 |
|
|
|
|
30-04-2010, 10:01 AM
|
#1 |
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
هبــاآآآآآآلي مع المعتمرين الأجـــاااانب
  السلاآآآآآآآآآآم اليوم حابه أحكي لكم عن قصة الهبااال المدمس ألي سويته أثنا رحلتي للمدينه ومكه الحبيبه ....هو ألي يقراو يلقاه أم التحشيش بس شسوي هذا ألي صارمعي  لأن من جد من بعدها أكتشفت قدرات عندي خآآآآآآآآآرقه ماتتصورون قد أيش كبرت بعين نفس ((لا يكثر ما أبي أكثر هرج أخليكم مع المواقف هذا ياطويلات العمر رحرتنا أول شيء للمدينه ومن ثم ننطلق لمكه الحبيبه ((الرحله كانت مع حمله من جد ونااااصه)) مع العلم أني كنت لحالي لا موازر ولاعون من بنات خالي وخالتي  كشطو فيني رايحه مع أهلي وجالستن تقل فقيره ع كرسي شنق الشباك((شنق أي بجانب المويهم في الطريق كان جدا ملل ألا أختكم فيثاغورسه ماخذتلي مجله وأقرى وأقرى وأقرى أليييييين حسيت أننا وصلنا مكه يوم رفعت راسي تونا مابعد توسطنا الرياض  وأنا ألي يصكن أبو الطفش وأغدي ألعب براس أبليس أنوه يوسوس للسواق غديه يسرع أو أننا نتقاط الأرجل وندعس عنه البانزين **شيء يطفش **نمت من الطفش **لاجديد ألا بعد ساعتان **وقفنا لأدا الصلاه عند محطه ما أذكر اسمه المهم أن المحطه ذي أحسه من عام الفيل مابوه لمبات ولا فيه أي شي يدل ع الحياه بمحياها المهم كنت أدور جزمتي أعزكم الله وأدور همن قلت لأخواتي أستنوا شوي لا تنزلون **بـــس عمك أصمخ شكل الطبلون واصل معهم راحو ولا عبرونن المهم قلت في نفسي الله يرحم أيامك يالنوري لك والله فقده أطنب حظي ألي خلانن تسذالين وعيت ع صوت المصري ((مابأش حد بالباص دنا حأفلوه قلت وش تأفل ياقليل الأدب أنا موجودتن بأنزل ((قال معليش فكرتوه فاضي عاد خبركم نزلت ولا لقيت أي أحد من خشش العالم أعرفه أهلي تقل كاس مويه بالربع الخالي وتبخر ولا حتى النفرات ألي كانو معنا بالحمله هنا بس أدركت أني مضيع عاد خبركم ياشين ألي يكابر  قلت وين طسو أكيد فيذا ما ولو بعيد خلينن أدورهم أزين أوصف لكم بس المكان عشان تعيشون جو أول ماطلعت من الباص فيه براحه كبيييره ضلما وممتليه هنود وع اليمين بمسافه بعيده شوي بقاله نص زاويه الجدران مشخبط فيها بأحمر وأسود وع اليسار بوه مغاسل وغرفه مفتوحه بس أانا هنا أتجهت لم الغرفه المفتوحه دلاله ع أنا المغسل برى فأكيد الغرفه مصلى نسى والرجال يصلون بالبراحه **نظمت العالم الأخت رحت ماشيه لليسار وأا كلي ثقه لمين قزني هالأسود قزه خرش أهل أمي معي ووسنترت دقيقه أقلبها براس شوي ألحين أنا والغرفه مابيننا ألا مسافه بسيطه البعد &&أبوك يالوصف المهم فكرت قلت ألحين كيف مصلى نساء وفيه رجال أصلا ليش المغاسل برى طيب هو حق الرجال أجل وين مهببين هالنساء فيه أستوعبت أنا العالم مطيره عيونه علي وأستحيت