[جاسم ..]

اقتباس المشاركة الأساسية كتبها الوساااام وانا أقول ليه معرفك أم الموذي .. اثاريك متوذيه من الصغيرون ^^ أقرائي عليه كل شوي .. ترى الشياطين والجان تدخله وتطلع منه .. يعني يسوون مثل اللعب .. ممكن إبنك راكبة شيطان .. او جان ..! نصيحة اقرائي عليه كل ماتحسين انه صار شخص ثاني .. انا قراءة عن هذا الموضوع من إحدى المشايخ .. قراءة مطولة .. ومفادهـ ان الشيطان والجان تدخل الاطفال بأي وقت وتخرج ..! الله يحفظه لكِ ويصلحه ..

يااخوي لاتخوف الحرمه ,

اللحين هي جايه تهديها مو جايها تخوفها ..!

ترا كل الاطفال فيهم هالنجااسه مو ولدك وبس ...

الله يخليه لك يـارب

[أحلى صبية]

الله يعينكــ ويصلح ولدكــ ويهبطه ياااربــ أآأآأآأآأآمـــــين,,,

عندي ولد خاله نفس الطريقه مافي شي مايخربه حتى دجاج جدتي ماسلمن منه

وتقريبا نفس عمر ولدك ,,بس ترى كثره الحركه دليل الذكاء,,,

والله يصبرك عليه ويكبر ان شاء ويعقـــل,

وأنتي مري عليه بهستوب ان مانفع ماضر بس انا الاحظ بنت خالتي

شربناه هستوب وراحت وسرقت العلبه وخطت ماء وسطه وشربته وزاد النشاط

ما اقول الا الله يصلحهم ويصبر أمهاتهم,,,

[ام الوريدات]

ماشاء لله ابشري ان شاء الله فى بره بس يبي صبر ويبي معامله رجال وكثري من قصص الانبياء والدعاء

[نبض القصيم]

هلا والله بام الموذى

من تجربة مماثلة كانت بنتى مثل ولدك واشد

فبدأت بالصدقة وصلاة الليل والدعاء بالهداية وبسم عليها الحين وش زينة

وحطى بالك ان العنف يولد العنف وانها مرحلة وتنتهى فقط القليل من الصبر والاحتساب


ودايما قولى عندى ولد وشقى احسن من الى يتمنى ولد ومو قادر فتذكر النعمة من اسباب الرضاء

[داعيه بس داهيه]

ابيس تغيري اسمس الى ام الهادي اوالشيخ او الداعيه او ....... او.........
شغلي اذاعة القران بلبيت اربع وعشرين ساعه وتدعين له مهب عليه وتتصدقين له بنية ان الله يهبطه بسمه العظيم الااعظم والله ياجرس ويصبرس وعامله كانه كبير عشان يكبر وياس والضرب وتجاهلي تصرفاته وعناده وطفل بطبعه عنيد والله يصلحه لس وابناء المسلمين,,,امين’’’’’’

[عبدالله الصالح]

حياك الله أم فلان ..

الحمد لله أنك قرأتي من الردود مايكفي بنقدك بسبب معرفك و تسميتك ..
::::::::::::::::::::

صدقيني لن تذهب كوية فلذة كبدك عبثاً ولن يسامحك بها أبدا .. وإذا كبر سوف يقولها لك مرار وتكرار فأعانك الله ..

قبل الشروع في الرد أتذكر كلمة تقال : لما أنتم مش مستحملين بتخلفوا ليييييييييييييه!!؟؟؟

أختي الفاضلة :

هل تريدين أولاد دون عناء ولامشقة ؟؟ كيف لاتستحمليه وأنتي سبب مايحصل ؟.؟ لم لم تبحثي مع زوجك ونفسك الأسباب .. وتأتين هنا تطلبين طوق النجاة ..؟؟ ثم هل أنت للأمانة غاضبة على ردود من إنتقدك ؟؟

تبيّن من موضوعك أنكم تقضون وقتاً طويلاً جدا بالبيت وقليل طلعاتكم مع إبنكم .. وكذلك حديثكم .. بل ربما أنه يرى من الأمور أمامه مايحرّك عنفه ويغضبه ومن ذلك إهتمام والده بك والحديث معك وتركه .. ولاشك أنه إبنكم الأول فطبيعي جدا أن يكون ضعف الخبرة لديك باعث لمثل حالته .. ويبقى القول أن اخوه صغير لم يصل لمرحلة أن يمازحه ويلعب معه وإلا حتماً سوف يمتص شيء من حماسه ويلهوان معاً ويجدان وقتاً ممتعا ولايكون ذلك إلا بعد سنتين تامات لأخيه .. وهناك سؤال يطرح نفسه : هل زعلك وحنقك عليه في محله ؟ يعني إذا خرّب شيء بالمطبخ لماذا تستعجلين في ضربه ؟؟ لم لاتكتفي بحوقلة أو تمثيل بكاء ثم إصلاح الأمر ...؟؟؟ صدقيني أنكم جااااااااافين جدا جدا معه .. وهذا خطر على صحته وربما يصاب برهاب أو إكتئاب لاسمح الله .. فاحذري وجددي العهد بالخروج به للحدائق يخرج طاقته لو مرة كل أسبوعين وكذلك الخروج مع والده أحياناً لبعض مشاويره القريبة ؛ جربي النوم عنده والتحدث معه حتى ينام واحتضانه كل ما رأيتيه .. جربي أن تضعي هدية بسيطة على صدر أخيه وتدعينه لأخذها ليستوعب في عقله انها من أخيه فيزيد تعلقه به .. جربي أن تستغفري كثيراً لنية شفائه ولن يضيعك الله .. جربي أن تباغتيه بسؤال يصرف فكره إذا شرع بإفساد أو تخريب؟؟

أصلح الله لكم النية والذرية وأقر أعينكم بصلاحهم وهدايتهم وجمع شملكم وكفاكم شر كل من فيه شر .. آآمين.

