[سراج اللوذه]

السلام عليكم والرحمة من الله .. وهو خير الراحمين ..
أسعد الله أوقاتكم بالود واليمن والمسرات ..

كنت في زيارة لأحد الدول .. العربية .. قبل فتره .. وقد شاء الله أن التقي بمجموعة من الشباب .. الذي ينافح ويناضل .. من أجل العلم والسعي .. خلف الرقي بنفسه وذاته .. ماعلينا ...


كان من ضمن الشباب .. كويتي كما كان يبدو لي من خلال مظهره ولهجته .. .. وتجاذبنا أطراف الحديث .. وكنت أسأله عن دراسته ولماذا أختار .. الدراسة في الخارج .. وليس سؤالي جهلاً مني بأن الجامعات الأجنبية أجود وأعظم وأكبر .. وتعطي مؤهلين .. الأول كونها من الخارج .. والآخر ..يعرفه الجميع ... برضو ماعلينا ...


جاوبني .. وقد تغيرت ملامحه وأدركه الخجل .. حتى أخجلني .. وطأطأت رأسي من الفشيله .. وراي اسأله يمكني مالي داااعي أسأل ..!!
كان جوابه أنا بدووووووون .. والبدون .. ما يدخل الجامعات الكويتية .. ولازم يدرس على حسابه الخااص .. وما دام أني يامعووود داافع دااافع فلوس .. خليها برى ابررك ..

طال الحديث .. بيننا وأشتغلت اللقافه .. والشرافه .. أومير ... اقعد أسأله ..
الأ .. متى .. يبي يعطونكم جنسيه .. تقل سمعت أن النواب بالمجلس .. عندكم بعضهم يصوت .. باعطاءكم الجنسيه .. <<<<مسوي فيها أني ما أفوت أخبار الكويت وأنها أكبر همي .!!

المهم .. سولفنا .. وسألته .. عن السؤال المهم .. بصراحه ..
وش الفرق بين البدون واللي معه الجنسية ..
قال .. حنا محرومين من الآتي :
1- ما لنا حق نصوت بالبرلمان .. ولا ننتخب .
قلت والله حاله .. ماصارت ديموغراطية والله !!
2- الجامعات .. ما يدخلونها .. مثل ما تخبر ..
قلت الشكوى لله ولله ظلم الحقيقة يعني هذا علم .. يعني ياخذون اجر الغريب مهوب عاد اللي عايش بالديرة !
3- الوظايف .. يامعود .. ممنوع تدخل على وظيفة حكومية ..بس الأهلي اللي يقبلك ... ووالله ياحجي حتى الأهلي بعضهم يشوف إذا معك جنسيه أو لا ..
قلت أفاااااا .. الله يعينكم .. يعني يقدر الواحد .. يعمل بالتجاره محيل صغيّر ولا أي شي ..
4- مكافئة زواج .. لأن اللي معه جنسية يعطونه فلوس المهر ...
قلت لاحول ولا قوة الا بالله ..
5- أعانة مولود .. يعني أي واحد يجيه مولود .. يزيد في راتبه .. حول الألفين ريال .. هذي مصاريف الولد ..
قلت .. والله قهر .. الحقيقه ..!!!
6- بدل السكن .. اللي يجيك .. يعادل أجار شقة ألين ينزل قرضك العقاري اللي حول المليون بالسعودي ..
قلت كلش ولا هذي ... بعد ما يعطونكم قروووض عقاريه .. أجل الواحد وشلون يسكن .؟؟!
7- التأمينات والجمعيات .. وما أدراك ..
8- مكافئة عاطل .. وراتب شهري .. للي ما حصّل وظيفة ..


اممم .. أنا الحقيقه .. ندمت أني سألته .. وحسيت ... اني قلبت المواجع عليه ..ماعلينا .. الشكوى لله .

تفارقنا ... ورجعت لأهلي .. بعد سفريه استجمام وصرفت ثلاث رواتب جامعهن .. ريال ينطح ريال ..
يوم وصلت البيت .. وسلمت على الوالدة رحت لغريفتي الله لا يخليه من ولا يخلين منه ..

.. جلست أفكر في هالرحله .. وانتظر باتسر يجي .. أبسولف على الربع .. وش شفت ووش لقيت وتسذا يعني ..
وتذكرت كلام هالكويتي .. واقول الحمدالله اني معي جنسية .. ماااااااااااعلينا ...