مع خوف ممزج بضحكه كبر خشتي بس كتمته قلت لما أضحك بيقولون مجنونه رسمي لا خلني ثقل وأصلرف الموقف وأطلع جوالي وكني قاعده أدور ع أخوي من بينهم **يمديكم أنا دقيت ع أمي وقلت وينكم بوه قالت يالخبله حنا بمصلى النساء تعالي وطخ سكرت السماعه بوجهي عاتي متعوده وأنا ألي توصل معي أخلاق العبيد وأرجع أدق على أختي لا تقل فهاوه عن البقيات قلت وينكم قالت بمصلى النساء قلت أدري أنكم بمصلىالزفت بس وين مكانه ماحصلته ألا تقول شوفيه أمشي سيده من اول ما تطلعين من الباص اخر شيئ على اليسار هناك مصلى النسايالله جاء دوري مع السلامه طخ أنا هنا قفلت معي يعني مصلى النساء ورى البراحه الضلما ألي به هنود موقه جدا استراتيجي الخرشه ورحت وانا كلي خوف وقلق دخلت وأنا ماسكه جوالي بيدي تحسبنلأي طارئ عاد لو أقولكم ماتحتويه شنطتي بتقولن وش هوله الخوف **مشرط وغسول يدين ولزاق شفاف ومقراض اضافر الي بوه سكاكين خبرتوه))بس مع كل ذا خايفه المهم دخلت الضلام وسميت أمشي وأمشي وأمشي ماصارت توسطت البراحه ولا حصلت المصلى مشيتلم جهت اليسار كل ماله تشتد الضلمه وقفت اقرى أي شيء بس يدلن وين مصلى النسا ماصارت ذي حاله ألا وألقى بخطاط أحمر خفيف وباين أنه ابيمسح هنا مصلى النساء وأنا ألي مشيت سيييييده لين حصلت لوذا مو واضحه ودخلت معه ألا ألقى فوج من الشيعه تعبت وأنا أقز أدور أهلي في ما بينهم ألا أدخل وأتوضا وأعين من الله خير وأصلي وأنا في الصلاه توني ألا أختي تقول نهـاوي ترانا بنمشي للباص هذي أختس فلانه بتستناس ))((فلانه وما أدراك ما فلانه أفهي خليقت ربي لولهه حسيت أنا الفهاوه حقت العلم مستمده منها كملت صلاتي وطلعت أدور فلانه ماحصلتها قلت بالناقص يالله أمشي للباص أحسن لي ألا رحت مكان الباص وماحصلته  ياعالم مكانه فااااضي وسافط باص ثاني مكانه الأولي أنا قلت مشو وخلونن وأدور وأحوس مالقيت حتى أي أحد من ألي كانو بالحمله ((بتقولون ليش ماتتصلين عليهم أحنا رايحين نعتمر وقت حج الشيعه والشبكه بزي أربعه وعشرين ساعه نعمت كريم لما يلقط جولك شبكه وتتصل بسلام المهم ومالقيت أحد رجعت المصلى ولا حصلت احددقيت ع اختي وتعطيني مشغول وأرجع أدق ومسك معي الخط ألا وتعطيني مشغول انا هنا وصلت معي من جد ألحين يالله أمسك خط وذي أبرد ماعنده مشغول يامال الشغله ولفيت برجع للمصلى ألا ألقى وحده وراي تقول :أنتي ألحين ليش ما تقرين من اليوم أمشي وراتس وتروحين وترجعين دوختينن مرتين ألي ترجعين المصلى وتدورين خلينا نروح الباص ماصدقت أناضر لا لا أختي الفاهيه تلاحقن من اليوم وتمشي وراي وأنا مختبصه أدورها وأدور الباص صرخت بوجهها لا أرادي ألحيــــــــــــن من اليوووم أدق وتعطيـــــــــــني مشغول ليه ليه مارديتي وقلتي أنا وراتس((طبعا وراي بس بمسافه بعيده يعني كنه