[فيلسوف أحمد]

مساء الخير / يؤكد الكثير من المواطنين ان مرورنا العزيز واقصد قسم السير ببريده اطلق اسود الوغى وعديمى الظمائر من رجله الاشاوس للتصدي لمن ياناس هل لبني صهيون ؟ ام للحوثيين في الحد الجنوبي ام للتصدي لخطر قادم من الفظاء الخارجي ؟ لاوالله بل على شبابنا وابنائنا يطاردونهم في الشوارع والاحياء وضرب من هالقسايم والله العظيم ومسؤل عنه امام الله اني كنت واقف عند الاشاره وتوقف بجنبي صاحب سياره بشكل نظامي وكان يقف امامه سيارة مرور وفجاة نزل عسكري مفتول العضلات وتوجه الى سيارة الشاب وباسلوب لايتصوره عاقل انزل اشاب واخذاوراقه وكتب له قسيمه بصراحه توقفت انا وسالت العسكري ويش المخالفه فقال مالك دخل وهومخالف وبعطيه قسيمه طيب وش المخالفه لااجابه /يشتكي الكثير من المواطنين من المرور وعساكره حتى اصبح بعض العساكر معروف بمطاردته للشباب وخاصه صغار السن والاحداث اما مخالفات الاجانب والعمال فلاحساب والثمن يدفعه الاباء من المخالفات من عرقه وجهده والله حرام مايحصل هذا نصيحتي للاباء لايسوق الولد وهوصغير ترى عيون رجال المرور تراقبه وتتابعه وياويله لو ماعطاهم رقم جواله / من المسؤل عن هؤلاء العساكر ومن يحاسبهم رجائي من المخلصين من ابناء المدينه انيتحركو ويخاطبو االمسؤلين بالداخليه فالوضع خطير والحصانه العسكريه سلاح يلوح بها هاؤلاء العساكر /فرق من يقاتل في الجنوب وبين من يلاحق صغار السن بالنهضه والفايزيه والفاخريه وكل عام ومرورنا واحداثنا بسلامه

[سليق المشرح]

أنت اصلا ملقوف وش دخلك في الشباب إذا مسكه المرور انت خلك في حالك منتب محامي للناس

[ابوولعfموقوف]

يرجال المرور ميغلطون على أحد

طيب عندك انا من يوم ما مشية سيدا وانا مشفة قسيمه

انتم مينفعبكم اللى العسف والجلد عشان تمشون سيدا

[manedl]

اف اف وشهاالتحامل على رجال المرور وش السالفه ياحبيبي ؟ انا لي 15 سنه أسوق ماأخذت الاقسيمتين وفعلا كنت مخالف واعترف بذلك عادي , المبالغه وتصوير رجل المرور بعبع لاياخوي على هونك حنا شايفين اللي قاعد يصير من المراهقين شكلك عايش بكوكب ثاني , الله يهديك بس

[قلب صدام]

صدقت ياخوي وكلامك في محله

لك قصة واصفر لو معك قسيمة يمحونة عنك

كشبار والله انك تبي تاخذها بالطيب بالغصب

[بحرالفكر]

كله يهون و لا الي شفته وحنا راجعين من المدرسه يوم الثلاثاء

عسكري كبير بالعمر بالجيب حق الشرطه وقاعد يدخن وفاتح الشباك ودخان زقايره قاعد ينفخه على الشباك المفتوح يعني علينا

[وزير دفاع]

هو صادز العسكري وش دخلك ؟؟؟

وبعدين انت دخلت الامووور مع بعضها اللحين اللي يدافع بالجنووب هذا الجيش ومهمته الدفاع عن الخطر الخارجي
... واللي يعطي قسايم هذا الامن العام ومهمته الدفاع عن الخطر الداخلي

[الولد الذي كشخه]

آولآآ . سلآآم عليكم

ثـآنيـآ . ليش شـآيلين حمله علينــآآ يــ رجال المرووور ... هذآآ شغلنــآآ ومطلووب منـآآ ننفذه
آنــآآ بتكلم عن نفسي اللي يخــآآلف لوو هوو آبووي بعطيه قسيمه
يــ آآمــآآ آآني ببلي خلق الله لآآ ...
يــ آآخي آنــآ مايقهرني الا الي يتضبط على بآله آزين آحد ... وهو كل العصر عند الحلآآق ... هذآآ ليش مــ آعطيه قسيمه آعطيه ورجله فووق رآآسه

مره من المرآت مسكت وآحد مشمع ومـآشغل النووور
المهم بعد مااخذت اورآقه ,,, وشفت ميلآآده حصلته آكبر مني بــ خمس سنوآآت وهوو مكيــآآج خوآته كله بووجه
وين الرجووله ...؟
مع العلم آن عمري 23 سنـــه ...

[ابدا]

السلام عليكم
والله انك صادق بصراحه البعض من رجال الامن يحررون المخالفه على هواهم حصل معي انا شخصيا والله العظيم شيء يقهر وانا ماشيء كان امامي نقطة تفتيش داخل بريده جيت اربط حزام الامان وشفت اللي قدامي ماربط حزام الامان ومشاه قلت انا ماني رابط الحزام واوراقي كلها كامله قلت في نفسي بيمشين مثل اللي قدامي وصلت رجل الامن وسلمت قال الرخصه والاستماره وعطيته الاوراق وقال على جنب قلت ليه قال ماربطت الحزام وقلت واللي قدامي قال على جنب بس وقفت سيارتي ونزلت وعطى اوراقي اللي يحرر القسايم وقلتله عن اللي صار وقال وانت لشفت اللي مخالف تخالف قلت انا مخطي بس ليش ناس تعطى مخالفه وناس تمشى ولا يسأل عن اوراقه والله مايوفق وأخذت المخالفه وانا منقهر وكل الطريق وانا ادعي عليه .
وآسف على الاطاله ودمتم بخير

[قلم جريء]

ناس وناس