 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
13-07-2004, 09:17 PM
|
#1 |
|
عـضـو
تاريخ التسجيل: Oct 2001
المشاركات: 1,061
|
بــرجــس يـتبرأ مـن بـرجــس ((بـيـــان))
بسم الله الرحمن الرحيم من هذا المنبر الكريم من منتدى بريده أعلن براءتي مما اقترفته يدا المجرم برجس المزيف كما أعلن بانه لا تربطني صله من قريب او بعيد بذلك الشخص المسمى جورا وظلما برجس بل انني انزه اسمي الكريم في ان ينتسب اليه امثال ذلك الوضيع الحقير السفله وانني من هذا المنبر الكريم أخاطب اصحاب هذا الموقع من مراقبين ومشرفين واحثهم على تبني موقف صارم وعملي ازاء هذا الاعتداء الصارخ على اسمنا الكريم . بل اطالبهم بتبني موقف دفاعي وعملي سريع وذلك بمخاطبة ومراسلة اصحاب المنتديات والمواقع التي تم فيها التعرض وتشويه اسم برجس واخبارهم بعدم التعرض لاسم برجس من بعيد او قريب لا تصريحا ولا تلميحا . وكذلك الاقتراح عليهم بان يتم ترميز اسم برجس بطريقة تقنيه مثل الكلمات النابيه والقبيحه في المنتديات بحيث اذا كتب احدهم اسم برجس في منتدياتهم لايظهر الاسم بل يظهر بدل عنه في موضوعه او تعقيبه على شكل نقاط ...... او نجوم ******* وذلك مراعاة لمشاعري، وحفظا للخوض في عرضي وسمعتي كما اطالب بان يتم ترجمة هذا البيان ونشره في المنتديات والمواقع الاجنبيه وكذلك اطالب منهم ان يتم مخاطبة اصحاب القوائم البريديه والمجموعات من اجل توزيع نسخه من هذا البيان ونشره ليتم وصوله لاكبر شريحه من الناس . أما رسالتي لبرجس المزيف فاقول له : حسبنا الله ونعم الوكيل عليك يابرجس النعال يابرجس التراب يابرجس القذر يابرجس النذل يابرجس الكلب يابرجس المزيف (( تسني تحمست :D )) حسبي الله عليك يابرجس راعي جوال الباندا ابوكميره وقسم بالله انك نعال متقطعه ياخي يرضيك تشوه سمعتي تسذا بالمنتديات؟!! يرضيك تكون سيرتي على كل لسان؟؟!! طبعا يرضيك لانك خسيس ونذل وحقير مير انت الحين يالسلقة الحفيانه بيد السلطات ويبون يقتصون منك ولاة الامر ويرجعون حق الشرفاء اللي انتهكته وخل الكور اللحجي وجوال الباندا ابوكميره ينفعونك حسبنا الله ونعم الوكيل حسبنا الله ونعم الوكيل حسبنا الله ونعم الوكيل كتبه الشاب المحطم نفسيا مهيض الجناح مكسور الخاطر برجس بن صنهات آل شمقمقي ظهيرة يوم الثلاثاء الموافق للخامس والعشرون من غرة شهر جمادى الاولى لعام خمس وعشرون بعد الاربعمائه والالف من هجرة المصطفى صلى الله عليه وسلم . ملحوظه ( 1 ) / تم تأخير صدور هذا البيان من اجل رصد ردود الافعال ومعرفة خويانا وربعنا من السمرمد اللي يتشمتون ويطنزون ويستهترون .. وللاسف طلعوا كثارين ملحوظه ( 2 ) / يتم استقبال ماتجود به انفسكم الكريمه، وقلوبكم الطاهره البيضاء، وايديكم الخيره .. على الحسابات التاليه : حساب رقم 123456 بنك الراجحي - فرع الصناعيه القديمه حساب رقم 654321 البنك الاهلي - فرع حراج بن قاسم حساب رقم 456789 بنك الاستثمار - بريده حساب رقم 987654 بنك الجزيره - ينبع البحر حساب رقم 147258 بنك الدم - فرع مستشفى الشميسي حساب رقم 258369 البنك العقاري - فرع حفيرة نساح حساب رقم 963258 البنك العقاري - فرع عرعر جزاكم الله خيرا .. وجعل ماتقدمون في موازين حسناتكم والله ولي التوفيق ،، =============
__________________
    انتبه .. سيتغير التوقيع بين كل فتره واخرى .. كن معنا :)  |
|
|
13-07-2004, 09:22 PM
|
#2 |
|
عـضـو
تاريخ التسجيل: Sep 2001
البلد: (( العالم المجهول ))
المشاركات: 2,568
|
ههههههههههه بيان من جد تحس انه رسمي ...
