[ولد الوسيطى]

[center]الله لا يحللك يا×××××× قالها عدد كبير من خريجي المعهد
وأنا أولهم نطلنا الله لا يحلله وسنقف أنا وأنت امام ربنا يوم لاينفع مال ولا بنون
القصه ومافيها
_____________________________________

تخرجت من الثانويه عام1427ومثلكم عارفين مثلي مثل اي واحد عنده طموح اكمال دراسته
المهم قالي واحد من الزملاء الأكاديميه يمدحونها وفيها تخصصات حلوه
قلت شورك وهداية الله وبعد مشاورات عده اتكلنا على الله انا وياه
ورحنا للمعهد قالو لنا الدراسه سنتين ونصف 48000ريال
وقالو فيه السنه الأولى دورات حاسب وانجليزي ((بشهادات معتمده))
الي هي الرخصه الدوليه لقياده للحاسب والأنترنت
قلنا شي زين شهادات زي ذي تنفع بالحصول على وظيفه بعد التخرج
وفعلن بدينا الدراسه وخلصت السنه الأولى واستفدنا من الدورات شي ممتاز
وخلصنا السنه الثانيه والأمتياز يوم جينا للمعهد
نطلب شهادات الدورات قالو اي شهادات
ورحنا وقابلنا سكرتير المدير انا ومجموعه من الطلاب قال ماعندنا لكم شي
ماعندنا الى شهاده الدبلوم فقط غيره ماعندنا شي ؟
ياحبيب يالبيب عدل بدل قال وراكم اشغلتونا؟؟؟؟؟((اشغلتونا دافعين48000)) ويقول اشغلتونا والله مهزله
طيب وش لون تواعدوننا يوم التسجيل وهالحين تقولون لنا ماعندنا لكم شهادات
ردالموظف يقول هونا مافيه شهادات وبس هونا
والله العظيم قهرررررر.
يوم أخذ الفلوس لو تشوفون حلاوه اللسان والترغيب
ولاكن اقتلب 100بالميه عكس ليش علشان اخذو الفلوس ماهميناهم
والله العظيم مافيه حمايه لنا ولا كيف يعني الكبير يأكل الصغير؟
فلاكن يجي اليوم الي نحاسبه عليهن
_____________________________________

والي يعرف احد يوصلنا شي او نأخذ حقنا حنا مستعدين بأي طريقه او يعلن بعاجل ولا سبق أو الوئام
وانا تراي عود من حزمه واخويياي موصينن حوالي ثلاثين واحد من دفعتي قابلين للزياده لأللنقص ومستعد أجيب أسمايهم وتواقيعهم وأثباتات أنهم طلاب الأكاديميه
وتعرضو للظلم والنصب من الزويد الله لايحلله لا دنيا ولا اخره...[/center

[خجولةالمبسم]

حسبي الله عليهم ..
وتأكد ان كل ظالم فوقه رب يحاسبه وراح يشوف عاقبة ظلمه يابنفسه ولا بعياله ..


حسبنا الله ونعم الوكيل ...

[ولد عقار]

ظلم


...........................

[ابوولعf]

حرام عليك تتهم الرجال بدون حق

[ولد الوسيطى]

معليش اخوي اول شي حسن الفاظك بعدين سم بالله وأقر الموضوع زين
من قال اني تكلمت عن التوظيف مع ان مافيه توظيف والكل يعرف
انا اتكلم عن الدورات الي غرونا به كان من اول ماقالو لنا ان فيه شي مو يقولولن وبعد ماخلصنا يقولون مافيه شي كبر عقلك وافهم زييييييييين
بس يبدو انك...؟ بس حلوه كل هذا من الأكاديميه ورا ماقلت من فلوسهم.

[بريداوي للصميم]

زيزو والله يا انت منفعل شكلك ولد الزويد
هو مقال ما وظفنا الزويد يقول ما عطانا شهادات اقرأ النص زين يا حبيبي

[الوساااام]

خذ الاوراق والأثباتات مع سند الدفع ولا يردك إلا الشرطة ..

الشرطه تحولها بيوم وليلة لهيئة التحقيق والادعاء العام .. وصدقني لو علموا بذلك راح يتغير أسلوبهم معكم بسرررعة وراح يعالجون وضعكم قبل الفضايح ..!

أو وكلوا محامي .. تحصلهم جوار المحكمة من الجهة الشمالية ..

بالتوووفيق ,,

[ارجوك اعفيني]

اهلين وسهلين

ممكن ترسل رقمك يا ولد الوسيطى

برساله خاصه

وراح اقولك مين اذا دقيت على

اتمنى ترسل رقمك للاهميه

لاني انا موظف فى الاداره

[يزوودي]

السلام عليكم ورحمه الله وبركاته ياخواني كلاامه صحيح 100% انا ولد خالي نفس كلامه قاله لي
والزويد اكلها بالمنارات القصيم كيف ياكلها بالاكدميه والله حراام وظلام
والله يكون بعونكم وزيزو اقراء الموضوع زين

[loquacious]

ولد الوسيطى وربي حاسه بمعاناتك , وأنا اعرف واحد متخرج تمريض السنه اللي فاتت يسبهم بقووه
لكن مانجح في الهيئة , ومع ذلك متوظف , بسألك إنت نجحت بامتحان الهيئة وإلا لا .. ؟
وأصلاً الأكاديمية هذي ماتتحرك إلا بفلوس , يكفي انك ماتقدر تدخل امتحان إلا انت دافع فلوس
لاتسكتون عليهم تراهم ماينعطون وجه , لازم تنشبون فيهم

الله يوفقك إنت واخوياك موفق ...

[ضايق الصدر]

^
^
^
غباء وصغر بالعقل حتى الثماله

[ارجوك اعفيني]

ياخي روح لم نفس الفرع وخذ رقم الاداره

واذا اخذت رقم الادراه فى دكتور اسمه /محمد المجلي

لانه هو مشرف على الطلاب الاكاديمه

وهو انشاءلله راح يساعدك

واذا ماتقدر تكلمه ارسلو رقمك وانا راح اساعدكم انشاءلله

[دموعي دلع]

وش محرق رزك يقربلك الزويد؟؟!!!!!!!!

[kkkk]

زيزو بن عبودي رد يدل على انك انت الفاشل ونت البزر ونت المريض ياخي كبر عقلك وتزن وغد رجل وكتب زين وقرا زين قبل لاتكتب ياخي اقل شي اذا كان عندك شي تبي توضحه ياخي بسلوب زين والفاظ متزنه

حتى لو كان يقربلك الزويد مايصلح الكلام البذي ذا

والاعجب رد اخوي العزيز صاحب الموضوع بكل اتزان بالعربي عطاك على قد عقلك