[ما تَهَاب]

اقتباس المشاركة الأساسية كتبها خ ـزعبلات خ ـريجة في بداية أيام زواجتس أو قولي بالشهور الأولى منه جاء لمتس الزوج المصون وقالتس والله ان شخص عزيز بيجي لمي هو وحرمته >>وللعلم انه من سنين ماشافه وأبيتس تبيضين وجهي عنده قلتي أبد ولا يهمك دام ماتهاب هي قبيلك وثلاث أيام وأنتي تستعدين للعزيمه وأبدعتي بكل شيء المويهم يوم صار يوم جيتهم ناديتي أختس علشان تعاونس بالباقي وكان له ولد صعنبوط "شقي" وانتي وأختس على قدم وساق تجهزون هذا وترتبون هذا وأخيرآ خلصتي من كل شيء والسفره صارت جاهزه بس تنتظرين الضيوف جو ضيوفكم وانبسطتوا.. ويجي لمتس المصون ويقولتس على الساعه 11 نبي العشاء قلتي أبشر أصلا كل شي مخلص ويمر الوقت !! ويجي وقت العشاء قمتي أنتي قبل عشر دقايق تشرفين على السفره اللي فيها من كل صنف طبعا لاتنسين تعب ثلاث أيام.. ويوم دخلتي والاتس وش تشوفين!! ولد اختس هالشقي كابن العصير على السفره ولا بقى ولا شيء ماجاوه عصير يعني يخلف الله عليتس العشاء لا وزود على ذلك مالين غرفة الطعام يعني أنواع اللطوط والوساخه.. ويالهول الصدمة على ماتهاب بس قلتي الشكوى الله لازم أدبر لي شيء وتبدين تدقين من رقم لرقم تبحثين عن مطعم بس للأسف مافيه طلبيه جاهزه الا بعد ساعتين مع العلم ان ضيوفكم وراهم سفر الزوج المصون دخل عليتس ويقولتس خلصتي أدخل الضيف ولكن يالهول ماشاف..!!! ردت فعلتس أمام زوجتس اللي وثق فيتس؟؟ وماهي ردت فعلتس أمام الضيوف اللي هذا أول لقاء بينكم,,؟؟ واختس وولده وش اللي بيجيهم منتس؟؟ وشكرآ لي عودة ان فضيت ان شاء الله مع أسئلة أخرى ..

وااااعزيلي
انا ماقصرت ولو زعل ابو الشباب ياويله أنا اللي بيضيق صدري هو ماجاه من التعب الا التقضي مو مثلي ثلاث ايام كرف << تخيلت انه شايش ويجَّدع
أول شي بنادي اختي تشوف لي صرفه لاني اكيد ساعتها بيصيبني توقف في التفكير من الصدمة
واكيد إن شاءالله بنلقى حل قبل يدري ابو الشباب , وإن مالقينا الشكوى لله بقول له شف وش السوات وعاد هو بيكون له راي إن شاءالله انه سديد
وإن صار بيجيب عشاء من برا بروح للحرمة بناديها تشوف السفرة حتى لو كانت حوسة عادي اهم شي يدرون اننا ماقصرنا وماينقدون علي اني معشيتهم من برا وانا ثلاث ايام استعد << ثلاث ايام استعداد حشى والله لو اني عازمة قبيلة

أما أختي وولدها هي مارح أقول لها شي أكيد انها بيضق صدرها أكثر مني وهو بهاوشة ساعتها غصب عني ويمكن أضربه بعد ,
بس المهم اني بكون حذرة أكثر فـ الأيام الجاية علشان مايتكرر هالموقف الشنيع

[ما تَهَاب]

سروعة

اقتباس كنتي تمشين في ممرات الجامعة مع صديقاتك فجأة طاحت عينك

اقتباس على وحده من قرايبك بنت عمك/خالك. المهم إستأذنتي من صديقاتك ورحتي تسلمين عليها وهي تعانقك وتفرح فيك وصرتوا تطمنوا على بعض ما أمداك تسألين عن أحوالها إلاَ هي تقول لك إبعدي إبعدي تكفين روحي عن وتدفك بعد روحي روحي أعلمك بعدين. أنتي مثل هذا وش جاه ذي؟؟ بعد فترة نادتك وإعتذرت منك وقالت تدرين ليش أبعدتك عني ذاك اليوم بصراحة كانت صديقتي مقبلة بتجي لمي وماأبغاها تشوفك أخاف تخطبك لـ أخوها وأنا أبيه. ماتهاب من خلال الموقف هذا س1/ شنو شعورك يوم تطردك؟؟ وكيف فسر مخك تصرفها ذيك اللحظه؟ س2/لما عرفتي السبب وش حكمك وتحليلك على شخصية قريبتك؟ س3/هل يعجبك هذا التصرف؟ س4/شنو جوابك لها لما إعترفت لك بالصراحة؟ س5/هل جاء بنفسك إنك أنتي أحلى منها بكثير؟؟ وهل يسعدك هذا الشي؟؟

ج1 - أكيد بيضيق صدري حيل ساعتها وبزعل قوة ولاأدري وش بيكون تحليلي لتصرفها لأني
ماادري وش بيكون الوضع والمكان والوقت بس اللي بيجي على بالي انها مريضة نفسيًا الله لايبلانا !!