جلست أتذكر .. كل شي مهوب من حقة ..
وأسترجعت كلامه حرف حرف ..إلين لقيت ..
1-التصويت للبرلمان .. <<<<ما عندنا شي اسمه تصويت لمجلس الشورى على أقل تقدير !!
2-الجامعات .. ما قد سمعت أحد داخل الجامعة اللي كان يفكر فيها من يومه صغير .. وتذكرت .. نفسي يوم أتخبط بين المعاهد والكليات والشركات .. الين أنتهى المطاف على الجلسه بالبيت .. فتره طويله ألين الله فرجه .. من عنده .
3-الوظائف .. لا حول ولا قوة الا بالله ..واللي ماله واسطه نخلةً ماسطه .. <<وينطبق الكلام على الوظائف الحكومية ووظائف القطاع الخااص !!
4-مكافئة الزواج .. يوم تذكرتها ..ضحكت ألين .. أوجعتن تسلاي .. وتمزعت مصراني !
5-إعانة المولود زاد الضحتس .. حتى اني خفت لا ألجيران .. يطقون علينا الباب .. الله يستر ..
6-بدل السكن .. دمعت عيوني .. وأجست تكاك بالصدر .. وصارت الدنيا .. عندي تقل مبط ابره من صغره !!
7-التأمينات والجمعيات وما أدراك .. <<<<مالي خلق اتذكر شي .. عن الأسعار ... تراي منغبن .. من قيمة الرز .. وصاغرة كريشتي الله يخلف .
8-مكافئة عاطل ..والله يرحم .. ذكريات التتكيس وصنان البنقاليه وزمرة الباكستانيين وأستحقار السوريين !!


.. عجزت أستحمل .. وقتها .. وأرسلت له رساله بالجوال قبل ما أنام .. وكتبت له:

( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !!)

وسلامتكم ،،،،

[مستنكره نت]

اقتباس المشاركة الأساسية كتبها سراج اللوذه ( ترى الشعب السعودي متضامن معكم قلباً وقالبا وهم كلهم بدون بس بشكل مخفي ..وتكفى لا يدري أحد ترانا جاحدين !

أنا اول المتاضامنين معاكـ

ولكني استثني المدرسيين اللي مشاء الله أخذين حقوقهم وزيادة

بالذات شكواهم الاخيرة برفع الرواتب @

كلنا للوطن فدوة والوطـن لنا عزه

[سراج اللوذه]

اقتباس المشاركة الأساسية كتبها مستنكره نت أنا اول المتاضامنين معاكـ ولكني استثني المدرسيين اللي مشاء الله أخذين حقوقهم وزيادة بالذات شكواهم الاخيرة برفع الرواتب @ كلنا للوطن فدوة والوطـن لنا عزه

صدقتي .. مع أن المدرسين .. رافعين ضغطي بقولة والله حنا نتعب .. ومادري وشو .. والواحد منهم ماعنده الا أربع دروس او خمسة .. ونصفهن سواليف مع البزارين ..
لا وراتب الواحد ... يعادل قرض .. لراتب حارس الأمن اللي منشوي من الشمس ..

اهلاً بك في زمرة البدون .. اللي معهم جواز ويحبون وطنهم ويفدونه بالروح والدم ..

[لسـ المواطن ـان]

مبدع .. ومفكر صح .

وتقبل تحيات أخوك البدون ..!!

لسان المواطن

ولي عوده ان شاء الله

[ابتسامة تواضع]

اقتباس المشاركة الأساسية كتبها سراج اللوذه صدقتي .. مع أن المدرسين .. رافعين ضغطي بقولة والله حنا نتعب .. ومادري وشو .. والواحد منهم ماعنده الا أربع دروس او خمسة .. ونصفهن سواليف مع البزارين .. لا وراتب الواحد ... يعادل قرض .. لراتب حارس الأمن اللي منشوي من الشمس .. اهلاً بك في زمرة البدون .. اللي معهم جواز ويحبون وطنهم ويفدونه بالروح والدم ..

