[طائر الشقراق]

السلام عليكم ورحمة الله وبركاته

يعلم الجميع مانعانيه كأهل بريدة

من

مجرمي الحفريات

فذاك كسرت أنوار سيارته واخر (انعفج) صدامه

وأخير باع سيارته تشليح

والسبب العمال نسوا تركيب اللمبات على حدود الحفريات

وقبل قليل
بمرآى من عيني لم يخبرني احد
وليست طرفة بمجلس
انما بمخرج حي النصار بطريق الملك فهد
بعد ماتمشي تقريباً كيلو متر واحد
ستواجه مجموعة من الصبات تسد الشارع بأكمله
قبل ما تصل قصر الأرياف بقليل
وقد وقعت فيها سيارة هايلوكس لأعلم موديلها
لعدم وجود أنوار بالشارع (يسمعون بتوفير الكهرب بالصيف)
أتمنى أن لايكونوا اصيبوا بأذى

أتمنى أن يجد موضوعي أعين صاغية

آسف على الإطاله

...،وشكراً

[غريب احساس]

شكرآ لك

اتمنى ان تزول باسرع وقت

[ξــزتــےِ مَالهَـآ כــد]

الله يكون بالعون

[فتـــى المنتــزة]

الحقيقه فيه انوار لكن مثل وجيههم
لازم تدخل بالصبه علشان تشوف الانوار
لكن انا مريت اليوم من عنده وحاطين تحويله يقول يسار
اكيد يسار اجل يمين يبين ادخل بالاثل المهم دخلت يسار واحوس بالحاره
لين دخت ادور المطلع كل شارع ينتهي بسد

[Leader.20]

أتمنى أن يجد موضوعي أعين صاغية

*

_ آذانٌ صاغية .

شاكر ومقدر لك غيرتك على مدينتنا الغاليه

واتمنى انه لم يحصل مكروه لأصحاب السيارة .

for you

*

*

[طالب تقني]

اااااااااااااااااااااخخخخخخخخخخخخخخخخخخخخخخ بس من عمل الشركات والمراقبين عليها من البلدية والأمانه هداهم الله.

[nawaf06]

صحيح كلامك شف الي عند أشارة المحاكم
أعوذ بالله صار تنقيب نفط

[ياحبيلتس يانا]

محد لمك...

[هي مـلاذي الوحيـــد]

يخافون يوخذ الكنز الي يدورون عنه اذا حطو لمبات

[لسـ المواطن ـان]

قال أمير المؤمنين عمر رضي الله عنه :
" لو أن نعجة تعثرت في العراق لخشيت أن يسألني ربي لما لم أسوي لها الطريق " ..!

لذا أطلب من أميرنا حفظه الله أن يرسل أمين يثق به ليتفقد طرقاتنا ويسويها ..لأنها جعلتنا نتمنى أن نكون نعاج في عهد عمر .
فليس الأمر مقتصر على أضرار تصيب السيارات .. ولكن تعدى الأمر إلى أن وصل إلى إجهاض بعضاً من النساء في الطريق .!!

وهذا بسبب مطبات هي أشبه بسباق الحواجز ..!!

[غابت فرحتي]

يامي تكلمنا يالغالي وياما قلنا الشوارع محفرهـ تحفير موب طبيعي

ولاكن لاحياة لمن تنادي وزيدك من الشعر بيت بعد

وربي مره كنت ماشي بطريق المطار القديم وانت مخلي ساسكو ع يمينك تجيك اشاره رحت سيدا
بروح للبصر وجي ارقي بالطلعه يوم نزلت قسم بالله صبات قدامي وانا ماشي120
قسم بالله رحمه من ربك مادري شلون وقف الموتر
هذي نبذه بسيطه بس والخافي اعضم

[هايين]

ايه
ان الله مع الصابرين

..

[عااااشق بريده]

يوجد أكثر من موضوع بالمنتدى عن الحفريات ,, ياخي من كثر ماتكلمنا عن الحفريات أحس جتن عقده من الحفريات خخخخخخ ,, لكن هذا اللي نبيه خل المنتدى كلواا عن الحفريات خخخخخخ,,واحد تعقد
لكن زي مايقولون (كثر الدق...... وكملوا نسيت),, وتحيه من للأمانه خلوه تحوس زي ماتبي ,,لانومافي لاحسيب ولارقيب [size="7"]..[/size] وتشكراتي لك على الموضوع .

[جيل العشرينات]

ترى ياشباب بارك الله فيكم الحفريات مشاريع للبلد ماء مجاري كهرب تلفون إلخ.................... ولو يشيلون المشاريع كان نقول نبي مشاريع .................... لكن أحسن نقول للمسؤلين نبي حفريات المشاريع لكن بسرعة ليش ها التباطئ ............. مسكو المشاريع شركات عملاقة مثل شركة كذا وكذا ولا تمسكون أبو نعيله اللي من العام وهو يحفر نصف متر ما خلص وإلا زفلت الشارع وإلا زفلت مثل وجهه كأنك تمشي مع ردمية هههههههههه