[كفايه جروح]

السلام عليكم ورحمة الله وبركاااته..

نداء إلى شبااب بريده (ولامانع من تعليق البنات )
هل تؤيدون مكالمات قبل الزواج ؟؟؟
طبعاً الهدف منها التفاااهم والإندماااج مبدئياً ؟؟
لأني على وشك زوااااج وماعندي مانع إذا طلب خطيبي لكن فيني تردد قلت آخذ رايكم بالموضوع

دعواتكــــم لي بالتوفيق والسعااااااادهـ

[Total ransom eyes]

والله احسن لك تخلينه يكلمك
لان قبل الزواج وتتعرفين عليه وهو يتعرف عليك
وان شاء الله تدووم المحبه اللي بينكم

[بنت خالتك]

من رايي انا لاتكلمينه

[گلـﮧ مٍنهُمٍ ҳҲҳ]

اسمعي يا اوخيتي

ترى كثير من الشباب الحين فاقدين الثقه بالبنات نهائيا

لذلك انتبهي تكلمينه واذا كلمك هو جاوبيه على قد سؤاله و ردي
عليه برد يبين انك متضايقه من الكلام معه

لانك اذا تماديتي فهذا شي عادي عندك وما سويتي شي غلط

لكن هو بيفهم انك متعوده على الكلام مع الشباب ومن هالامور

هذي نصيحتي وانا والله ما اقولها إلا لاني ابي مصلحتك

والله يوفقكم ويجمع بينكم على خير

[loquacious]

حلو انه يكلمك تعرفين شخصيته ويعرف شخصيتك ..
لكن احذرك لا تطووولين بالمكالمات , تراها بتنقلب لهواش وقلة حياء ..
كثيييير اعرفهم انفصلوا بسبب كثرة المكالمات ... !

[كفايه جروح]

مشكوورين ع الردود
لكن مو معناتها إني رضيت أكلمه يعني أنا متعوده ع هذا الشي لكن ماكلمته إلا لأنه زوجي ومملك علي

[الوباء المدمر]

اكلم قبل الدخله بايام

[كفايه جروح]

مشكور أخوي بس مو قبل الدخله بأيام قليله

لوكان قبل الدخله بأسبوعين أو ثلاثه مو أفضل ولا وش رايكم؟؟؟؟؟؟؟؟

[غالية الثمن]

تبين نصحتي يااختي لالالالالا تكلمينوالأندمااج والتفاهم يجي بعد الزوج..مافي شي يجي قبل الزوج.. ..والله يوفقت بالسعااده في اللأخره والدنيا ويرزقت الذريه الصالحه..

[ابتسامة تواضع]

لااااا يـاحبيلتــــــس لاتكلميــنه
وحتى قبل ايام الزواج لاتكلميـــنه
تـــــــرا يصير بيوم العــرس ماله شمـــــهـ
طعــي اشـويري

لاتكلميــــــــنهـ

ولابعد يمكن تقلين كلمــه ينقــــد عليــه
ولايستــحـقرتس

ولاالعكـــس

<<
وبكفيتس انا علمتس
ولاتقلين قهر ايام عمــرحلوه
ولااسـوي مثل البنات
الحين اعيال تغيرو
مثل ماقل اخوي ذاك مادري وش اسمه
^
^
^
اولااااه لاتسمعين الا كلامي

>>تحمست الله يخوي عــدوتس
لو انا عندتس تسان امعط شوشتس من الحماس!!

موضوعتس المفروض بساحه مفتوحه بوب اخبار ابريده
ياحبيلتس بعد والله يوفقتس ويسخرهولتس
ولايعرسس عليتس ابد

[Total ransom eyes]

لاتسئلين احد احسن لك
وانتي شوفيه عنه اذا هو يشك بالواحد لاتكلمينه
وترا هو ماراح يتزوج الا وهو فاهم
وخلاص متملك عليك وانصحك تكلمينه وتكثرين بعد المكالمات
لان هذي قبل الزواج وافهمي وش يبي منك وهو يفهم وش تبين منه
واذا ماصلحتو لبعض كل واحد بطريق قبل مايدخل عليك

[متصفحة]

المكالمات قبل الزوج تكون بضوابط ..

يلزم الفتاة أن تتحلى بها ..لأنه يعكس نظرة الشاب لها ..

تستطيع بهذه الفترة طلب أي شيء ..>> فهو بوقت حاضر وتامرين أمر ..

وعدم الإندفاع من الفتاة أمر مستحسن ..

وفقك الله لكل مايحب ويرضى

[گلـﮧ مٍنهُمٍ ҳҲҳ]

اقتباس المشاركة الأساسية كتبها كفايه جروح مشكوورين ع الردود لكن مو معناتها إني رضيت أكلمه يعني أنا متعوده ع هذا الشي لكن ماكلمته إلا لأنه زوجي ومملك علي

يا اخيتي انا قلت هالكلام بردي الاول

انتي تشوفين مجتمع البنات واللي حاصل فيه


كل ما اخافه انه يشك فيك وإلا احد ينبهه لهذا الشي من اصدقائه

حتى ولو كانت نيتك سليمه وانك تكلمينه على اساس انه زوجك

عموما هذا رأيي وانا اقول هالشي والله كله خوف عليك من
اللي ممكن يصير

[كفايه جروح]

اقتباس المشاركة الأساسية كتبها گلـﮧ مٍنهُمٍ ҳҲҳ يا اخيتي انا قلت هالكلام بردي الاول انتي تشوفين مجتمع البنات واللي حاصل فيه كل ما اخافه انه يشك فيك وإلا احد ينبهه لهذا الشي من اصدقائه حتى ولو كانت نيتك سليمه وانك تكلمينه على اساس انه زوجك عموما هذا رأيي وانا اقول هالشي والله كله خوف عليك من اللي ممكن يصير

صدقت أخوي هنا المشكله أخاااف يشك إذا بسهوله أستجبت لطلبه ورضيت أكلمه.
جزاك الله ألف خير أخوووووي والله نبهتني على شي كنت غافله عنه