قَــديمك نَديمك لو جديدٍ أغْناك ㋡ ,,

أتعبني طموحي · 06-05-2010, 04:51 AM

..

السلآم عليكم ورحمة الله ..

مسّيكن بالخير
هلا بـ بنيّاتي ,,
وش علومكن ..
الله يوفقن بدراستكن ويسخرلكن ويكفلكن يآآكريم ..
< المقدمة بواسطة جدتي

*
ماقبل المقدمة ..

في يوم من الأيام ونوبة من النوبات كنت جالسة مع جديدتي وتسولف علي بسواليفهم منوّل , ومير
من عرض السواليف استدلّت بمثل

ومير يجوز لي و اللي هو ( اللي مايعرفك مايثمّنك ) قلت صادزه فعلاُ !

قعدنا شوي ومير تسولف علي عن سالفة صارت لبنت جيرانهم انّه خطبه ولدعمه ماهنا زينه
وزين مواصفاته وعييّت تبيه همن قالت (وهي تنهّد ): ايييييييييييييييييييه من عرفك حقرك <

وبينما أنا أهز دميجتي ومير تولع لمبه بداخل عقلي قلت: اصبري الله يعظم اجرتس وش اللي من عرفك حقرك
همآتس تو تقولين اللي مايعرفك مايثمنك

قالت : هآآآآآه ,, محمّد مدّ الماعون لاتكسره < تصرف

عرفت انّي مهما حاولت معه مب رادتن علي > وه ياحبي لخشيشته بس

+
عآد وطنت ببالي إننا نبحر في عالم الأمثال والأقوال الشعبية النفيسة والتي تعتبر هي الميراث الذي خلّفه لنا آبائنا وآجدادنا
ونحن بدورنا يجيب أن نكون منسجمين مدركين لـ قيمة تلك الحضارة بين الشعوب والدول
التي تؤمن بالحقيقة الصحيحة التي لا مفرّ منها وهي تطوير البلآد وتنظيم أركانها وتوسيع
نطاقها ؛ وفي الجانب الآخر ....< تقل بدت تخوره

+
المهم خلونا على الحكي المفيد المختصر إني أبجدع لكم أمثال هنيّا
ويمكن أسأل عنهن بالأخير يعني انتبهوا < تسمع بالتحميس

.

شيــــكراً > جدتي تحب هالتسلمه

..

أتعبني طموحي · 06-05-2010, 05:11 AM

..

..1
....2
........3
............ انطلآآآٌق

1ـ طق العير ... يستادب الفهد|

يعني هيّب القوي بـضرب الضعيف ,,
ياويلي الضعيف دايم ممهونن كتره

~

2ـ إذا حجّت البقر على قرونه |
يوم أنا صغيرة كل يوم أدعي أقول يآرب تحج البقر على قرونه
عشان يصير كل اللي أبيه

~

3ـ مايحرّك الرابضة |
يعني دبشة مايهش ولاينش
مثل قلّه , ماهنا دبرة .

~

3ـ قال من ومرك , قال من نهآك |
جدتي الله يعظّم أجره دآيم تقوله لاشافت الشغالآت
متجمّعآت من غير دبره , عآد تسلّط عليهن تسوي حالة استنفآر
لو الحوش مغسول تقول اغسلوه نوبة ثانية

الزبدة / إنه يعني إذا كآن في جمآعة ولالهم رئيس يصرّفهم
كلن يتصرف على كيفه ..

~

4ـ حرّك ,, تبلش |
بعض الناس الله يعافيهم ولايبلآنا ماودّك تحارشه
صدز حرّك تبلش ..

~ وللهذرة بقيـــة

..

متصفحة · 06-05-2010, 07:29 AM

ماشاءالله

الله يخليلك أجديدتس .. ويطول بعمره ويمتعبه على زود عمل صالح

ماااخليتيش ياااا الغلا ..