والله شي .. خصوصاً الحسابات ...
__________________
حسبي الله ونعم الوكيل  ((( على هذا الرابط معاً لمكافحة الغش التجاري وإستغلال الناس ))) http://www.commerce.gov.sa/mok2/form.asp |
|
|
|
13-07-2004, 10:57 PM
|
#3 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
:D :D :D
:D :D :D المنسم برجس :D .. ياويلي لايضيق صدرك .. ترانا نعرفك .. فحظرت سموكم لايملك الا بيجر وقاضيه حجراته .. ولاتناظر البناااااااااااااااات .. اذا هاك اليوم اغواااااك ابليس .. قعدت تويق على الشغاله من ورى الباب :D اقول يابرجس اما هذي >>> ( بيد السلطات ) والله ياهي متعوب عليه .. <<<< بيد السلطات والا المقبلات .. <<<< المقبلات والا المدبرات .. <<<< المدبر .. آت >>> والا المدبر .. دوت كوم .. اقضبوه الصعيدي .. مستانس اليوم عرس بنت خالته <<<< قسم انه فضيحه .. كود مايعلم .. المفروض يشقل ويحط بالقصر همن يعلم وش السالفه :D .. عوداً على ذي بدء <<<< رتب الجمله السابقه .. اجل برجس  العبد الأسود قرقع الباب .. ضيع مستقبلك ..تصدق كل ماقريت اسمك هالحين .. اني اخاف يضيع الشرف .. <<<< بلاك زينك يالصعيدي .. >>> مامناظرك غير الأفغانيه :D .. وأخيراً .. <<<< يوريك انه جايب الجهده .. جوال الباندا ماجاااب الا المصايب .. والله يستر على بنات المسلمين .. سي يو ..
__________________
. . .  .. قلب البحطلة ينبض ..ينبض ينبض ينبض .. . |
|
|
|
13-07-2004, 11:23 PM
|
#4 |
|
عـضـو
تاريخ التسجيل: Oct 2001
المشاركات: 1,061
|
شويه رسمي يالذهبي
انا وهو انا راعي البيان بغيت اصيح يوم قريته اسلوووووب يووووحش وقسم الظاهر اخر عمري ابصير كاتب معاريض عند المحكمه على هالاسلوب :D مدحت بن شوقي بريده .. يالله حي ابوشوقي  وشلونك؟ تسيف انت؟ انت شفت وشلون شوهوا سمعتي بالمنتديات؟!! وانا اللي مسمي مصلي طاهر تقل قلب عذراء في خدرها <== يسمع بالتشبيه :D عاد تصدق ولا يهونون باقي الشبيبه تصدق اني اذا خربته بقووووه بقوووه رحت للمطبخ يقالي اشرب ماء وانا اقز الشغاله حفرت الصاله تحفير رايح جاي اقضيت الخزان من كثر شربي للماء <===== الاخ بعير ويشرب من خزان؟! اجل جازتلك كلمة (( السلطات )) تسن اللي معد البيان مغربي عايشن بالدار البيضاء ثلاث طعش سنه وبمراكش سبع سنين ونص عاد تدري .. منول منب حاطن حسابات البنوك لكن وانا اراجع البيان واعدله جازلي الاسلوب الاستعطافي وخنقتن العبره قلت ياولد فرصه الفز الحسابات باخر الموضوع لعل وعسى يجيك شي منا والا منا تخبر الواحد وده يستغل الفرصه وعلى ماقال القايل قال ( صفوا صفين قالوا حنا اثنين ) :D وانتم كريمين وانا استاهل ورب البيت كريم وما على كريم تشرط <=== يسمع بالشحاذه :D :D:D :D
__________________
انتبه .. سيتغير التوقيع بين كل فتره واخرى .. كن معنا :) |
|
|
|
14-07-2004, 02:09 AM
|
#5 |
|
عـضـو
تاريخ التسجيل: Aug 2002
البلد: The Deaf is hearing
المشاركات: 2,129
|
اقووول والله من التنسيييم يابرجس
انا ابا اقف معك وقفه صااارمه ... وسأمدك بالسلاح ... والعتاااد ... واهم شي ... الاخلاق وحب الوطن والمليييك والبيبسي ... :
__________________
 والله لن أنساك ياغندر ...:oo |
|
|
|
14-07-2004, 02:18 AM
|
#6 |
|
عـضـو
تاريخ التسجيل: Jan 2002
البلد: بريدة
المشاركات: 2,133
|
برجس أكيد مانتب قايلن انه انت لأنك تدري انهم يبي يلخلخونك لما تقول العيد الليلة :D
وبعدين مدحت أنت كلك حلا بس لا تشاف تنحت  تفسير الجملة السابقة : كلك : يعني كل والكاف للمخاطب اللي هو انت يامدحت حلا : بسبوسة ، بقلاوة ، الكشخة خوينا أحس ان اسمه نوع من الحلا بس لا تشاف تنحت : عاد هذي تعرفه زين يالأشهب >>>>> قوي عين أما أنت يابرجس وراك وراك لما تعترف 
|
|
|
|
14-07-2004, 02:25 AM
|
#7 |
|
عـضـو
تاريخ التسجيل: May 2003
البلد: .buraydahcity.
