[متغربل]

قصيدة الشاعر ناصر الفراعنه المثلثه في الشعر النبطي

وهي موجوده في الشعر الفصيح (مثلثة قطرب)

وهي مرادّه بين ناصر الفراعنه و ناقته



تقول ناقته :


ياناصر الفراعنه && وين الظعينه ظاعنه && خل العلوم مطاعنه && من دوّر الغايب لقاه

ويقول ناصر:


ياناقتي صبرك عليّ && واليا اعتزيت اصغي إليّ && ثم درهمي ثم زرفلي && والثالث الثالث نباه






أشملت من طول الطوى && عن حروة الوادي طوى && الخاسراللي ماطوى && كشحه وجافوا من جفاه

الاوله جوع السباع && والثانيه من البقاع && والثالثه عند الوداع && اليا عطا غيره قفاه

لالا ولا مالك لوى && وين انت من سقط اللوى && وين انت ياراع اللوا && وين انت من راع العباه

الاوله ميل اعوجاج && والثانيه دارٍ زراج && والثالثه تحت العجاج && يفرق غزاةٍ من غزاه

قم خلِ ممشانا خبب && بين الخباري والخبب && يمكن ورا هاك الخبب && يلقى فؤادك بابغاه

الاوله ممشاً عجل && والثانيه سكّة رمل && والثالثه منقع وبل && له مدةٍ ماجفّ ماه

اليوم ذا يوم الربوع && ممكن باهل ذيك الربوع && عن الجماعه والربوع && تلقى بهم احمر حصاه

الاوله يوم اربعه && والثانيه دار وسعه && والثالثه من لي معه && صحبه ولي قربٍ معاه

ياجاك من علمه سفر && وارتحت من طول السفر && راحه وكبرت السفر && فرحه ودسمت القناه

الاوله حلّ السؤال && والثانيه شد الرحال && والثالثه اكلٍ حلال && في بيت من يندى صخاه

والّا على بنت العصا && ركّب وفي يدك العصا && إن العصا لمن عصى && اليا تعصوك العصاه

الاوله بنت الحصان && والثانيه من خيزران && والثالثه كل ابن جان && على الخطا تركض خطاه

اليوم حنّا في صفر && ناتج تنشدنا صفر && لهل العفر واهل الصفر && والحمر والسود الحماه

الاوله مفرد علم && والثانيه تعني العدم && والثالثه من النعم && صفرٍ تذاودها الرعاه

ماجا يبن حربان راح && الوقت نشوة كاس راح && مسرع يطق براح راح && من عزّه الوقت وعطاه

الاوله للذاهبين && والثانيه كرمٍ دفين && والثالثه بطن اليدين && كفعل من فارق اباه

ياكثر من عنّا كما && كسبه وهو يلقط كما && تقول ما يلقى كما && من ضيّع الصيده وراه

الاوله دفن معلوم && ولثانيه رزق محروم && والثالثه تشبيه قوم && بقوم هذا مثل ذاه

مثل الرشا فوق المحال && كم حال ذي حال محال && محال ان يبقى محال && حالٍ على حالٍ حلاه

الاوله حبلٍ مرن && والثانيه تأكيد كن && والثالث مالم يكن && ثابت وثبتنا حذاه

وقتٍ عثر باهل المقام && مافيه للطرقي مقام && لو بين زمزم والمقام && مافي حيٍ ماوطاه

الاوله قدرٍ رفيع && والثانيه نزل النجيع && والثالثه من كل ريع && جيناه حانين الجباه

عوايده منذ القدم && ضرب الثنادي من قدم && كم خان من ساقٍ قدم && فيه وكم حرٍ نعاه

الاوله ماضٍ خفاك && والثانيه بالوجه جاك && والثالث اللي من هناك && اوصل غريبٍ مشتهاه

كم فيه من حامي عقاب && في مثل جنحان العقاب && اسقاه من نار العقاب && كاسٍ على ماضٍ جناه