كلشي ماشاءالله عرفتن له ..

ننتظر بااااقي الأمثله ..

سـمـاء · 06-05-2010, 08:48 AM

ننتظر بآقي الهذرة
بفآرغ الصبــــــــــــر

..
بس خووش هذر الله يخلي لتس جدتس ويمتعها بعمرها
اللهم آمين

ما تَهَاب · 06-05-2010, 10:17 AM

ياحبي لها
الكبار هم البركة الله يخليها لكم ويمد في عمرها على زود عمل صالح

ياكثر الأمثال اللي تختصر قرقن واجد , وياكثر الأمثال اللي ما لأمها داعي
ويااااكثر أمثالكم يالقصمان < ~ يمنية الأخت

متااااابعة لك طموحة

أحلى صبية · 06-05-2010, 12:04 PM

رهيبات اللي ذكرتيهن بس مهب كلهن فهمتهن مره عاد بسمعك اللي يعجبنن

يعني اضحك لاسمعتهم قليل اقولهم انا...

يابقة بالدعيسة <<<ههههههه هذا يجوز لي اضحك لاسمعته تحطيييم

....

راحت تقبس و اعرست<<لاحول ولا قوه الا بالله يحول ياللي بيعرسن

فخر بريدة · 06-05-2010, 12:20 PM

كششخه هالأمثال ذذ

الله يخليلك جدتك ويعطيها الصحه والعافيه

ننتظر البقيه ^^

قُنصـل ~ · 06-05-2010, 03:08 PM

||..

هههههههههههههههههههههه
أما التصريفه لحاله

وه ياطعم جديدتس

أما الأمثله اللي ماله داعي خوذي وخلي <<< طبعاً مو كلهن تقعدن تاكلنن بقشوري

وإذا سألت أمي بعض الأحيان تقول ماأدري أمي تقوله
وه يابعد قلبي وقلب أمتس

يله ياحلوه لاتبطين علينا بالهذره
لأن هذراتس يهبلن وش زينهن

دوتس خوذيه وأنتِ تهذرين

أتعبني طموحي · 06-05-2010, 03:24 PM

..

متصفحـة ~

هلا وغلآ ومسهلآ

آميــــــــن يآآآرب ويّاتس ياقلبي ..
أبشري أبدوخ روسكم بالخرط

وه بس

..

أتعبني طموحي · 06-05-2010, 03:28 PM

..

*

نسيـت أقول اللي عنده أمثال كويسه زي حقّاتي < من زين حقّاتتس

المهم اللي عنده تعطينا همآآآآآه ..

ياحووووبي لكم

..

يآالقصيم آهوآك · 06-05-2010, 09:25 PM

ماقالت لتس جدتس دآو عدوك بالاسكات
والحقران يقطع المصرآن

صنهــآته · 07-05-2010, 02:31 AM

هلا بنت العم الي متبريتن من قبل قليل

حيا الله جدتس

يحبيله منوره الموضوع

<فاهمه اسالفه غلطط

بصراحه الامثله شي شيات ههههههههههههههههههههههه
ذكرتين بالشسمه ها ها هاا هااااااااااههههههههههههههههههااي
ب الاختبار الي عليتس يوم نبحث ونبلش أبوي بأمثلتس

والله ياهو معطينا وجه بعد

ياحبيله

يله ننتظر البقيه

أتعبني طموحي · 07-05-2010, 03:26 AM

..

