مذكرات البدوي ولد خالته مغيزل \ باللهجة البريداوية

الخبوبي · 01-10-2001, 11:14 AM

البدوي وولد خالته مغيزل ببريده

تسانوا عيال خالتن البعض
يعني أم امغيزل خالتن للبدوي وم البدوي خالتن لمغيزل
وتسانت أعمارهم هتسالحين بين السبع والتسع سنين وتسانوا يحبون بعضهم وخاصة حب البدوي لمغيزل علشاننه ما يقدر يغبيه عنه
وتسانت تبين من شوفتهوله لاجاهم مع اهله ولا لحاله يقعد يناقز مثل القعود الفسقان.
تسانوا جيران بجنب بعض وتسان ابو مغيزل عايشن بالرياض مع مرته الجديده وابو البدوي ابيته الثاني ببريده وهذ الي خلاهم دايمن مع بعض .
تسان عند بيت البدوي جيران وعيالهم نجسين وسرابيت دايمن يروحون للعجيبة ويتتنون ويلعبون بالتسلابه
وتسان لهم اخت تسبيرة بس انه ارجالية وتلبس عباته مثل لبس الرجال للبشت لامنه مشت طارت عباته وراه تقل دخان ددسن قديمة ومخبطتن بعد.
تسانت هالبنت تكشتبهم وتسوي شاهي لهم
بس انه ما هوب بالبر
يرحون لقرب براحة ولا حوشن بجنبهم مابه خيمت بدو امن تقولهم يالله ياعيال جمعوا عودان وصون حمير وقراطيس علشان ازبنلكم الشاهي.
تسان البدوي ومغيزل لهم اخوتن اصغر منهم ومهب دايم معهم بس احيانن يتلزقونبهم.
وحيثن البدوي ومغيزل اكبارين تسانو يتسلمون بعض الحيان بلغتن ماحد يعرفه الا هم( انتبه لهلتسلمه تراه مربط الفرس ).
وبذاتس اليوم تسانو يناقزون فوق الجدران بالعلوة مثل البساسة الي تعارس
وعلشان يبعدون عن اخوتهم البزران ويقعدون فوق طاية الروشن
اومير يلحقهم الصغير اخو البدوي اومير يطيح من الجدار ولا جاه شي بسنه نط ونفض ثوبة المتكسر ن من الوصخ والزغاغيل مثل التيس لانط للحوش من الطاية.
نقزله هتسا النقزه والاه بوسط الدرجة ويصارخ يمه يمه يمه ونحر القبة ولا لقا امه
راح لصفت الجصة مالقاه
طلع من صفت الجصة للموقد وهو يصارخ يايماه وين انتيبوه ياويل الي ماله والي
سمعت امه اصراخه وقالت وين انت ياوليدي انا بحوش البقره ابعطيه وقافتن تسيدي احلبه مير وشبك تصارخ تقل مقروص.
عرف وينهبه وراح يركض لمه يومه يومه يومه قالتله وشبلاك وشبلاك تزعق وطايرتن بوهتك تقل ملحوق
قاله العيال وشبهم قالتله قال طيحون من الجدار واوه وضهريه ورجلينيه يمه راسي يوجعن يمه لاتخلينهم دقيهم
صدقته اميمته وراحت معه وينهم هلخباث وينكم يالبدوي والله الذي لا اله الاهو ما خليك.
تسان البدوي ومغيزل قاعدين يودزون على بنات الجيران عند عتبت بابهم يلعبون دبدز ويم سمع البدوي صوت امه وهي ادور عليهم علطول راح البدوي نعم يمه وشتبين
قالت وراك الله لايصلح العدو تدز اخوك الصغير من الجدار انت لاجاك احد صرت نزغت شيطان
قاله يعقب ولا حتا لمسناه وشسوينابك قال البدوي لخوه الصغير.
قال الا انتم الي طيحتون
ويدز مغيزل راسة من فوق جدار الروشن وقال يخسي ابو قرون الخروف ويعقب .
امير تلتفت عليه امه تبي امصع اذانك يمل الماحي الي يمح عدوك.
رجع على وراوه مثل الخروف الي يبي يعف قال الا والله العضيم انهم هم الي طيحون انتي ماتصددزينن .
وشلون طيحوك قالتله امه
قال ايه نحتون بالقلينزي امير اطيح.
----------
يالله عاد نامو وباتسر اتسمل لكم السبحانية