المشاركات: 3,435
|
:D
__________________
. . لا إله إلا أنت سبحانك إنا كنا من الظالمين..
اللهم أعنا على ذكرك وشكرك وحسن عبادتك .. استغفر الله وأتوب إليه.. آخر من قام بالتعديل الوسيــــــم; بتاريخ 14-07-2004 الساعة 03:18 PM. |
|
|
|
14-07-2004, 09:47 AM
|
#8 |
|
عـضـو
تاريخ التسجيل: Sep 2001
البلد: بريدة
المشاركات: 1,286
|
برجس :::
الحكمة العربية تقول : (( المجرم مدان حتى تثبت براءته )) لذلك أنت مدان الآن بسبب أسمك  لذلك أقترح عليك تنتسب للعايله وتترك أسمك حلوه والله حمولة ( الشمقمق ) يمدحونه بالسنع والذرابة أقول أنت تبي تجيب العيد بروحك الحين يالتنسيم  الحن أنت ووجهك تبريت من الأسم وحطيت رقم حساباتك !!!!! باتسر يمسكونك , يقولون ذا يمول الإرهاب  كل ذي حسابات !! لا ....... وبعد موزعهن بكل ديرة  أنت ممسوك ممسوك ,,, الله لا يعوق بشر  لكن أنت تخير القضية الأولى وإلا الثانية والكرة الآن في مرماك , وننتظر منك الرد بأسرع وقت <----------- تحس أنه مباحث هدر :D :D بمان الله , والله يعوضك خير بالدنيا والآخره وأهم شي السلامة , وإلا الحديد بداله حديد <----------- توه شايفن حادث ومتأثر باللي صار :D
__________________
تسعدني زيارتكم لموقعي الشخصي
www.badr.cc |
|
|
|
14-07-2004, 03:17 PM
|
#9 |
|
عـضـو
تاريخ التسجيل: Jan 2002
البلد: بريدة
المشاركات: 2,133
|
والكرة الآن في مرماك , وننتظر منك الرد بأسرع وقت
قوية تبي شرح |
|
|
|
14-07-2004, 05:11 PM
|
#10 | |||||||||||||||||||
|
عـضـو
تاريخ التسجيل: Dec 2003
المشاركات: 504
|
__________________
 اضغط الصورة |
|||||||||||||||||||
|
|
|
15-07-2004, 12:11 PM
|
#11 |
|
عـضـو
تاريخ التسجيل: Oct 2001
المشاركات: 1,061
|
هلا بالحنون
يالله حيه كفو والله ايه اوقف معي وقفه صارمه ومدن بالسلاح ولا اوصيك بالنباطات تراي قدي بالحيييييل الله من لمبه ولمبه كسره ومثل ماذكرت انت اهم شي ... الاخلاق وحب الوطن والمليييك والبيبسي ... الاولات زينات الاخلاق وحب الوطن والمليييك لكن البيبسي لك عليه مناب اواديه اذا شفته تسني شفت شارون :D <=== يسمع بالمقاطعه الامريكيه :D منهو اللي رد عقبك ؟ خل ارقى واشوف طق طق طق <== هذا صوت رجليني وانا رايحن فوق :D ... هذا صوت طبول وطق مهب صوت رجلين تدرون من طلع ؟ طلع الوافي هلالا بالوافي .. تقول يالوافي : (( برجس أكيد مانتب قايلن انه انت لأنك تدري انهم يبي يلخلخونك لما تقول العيد الليلة )) تقوله صادز والا تبين اقول انه انا يحلفون ان يعلقونن بسلسله فووق تنور مخبز تميس ويشبون التنور لين تغدي ضووه تقل حريقه كبيره <=== ياي على هالتشبيه :D وكل شوي ينزلن الافغاني شوي للتنور لين اغدي تسني دجاجه بشوايه :D سراج الخير / وراك حاطن وجه يضحك؟ شكلك تشمت وتطنز؟ تسني شفت لك رد امس مدري انت حذفته والا انا واهم اعترف احسن لك ( وجه واحدن مطيرن عيونه عليك ) تراي قصرت ابتلين شوي همن ابرجع لا احد يروح