5ـ جمّع الجن ؛ ولاعرف يفرّقهم |

تخيلت بزر جمع عيال الحارة عشان يهجمون على واحد
وأثرهم تهاوشوا معه وحطوا الحره به < ياعلي خيآل (:

~

6ـ هذا حوقتس يا الرفلة كوليه |
أحياناً تقوله لي أمي إذا حقت بالمطبخ

~

7ـ جلدن ماهوب جلدك جره على الشوك|
أنا مآآآآيقهرن ويفقع مرارتي إلا إذا عطيتِ السواق سيارة زينه
همن بدأ يدوعس به بكل جخر ويرقى رصيف ويمشي فوق حصيآن
ايه بلا مب من جيبه شيء .. كررررره

~

8ـ الذيب مايهرول عبث |
هذا المثل يضرب بالشخص اللي متحمس للشيء
ويداعي له والا يبيه يصير بس مايندرى ليه فـ نسلّك له ونقول
بقلوبنا وراه شيء ذا أكيد , الذيب مايهرول عبث
< ياعلي شرح ماادري وش يبي

ـ غديكم تعذرونن أنا وشرحي

..

أتعبني طموحي · 07-05-2010, 03:31 AM

..

سماء ~

هلا والله بسمآنا يالله حييّه ..
اللهم آميـن الله يجزاتس خير ..

..

06-05-2010, 04:51 AM	#1
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	قَــديمك نَديمك لو جديدٍ أغْناك ㋡ ,, .. السلآم عليكم ورحمة الله .. مسّيكن بالخير هلا بـ بنيّاتي ,, وش علومكن .. الله يوفقن بدراستكن ويسخرلكن ويكفلكن يآآكريم .. < المقدمة بواسطة جدتي * ماقبل المقدمة .. في يوم من الأيام ونوبة من النوبات كنت جالسة مع جديدتي وتسولف علي بسواليفهم منوّل , ومير من عرض السواليف استدلّت بمثل ومير يجوز لي و اللي هو ( اللي مايعرفك مايثمّنك ) قلت صادزه فعلاُ ! قعدنا شوي ومير تسولف علي عن سالفة صارت لبنت جيرانهم انّه خطبه ولدعمه ماهنا زينه وزين مواصفاته وعييّت تبيه همن قالت (وهي تنهّد ): ايييييييييييييييييييه من عرفك حقرك < وبينما أنا أهز دميجتي ومير تولع لمبه بداخل عقلي قلت: اصبري الله يعظم اجرتس وش اللي من عرفك حقرك همآتس تو تقولين اللي مايعرفك مايثمنك قالت : هآآآآآه ,, محمّد مدّ الماعون لاتكسره < تصرف عرفت انّي مهما حاولت معه مب رادتن علي > وه ياحبي لخشيشته بس + عآد وطنت ببالي إننا نبحر في عالم الأمثال والأقوال الشعبية النفيسة والتي تعتبر هي الميراث الذي خلّفه لنا آبائنا وآجدادنا ونحن بدورنا يجيب أن نكون منسجمين مدركين لـ قيمة تلك الحضارة بين الشعوب والدول التي تؤمن بالحقيقة الصحيحة التي لا مفرّ منها وهي تطوير البلآد وتنظيم أركانها وتوسيع نطاقها ؛ وفي الجانب الآخر ....< تقل بدت تخوره + المهم خلونا على الحكي المفيد المختصر إني أبجدع لكم أمثال هنيّا ويمكن أسأل عنهن بالأخير يعني انتبهوا < تسمع بالتحميس . شيــــكراً > جدتي تحب هالتسلمه .. __________________ . لا مَرْحَباً بــ سُرورٍ عاد بالضَرَرِ !

06-05-2010, 05:11 AM	#2
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. ..1 ....2 ........3 ............ انطلآآآٌق 1ـ طق العير ... يستادب الفهد\| يعني هيّب القوي بـضرب الضعيف ,, ياويلي الضعيف دايم ممهونن كتره ~ 2ـ إذا حجّت البقر على قرونه \| يوم أنا صغيرة كل يوم أدعي أقول يآرب تحج البقر على قرونه عشان يصير كل اللي أبيه ~ 3ـ مايحرّك الرابضة \| يعني دبشة مايهش ولاينش مثل قلّه , ماهنا دبرة . ~ 3ـ قال من ومرك , قال من نهآك \| جدتي الله يعظّم أجره دآيم تقوله لاشافت الشغالآت متجمّعآت من غير دبره , عآد تسلّط عليهن تسوي حالة استنفآر لو الحوش مغسول تقول اغسلوه نوبة ثانية الزبدة / إنه يعني إذا كآن في جمآعة ولالهم رئيس يصرّفهم كلن يتصرف على كيفه .. ~ 4ـ حرّك ,, تبلش \| بعض الناس الله يعافيهم ولايبلآنا ماودّك تحارشه صدز حرّك تبلش .. ~ وللهذرة بقيـــة .. __________________ . لا مَرْحَباً بــ سُرورٍ عاد بالضَرَرِ !