**********************************************

سعفة · 01-10-2001, 02:02 PM

فعلاً قصة حزينة .............. ما عندك غيره

أنا من يوم شفت الموقع وانا غاسلن ايدي ... دريت ان الدعوى عجز بعجز

.................... شكراً لك يا بعد قلبي ........................

:D :D :D :D :D :D :D :D :D :D :D :D

أم حديجان · 01-10-2001, 03:44 PM

الله مير يسلمك ويعافيك على هالقصه, وإنا خالك إبيك تكمله الله لا يهينك. سمعتن عساي ما أذوق يومك.

الخبوبي · 01-10-2001, 11:19 PM

اخوي سعفه وحالتي ام حديجان ابشرو بالخير
بسودي ادري وشتقصد ياخوي سعفة ان الموقع عجز بعجز تراي جديد ولا اعرف اللغاز الي تحتسي عنه
وانتي ياخالتي ام حديجان ابشري بس لاتنسين ان ايام السنة تسثيرتن
وانا مير على فكره تراي منشغلن بلحيل عقب مابديت اشتغل بالغنم وجي للبيت تعبان
مير ودي اعرف وشلون اكتب سباحيني بنفس الرابط ترا مابالحمض احد بس ودي اتعلم منكم

بدر الشايع · 02-10-2001, 01:43 AM

هلا والله وغلا بأخوي ( الخبوبي )...
مشاركة متميزة الله بعطيك العافيه, بالنسبة وشلون تكمل القصه في نفس الرابط, فهو إنك تضغط على أيقونة ( أرسل الرد ). وتكمل الباقي مثل ما سويت بردك...

البحري · 02-10-2001, 01:22 PM

الله يرجك لمين تطيش==> أو الله ترحييب:D

الصراحة سبحانيتن زويينه... الله يحيك معنا وأسفرت وأنورت بحضورك يابعدي.... يالله ننتظر سباحينك الجايه..ومشاركاتك المبدعة...

يالله سلالالالالالالالالالالام

الخبوبي · 02-10-2001, 10:39 PM

ياخيوتي ذيبان والبحري
والله مدري وشقولكم تراكم رحبتوبي ترحيبن اويلاه لو اصير قده
بسني ابحاول قدر مستطيع وارضيكم انشالله
اما انت ياذيبان فنت تراك عرفت قصدي غلط ان مابي اكتب ردن بس لا الي انا ابيه وشلون اخلى كل سباحيني مع بعضهن بوردزقتن وحدة واتستبه ارقام السباحين دريت الحين وشنبي بلخط الي تستبتلك هتساليوم انت تخبر ولا نسيته تراي اعرف انك تبيتقولي نسيته والله لا!!!! اذنك

هذا أنـا ... ! · 15-07-2004, 09:25 AM

والله رااااائعه ..

مشاء الله علييك يالخبوووبي ..

والله من السنترررررره

لا تبخل علينا .. عطنا المزيد من اللي عندك

الكشخة · 15-07-2004, 10:43 AM

الف شكر

لك اخوي الـــــــــــــــــــــــــــــخبوبي

سراج الخير · 15-07-2004, 04:48 PM

والليا الموضوع قديم

الحنون ما تلاحظ انك تنفظ الغبا عن الموضيع القديمة

برجس · 17-07-2004, 10:53 AM

هههههههههههههههههه

جازلي الموضوع

تكفى كمله يالخبوبي

انجز علينا ترانا نتحراك

شف اذا بغيت تكتب الموضوع بورقتن وحده

رح لم كلمة تعديل اللي تحت موضوعك

وارعصه همن تفتح لك صفحه به هرجك الاول

واكتب باتسي السبحانيه به

لكن انت طعت شوري

اكتبه بورقتن جديده

يعني اكتبه برد ثاني

عشان ننتبه له ونواصل معك بالقرايه

يعطيك العافيه

عرض نتائج التصويت: وشرايكم هي زينتن ولاعادييتن ولا شينه
زينه	2	66.67%
عاديه	0	0%
شينه	1	33.33%
المصوتون: 3. التصويت مغلق

