب مشكله قلت الله يجزاك خير ومر الشهر ونفس الحاله قالو لي تعال بشهر 8 سنه 1430 هـ قلت خلاص وجيت في شهر 8 ونفس الحاله قالو تعال بعد العيد رمضان وجيت بعد رمضان ودخلت على المدير قالي ابشر خلال ثلاث اسابيع وخذ وقالي خل هل ورقه عطها موظف اسمه الشبل ورحت وانا مبسوط لانه معي ورقه من المدير واروح لم الشبل ويسجل اسمي عنده قالي اتصل عليك انتظرت الى بعد عيد الاضحى وجيت لهم بعد عيد الاضحى قالي اصبر تعال بشهر 1 عشان تنزل ميزانيه المملكة ويعطوننا فلوس قلت ابشر واجيهم بشهر 1 قالي ماجاء شي تعال بشهر الي هو الشهر الي راح وادخل على المدير قالي منين نجب لكم طبعا وهو يهاوش سجل اسمك عن الشبل ونتصل عليك وطلعت

طبعا الي خلاني اكتب انه خويي الي متسلف منه قدم على شكوى يبي فلوسه

والي يقهرني اقسم بالله 8 من الي اعرفهم استلمو فلوسهم وهم مقدمين مالهم الا شهرين وانا لي الحين حوالي سنه مااستلمت

وانا اقترح انكم تشيلون هل قرض الي عشمتو الشباب عليه وانتم كله لعب في لعب عندك واسطه تستلم ماعندك اقضب الباب


المشكله انهم افتحو مليون محل مان دفان كلها على حساب بنك التسيلف وانتم خابرين مان دفان وش سوا




وملاحظه او مره اشوف دائره حكومية المراجعين في غرفه محجورين


تحياتي
مواطن مقهور في ديرته

[fahooody]

اخوي ابو فهد انا عاذرك قسم بالله .. لكن بسألك كم تاريخ الصرف في ورقة الطلب عندك؟؟
وبالنسبه لبنك التسليف فعلا يبي له واسطه او (( رشوه )) ويسلمونك القرض هذا اذا تبيها قبل تاريخ الصرف
وانا حصلت معي وقالي واحد ابي 3 الاف ريال وغيره قالي بعد .. بس الحمد لله اني اخاف الله
..وتاريخ الصرف لي بعد كم شهر والله يعين ...!!!!

الله يعينك اخوي ويفك ازمتك وماتحتاج احد

[خطاك ضيع غلاك{2}]

اقتباس المشاركة الأساسية كتبها fahooody اخوي ابو فهد انا عاذرك قسم بالله .. لكن بسألك كم تاريخ الصرف في ورقة الطلب عندك؟؟ وبالنسبه لبنك التسليف فعلا يبي له واسطه او (( رشوه )) ويسلمونك القرض هذا اذا تبيها قبل تاريخ الصرف وانا حصلت معي وقالي واحد ابي 3 الاف ريال وغيره قالي بعد .. بس الحمد لله اني اخاف الله ..وتاريخ الصرف لي بعد كم شهر والله يعين ...!!!! الله يعينك اخوي ويفك ازمتك وماتحتاج احد

اقول بابا لاتتهم الاخرين رشوه يا منب قايل

[ابوفهد911]

تاريخ الصرف لو يمشون عليه كان مشيت وقلت مهب مشكلة بس المشكلة الي يستلمون وحنى ماسكين سرا والله ظلم

[ابوفهد911]

اقتباس المشاركة الأساسية كتبها خطاك ضيع غلاك{2} اقول بابا لاتتهم الاخرين رشوه يا منب قايل

هو ماتهم احد هو يقول الحقيقه واذا منتب مصدق دور في الموضوع وتلقى من ياخذ رشوه بس الحمد الله ان عندنا ذمه

بس تتكلم كذا من الباب للطاقه

وصدق مايحس بنار الا واطيها

[خطاك ضيع غلاك{2}]