تلاحقن من بعيد ))ألا ترد بكل براءه لا بس كنت مستحيه أطلع جوالي عند الهنود أنــــــــ  ـــــــــا وصلت صدز الأخلاق مستحيه ولا أنتي حاسه من اليوم أحوس بين ريحة ابوهنود الخايسه والضلام وأنتي مستحيه يامال التبن همن قلت وين الباص قالت بوه باصافط بجنبه ومغطي عليه رحنا وركبنا الباص وأنا ماعاد فيننن حيييل المهم وصلنا المدينه ورجنا صلينا الظهر وبها الأثنا قبيل صلاه العصر رحت اجدد وضوئي ألا وأنا راجعه لم المسجد نادتني وحد ووقفت قلت أمري ألا هاك ادبه الطويله العريضه لو سمحتي متى زيارة قبر النبي أنا قلت ايش قالت والله أني اليوم آخر يوم لي بالمدينه وماحصلت وقت الزيااره ونفسي أزوره ((هي لهجتها حساوي بس ثخينه شوي***قلت لااااااااا  زياره القبر للنساء محرمه وأنتي حرمه يعني أذا زرتي القبر تكونين ملعونهأنتي بس تقدرين تدخلين الروضه بدون نية الزياره ^^رميت هالحتسي بدون وعي ^^ألا هي ألي قعدت تنافخ وتزابد لييييييييييييييييه حنا مسلمين زينا زيكم ربنا واحد نبينا واحد بس علينا أنا قلت بس الأخت شيعيه يارب البلشه ذي وشلون أصرفه  قلت ياختي أدري بس عادي حتى حنا الزياره لنا محرمه وملعونين أذا زرنا يعني مابه شيء وبعدين أنتي ألحين وراى ماتصيرين سنيه خلاص أذا مابغيتي ترى عادي بي أحسن لتس والله  وأنا منسرده بالحتسي له ماوعيت ألا خشتها بدت تتقلب للون الأحمر وأنا مدري من سحبن لم جهة الوراء ألا لفيت حصلت أمي سحبتن وقالت ووجع مالقيتي ألا شيعيه تخلينها تسلم أمسي بس ألا الشيعيه مصره تبي تعرف ونادتن وانا تقل خبله رحت له وأمي بتنجن ((والله ذيك الأيام شكيت أنا عقلي بجيبي من الهبال المهم رحت وقالت هـاه مت الزياره؟ ^^بطولة بال قلت الساعه 8 و9 المغرب و10 باليل و8 الصبح رحت وأنا فاقعه ضحك أمي تقول وش بتس وأنا قلت ل لما أخذت نفس لعبت عليها أصلا ما أعرف وقت الزياره أمي ألا صارت تكمخن من غير وعي هــــع  المهم عدى اليوم على خير واليوم راح نمشي لجبل أحد ومن بعده لمسجد قبا وبعدين الميقات وسيده لمكه وأحنا عند جبل أحد الرجال نزلو أجنا ملسخين بالباص أنا شباكي يطل ع الجبل فكل الحريم الي بيصورون جو لمي  وأنا عاد أبو التميلح قلت تعرفون قصة المعركه يومنكم تصورون مقره  قالو لا تعرفين أنتي قلت أيه وأسرد لهمم معركه أحد ومن الصدز أشرحوأقول هنا كامو المسلمين ومناك المشركين وهنا الغنائم ونزلو من الجهه هذي وهات ياتوليف وخيال واسع لين ما الحريم أنبهرو ا من الثقافه المصوره وراحو لما خلصت من القصه وهم معجبين بي هع هع  عاد وكملنا لمسجد قبا وصلينا بوه وبدون مواقف ترفه المراره وتفقه الضغط وصلنا الميقات ونزلنا نحرم أنا قبل لا أدخل قلت لم اخواتي أبحرم أجي ألقاكم هنا قالو أيه نستنى روحي وحنا بنوقف لتس رحت لقيت أمت محمد داخل قلت