06-05-2010, 07:29 AM	#3
متصفحة كاتبة مميّزة تاريخ التسجيل: Feb 2009 البلد: أسأل الله أن يهديني طريق الصالحين المشاركات: 5,046	ماشاءالله الله يخليلك أجديدتس .. ويطول بعمره ويمتعبه على زود عمل صالح ماااخليتيش ياااا الغلا .. كلشي ماشاءالله عرفتن له .. ننتظر بااااقي الأمثله .. __________________ " اللهم خذ بيدي أخواننا في سوريا , وعجل بنصرهم "

06-05-2010, 08:48 AM	#4
سـمـاء عـضـو تاريخ التسجيل: Aug 2008 المشاركات: 46	ننتظر بآقي الهذرة بفآرغ الصبــــــــــــر .. بس خووش هذر الله يخلي لتس جدتس ويمتعها بعمرها اللهم آمين __________________ من سرق قطـ/ـعة الحلوى التي كانت في جيب معطفي؟ يالله : هذه الدنيا لا تترك لك شيئا لتفرح به!!

06-05-2010, 10:17 AM	#5
ما تَهَاب عـضـو تاريخ التسجيل: Sep 2008 البلد: الريــاض ’, المشاركات: 8,043	ياحبي لها الكبار هم البركة الله يخليها لكم ويمد في عمرها على زود عمل صالح ياكثر الأمثال اللي تختصر قرقن واجد , وياكثر الأمثال اللي ما لأمها داعي ويااااكثر أمثالكم يالقصمان < ~ يمنية الأخت متااااابعة لك طموحة __________________ ‏‏‏الذين رحلوا إلىَ [ الله ] في سن مبكرة . . اهدونا رسالة تقول : [ لا تُطيلوا قوائمَ أُمنياتكم ] لأنَ الحياة اقصر منها بِـ كثيــر ،

06-05-2010, 12:04 PM	#6
أحلى صبية عـضـو تاريخ التسجيل: Sep 2008 المشاركات: 2,024	رهيبات اللي ذكرتيهن بس مهب كلهن فهمتهن مره عاد بسمعك اللي يعجبنن يعني اضحك لاسمعتهم قليل اقولهم انا... يابقة بالدعيسة <<<ههههههه هذا يجوز لي اضحك لاسمعته تحطيييم.... راحت تقبس و اعرست<<لاحول ولا قوه الا بالله يحول ياللي بيعرسن

06-05-2010, 12:20 PM	#7
فخر بريدة عـضـو تاريخ التسجيل: Jul 2007 البلد: في زوايا التفاؤل ... المشاركات: 1,560	كششخه هالأمثال ذذ الله يخليلك جدتك ويعطيها الصحه والعافيه ننتظر البقيه ^^

06-05-2010, 03:08 PM	#8
قُنصـل ~ حرف راقي تاريخ التسجيل: Oct 2009 البلد: بينَ أنفاسِ الحُروف .. المشاركات: 2,502	\|\|.. هههههههههههههههههههههه أما التصريفه لحاله وه ياطعم جديدتس أما الأمثله اللي ماله داعي خوذي وخلي <<< طبعاً مو كلهن تقعدن تاكلنن بقشوري وإذا سألت أمي بعض الأحيان تقول ماأدري أمي تقوله وه يابعد قلبي وقلب أمتس يله ياحلوه لاتبطين علينا بالهذره لأن هذراتس يهبلن وش زينهن دوتس خوذيه وأنتِ تهذرين __________________ .. لو نطقت القُلوب ل عرفتْ كيف تـــرُدّ ! .. ..