__________________
انتبه .. سيتغير التوقيع بين كل فتره واخرى .. كن معنا :) |
|
|
|
15-07-2004, 12:21 PM
|
#12 |
|
عـضـو
تاريخ التسجيل: Oct 2001
المشاركات: 1,061
|
عدنا
منهو اللي ماردينا عليه ؟ اييييه ذيبان هلالالا بذيبان يالله حيه هلا بمصورنا الجوي :D ====== تقول : الحكمة العربية تقول : (( المجرم مدان حتى تثبت براءته )) لذلك أنت مدان الآن بسبب أسمك لذلك أقترح عليك تنتسب للعايله وتترك أسمك حلوه والله حمولة ( الشمقمق ) يمدحونه بالسنع والذرابة ========= وشلون مدان والمجرم اللص الحقير ممسوك بيد السلطات؟!! لا تفوتكم السلطات توووحش :D وشلون مدان وهذا بيان تبرأه من سعادتنا؟؟!!!! ولو شكلك توحي بالتحقيق وحجر اللصوص :D وبالنسبه لعايلة آل شمقمقي فتراه عايلة كرم وجود الغداء عندنا الليله؟ <=== يسمع بالكرم :D ايضا تقول ياذيبان : ((أقول أنت تبي تجيب العيد بروحك الحين يالتنسيم الحن أنت ووجهك تبريت من الأسم وحطيت رقم حساباتك !!!!! باتسر يمسكونك , يقولون ذا يمول الإرهاب كل ذي حسابات !! لا ....... وبعد موزعهن بكل ديرة )) انا ماكنت ناوي احط ارقام حساباتي لكن عقب ماقريت البيان مره ثانيه خنقتن العبره وبغيت اصيح قلت فرصه خل احط الحسابات لعل وعسى احد يلفز شي وبالنسبه لتوزيعهن بكل الديار عشان نقصر العنوه ولا نكلف على احد الوافي مره اخرى الشرح يبي يشرح ذيبان لك كل شي ان تباطيته ارسل له رساله تذكيريه وقله يجي يرد مره ثانيه ويشرح :D عاشق الفردوس .. افهم من الاقتباس اللي انت اقتبسته انك تقول نفس كلام الحنون؟ انتسان ذا قصدك فانت رهيب وكويس بالحيل وانتسانك تطنز فاقطع المعرفه :D:D :D
__________________
انتبه .. سيتغير التوقيع بين كل فتره واخرى .. كن معنا :) |
|
|
|
15-07-2004, 03:30 PM
|
#13 |
|
عبدالله
تاريخ التسجيل: Jun 2004
البلد: .
المشاركات: 9,705
|
تهي تهي تهي تهي ......
ياحبيلك يابرجس كسرت خاطري أنا ماأدري وش قريت هذا بيان ولا قصة مأساة بصراحة حقدت على برجس المزيف وإذا شفته ابتودش مريره وإذا بغيت فزعة ابشر بسعدك لا يردك إلا رقم البيجر اتصل نصل واطلب تجد ....
__________________
ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) |
|
|
|
15-07-2004, 05:38 PM
|
#14 |
|
عـضـو
تاريخ التسجيل: Oct 2001
المشاركات: 1,061
|
كفو يالصمصام
مايجي قصور عطن رقم بيجرك تكفى :D:D :D
__________________
انتبه .. سيتغير التوقيع بين كل فتره واخرى .. كن معنا :) |
|
|
|
| الإشارات المرجعية |
|
|
النمط المتتابع