بنفسي مابو ه أحرام ألا المغرب من هالزحمه وأذن العصر وأنا أدور لي حمام ((الله يكرمكم ))أبي أحرم وأفتك ألا ألقى هاك المفتوح نص فتحه وأطمر بوه أدخل وأقفل ع نفقس^^أخاف أحد يدخل منخرعه الأخت وبكل سبل الوناسه عبرت بها في خشتي أبتسامه سرعان ما أنجلت  ألحين ورى تاركينه ألا أنه خربان أوشيء لا ليكون قفل علي أبو الوهقه رحت فتحت القففل ألا أنفتح الباب رجعت قفلته وانا أدورالمشكله الي خلت العالم ماتدخلوه الا كل شيء طبيعي حمدت الله وخلصت من احرامي ولبس الغطوه ألي معطتناه امي قسمن ما أشوف يدي ألا بالموت رحت أدور خواتي مالقيت أحد ولا لقيت أي خشت سعوي أصلا كل الساحه فيها أجانب وجاليات وقروب لابسات شراشف بيض وأجزمه فسفوره وما بين نظراتهم لي وش هيوم تفكرت بجالي كني جبت حال مابوه ألا أنا عبايه سودى بينهم طلعنت الجول وأدق ع اخواتي والشبكه مشغوله وأدق مرتن ثانيه ونفس الطريقه لما رسيت على بر دقيت على أمي ردت قلت يمه انتو وين؟؟  ألا أمي أنخرعت أنتي ضايعه ياويلي ع بنيتي تدلين ولا أجيس أنتي في أي مكان وهات ياولاويل قلت يمه مو وقته أنتو وين قالت بالباص قلت خلاص جايتكم طبعا للي مايعرف ابيار على تراه بو سيب طويل نهايته باب كبير يطلعس على ساحت الباصات أانا دخلته لقيت الباب الكبير مصكوك بس فيه جزء بسيط مفتوح ركض ليييييييييين ماوصلت وطلعت لما الساحه مليانه بساطين وأنا أمسي وأعدي فيما بينهم ^^طبعا ماأدل ^^ألا وألقي شايب شاري منه أبوي أجزامه وتذكرت أنها كان قريب من الباص ألا ولفيت ومشيت لقيت أبوي قبالي محترينن بكل حنان الأبوه يقول تعالي أنا هنا  عاد ماصدقت على الله وأنا ألي اطب بحظنوه   ((مشاعر أبويه بالوقت الضايع قالي هاه يابنيتي ضيعتي وأنا ألي عزت النفس طمرت قلت ال بنتك دلول ماتضيع ألا فكيدي من يده ومسكن من كتفي وقال أجل روحي لأمتس وراه أبوي كاش تسذا وخلصت اللحظه الأبويه المهم ركبت الباص لقيت أمي راجه خواتي رج علي و تهزيء ^^أحسن يستاهلون المنذله )*^^المهموصلنا مكه الساعه وحده ليلا وابوي قال ع العشاء ونحن نز ط الطعام ترى العمره الساعه 8 الصبح هذاني قلت لكم زحنا ايه طيب انشاء الله و^^بلاك ماتدري مخبين النيه نبي نهج ونعتمر بعد ما تنام يابعد حيي**^^ ولما تطمن ابوي ونام تسحبنا من الفندق وأنقسمنا نصين وأعتمرنا خلصنا من العمره نستنى الباقين عند المسعى ألا جتني وحد أجنبيه تقول وير أز أت مدري وشو قامت تهرج بالعنقليزي ليمن طفرت قلت أنتا أيش يبغي ؟ قالت وت قلت يور از كومينق ذات هاوس بلاك ((أقصد الكعبه ))قالت يس قلت ات از قو وأشر على الدرج أن أت قو ذو داون أن داون وأاشر بيدي على كم درجه تلف هع والله الطفاسه المهم وقلت وتيك ذا بوليس وكويسشن وير أز كئبه((يعني أسلي الشرطي وين الكعبه )) أي ماغير تهز راسه وأنا أرطن المهم وقالت وت ((تبي أعيد كئبه **))قلت ريد ور أز كئبه ))وشكلها يفقع من الضحك وهي تردد كئبه كئبه وراحت وأنا فاااطسه من الضحكالمهم ألا اقز ذيك المدنويه ((بنت من المدينه))كاشفه ومعها أخوها تحلله من الأحرام وتص شعره هو مسوي سبايكي وتاخذ أربع خصل وتقصهم بس خبركم اللقافه أشتغلت عندي وهم باين أنهم بالثنوي والولد بالمتوسطه وأنا أقز فيهم ألا هي ناظرتني وجت لمي قالت لو سمحتي قلت هلا أمري قالت كيف احلل من الأحرام ؟ عاد أنا ألي تحمست   قلت شوفي قصي شعره كله من جميع الجهات وألا أقول خليه يروح الحلاق يسويله تخفيف أحسن أهي طيرت عيونه وبكل أدب وذوق  قالت لا مش هو أنا عاوزه أحلل من احرامي أنا هنا فطست من الضحك ونسيتها مسنتره واقفهتناضرني مستغربه أنا خلاص ماعاد قدرت أتكلم وأأشر لها لخواتي أقول أسئليهن وراحت سألتهم وهم بألول مو عافين ألي صار معي لأنهم بعيدين عني شوي وجاوبوها نفس كلامي طلعو ماسكين خط معي هههههههههههههههههه  والمسكينه تشحططت ووحدهمن خواتي قالت لها عن الطريقه انه قدر انمله وراحت وشكلها تقول في نفسها وش هالمهابيل هههههه المهم رجعنا للفندق وقضينا يومين هاديات بمكه الله يشرفها ورجعنا لم بيتنا مايسعني ألا أن أشكر كلمن قرأ هبالي والله أن الأحداث ذي صارت لي ومن بعدها حرمت امشي بدون النوري بأي سفره كانت ولا بلاها من سفره آآه فديت قلبك يالمعفنه سلامووووووووووووووووون كتييررررروووووون هذا الأصدار برعايت هيلاكبتر راندو جميع الحقوق محفوظه ((طسي لايكثر خلي العالم ترد مـــــــــــع اللقـــــــــــــــاء
آخر من قام بالتعديل القلب الوردي; بتاريخ 01-05-2010 الساعة 05:48 PM. السبب: :) |
|
|
|
30-04-2010, 10:22 AM
|
#2 |
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
الله يعينكم ع الأخطاء الأملائيه بس شسوي أكتب والغرفه مضلمه العالم راقده مابوه ألا أنا يالله بروح اصس انام
بس الله الله بالردود السنعه سلامونات |
|
|
|
|
30-04-2010, 12:26 PM
|
#3 |
|
عـضـو
تاريخ التسجيل: Apr 2010
البلد: بآلحوش آللي بآلمزرعه
المشاركات: 19
|
وه وه وه وه وه
يآ بعد آلنوري آنتي  كل ذآ صآر لتس يآلفآهيه عنبو دآرتس مآ تحسين كل ذي فهآوه وآلله آنتس آفهى من آلفهآوه آنآ قلت ولوو بنت عمتي فطينه طلعتي مآ ورآتس آلآ آلدجه < من يتكلم بس تستآهلين ورآتس مآ قلتي لس آجي معكم < ثقه ثقه خلآص يآ بعد تسبدي لآ تبسين  بس آنتي وهـ آلآجنبيه حسيت آنتس بتجيبين آلعييد بعنف يكفي آبلتكم آللي هبلتي به  تدرين شكلهآ تلعن آليوم آللي لقت فيه وحدتن مثلتس تلآحظين من آليوم آسب مآ آسآعد آلله يصلحن صرآحتن آنآ رآحمه ذي آلبنت آللي من آلمدينه آلحين يومتس تعلمينهآ شلون شلون تحلل من آلآحرآم عرفتي حقت آلرجآل ولآ عرفت حقت