01-10-2001, 11:14 AM	#1
الخبوبي عـضـو تاريخ التسجيل: Oct 2001 المشاركات: 12	مذكرات البدوي ولد خالته مغيزل \ الحلقة الثانيه البدوي وولد خالته مغيزل ببريده تسانوا عيال خالتن البعض يعني أم امغيزل خالتن للبدوي وم البدوي خالتن لمغيزل وتسانت أعمارهم هتسالحين بين السبع والتسع سنين وتسانوا يحبون بعضهم وخاصة حب البدوي لمغيزل علشاننه ما يقدر يغبيه عنه وتسانت تبين من شوفتهوله لاجاهم مع اهله ولا لحاله يقعد يناقز مثل القعود الفسقان. تسانوا جيران بجنب بعض وتسان ابو مغيزل عايشن بالرياض مع مرته الجديده وابو البدوي ابيته الثاني ببريده وهذ الي خلاهم دايمن مع بعض . تسان عند بيت البدوي جيران وعيالهم نجسين وسرابيت دايمن يروحون للعجيبة ويتتنون ويلعبون بالتسلابه وتسان لهم اخت تسبيرة بس انه ارجالية وتلبس عباته مثل لبس الرجال للبشت لامنه مشت طارت عباته وراه تقل دخان ددسن قديمة ومخبطتن بعد. تسانت هالبنت تكشتبهم وتسوي شاهي لهم بس انه ما هوب بالبر يرحون لقرب براحة ولا حوشن بجنبهم مابه خيمت بدو امن تقولهم يالله ياعيال جمعوا عودان وصون حمير وقراطيس علشان ازبنلكم الشاهي. تسان البدوي ومغيزل لهم اخوتن اصغر منهم ومهب دايم معهم بس احيانن يتلزقونبهم. وحيثن البدوي ومغيزل اكبارين تسانو يتسلمون بعض الحيان بلغتن ماحد يعرفه الا هم( انتبه لهلتسلمه تراه مربط الفرس ). وبذاتس اليوم تسانو يناقزون فوق الجدران بالعلوة مثل البساسة الي تعارس وعلشان يبعدون عن اخوتهم البزران ويقعدون فوق طاية الروشن اومير يلحقهم الصغير اخو البدوي اومير يطيح من الجدار ولا جاه شي بسنه نط ونفض ثوبة المتكسر ن من الوصخ والزغاغيل مثل التيس لانط للحوش من الطاية. نقزله هتسا النقزه والاه بوسط الدرجة ويصارخ يمه يمه يمه ونحر القبة ولا لقا امه راح لصفت الجصة مالقاه طلع من صفت الجصة للموقد وهو يصارخ يايماه وين انتيبوه ياويل الي ماله والي سمعت امه اصراخه وقالت وين انت ياوليدي انا بحوش البقره ابعطيه وقافتن تسيدي احلبه مير وشبك تصارخ تقل مقروص. عرف وينهبه وراح يركض لمه يومه يومه يومه قالتله وشبلاك وشبلاك تزعق وطايرتن بوهتك تقل ملحوق قاله العيال وشبهم قالتله قال طيحون من الجدار واوه وضهريه ورجلينيه يمه راسي يوجعن يمه لاتخلينهم دقيهم صدقته اميمته وراحت معه وينهم هلخباث وينكم يالبدوي والله الذي لا اله الاهو ما خليك. تسان البدوي ومغيزل قاعدين يودزون على بنات الجيران عند عتبت بابهم يلعبون دبدز ويم سمع البدوي صوت امه وهي ادور عليهم علطول راح البدوي نعم يمه وشتبين قالت وراك الله لايصلح العدو تدز اخوك الصغير من الجدار انت لاجاك احد صرت نزغت شيطان قاله يعقب ولا حتا لمسناه وشسوينابك قال البدوي لخوه الصغير. قال الا انتم الي طيحتون ويدز مغيزل راسة من فوق جدار الروشن وقال يخسي ابو قرون الخروف ويعقب . امير تلتفت عليه امه تبي امصع اذانك يمل الماحي الي يمح عدوك. رجع على وراوه مثل الخروف الي يبي يعف قال الا والله العضيم انهم هم الي طيحون انتي ماتصددزينن . وشلون طيحوك قالتله امه قال ايه نحتون بالقلينزي امير اطيح. ---------- يالله عاد نامو وباتسر اتسمل لكم السبحانية ********************************************** __________________ كل الي يعارضن بالهاوي وكل الي ما اعجبة بقليط آخر من قام بالتعديل الخبوبي; بتاريخ 24-10-2001 الساعة 09:25 AM.

