[ديرتي بريدهـ]

شكل حارس الامن مايدري ان ذا مدير الشؤون الصحيه

هههههههههههههههههه

[قلم جريء]

لم يأخذ هذا الحارس في الله لومة لائم

[%بدريه والذئب%]

قولو امين
يااااااااااااااااااارب ما يتنازل حارس الامن
قلعته الخراز يعني صار مدير يبي يمشي الناس على كيفه

[Hi Saudi]

كفووو يالحارس .. ندري ان بتظلم ويؤخذ حقك ظلماَ .. لكن النظام نظام مدير وإلا غيرهـ ..

الله يوفقك بشغلة احسن منه ويستر عليك دنيا واخره

[لندني]

قولو امين
يااااااااااااااااااارب ما يتنازل حارس الامن
قلعته الخراز يعني صار مدير يبي يمشي الناس على كيفه

[فارس الصوتيات]

كفوا يستاهل مدير ويخالف النظام وين الربيعة

[عربي أصيل]

إن كان الخبر صحيح .. فا اشهد إن حارس الأمن رجــــــــــــــــــــــال .. ويسلم البطن الي جابه طبق النظام على أكبر مسؤول بالشئون الصحية والحقيقة هذا الرجال نادر من جنسه ..
الله يوفقه ويرفع من شأنه ..

[العنبر]

العضو أخـو دريحــم :

دائماً انت تأتي بالأخــبار المضادة للأحــداث
وش ترجي من الخراز المال وإلا المنصب . . . من الأصــل ماكان الخراز متواجــد بالمستشفى
وكأن بكلامك هذا تخطي الحارس وأن الحارس هو المعتدي وإلا من الأداب مدير الشؤون الصحيه وشقيقه ماذا يريدون من السكن فهــو سكن خاص يالممرضات لا بد ان يحقق معهــم
لقد أعجبتني يالحارس ( لله درك يابطـــــــــــــــــــــــــــــــل )
نتمــى ان لاتتنازل حتى يكون تأديباً لــه وردعاً لأمثاله

أخـــــــوكم : ( العنبر )

[سهيل اليماني (1)]

لا تصير هذي كذبة أبريل هالسنة !!!!!

[الميدان]

الخبر ما ستشاهدونه لا ما ستسمعونه في البنوط العريضة لصحف غدا

الوطن + الجزيرة + عكاظ

[فديت القصيم]

كفو ياالحارس...يعجبني اللي يمشي عـالنظام

[بعد عنيزة]

السلام عليكم ورحمة الله وبركاته

مسائكم حزن ياللي يعرف الحق

الصراحه شاهدت موقف ولازم يكتب هنا

لانه قهر النظام يمشى على ناس على قدهم واهل المناصب لا يريدون انه يطبق عليهم وهم من وضعوا هذه الانظمه والتعليمات

القصه وما فيها

انا كنت ابزور احد الاطباء داخل السكن بمستشفى الملك سعود وعند وقوفي خلف سياره واقفه عند حارس امن لكي ياخذ منه بطاقة الاحوال ليسجل البيانات عشان يدخل داخل السكن

وبما اشاهد مدير القطاع الصحي ياتي مسرع ومعه اثنين من الاولاد اعمارهم قرابة 18 سنه ومير ينزل ويقول لحارس الامن وش حضرك تطلب البطاقه من اخوي صاحب السياره ( وتوي افهم ان اللي قدامي واقف اخو الخراز ) وقال الحارس حضرتي حارس امن على بوابة السكن ومير يضربه الخراز وعياله الصراحه عجزت اتحمل الموقف وانزل عشان افرق الهوشه قهر تشوف واحد معه الحق يضرب والله قهر تشوف فنيلة الحارس متقطعه وخمس دقايق ومير تجي الشرطه وتاخذهم للشرطه

سؤالي للجميع : يعني مدير القطاع الصحي يحق له الضرب اهذا اسلوب واحد متعلم ودكتور ومنصبه مدير القطاع الصحي وهو من وضع التعليمات ؟

الله يخلف بس

[**((الحنونه))**]

من حق الامن طلب البطاقة حتى لو كان امير منطقة القصيم
لكن بعض الناس متعلي يحسب نفسه وزير الداخليه
إن شاء الله يأخذ جزاءه وتكون أدب له ولأمثاله

شكراً لك

[اخو دريحم]

نعم نقرأ اليوم أخبار وبكرى تبين الحقيقة لانعلم أنا وانت

ومين نصدق الصحف الاكترونية تبالغ لشد الانتباه

لكن الخبر الصادق سيأتي ولانكذب الخبر ولانصدقه

ولانسمع من طرف واحد . وآفت الاخبار رواتها