الاوله ادبار عير && والثانيه طيرٍ ييطير && والثالثه سوء المصير && من ساء فعله ذا جزاه

هو ليه ماتطوي رشاك && طوي المخلص من رشاك && لابوه حبٍ ما رشاك && خيره ولا ناشك رشاه

الاوله من الحبال && والثانيه اسم الغزال && والثالثه كما يقال && ماسر ابو زيدٍ اخاه

عقّب ردي الرابعه && واقطع عليه الرابعه && والشيخ مولى رابعه && ياكبر في عيني خطاه

الاوله قرب الهدد && والثانيه رابع عدد && والثالثه مدد مدد && بدعة مؤلهة البغاه

وهذا رابط بصوت فرعون الجن لهذه القصيده...
http://www.sadanajd.com/up/uploads/f...1ed86ab1ed.mp3

[ديما - - -]

أنا امنيتي افهم وش يقول الفراعنه = (( احس انه يتكلم أردو ))

[مستر~]

هذا لايسمى شاعرآ

شعره شعر عامي

[ابتسامة تواضع]

يمـــــــــــــه وشلووون جاب الكلمات سذا بجد شاااعر بس

مافهم له انا صراحه

مشكور

[تباشير المطر ~]

تحتاج لشاعر بارع لفهمها
فهمنا البعض والبعض لم نفهمه
بارك الله فيكم

[بقايا فـــــرح ..]

موهبه شعريه رائعه ..

ماشاء الله تبارك الله ..اذكروا الله ..

ورد

[عطــر الأمــاكن]

الفراعنه شاعر كبيرررررررررر وكبيرررررر جداً بعد ..
بس الصراحه ما افهم لشعره هههههه
لحسه والله ،،
بس تحس ان شعره قوي
والغريب اني لا جلست مع احد قعد يمدحلي ناصر و و و ولا سالته عن بيت من قصيده له قال ما فهمته .
انا ابي قصيد افهمه
يمكن انا لسى ما افهم لذلك ناصر مايعجبني والله .
شعرائي المفضلين اثنين وهم :
الأول : شاعر القصيم والخليج التويجري ياسر
الثاني : الكنق ابن الذيب
الاثنين ذولا اخقققققق عليهم .

سلام .

[شرقاوي ذوق]

عجيب الفراعنه

أذكر العام قريت له قصيده يمدح جنيه

[عطــر الأمــاكن]

^^^
خخخخخخخخخخخخخخخخخخخخخخخخخخخخخخخخخخخخخخخخخخخخ
هي وقفت على قصيده وحده بس عن الجن ؟!
اغلب قصائده لازم يتطرق للجن ..

والنعم با ابوفارس

[المكشات]

صح لسانك ولسان من قال القصيده وبعدين هاذي سياسة الشاعر يعتمد على دفن المعنى علشان يفهمها ناس معينين ماهو كلن من قراها يفهمها

[متغربل]

القصيدة واضحة جدا ً ... ولاكن لا يفهمها إلا من كان عنده باع في الثقافة ...
الي يفهم مفردات المعاني يجد ان الفراعنة شاعر ليس له مثيل في الوقت الحالي ...
لا أجد من يتقن الشعر بهذه الطريقة والإفراد با المعاني العجيبة التي تذهل من يقراها ...
هذه القصيدة يتحدث ناصر ويحاور ناقته ...
تقول ناقته :


ياناصر الفراعنه && وين الظعينه ظاعنه && خل العلوم مطاعنه && من دوّر الغايب لقاه

ويقول ناصر:


ياناقتي صبرك عليّ && واليا اعتزيت اصغي إليّ && ثم درهمي ثم زرفلي && والثالث الثالث نباه



تحياتي لك يا كبير الشعراء ....

[ياسر الخريف]

فعلا قمة الابداع ماشاء الله

[نجااااااوي]

مببببببببببببببببببببببببدع