01-10-2001, 02:02 PM	#2
سعفة عـضـو تاريخ التسجيل: Sep 2001 البلد: &^ ضراس المحتلة ^& المشاركات: 3,476	فعلاً قصة حزينة .............. ما عندك غيره أنا من يوم شفت الموقع وانا غاسلن ايدي ... دريت ان الدعوى عجز بعجز .................... شكراً لك يا بعد قلبي ........................ :D :D :D :D :D :D :D :D :D :D :D :D __________________

01-10-2001, 03:44 PM	#3
أم حديجان عـضـو تاريخ التسجيل: Sep 2001 البلد: الدعيسة المشاركات: 4	الله مير يسلمك ويعافيك على هالقصه, وإنا خالك إبيك تكمله الله لا يهينك. سمعتن عساي ما أذوق يومك. __________________

01-10-2001, 11:19 PM	#4
الخبوبي عـضـو تاريخ التسجيل: Oct 2001 المشاركات: 12	اخوي سعفه وحالتي ام حديجان ابشرو بالخير بسودي ادري وشتقصد ياخوي سعفة ان الموقع عجز بعجز تراي جديد ولا اعرف اللغاز الي تحتسي عنه وانتي ياخالتي ام حديجان ابشري بس لاتنسين ان ايام السنة تسثيرتن وانا مير على فكره تراي منشغلن بلحيل عقب مابديت اشتغل بالغنم وجي للبيت تعبان مير ودي اعرف وشلون اكتب سباحيني بنفس الرابط ترا مابالحمض احد بس ودي اتعلم منكم __________________ كل الي يعارضن بالهاوي وكل الي ما اعجبة بقليط آخر من قام بالتعديل الخبوبي; بتاريخ 01-10-2001 الساعة 11:22 PM.

02-10-2001, 01:43 AM	#5
بدر الشايع عـضـو تاريخ التسجيل: Sep 2001 البلد: بريدة المشاركات: 1,286	هلا والله وغلا بأخوي ( الخبوبي )... مشاركة متميزة الله بعطيك العافيه, بالنسبة وشلون تكمل القصه في نفس الرابط, فهو إنك تضغط على أيقونة ( أرسل الرد ). وتكمل الباقي مثل ما سويت بردك... __________________ تسعدني زيارتكم لموقعي الشخصي www.badr.cc

02-10-2001, 01:22 PM	#6
البحري عـضـو تاريخ التسجيل: Sep 2001 البلد: المملكة العامية القصمنجية المشاركات: 1,240	هلالالالالالا وغلالالالالا بأخوي الخبوبي الله يرجك لمين تطيش==> أو الله ترحييب:D الصراحة سبحانيتن زويينه... الله يحيك معنا وأسفرت وأنورت بحضورك يابعدي.... يالله ننتظر سباحينك الجايه..ومشاركاتك المبدعة... يالله سلالالالالالالالالالالام __________________ << إثارة بريدة ستي تغمرني >>