آلنسوآن مآحين يمحي آلعدوو آمين آلآ تعآلي على طآري آلهنود مآ شفتي لتس وآحدن ضروسه طآلعه [ ضرسين بس ] قسسم آول مآ قلتي هنود طرآ على بآلي هندي شآيفته وآنآ رآيحتن مع آبوي مدري وين تخيلي عنده آلضرسين طآلعين آستغفر آلله بس ويضحك ويسولف آنآ متتتتت من آلضحك ولآ عقب آلسوآلف وآلتنكيت يدخن تخيلتي كيف آلهوآ يطلعه من آفمه  وه بس تعبت وآنآ آضحك على شكله ذآك آليوم نهآوي يآبعد كل خشش آلعبيد آنتي  لآعمرتس ترطنين عنقليزي نوبتن ثآنيه آخآف تقولين شي وآنتي مآ تدرين عنه آلله يسلمتس دقي علي وآعلمتس < آم آلعريف ووش بعد آيه لآ تضيعين آخآف عليتس آنآ وآحبتس بعد آقوى شي  يعني حني على قلوب آلعذآري يرحم وآلديتس ويعطيتس آلعآفيه على هذآ آلطرح آلجميل وشكرآ  آترك آلمآيك للبآقي
|
|
|
|
|
30-04-2010, 04:17 PM
|
#4 |
|
عـضـو
تاريخ التسجيل: Jul 2007
البلد: في زوايا التفاؤل ...
المشاركات: 1,560
|
هههههههههههههههههههههههههههههههههههههههه
صراحه مطــــــــرررطعه
__________________
سبحآن الله وبحمده سبحآن الله العظيم
|
|
|
|
|
30-04-2010, 05:17 PM
|
#5 | |||||||||||||||||||||||
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
ألحين بغيتس عون نطيتي لي فرعون المهم توبتن أعتمر من دونتس^^لا يكبر راستس بس من جد هذيك الأيام عدت ع خير قسمن حسيت الشيعيه بتفقع راسي نصين وتودينن كربلاء بس ربتس ستر علي  يالله ع العموم شوكغن على الرد ألي يثلجالخاطر  وهـ بردمن جد حسيت بتس مع هاك الهندي الله يجعله من نصيبتس هع هع ((برااااا المهم يابنت خالي المصون نورينا بموضوعن لتس ودي أتعرف عليتس أكثر يابعد حي التكارنه أنتي هذي المزيزنه ألي أعرفه تسذا الردود ولا بلى  يالله مع السلاطه
|
|||||||||||||||||||||||
|
|
|
|
30-04-2010, 05:22 PM
|
#6 | |||||||||||||||||||||||
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
هلا بفخر بريده نورتينا ياألبي ترى عادي مو أول وحده تقولي اني مطرطعه ويجي منتس أكثر حزت في نفسي هالكلمه **أقول لايكثرلا من جد أنتس صادزه مو مطرطعه وبس ألا براسي شلوخ ومفرقعات ناريه بعد هع هع أدعولي أنا الله يرحم بحالي وأغدينن أعقل وأغدي مرتن سنعه هههههههه أحسه من المستحيلات السبع بس الله يعين مشكوره حبي ع طلتك ولا تواخذينا ع الأسلوب ترانا مهبل شوي ممزوج بداء الرجه على تشويحه من التحشيش ونختمها بجرعه كبتاجون
|
|||||||||||||||||||||||
|
|
|
|
30-04-2010, 05:25 PM
|
#7 |
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
يالله يابنات بريده وين ردودكم ؟؟؟؟!!!!
أول موضوع أنزله ومايرد ألا ثنتين بس تراي أبتحطم |
|
|
|
|
30-04-2010, 09:14 PM
|
#8 |
|
عـضـو
تاريخ التسجيل: Jul 2007
البلد: في زوايا التفاؤل ...
