[مدحت شوقي بريده]

اقتباس المشاركة الأساسية كتبها طقطوق أول شيء نبارك لك المولودة وان شاء الله تتربى بعزك سؤالي ..!!! أي المدارس اللي ناوي تسجل به بنتك يازيني ما أسأل ، صح

طق طوق ..

اول شي وراك ( تطق ) طوق .. ياويلي وش هو مسوي لك ..
<<((== اقول الله من الملاغة يالمصري




والله يبارك فيك يالبي .. ويرزقك الولود الودود .. ام الدود .. <<((==




اعلمك بعد والله ياعليك سؤال ..
انت احدن غاصبك تسئل ..

اجل وين ابسجل البنت ..


ابسجله بإبتدائية عمر بن الخطاب اللي مديره حمود الدليلان ..
يعني بنت وين ابسجله بوه.. اكيد بمدرسة بنات ..



نسلم عليك يالبي ..



سي يو ..

[مدحت شوقي بريده]

اقتباس المشاركة الأساسية كتبها AL RAJHI . 1-وش أسم المولودة الجديدة ؟!! 2- وش نوع شرآآبك اللي شرتلك أمك ذيك المرة ومنين ؟!! ماهو سبب أنقطآآع مدحت شوقي في سآآآحة النشيد ؟! .

ج /1


اسم المولودة الجديدة ( أفــنـــــــــــان ) على وزن بردقان .. لأني احب البردقان ..




ج / 2

نوع شرابي ..
شراب العائلة يالبي .. اللي اذا عرقت رجلك ..
يسد خشمه اللي بعرعر من شين ريحته ..



ج / 3

انقطاع عن النشيد ..

يالبي ويابعد معاليق شوشتي ..
انا عندي واحد من الحبال الصوتية انمصع ..
ودورت اي حبل على مقاسه مالقيت ..
قمت وربطته ربط مع بعض .. وتعرف اذا ربطت حبلين وهن قصار ..
تشوف رقبتي ماعطه معط ومنعفطه .. كله علشان اشد الحبل واربطه ..


والحبل الثاني من حينه مايشتغل ..
انا سعابيلي كثيرة .. ودايم هالحبل يربص ..
مثل خيط الابرة اذا حطيته بالماء شف وشلون يربص ..



يالبي اللي يسمعك على هالاناشيد .. يقول حامد قوزع .. والا سمير سعود ..
يارجال من شين صوتي اذا انشدت اسمع صوت قرشعت الفناجيل والبيالات بالمطبخ ..




الراجحي ماعندك سلف مليون ..
نسلم عليك يالبي ..



سي يو ..