[متصفحة]

أعتقد ان حديث أخي محب الفضيلة سليم

ومن منظور شرعي بحت ..

ولو علمت كل فتاة أن الله حرم النظر والإفتتان بالرجل الأجنبي لما وقعنا بنقاشات كهذه ..

اخي كاتب الموضوع لعلك تعيد النظر على بعض الكلمات التي قلتها بحق هؤلاء المشائخ الفضلاء ..

ونعيد التنبيه على كل فتاة أن تحفظ ناظريها عن مايغضب الله

[زعيم نجد]

كثيرة جداً المتناقضات في مجتمعنا , حتى انك لاتملك إلا أن تفتح فاهك مندهشاً من قوتها في بعض الأحيان , يعني إلى هالدرجه فيه بعض الناس يستغفلونا ويضحكون على عقولنا !!؟

ولكن تعالوا نرى هذا البرنامج بنفس رؤية الأخوان الملتزمين جزاهم الله خير , من خلال متابعتي البسيطة للبرنامج لاحظت هذه التجاوزات التي لو وجدت في برنامج في ( غصب واحد ) لاقامت الدنيا وماقعدت !!. ومنها على سبيل المثال لا الحصر :

@ .. في احدى الفقرات تتصل وحدة من الأخوات الفاضلات وتقعد تدق حنك مع أحد المتسابقين الفاضلين وتشرح له طريقة عمل المقلوبة , وبالتفصيل الممل .
@ .. البرنامج فاتح له منتدى ورح شف عاد اليوزارت الي مسجله !! من الفراشة , والدلوعة , وأنت جاي , حتى أني شفت يوزر عاشقة فلان ( أحد المتسابقين ) طيب هذا ما فيه تعلق وأعجاب بالمتسابقين في البرنامج , يعني هذا مهوب محذور شرعي ويجب سد بابه !!؟

يعني لو سألت واحد وقلت له : ودك ولدك يتعلق في بنت ببرنامج ستار أكاديمي , أو أن بنتك تتعلق بمتسابق في بيت العطار !!؟
وش راح يكون الجواب , أكيد ماودك بالأثنين , بس الي أنا الآن أشوفه ان الخيار الأول تلقى التشنيع عليه وأنكاره في كل مكان .. بس الخيار الثاني تجد له أرضيه ومباركه من نفس الاخوان ألي ينكرون الخيار الأول !! وهاذي صراحة أزدوجية عجيبه بس مافي مجتمعنا شيء عجيب يعني التناقضات عندنا ماشاء الله بالكووووم .

@ .. طيب ماحذرتونا من أن هالبرامج الي من طقة صوت لنجمك المفضل , هي من آكل اموال الناس بالباطل !! طيب البرنامج هذا فيه تصويت ورسائل sms .. فهل نعتبره بعد هو من الي ياكلون اموال الناس بالباطل !!؟ نتمنى نجد الإجابه من أحد المشايخ الي يحاضرون في البرنامج .

ختام الموضوع , وزبدته أننا الآن نعيش بين تيارين واحد منفتح جداً يبغى يستغلنا وهالتيار هذا مانبيه , وتيار آخر يدعي أنه محافظ ويبغى يستغلنا وهذا بعد ما نبيه .
الي صاير ان الغرب يسوي برنامج من برامج الواقع , ثم يجي تيارنا المتفتح ويسوي عليه تعديلات ويسميه ( ستار أكاديمي ) ثم يجي تيار المحافظين وياخذ هالبرنامج ويسوي له تعديلات بعد هو , ويسميه ( زد رصيدك)

وحنا بين المطرقة والسندان , وكل تيار وله زبونه , وكل واحد يحوف النار على قرصة .وحنا من يد نشيط في يد نشيط , والطاسه ضايعه , والعالم أنقلبت روسها من هالتنقضات الغريبة . طبعا القصد من موضوعي أني أبغى توضيح , لأني ترى حبيب ويمكن أقتنع بسرعه إذا أحد نورني ووضح لي الموضوع , لأني في الأخير أعتبر واحد من هالمجتمع الطيب , الي كلمه توديه وكلمه تجيبه .

تحياتي ..

[مصابر]