ج2 - إنسانة مسكينة وتفكيرها جدًا بسيط ..

ج3 - أي إستعراض وتعب من البنات علشان العرس مايعجبني لأنها والله لو تناقز مارح تاخذ إلا نصيبها فـ ليه تتعب قلبها وترزز ونصيبها مكتوب قبل تخلق !!

ج4 - شوفي سروعة تخيلت الموقف وتخيلتها واقفة قدامي وطلع هالجواب :
ههههههههه ياعمري ياأنتِ كل ذا حب عرس الله لايبلانا مابلاك !!

ج5 - أكيد هي تشوفني أحلى منها والا كان مابعدتني , وهالشي ماأنكر انه بيسعدني
بس بيضيق صدري لأني مااحب أحد يبعدني عنه أو يتضايق مني لاني أحسن منه ..


عبورة

اقتباس غير بريدة سيتي أين تكون ماتهاب .؟ الحاجات اللي داخل شنطتك الصباحية ؟ أيش رأيك ب الموضة اللي بدال ماتلبس الصباح تنورة وقميص صارت تكشخ بالعباية .؟!! وهل في يوم من الأيام ح نشوف ماتهاب رايحة جاية ل المشاغل تفصل عبايات ل الجامعة ؟

* أمممم منتديات كثيرة لكن المنتديات اللي لازم أمر عليها يوميًا /
الإقلاع , منتديات شقراء , منتدى الجامعة وبث

* الحاجات اللي داخل شنطتي :
دفتر , قلم وردي وسماوي وأزرق << كلهن ناشفات الا السماوي , كريم , معقم , علووووك , بنادول , مقاس حرارة << كنت مسافرة بهالشنطة وتاركته فيها , شنطة المكياج , طامس , مناديل .. وبس << وش عقبه مابقى الا القدور والملاعق ماوصلن هالشنطة ذذ

* ياحلو هالموضة ليتها توصلنا والله اريح
لو وصلت لنا إن بغيتي أسافر سفر علشان افصل للجامعة , بس ماأبي دايم
بس إذا قمت متأخرة والا صرت مالي خلق أما إذا صرت مروقة أبي أكشخ

لي عودة للبقية إن شاءالله

[ما تَهَاب]

عذب السجايا

اقتباس متى التخرج أن شاء الله؟

هلا والله
التخرج قريب إن شاءالله مابقى إلا ترم والله يتمم بخير


عشوقة

اقتباس نبدأ وعلى بركة الله .. 1/ ماسبب اختيآركـ لهذآ المُعرّف ؟؟ 2/ طموحكـ بشكل عآم ؟؟ وطموحكـ من نآحية العلم تنوين تكملين دراسات عليا ولا ودك بوظيفة ولا نوم مثل بعض الناس؟؟ 3/ تحبينن ؟؟ وتحبين أمي ؟؟ 4/ رؤيتكـ لسلبيآت (عآشقة قسمهآ !!) .. وهل هي نآيمة بالمقآرنة بسآبق عهدهآ ؟!! <<< اللي على رآسه بطحاء 5/ كم تقضين من الوقت على بريدة ستي وكم تقضين على المسنجر ؟؟ 6/ وهو أهم سؤال .. كيف تقضين يومكـ غآلبآ ؟؟!! يعني من طقطق لسلام عليكو .. والسلام والرحمة والبركة ولنا عودة .. وش رآيتس بالفزعة ؟

هلا باللي جبتها عون وصارت .....

1 - خيو اقترحه علي وعجبني
2 - طموحي كبير كبير كبير بس الله يقدرني ويهيئ لي أسباب تحقيقه ,
وماأقدر أقوله لين يتحقق . أما من ناحية العلم أبي أمَسّك أبوي شهادة الدكتوراه
والله يساعدني ويسعده
3 - أحب امك ايه أما أنتِ لا ماأحبك ههههه ياحبي لك وياحبي لامك
4 - مو بس نايمة إلا بغيبوبة << كف
5 - والله جلستي ع النت عموما على حسب فضوتي بس اللاب دايم شغَّال إلا إن كنت طالعه
6 - يومي ك أي فتاة رائعة , لا من جد يومي عادي اقوم أصلي البس اروح للجامعة
وإذا رجعت اتقهوى واتصفح النت واحيانا انام والعصر اتغدى المغرب اتقهوى وبعد صلاة العشاء اجلس لين يخلص بنزيني ثم أنووووم وبذلك إنتهى يومي

فزعتك خـوووش فزعة

[乂♥ متفائلة ♥乂]

شكراً ماتهاب