كوني بخير.

[فضه]

ليش تكوين يده

مش صح شغلك

جربي انك تحبسينه 5 دقايق في غرفه اوشي ولاتضربينه كثير والا ماراح ياثر فيه

[طائره من ورق]

شوفى اختى مريت بنفس معاناتك بالضبط مع ولدى

الله يصلحهم اجمعين

اول شي عاقبيه بالحرمان ثم الحرمان ثم الحرمان
الحرمان بالذهاب الى اهلك او سوبرماركت
انسى شي اسمه ضرب لان الضرب يرسخ بعقل الطفل ولا يدرى وش السبب بضربه

ثانى شي زى ماقالوالا عضاء اقرى عليه كل شوى
لانى مره قريت

ان وقت المغرب لازم تسكرين البيبان والنوافذ وفيه حديث عن الرسول اللهم صلى وسلم عليه عن هالشي لان
وقت شين

وانك بهالوقت تحاولين يكون حفاظ طفلك نظيف لانهم يحبون النجاسه

بعدين حاولى تتكلمين معه كثير قولي له قصص عن الاطفال الشاطرين والحلوين الى ودك يصير مثلهم

وانا جربت مع ولدى طريقه وارتحت صراحتا كثير انك اذا شاغب اوكسر تخصصين له كرسي معين تسمينه كرسي المشاغب يجلس فيه
انا اول ماسمعت فيها ماتوقعت انه تنفع معه بس لاحضت انه تعدل عقبها

والله يعظم اجرنا يارب
صدق التربيه صعبه

[معهد_التنمية]

الله يعينك على التربية الصالحة

[ام الزلمات]

جزاكم الله خير.
استفدت من الردود كثييييرا


اول شيء بسويه بجيب له شحنة تراب بلحوش والله يعينن على الكنس

ثاني شي بجيب له حاجات يفك فيها ويربط

ولااااا لضرب .

واقراء عليه

اما اللي تقول حفاظته..هع حرام عليك ياختي ابو 3 سنين رجل وين يلبس حفاظه

اطلع به للمنتزه هذي مستحيل.لان عنده ابو بيتوتي لو طلع مات

وتعلمت منكم ان الشقي .غالبا يكون ذكي وذو صلاح.ياااارب

اما اللي ماجازلي قوه.
انكم تطالبونن اغير اسم الموذي


بس دام فيها صلاح ان شا الله ابغيره.
بس شلون اغيره علمون؟



لكم تحياتي على تفاااعلكم .
ام فـــيـــصـــل.

[&المسبار&]

شكلك انتي اللي تبين كوي باين انك تحتاجين الى اعاده تاهيل علشان تعرفين تربين لايسمعك احد من الشرطه تراهم يجون يضفونك ويسجلون قضيه عنف شكلك ودك ترسخين اسم ام الموذي باذهان الناس اذا كان كلامك صحيح استغفري بعدين يكبر ويصير موذي باكبر من كذا ويسوي جرائم ايذا لك ولغيرك حت المزح بهالامور مايصلح

[@سموالذوق@]

شوفي انا متوقع طال عمرك لو تغيرين اسمك هنا اعتقد والله اعلم يهبط

[بودرة نونو]

حلو انك اقتنعتي ياام فيصل بالردود.
حراام والله حررام تكوين ولدك .
اول شي بالنسبة للمطبخ اقفليه دايم هو والمستودع وغرفة نومك دايم قفليها وحطي مفتاحها معلق فوق ..ترتاحين من حوسته بهن بدون ماتضربينه ولا تنرفزين .. وخوذي من سعة يابنت الحلال وسعي صدرك توك ماشفتي شي ............
بعدين اقري عليه الفاتحة 7 مرات كل ليلة
بعدين دوري شي يطلع طاقته بسم الله عليه . شحنة تراب حلوة ولا تركيبة ولا الكمبيوتر الناطق
والله يعينك بس صدقيني كل بزران الجيل الجديد كذا الله يصلحهم والله يهبطه بااسمه العظيم ويصلحه لك ..

[ليمتد]

الله يعينك ويخليه لك يام فيصل

ابدئي تربيته من جديد قبل مايكبر وفوت عليك ترى الحين تقدرين عليه

ترى اذا ربيتي الولد الاول تربيه صحيحه وسليمه بترتاحين مع اخوه وباقي اخوانه بأذن الله لانه بيصير قدوه اخوانه وعدلي سلوكك معه الان قبل مايكبر اخوه وتصير المشكله مشكلتين


اعانك الباري ووفقك لتربيه سليمه وصالحه