06-05-2010, 03:24 PM	#9
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. متصفحـة ~ هلا وغلآ ومسهلآ آميــــــــن يآآآرب ويّاتس ياقلبي .. أبشري أبدوخ روسكم بالخرط وه بس .. __________________ . لا مَرْحَباً بــ سُرورٍ عاد بالضَرَرِ !

06-05-2010, 03:28 PM	#10
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. * نسيـت أقول اللي عنده أمثال كويسه زي حقّاتي < من زين حقّاتتس المهم اللي عنده تعطينا همآآآآآه .. ياحووووبي لكم .. __________________ . لا مَرْحَباً بــ سُرورٍ عاد بالضَرَرِ !

06-05-2010, 09:25 PM	#11
يآالقصيم آهوآك عـضـو تاريخ التسجيل: Apr 2010 البلد: الـ ج ـنـه إن شآء الله ! المشاركات: 406	ماقالت لتس جدتس دآو عدوك بالاسكات والحقران يقطع المصرآن

07-05-2010, 02:31 AM	#12
صنهــآته عـضـو تاريخ التسجيل: Dec 2009 البلد: الخفجي --- المشاركات: 685	هلا بنت العم الي متبريتن من قبل قليل حيا الله جدتس يحبيله منوره الموضوع <فاهمه اسالفه غلطط بصراحه الامثله شي شيات ههههههههههههههههههههههه ذكرتين بالشسمه ها ها هاا هااااااااااههههههههههههههههههااي ب الاختبار الي عليتس يوم نبحث ونبلش أبوي بأمثلتسوالله ياهو معطينا وجه بعد ياحبيله يله ننتظر البقيه __________________ سَ يأتي الضيـاءُ برغم الغيـوم .. آخر من قام بالتعديل صنهــآته; بتاريخ 07-05-2010 الساعة 02:40 AM.

07-05-2010, 03:26 AM	#13
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. 5ـ جمّع الجن ؛ ولاعرف يفرّقهم \| تخيلت بزر جمع عيال الحارة عشان يهجمون على واحد وأثرهم تهاوشوا معه وحطوا الحره به < ياعلي خيآل (: ~ 6ـ هذا حوقتس يا الرفلة كوليه \| أحياناً تقوله لي أمي إذا حقت بالمطبخ ~ 7ـ جلدن ماهوب جلدك جره على الشوك\| أنا مآآآآيقهرن ويفقع مرارتي إلا إذا عطيتِ السواق سيارة زينه همن بدأ يدوعس به بكل جخر ويرقى رصيف ويمشي فوق حصيآن ايه بلا مب من جيبه شيء .. كررررره ~ 8ـ الذيب مايهرول عبث \| هذا المثل يضرب بالشخص اللي متحمس للشيء ويداعي له والا يبيه يصير بس مايندرى ليه فـ نسلّك له ونقول بقلوبنا وراه شيء ذا أكيد , الذيب مايهرول عبث < ياعلي شرح ماادري وش يبي ـ غديكم تعذرونن أنا وشرحي .. __________________ . لا مَرْحَباً بــ سُرورٍ عاد بالضَرَرِ !

07-05-2010, 03:31 AM	#14
أتعبني طموحي عـضـو تاريخ التسجيل: Dec 2009 البلد: الرياض المشاركات: 1,199	.. سماء ~ هلا والله بسمآنا يالله حييّه .. اللهم آميـن الله يجزاتس خير .. .. __________________ . لا مَرْحَباً بــ سُرورٍ عاد بالضَرَرِ !