02-10-2001, 10:39 PM	#7
الخبوبي عـضـو تاريخ التسجيل: Oct 2001 المشاركات: 12	ياخيوتي ذيبان والبحري والله مدري وشقولكم تراكم رحبتوبي ترحيبن اويلاه لو اصير قده بسني ابحاول قدر مستطيع وارضيكم انشالله اما انت ياذيبان فنت تراك عرفت قصدي غلط ان مابي اكتب ردن بس لا الي انا ابيه وشلون اخلى كل سباحيني مع بعضهن بوردزقتن وحدة واتستبه ارقام السباحين دريت الحين وشنبي بلخط الي تستبتلك هتساليوم انت تخبر ولا نسيته تراي اعرف انك تبيتقولي نسيته والله لا!!!! اذنك __________________ كل الي يعارضن بالهاوي وكل الي ما اعجبة بقليط

15-07-2004, 09:25 AM	#8
هذا أنـا ... ! عـضـو تاريخ التسجيل: Aug 2002 البلد: The Deaf is hearing المشاركات: 2,129	والله رااااائعه .. مشاء الله علييك يالخبوووبي .. والله من السنترررررره لا تبخل علينا .. عطنا المزيد من اللي عندك __________________ والله لن أنساك ياغندر ...:oo

15-07-2004, 10:43 AM	#9
الكشخة عـضـو تاريخ التسجيل: Mar 2003 البلد: $$بــــريــــدة$$ المشاركات: 1,124	الف شكر لك اخوي الـــــــــــــــــــــــــــــخبوبي __________________ السبب في تسجيلي الطير وجزاه الله خير زيـــادةُ الـمــرءِ فـــي دنـيــاه iiنـقـصـانُ وربحـه غـيـر مـحـض الخـيـر خُـسـرانُ أحسن إلى النـاس تستعبـد iiقلوبهـم فطالمـا استعـبـد الإنـسـان iiإحـسـانُ يا خادم الجسم كم تسعـى iiلخدمتـه أتطـلـبُ الـربـح مـمـا فـيــه iiخُـســرانُ أقبل على النفس واستكمل فضائلها فـأنـت بالنـفـس لا بالجـسـم إنـسـانُ مــن استـجـار بغـيـر الله فـــي iiفـــزعٍ فـــــإن نــاصـــره عــجـــزٌ iiوخــــــذلانُ فـاشـدد يـديـك بـحـبـل الله معتـصـمـا فــإنــه الــركــن إن خـانـتــك iiأركــــانُ

15-07-2004, 04:48 PM	#10
سراج الخير عـضـو تاريخ التسجيل: May 2003 البلد: .buraydahcity. المشاركات: 3,435	والليا الموضوع قديم الحنون ما تلاحظ انك تنفظ الغبا عن الموضيع القديمة __________________ . . لا إله إلا أنت سبحانك إنا كنا من الظالمين.. اللهم أعنا على ذكرك وشكرك وحسن عبادتك .. استغفر الله وأتوب إليه..

17-07-2004, 10:53 AM	#11
برجس عـضـو تاريخ التسجيل: Oct 2001 المشاركات: 1,061	هههههههههههههههههه جازلي الموضوع تكفى كمله يالخبوبي انجز علينا ترانا نتحراك شف اذا بغيت تكتب الموضوع بورقتن وحده رح لم كلمة تعديل اللي تحت موضوعك وارعصه همن تفتح لك صفحه به هرجك الاول واكتب باتسي السبحانيه به لكن انت طعت شوري اكتبه بورقتن جديده يعني اكتبه برد ثاني عشان ننتبه له ونواصل معك بالقرايه يعطيك العافيه __________________ انتبه .. سيتغير التوقيع بين كل فتره واخرى .. كن معنا :)