[فاقد حنانك]

وأسفاه
من مرور بريدة

[الدب الصيني]

عادي ياخوي مادامك تقدر تمشي اسكت فيه اهم من ذلك .

[ή3Şąή]

فالحين بالقسايم

[عمر الأحمد]

يا رجال عساك سالم بس
بالله عليك يقالووه عندك مروور بذاا ،،
مروورن جيدن بملاحق المبزره ومحط هالمخالفات ومثل ما قال أخونا مهدوم والله انهم يدورون الدراهم بس ،
انا بقولكم شي : الكل منا يعرف انه فيه مخالفه للسرعه أذا كانت أعلى من الحد المطلووب ،
لكن خبررة أنه به مخالفه للي يمشي شوي شوي ؟
تصدقوون انه واحد من خوياااي يتمشى بطريق النهضه ويمشي شوي شوي ومير يوقفه المروور ويعطيه
مخالفه تتوقعوون وش أسمه ،،،،، مخالفة مشي ببطئ ،،، بالله عليكم هذولا أوادم
قسم شي يقهرر والمشكله انه محجووبه يعني مووب بالسيستم أبد بس يالله ما نقوول الا حسبي على الضالم
ادري اني طولت عاد تحملوون بس قسم منقهر من هالعالم الدايخ ...

[عاشق ركوني]

الله يرحم المرور وانا اخووك

[د رحال]

اي والله مرورنا تسميه مرور

[haithamaly]

السلام عليكم و رحمة الله و بركاته
اقرأ معي لعل الله يغفر لنا جميعاً

[مشاهير]

اقتباس المشاركة الأساسية كتبها عمر الأحمد يا رجال عساك سالم بس بالله عليك يقالووه عندك مروور بذاا ،، مروورن جيدن بملاحق المبزره ومحط هالمخالفات ومثل ما قال أخونا مهدوم والله انهم يدورون الدراهم بس ، انا بقولكم شي : الكل منا يعرف انه فيه مخالفه للسرعه أذا كانت أعلى من الحد المطلووب ، لكن خبررة أنه به مخالفه للي يمشي شوي شوي ؟ تصدقوون انه واحد من خوياااي يتمشى بطريق النهضه ويمشي شوي شوي ومير يوقفه المروور ويعطيه مخالفه تتوقعوون وش أسمه ،،،،، مخالفة مشي ببطئ ،،، بالله عليكم هذولا أوادم قسم شي يقهرر والمشكله انه محجووبه يعني مووب بالسيستم أبد بس يالله ما نقوول الا حسبي على الضالم ادري اني طولت عاد تحملوون بس قسم منقهر من هالعالم الدايخ ...

>>>حسبي الله على الظالم >>>
طيب ياأخي ماهو الحل برأيك لمثل هذة الحالة...؟
إذا كنت تسير مع الطريق وتفاجأت بواحد غشيم او لاهي مع نفسه ويمشي صفرمع طريق عام
ورقعته(يعني صدمته) من ورى وصار الخطأعليك 100%..ماتقهر بعد
انا اقول تطبيق النظام مطلب كل مواطن>وانا اقرا في بعض المواقع تذمر بعض الشباب من المرور...وفي بريدة بالذات ..وفي النهاية يكون الواطن على خطا واضح؟وصريح
صحيح ان فيه عساكر جدد وصغار بالسن ولهم اسلوب وقح جدا.. لكن مهما كان لن يظلم الناس مثلا يعطيك مخالفة قطع اشارة ظلم وافترا
واغلب العساكر مثقفين ومحترمين ...لويعطيك عشرين مخالفه تمشي وانت تضحك.
مع تحيات/مشاهر...الرياض...حي الملك فهد

[برووكي]

مشكور حبيبي على الموضوع << ماقصرت >>

[مشاهير]

من اغرب المواقف سافرت في يوم الاحد الماضي للقصيم لزيارة احد الاصدقا بمستشفى الملك فهد التخصصي وعند دخولي لبريدة نسيت وتعديت المخرج اللي انا عرفه ودخلت مدري من اين وضيعت وقعدت ادور لمين دخت وسألت واحد وصف لي وكانت الزيارة على وشك الانتها وقطعت الاشارة الاولى وتحركت خلفي سيارة من نوع هايلكس غمارتين 2008وقلت بنفسي يمكن مرور سري على هايلكس المهم وصلت الاشارة الثانية وقطعتها وقطعها معي وكان الصدام بالصدام وصلت عنداشارة كانت شوى زحمة وتوقفت وتوقف معي وعندا ما تحركت تحرك خلفي حتى وصلت مواقف المستشفى وإذا بدورية مرور كامري تتوقف خلفي وينزل منها عسكري محترم سلم علي وطلب مني اثباتي واعطيته اياه وقال فيه واحد يقول انك قطعت الاشارة هل هذا الكلام صحيح قلت نعم وإذا بالمواطن الحبيب الذي كان يتابعني ينزل وهو زعلالالان ؟؟؟ وكانه مسؤل عن اشارات القصيم كلها قال وش مطيرك تقطع الاشارات ...وقاطعه العسكري عطني اثباتك اولا ...واخذاثباته وساله اين كنت يوم انه يقطع الاشارات قال خلفة قال يعني قطعتها معه قال نعم لاني انا المبلغ ومشيت وراه حتى ماتضيعووونه وقام واخذ دفتر القسايم وكتب له مخالفة قبلي وقال تفضل مخالفتك وزعل هذا المواطن الحبيب قال هذا جزاي يامرور الاحق الناس لكم وتخالفونن
قال مااحد طلب منك تلاحق الناس
فاعطانا مخالفاتنا وتحرك الله يوفقة واحس انها احلى مخالفة بحياتي

[« حہالہي الہذوقـہ »]

المرور جيدينن بالمخالفات وتدوير الفلوس الله يخلف علينا بس

[ث/ ابن عثيمين]

الله يكوون بالعوون

[المدير العام88]

نيمين

[مشاهير]

بين من ردك انك همجي اذاكانت هذه نظرتك لاداره حكوميه مااقول الا الله يعنك