[د/ حـــــرحـــيـر]

هذي كلمات سعووديه ومعناها


#الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله


#المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم


#الشخر المخر أو أبو مشخر ! : من نفس فصيلة المنسم !


#جحلط ( بتشديد اللام ) : وهم مرحلة متقدمة للداجين << يحضر دراسات علياا ههههههههههههه


#مزّلب : يعني بايعها بتراب << عسى موب خسارة بس ههههههههههااي


#مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة << هم اللي مسوين له كشف تسلل هههههههههههااي


#الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه


#العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه


العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري


#الكحلي : يطلق مسمى الكحلي على ذوي البشرة السمراء و لأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي << ماشالله ياكثر الكحالي فيذا1111


#المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .


#المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.<<< مو مقصودة تراهـ منه ابد ابد ههههههه


#الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك 0 0 يعني بالعربي "ولا مازولا هههههه" اغسل يدك منه


#المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ..<<< ارتاح موب انت يالرصاصي صقيقي << من الخوف


#المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش << الله يخلف على بطن حملت فيك


#الخكري : ببساطة الخكري = نعومة + دلع + ليونة والله لايبلانا << ياااااي

منقوووووووووووول

[سراج الخير]

هلا بيك

عاد مننين ناقلها يالدختور

المشكلة ما عرفت وشو الدختور

[وحيد المعنى]

[الوافي]

:D :D :D

[النمر]

صح لسانك

ولله أنك صادق


!!!!!!!!!!!!!!!!!!!!!!
..............................

[مجنون بريدة]

لازم نطالب بقموس بريداوي



ولكم تحيتي ،،،

[د/ حـــــرحـــيـر]

مشكوين على الردود
وبالنسبه لك يا سراج الخير انا ناقلها من منتدى عربي ====> ماهب انجلينزى
والدختور هو الدكتور مافيه فرق ابد وجزاك الله خير

[الكشخة]

ظحكتناني
يا اخ العرب

أما

#الفاهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه


هذا الظاهر انه اخو الوافي

[الكشخة]

الكشخة
سوبر



تاريخ التسجيل » Mar 2003
البلد » $$بــــريــــدة$$
عدد المشاركات » 707
بمعدل » 1.37 مشاركة لكل يوم

[هذا أنـا ... !]

والله قممممة التنسيييييييم



اما المرجوووج ... فسلم لي علييييييييه