المشاركات: 1,560
|
ههههههههههههههههههههه
اجل حزت >> ياويل حاالي انتي ص1 لاااااااا هوو انتي اسنع مره بالقصيم كلله >> واانا اسنع بنت
__________________
سبحآن الله وبحمده سبحآن الله العظيم
|
|
|
|
|
01-05-2010, 01:44 AM
|
#9 |
|
عـضـو
تاريخ التسجيل: Dec 2008
البلد: من سكان الأرض
المشاركات: 1,821
|
عمره مقبوله
ودي أجرب أسافر بباص بس أحس كسل الطريق طويل الصراحة مواقفك تحفه أما الي تسألك عن زيارة القبر للنساء تذكرت وحده باالمدينه تسألن سؤال فتوى نسيته أتذكر إني جاوبته ورحت لأختي أقوله وهي تهوشن تقول على كيفتس تفتين
__________________
ظِلّ مَكْسُور وكِسِير لِليتَآمَى وَالفَقِيرْ ظِلّ ظِّلهْ كَمْ مَلآيين ورَفَآهِية رَغِيدَة ظَلّ طِفْلِ فِي بَرَآءَة حَآكه فِي ظِلّ الكِبيرْ ظِلّ عَآدَآت وتَقَآلِيد جَثتْ فُوقَ العَقِيدَة ظِلّ ثَآبِتْ ظِلّ آمِنْ وَحدَهُ ظِلّ الشّرِيعَة
ظِلّنآ هُو عَرْش رَبّي خَآِلق وآحنَآ عَبِيدَه ظِلّ جَآمِعْ لِلمَحَبّة وَالوَلأء يَجْمَعْ جِمِيعَهْ ظِلّهَآ ظِلّ الجزِيرَة شَآمِل ظِلآلِ عَدِيدَة |
|
|
|
|
01-05-2010, 02:28 AM
|
#10 |
|
كاتبة مميّزة
تاريخ التسجيل: Feb 2009
البلد: أسأل الله أن يهديني طريق الصالحين
المشاركات: 5,046
|
طيب ليه أنت بعيده عن أهلك .. أتوقع أخذه بنفسك مقلب كبر رااااسك ^ ^ ^ أمزح وش خلااااكم تروحون بالباص أحسه أنوااااع الكسل تقل يمشي على ورى مقبووول السعي > صح النووم
__________________
** " اللهم خذ بيدي أخواننا في سوريا , وعجل بنصرهم " ** |
|
|
|
|
02-05-2010, 08:04 PM
|
#11 | |||||||||||||||||||||||
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
أجل أنا أسنع مرهـ بالقصيم كله مـاطرالــــي أبـدن أبدنأمـــــا أنتـي أسنع(( بــنـــت )) كـثري منه يابعد تسبد الصخل  ســلاموووون |
|||||||||||||||||||||||
|
|
|
|
02-05-2010, 08:22 PM
|
#12 | |||||||||||||||||||||||
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
لا ياقليبي جربي الباص خطنطيييييييير من جد فله  أمـــــا ياسماحت مفتيت بريده مع فتوتك للبنت كنت أتمني أعرف وش الفتوى هـــعيابعد تسبدي مشكوتن ع المرور
|
|||||||||||||||||||||||
|
|
|
|
02-05-2010, 08:48 PM
|
#13 | |||||||||||||||||||||||
|
عـضـو
تاريخ التسجيل: Jun 2009
البلد: ببقايا قلب
المشاركات: 432
|
هلا بمرورك |
|||||||||||||||||||||||
|
|
|
|
02-05-2010, 08:55 PM
|
#14 |
|
عـضـو
تاريخ التسجيل: Jan 2010
البلد: بريدهـ
المشاركات: 79
|
وراه ما اخذتون معكم بالباص
|
|
|
|
 |
| الإشارات المرجعية |
|
|
النمط المتتابع