اقتباس المشاركة الأساسية كتبها زعيم نجد كثيرة جداً المتناقضات في مجتمعنا , حتى انك لاتملك إلا أن تفتح فاهك مندهشاً من قوتها في بعض الأحيان , يعني إلى هالدرجه فيه بعض الناس يستغفلونا ويضحكون على عقولنا !!؟ ولكن تعالوا نرى هذا البرنامج بنفس رؤية الأخوان الملتزمين جزاهم الله خير , من خلال متابعتي البسيطة للبرنامج لاحظت هذه التجاوزات التي لو وجدت في برنامج في ( غصب واحد ) لاقامت الدنيا وماقعدت !!. ومنها على سبيل المثال لا الحصر : @ .. في احدى الفقرات تتصل وحدة من الأخوات الفاضلات وتقعد تدق حنك مع أحد المتسابقين الفاضلين وتشرح له طريقة عمل المقلوبة , وبالتفصيل الممل . @ .. البرنامج فاتح له منتدى ورح شف عاد اليوزارت الي مسجله !! من الفراشة , والدلوعة , وأنت جاي , حتى أني شفت يوزر عاشقة فلان ( أحد المتسابقين ) طيب هذا ما فيه تعلق وأعجاب بالمتسابقين في البرنامج , يعني هذا مهوب محذور شرعي ويجب سد بابه !!؟ يعني لو سألت واحد وقلت له : ودك ولدك يتعلق في بنت ببرنامج ستار أكاديمي , أو أن بنتك تتعلق بمتسابق في بيت العطار !!؟ وش راح يكون الجواب , أكيد ماودك بالأثنين , بس الي أنا الآن أشوفه ان الخيار الأول تلقى التشنيع عليه وأنكاره في كل مكان .. بس الخيار الثاني تجد له أرضيه ومباركه من نفس الاخوان ألي ينكرون الخيار الأول !! وهاذي صراحة أزدوجية عجيبه بس مافي مجتمعنا شيء عجيب يعني التناقضات عندنا ماشاء الله بالكووووم . @ .. طيب ماحذرتونا من أن هالبرامج الي من طقة صوت لنجمك المفضل , هي من آكل اموال الناس بالباطل !! طيب البرنامج هذا فيه تصويت ورسائل sms .. فهل نعتبره بعد هو من الي ياكلون اموال الناس بالباطل !!؟ نتمنى نجد الإجابه من أحد المشايخ الي يحاضرون في البرنامج . ختام الموضوع , وزبدته أننا الآن نعيش بين تيارين واحد منفتح جداً يبغى يستغلنا وهالتيار هذا مانبيه , وتيار آخر يدعي أنه محافظ ويبغى يستغلنا وهذا بعد ما نبيه . الي صاير ان الغرب يسوي برنامج من برامج الواقع , ثم يجي تيارنا المتفتح ويسوي عليه تعديلات ويسميه ( ستار أكاديمي ) ثم يجي تيار المحافظين وياخذ هالبرنامج ويسوي له تعديلات بعد هو , ويسميه ( زد رصيدك) وحنا بين المطرقة والسندان , وكل تيار وله زبونه , وكل واحد يحوف النار على قرصة .وحنا من يد نشيط في يد نشيط , والطاسه ضايعه , والعالم أنقلبت روسها من هالتنقضات الغريبة . طبعا القصد من موضوعي أني أبغى توضيح , لأني ترى حبيب ويمكن أقتنع بسرعه إذا أحد نورني ووضح لي الموضوع , لأني في الأخير أعتبر واحد من هالمجتمع الطيب , الي كلمه توديه وكلمه تجيبه . تحياتي ..

أنت دلست على المشائخ المذكورين ممكمن تأتي بكلام المشائخ ؟

أتمنى الرد على جوابي وشكراً

["الهلالي"]

كلام انشائي بعيد عن التأصيل العلمي او الدليل الشرعي

مجرد شخص لم يعجبه البرنامج فبكل بساطة صار حرام...عجبي!!!

والغريب انه كثر ترديد ان من عيوب البرنامج ان اكثر المتابعين من النساء

ما ادري يعني المرة لازم تسكر عيونه ولا تشوف شي

للتذكير الرسول صلى الله عليه وسلم سمح لعائشة برؤية الرجال وهم يلعبون بالحراب،،،

[صمت النار]

اقتباس المشاركة الأساسية كتبها الهلالي";2097527][center][color="navy للتذكير الرسول صلى الله عليه وسلم سمح لعائشة برؤية الرجال وهم يلعبون بالحراب،،، [/color][/center]

وهل سمح لها برؤيتهم بشكل يومي وساعات متواصلة ,,
وماذا كانوا يلعبون ..؟؟؟؟

["الهلالي"]

اقتباس المشاركة الأساسية كتبها صمت النار وهل سمح لها برؤيتهم بشكل يومي وساعات متواصلة ,, وماذا كانوا يلعبون ..؟؟؟؟

وهل ورد انه قال ترى هذي اول وآخر مرة تشوفين رجل؟؟؟

[صمت النار]

اقتباس المشاركة الأساسية كتبها الهلالي";2097606][center] [color="navy وهل ورد انه قال ترى هذي اول وآخر مرة تشوفين رجل؟؟؟[/color][/center]

ماجاوبت على سؤالي ..!!!! لايكون كانوا يلعبون عرضة او رقصة مثل برنامجك زد رصيدك

أما ماورد فهو قوله سبحانه وتعالى : ( ‏وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ .. )

على فكرة الموضوع مو عن حكم رؤية المرأة للرجال .. فهذا جائز ومافيه عالم قال حرام إلا إذا كان بشهوة ..

[والداي نووور دنياي]

اقتباس المشاركة الأساسية كتبها الهلالي";2097527][center][color="navy كلام انشائي بعيد عن التأصيل العلمي او الدليل الشرعي[/color][/center] مجرد شخص لم يعجبه البرنامج فبكل بساطة صار حرام...عجبي!!! والغريب انه كثر ترديد ان من عيوب البرنامج ان اكثر المتابعين من النساء ما ادري يعني المرة لازم تسكر عيونه ولا تشوف شي للتذكير الرسول صلى الله عليه وسلم سمح لعائشة برؤية الرجال وهم يلعبون بالحراب،،،

كلامك محل العقل اخوي
شكراً لك