[الشيخ مناحي]

بسم الله الرحمن الرحيم

ماذا يحدث داخل المعهد العلمي في بريده..!اليوم راح اقولكم أشياء تصير في المعهد ماحد يتوقعها ولآكن لابد من كشفف الحقيقه للخارج..!
اولا هلا فيكم ومنورين منتدى بريده ستي,, معاناة طلاب المعهد لاحد يبالي لها من قبل المسؤلين في المعهد من مدير ومرشد ووكيل وشؤون الطلاب..الخ مسؤول
يجد طلاب المعهد ظلم من عدم اهتمام المسؤولين في الادارة من تلبية الاحتياجات للطلاب في اشياء كثيره غير موجوده وراح اقولكم بعضهآ
اولا: المقصف: آه يالمقصف من الفسحه الي دورة المياة وانتم بكرامه! حاطين عمال النظافه يطبخون لنا..؟ حرام والله الطلاب مجبورين يشترون
أمرنا لله كلمنا الادارة بالموضوع هذا ولم يهتمو فيه والله لو يجي أحد المشرفين في البلديه ويطالع النظافه كان قفل المقصف نهائي
ثانيآ : برادات الماء تخيلو ياجماعه العمال حقين المعهد مقفلين الفلاتر علشان نشتري منهم البرادات جديده ويقولون خربانه
طيب نفترض انها خربانات البرادات كما يدعي هؤلاء طيب يوجد بالمعهد صندوق مالي اسمه صندوق الطالب لتلبيه الاحتاياجات في المعهد
يقدرون يأخذون منه ويزينون البرادات. المشكله انهم مطاوعه ومشائخ^_^
ثالثآ:المكيفات: المكيفات مكسره رايح عمرها اذا طالبناهم بتزين التبريد راحو يغسلون المكيف هذا الي جيدين فيه
مره اشتكينا للمراقب وقلنا نبغى مكيفات سبيلت >>طموحين قال اذا ركبتو في بيتكم سبيلت ركبنا بالمعهد! طيب انا في بيتنا معزز ومدلل ولله الحمد
بس هذا مقر حكومي ولازم يكون مكمل بجميع الاجهزه.. المشكله بمكتب المراقب مكيف سبيلت طيب يامراقبنا العزيز هل في بيتكم سبيلت..؟<<لا
رابعآ: نظافة الفصول والله لو تشوفون القمام الي تحت ماصة المدرس ماتتوقعون وسبق وكلمنا الوكيل بهذا الامر,, تنظيف الفصول طبعا كل يوم أربعاء فقط
يعني يوم السبت تدخل الفصل تحصله نظيف . ولاكن ماينظفون الي تحت طاولة المدرس .. بصراحه مع احترامي للمسؤول عن العمال اقوله انت .. واضح كلامي مايحتاج أقول.
خامسآ: المدرسين والله على العين والراس لاكن علتنا الاجانب.<< قفل الموضوع تبتل تتكلم..
انا بقلبي حاجات كثيره ودي اقوله ومقهور منها لاكن اتمنى من المسؤلين في الجامعه يجي يشوفو هذي الاشياء بأعينهم راح يشوفو أشياء لم أذكرها لعدم الأطالة عليكم حبايبي
وبقولكم شي وصلني أنا سمعت من مدرس يقول ان الحكومه صرفت لمدير المعهد 5 مليون ريال ابي اعرف وين راحت ولا شفنا شي من الامور هذي ناقصنا اشياء كثيره.. يامسؤلين المعهد
لاتقولون ليه طلالبنا كل شوي شاردين من المعهد تبون تعرفون السبب مافيه رفاهيه داخل المعهد حصة الترفيه مرة بالاسبوع امحق ترفيه بعد
والظاهرأن الوكيل عارف بالكلام هذا وتكلم فيه لاكن يتجاهلون الله يهديهم.
انتهى..لكم جزيل الشكر مني أخوكم: مدحت

خلال الأيام القادمه راح نكتب موضوع عن المعهد لاكن راح نتوسع بالمقال..

[ابرحل بسكات]

الله يكون بعونكم لا مكافات ولا غيره

[الشيخ مناحي]

[فهد202]

يبون الصراحة جامعة القصيم ماعجبتن ارجو النظر فيها بسرع وقت

[رأس النفود]

يوجد موقع لجامعة الإمام ويوجد به قسم للمعاهد العلمية ..

بامكانك كتابة موضوعك هناك ..

وجامعة القصيم مالها اي مسوؤليه في المعاهد العلمية ..

وشاكر لك ..

[الشيخ مناحي]

شاكر لكم المرور الحلو لبى قلووبكم.. لاكن بالنسبه يا رأس النفوذ ترا المعهد العلمي تابع لجامعة القصيم