[وطني الأغلى]

اللي تبي تفضفض عنده النت فيه مواقع نسائيه اسرية لحل المشاكل وبعضهن يقولن للفضفضة فقط مابي حل لو اني ماايد ان الوحدة تطلب الشور من ماهب ودب لاني اشوف ردور بعض الحريم الله يهديهن اطلابي الطلاق اصلن هو مايستاهلك وغير من الخارب

اما بالنسبة للي يسبن عند الاجانب لاتستغربون مرة سمعة وحدة تشكى على الكوفير السورية وحتى عياله ماسلمومنه
والسورية بدت تميلح تقول لا حنا رجالنا محترمين ويحبونن

عاد انا:طفح الكيل قالت اللحين انتي زوجك معطيك فلوس وجايبك تقصين وهي جايبة زوجة تشتغل وياخذ منه فلوس .........لا تعليق

المفروض كل وحدة تشوف هالحريم اللي ما اقول عنهن الا متخلفات تردعهن

الصراحة اشكرك على الموضوع طلعت اللي بقلبي

[*قمر]

[QUOTE=ام مرام;2202171]السلام عليكم طرى علا بالى فى ها الاسبوع اتميلح واسوى نيــــــــــــــــــــو لك رحت انا واختى شارع المشاغل المهم لقيت عامله فلبينيه وهى تصبغ لى شعرى بدت السواليف وانا جاريتها تدرون وش قالت انا دايم يجى هنا حرمه سعودى ويشكى من زوز =زوج يشكى من اخو =اخوان : والله هرمه سعودى مسكين= السعوديه مسكينه ا انا فى فلبين يبغى تلاق عادى تلق هنا مشكله كبير = فى الفلبين الطلاق ميسر اما السعوديه فا طبعا لا المهم اتضح لى ان احنا يا النساء عموما نحب نشكى وا نفضفض للغريــــــــــــــــــــــــــــــــــب اكثر وبدل ما نحل مشا كلنا ونحافض علا اسرار بيوتنا ننشر غسيلنا لمن هب ودب احب اشوف ارائكم عزيزاتى[/QUO

ياعمري هن اشوفكم كلكم وقفتم ضدهن الله العالم بظروفهن ويمكن هالشيء يريحه نفسيا وهالاجنبيات من تعطينه وجه قعدت تشكيلك هي بعد يعني هذا طبع الحريم غصب ولو لاقية احد من بنات ديرته يسمع له ماشكت للغريب لان للاسف من الواقع فعلا تصير مشاكل لان الحريم الله يهديهن ينقلن الكلام ماأقول كلهن لكن بعضهن وصعب تعرفين الوحده الا بعد مده لان فيهن تكتم عجيب ماتدرين وش وراه
وان شاء الله أملنا برجالنا وعزوتنا كبير ومايضطرون الوحده لكثر الكلام وان شاء الله ان الحريم تكبر عقله وتمشي امورها لأن الحياة حلوه..........

[●•• آح ــآسيس ••●]

اعوذبالله الوحده


كنته بالعه رادووووووو ,,,طيب وش تستفيد اذ1 فضفضت ع غريب

والله غبااء

[نجود]

المفروض ابغت تشتكي تشكي اهل اقرب اناالناس

انا حمدالله ماعمري شكيت للاحد ابدا

[بدورالسعوديه]

الفضفضه حلوه بس مو لآي حد
لشخص مقرب لك تثقين انه مايطلع سرك.

يسلمو اختي ع الموضوع.

[. الأمــــل .]

هذي حقت مشغل وش تقولون اذا قلت ما عمره جانا شغاله الا تحش بالسعودييين كلهم وتقول كلهم قبلق يعني اغبياء

وحتى الرجال ما سلموا واذا اجتمهن الكلبات قليلات الذمه بدن يسبن بالسعوديات كلهن وهات يا ضحك وما نقدر


نسكتهن لاننا نخاف من السحر حسبي الله على اللي يتعرض المسلمين بسوء ..

والكوفيرات حاطات اروحهن تقل اميرات ..!

[فجــــر]

والله حااااله،، مالقت الا فلبيــــنيه تفضفض له وتطلع اللي بقلبه

عاد انا الاحظ اللي تسولف دايم مع الاجنبيااات الحريم الكبار،
لاني شفته مره تسولف معه وكبت عشاه وعشاء عياله والعائله الكريمه كلهم
يمكن ياحياتي هي تحسبه اذا طلعت اللي ورا قلبه بتخفض له وهيك
يوم جت تحاسب الخاله قالت خفضيلنا قالت لا مايقدر انا قالت وراه مو من عادتك
تو وش حليلك
واخر شي تهاوشت هي وياه وقالت الفلبينيه روه مع السلامه هههههههههههه
قالت الخاله راحت روحك ان شاء الله

وانا واختي ميتين ضحكـ عليهن..


ـــــــــــــــــــــــــــــــــــــــــــــــــ

[رووبي]

لا تهمك هالفلبينية ..


تحب تميلح يعني اننا احسن منكم

من القهر والغيرة اللي فيها على السعوديات ..

[أسيرة حياتي]

مشكلة حريمنا بس يشتكن لكل من هب ودب الله يهديهن ويصلح شأنهن

[غلا الروح]

<<<نفس لموقف صاااااار لي ..


ام الحااااااااااااااااااااااله .. مدري ليه الحريم يحبن يشكن للاجنبيات ماتدري انها بتضحك عليها ..ترووح الاختها او صدقتها تثق فيها وتسااعدها وتسمعها ..

ياليت الحريم يرتقت اشوي عن هالاسلووووب ..



والله يدوووووووووووووم المحبه بين الناااااااااااااااااس ..

[لسعه شقاؤه]

ياتسبديه الفلبينيه تسبنا
حنا غبيات ولا هن الطرنبات المتنقله
واحس ان الحريم مايصدقن احديسلم عليهن
الا خرت له الاول والتالي
.,وتراكم غثيتونا بالحموله
اناقررت ما اتزوج<<ايه هين
.,.,.,.,.,.,.
الشكوى لغير الله مذله
.,.,.,.,.,.,.