 |
|
|
|
|
20-03-2010, 01:45 PM
|
#1 |
|
عـضـو
تاريخ التسجيل: Mar 2010
البلد: القصيم
المشاركات: 313
|
أقولها وكلّي ألم هذه ثقافتي مع الوزارة فلا تعترض ..!!
  أقولها وكلّي ألم هذه ثقافتي مع الوزارة فلا تعترض ..!! -------------------------------------------------------------------------------- Play الأستاذ محمد : يا أبو خلود خلها على الله .. والله إني ما دخلت إلى سلك التــعليم إلا علشان الراتب وبعض الممـــــــــيزات مثل العطل وغيرها ... والا والله التدريس ما أحبه ...خاصة مع هالحــــــــــــمير والدبش اللي الواحد منهم ما يعرف كوعه من كرسوعه ...!!! يمين بالله اني ما أرجع للبيــــــــت ومن أول ما أفتح الباب أبدا أحط كل حرتي بهالمره المسكينة ... ما غير سب وشتم والســــبب هالطلاب الحيوانات اللي يرفعون الضغط ويجيبون الصمرقع ... أحس بعد الحصة يجيني غثيان بأصبعي الابهام اللي برجلي اليسرى ....!!! الأستاذ خالد : يا بو حميد عساك سالم ... والله اني نفس حالتك .. أووووووووما الطلاب ... وربي انك صادق ... وهـ بس فديتك يا عزوتي ...!! ( هموم مؤسفة لمربي الأجيال ) :::::::::::::::::::::::::::::::::::::::::::::::::: :::::::::::::::::::::: ( عدسة الكاميرا تنتقل إلى بيت طالب ) الأم : عبودي حبيبي يله قوم ... المدرسة يا حياتي ... يله شد حيلك ..!! ( على مائدة الإفطار ) المدرسة وانا أبوك هي مركز التعليم الأول .. والواحد يا ولدي إذا مـــــا درس ينقص قدره بين أهله وبين الناس ... عرفت يا وليدي ...؟! علشان كذا صارالمعلم عمله من أهم الأعمال وأجلها .. لأنه يخرّج أجيال علــى يدينه ... فهمت ...؟! فلازم الواحد يصير حذر في تعامله مع المدرس لأنه له قدره واحترامه مو مثل أي واحد بالشارع ... قرب لي الشابورة تكفى >>>>>>>>> طبعا قاعدين يفطرون لا تنســــون ....!! والمدرس وأنا أبوك يخليك تعرف البقرة والثور والجمل والجبل والقلم ... وكل شي يعلمك ما يبقي لك ولا نتفة إلا يعلمك وش هي هالنتفة .....!!! عبدالله : ااااهااا ... أجل أبشر يا بوي والله بسعدك يمين بالله لأحتــرمه مادامه كذا ..!! الأبو : ونعم والله بولدي .. ونعم ...ايه كذا الرجال ... نشمي ولد نشمي ... كفو والله!! :::::::::::::::::::::::::::::::::::::::::::::::::: ::::::::::::::::::::::: ( عدسة الكاميرا تنتقل إلى المدرسة ) إنتبه يا ولد أنت واياه .... خلوكم معااااااي ..!! الطلاب : هاهاها هوهوهو كركركركر ... محمد جب القلم .. خالد سمعت القصة ... وائل شو بدك تاكل في الفسحة .... الدعـــــوى بالفصل خيصى بيصى ذذ .....!! الأستاذ محمد : يا ووووووولد ... يا هوووووووووووهـ ... انتبهوا معاااااي والا والله ويمين بالله إني إذا سمعت هرج واحد منــــكم إني لأتوطى في بطنه وأتمردس وأحوس مريره .....!!! الطلاب : ركووووود ... ركووووود ... المدرس موجووووود ... الطفل البريء عبدالله رافع حواجبه وفاتح عيونه كأشد ما تفتح الناقة عينها ذذ .. طبعا كل هذا علشانه مستغرب من المدرس وكلامه .. وإلى الحين قاعد يستذكر كلام أبوه عن المعلم ...!!! المسكين يفكر وبكل براءة ...!! الأستاذ يشرح وعبدالله ما زال يفكر ببراءته يصـول ويجول بفكره .. ترتسم في مخيلته صورة المائدة التي كان عليها وقت الافــطار مع أبيه ومازال يتذكر كلام أبوه عن المعلم .... وفجأة .. الأستاذ : يا ........ وش قلنا آخر شي .....؟!! عبدالله بلّم ... ولا في أمل يدري وش قال المدرس آخر شي ... الأستاذ : تكلم ........ ما تفهــــــــــم .........؟!! عبدالله : م م م م مممممما أدري يا أستاذ .. الأستاذ : وش اسمك ....؟! الطالب : عبدالــــــــــله .... الأستاذ : اممممممممم .... والتبن ..!! عبدالله بلا إرادة يرفع حواجبه باستغراب وفوق راسه خمسميه وستة وعشــــــرين علامة كوسشن مارك ثم كوما ثم كوسشن مارك ثم كوما ثم كوســـــشن مارك ...!!! الأستاذ : وراك مسرح يا ولد الفقر..؟! توّك لا زوجة تفكر فـيها .. ولا راتيب تشيل همه ولا عيال يشيبون راسك ..... ودي أعــــــرف وش كنت تفكر فيه ...... ممكن أعرف ...؟!! عبدالله : أنواع التحطم النفسي ... بدا يبرطم ويبرطم ... الى أن دمعت عيناه المسكين :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::: الجرس يرن رن رن رن رن رن رن رن رن ... طلعة طلعة واللي نايم يصحى ...!! أخذ عبدالله دروسه وراح بيطلع من المدرسة ... وفجأة تستوقفه لوحة جميلة المنظر ... تشد البصر وتلفت الإنتباه ... وإذا مرسوم عليها شعار وجملة صغيرة تحته ... ( وزارة التربية والتعليم ) وبكل براءة .. يأخذ الــطفل اللوحة بخفية ... ليجلس في إحدى الزوايا حــــيث لا يراه أحد ... يفتح الشنطة ... يخـــــرج قلمه بكل طفولة ... ثم يحرر النص المكتوب ليجعلها ( وزارة الصنفرة والترميم ) فلم يعد عقله الصغير أن يتصور معلما بهذه الأخلاق المبتذلة ... ولكن لم يتعب نفسه حيث انقدح في ذهنه أن ذلك المعلم عامــــــــــــــــلاً من العمال .... وليس معلما ...!! فوضع المسكين جملة مناسبة له ...!! ::::::::::::::::::::::::::::::::::::::::::::::: ( عدسة الكاميرا تنتقل إلى البيت ) على مائدة الغداء الأبو : هاه وليدي شخبارك ....؟! وشلون المدرسة ...؟! الطفل وكله براءة : تبي الصــــــــــــــــــــراحة يبه ....؟! الأبو باندهاش : إيه .... قل وش عنـــــــــــــــــــــدك ...؟! الطفل : المدرسة علمتني من هو البقرة والثور .........!! الأبو : كفوووو .... كفووووو ... شكلك منتبه مع الدرس مضبوط ... ما شا الله عليك الطفل بكل رحمه وشفقة يصوب نظره إلى أبيه ويقول في نفــــــــــــــــــــــسه : ( يقولون خل الغافل على غفلته ) ( يقولون خل الغافل على غفلته ) ( يقولون خل الغافل على غفلته ) Stop آخر من قام بالتعديل بدر بن عبدالله; بتاريخ 20-03-2010 الساعة 02:10 PM. |
|
 |
| الإشارات المرجعية |
|
|
النمط المتتابع