بذي عاااااااااااد صدز تقهر

>>باتسر يتذهنون الحراس الامان
>>ويهجون منهم

ويندمون صــدز<<

عاد ترا المدرس يتعب اشوي<<هونت

ان شاءالله انكم فهمتون

[افكاري ليس لها حدود]

كلامك عين الصواب بكل ماقلت

بس الشكوى الى الله مانقدر انزين شىْ

$

&افكاري ليس لها حدود

[شفق]

معليش ما فهمت هذي رواية أدبية ولا قصة حقيقية.

ياوليدي الغنى غنى النفس والله لو تأخذ كنوز الأرض إن تموت فقير مادامك متعلق قلبك بالي عند غيرك.

[نجدية حرة]

والله معك حق حنا فعلاً بدون

ويمكن البدون بالكويت أرحم منا حال على الأقل فيه أمل لتحسن الأحوال اما من قرار المجلس لأعطائهم الجنسيات او زواج البدون من اصحاب الجنسيات!!

اما نحن فموت ياحمار الين يجيك الربيع,,
فأما ان الواحد يكد ويتعب ويكون القرش على القرش لحد مايكون ثروته بنفسه ويستغني,, او انه يغني ماأطولك ياليييييييييييييييييييل ويفرش بساط الفقر ويحط يده على خده,,

فالله يرأف بحالنا يارب

[الحيالة]

موضوع يستحق القراءة اكثر من مرة (((((((متعوب عليه))))))
شكرا على طرحكّّ!!!!!!!!!!!

[ليت الجروح قصاص]

الله يعين ويعاون
من صبر بيلقى الفرج
تقبل مروري

[لسـ المواطن ـان]

((النظام الأساسي للحكم في المملكة العربية السعودية ))

إخواني / أخواتي

لعلي بهذا الموضوع الطريف ، والظريف .. و المخيف ..!! سآتي بكلام قد يضنه البعض سخيف ..!!

فأبدأ بالقول :
قرأت الموضوع وتشكلت بعدة حالات نفسية كانت بين التعجب والعجب !! والحيرة والأسى .. ومن بعدها الرثا لهذه الحال التي يعيشها بعض المواطنين والبعض ليس بقليل بل كثير ..!! ؛ ولكن هي حالات يحسها بعضنا .. وتنعدم عند من حضي بكرم المواطنة السليمة تحت ظل القرابة أو النفوذ ..!!

- فالتعجب أننا أصبحنا أرض خصبة أو مادة لصياغة النكت والطرائف .. !!
- أما الحيرة فهي ليست خارجة عن الواقع بل فعلية ومن واقع الحال ففي هذا الوطن الغالي مقداسات للمسلمين .. وفيه بعث الرسول وأقام ساكناً ، ومصلي .. فمن أين أتاناهذا البخس في الحقوق ، والوطن يحظى بدستور ، وحكام كرام .؟

لهذا جلبت للإخوة ، والأخوات نسخة من نظام الحكم في وطننا الغالي الذي ولله الحمد لم أجد فيه إلا العزة والكرامة لنا ولكل مسلم يطأ بقدمه هذه البلاد الطاهرة .

- ولعل الرثاء يكون على كل أزمنة العدل التي مضت، واليوم ..اسبدل بعضاً منها بالمحسوبيات والتفرقات بأنواعها سواءً الاجتماعية أو الأسرية أو تفرقات في الدين ، ونحن في أرض لا يجتنع بها دينان .. وها نحن نرى أبناء هذا الدين ، والملة يزاحمون من روافض ومبتدعين بحجة المسواة أو التقارب .. !!

علماً أن ذاك الرسول الكريم صلوات الله وسلامة عليه أوصانا بأن تكون قبلة المسلمين للمسلمين فقط فلماذا هذا الزحام ..؟
فأقرؤا هذا النظام للحكم حتى نتسائل جميعاً لماذا كل هذا التهميش للمواطن دون الكثير من الناس ..؟

حسبي الله ونعم الوكيل ...

[السامي البريداوي]

كـــــلام سليم

لكن لو تلقى واسطه ما تكون بدون ,

لكن البدون في الكويت أكبر واسطة ما تسوي شيئ .

[m7md 2010]

والله احس انا نظامنا هو الصحيح

لانه يساعد الشباب على الشغل

ولو حطو السعوديه مثل ماقلت لاصبح الشباب كلهم عاطلين

[أمير القوافي]

ماقول إلا
تضيق وتضيق وتضيق ثم تنفجر بإذن الواحد اللي ماتنام علينه