اقتباس المشاركة الأساسية كتبها ابوفهد911 هو ماتهم احد هو يقول الحقيقه واذا منتب مصدق دور في الموضوع وتلقى من ياخذ رشوه بس الحمد الله ان عندنا ذمه بس تتكلم كذا من الباب للطاقه وصدق مايحس بنار الا واطيها

ما اقول الا الله يجعله بذمتك

[عجاج]

هلا اخووووي
انا مقدم قبلك بأربعة اشهر يعني بشهر 1/1430هـ وللحين ما جاء شي الله لا يبارك من كان السبب

[ابو رائد 2010]

المفترض على المقبل على الزواج في المستقبل عدم الاتكال على بنك التسليف لانه اصبح التقديم عليه مثل بنك الصندوق العقاري والبحث عن مصدر تمويل غيره حتى لايقع بالمشاكل ويحرج نفسه !!

[ابوفهد911]

اقتباس المشاركة الأساسية كتبها ابو رائد 2010 المفترض على المقبل على الزواج في المستقبل عدم الاتكال على بنك التسليف لانه اصبح التقديم عليه مثل بنك الصندوق العقاري والبحث عن مصدر تمويل غيره حتى لايقع بالمشاكل ويحرج نفسه !!

عزيزي .. بنك التسـليف هو .. مجرد ما تقدم عليـه .. يقولون لك .. الموظفيـن اسبوعين وتاخذ القرض ..

[ابوفهد911]

اقتباس المشاركة الأساسية كتبها خطاك ضيع غلاك{2} ما اقول الا الله يجعله بذمتك

اخوي . خطاك .. انا اتوقع انك تشتغل هناك .. بس توسـط لنا يالحبيب

[الصمت حكمه]

راسلني عبر الخاص بيكون خيررر؟؟

[أنسان خجول]

اقتباس المشاركة الأساسية كتبها fahooody اخوي ابو فهد انا عاذرك قسم بالله .. لكن بسألك كم تاريخ الصرف في ورقة الطلب عندك؟؟ وبالنسبه لبنك التسليف فعلا يبي له واسطه او (( رشوه )) ويسلمونك القرض هذا اذا تبيها قبل تاريخ الصرف وانا حصلت معي وقالي واحد ابي 3 الاف ريال وغيره قالي بعد .. بس الحمد لله اني اخاف الله ..وتاريخ الصرف لي بعد كم شهر والله يعين ...!!!! الله يعينك اخوي ويفك ازمتك وماتحتاج احد

أذا كان كلامك صحيح
فعلى الدنيا السلام

[مدغدغ البعارين]

عذرا اخوي ابو فهد أنا اللي راح اقول الحقيقه ؟؟

بعام 1429 هـ كان فيه دعم قوي من الدوله وكان البنك يصرف باليوم لـ 300 شخص ويعادل تقريبا 7 ملايين يوميا هذا أما الآن فا بالإسبوع ما يجهيم دعم إلى 2 مليون من الدوله مع اللي يسددون يجيلهم 1 مليون بالأسبوع تقريبا 3 مليون أسبوعيا ،، وفيه حوالي 13 ألف ما استلموا قروضهم يعني بالعقل تبي تقدم اليوم وتبي الشيك بكرا ..
أنا معك أن فيه واسطه بس مو الحين هذا كان بعام 1429هـ أما الآن فما فيه واسطه
إذا كان خويك مقدم عليك شكوى قدمها للبنك وراح يفيدك ويصرفه لك وعطها الشبل اللي تقوله

أما عن الرشوهـ أقول لك كذاب وأتحداك تحدي إذا فيه أحد يقبل الرشوهـ في بنك التسليف اللي مشوهين سمعه البنك هم المعقبين ,, يجيك المعقب يقولك اطلع لك القرض بس تعطيني 3000 ويقولك الـ 1500 للموظف اللي يبي يطلع لك القرض وهو يكذب عليك ..

[ابوفهد911]

اقتباس المشاركة الأساسية كتبها الصمت حكمه راسلني عبر الخاص بيكون خيررر؟؟

ماقدر اراسللك لان مشاركاتي لسه ماوصلت 66