[شمالي 1]

اقتباس المشاركة الأساسية كتبها هديل الحب السلام عليكم ورحمة الله وبركاته اخواني اخوتي بالله والله انه ماريت يوم الاحد في حديقة الملك خالد الحضاري من اشياء لايرضاها ديننا والا اخلاقنا رايت اشياء تشمئز له الابدان وكاني في احدى الدول الغربيه او العربيه المنفتحه اولا اطلب من الناس الذين يخافون على اهليهم من الضياع والصياعه عدم الذهاب بهم الي الحديقة المنوه عنها اولا ريت بعيني وانا جالس مع اهلي رايت الشباب وكاني في حديقة مخصص للشباب وليس للعوائل ورايت انهم يفعلون مايريدون من التحرش بي بناتنا ولا حسيب ولارقيب وريت احد الشبان وهو يضع يده على مقدمة احد البنات والله هذا وكانه في كزنوا وايضاً رايت في الحديقة شباب يلبسون ملابس باكستانيه ويتمشون بالحديقه وكانهم في بيتهم ويحاولون اضحاك البنات بحركات اعوذ بالله منهم والبنات تقوم بالضحك عليهم وكان الاشخاص من يقربون لها ولم اتحمل مايحصل وقمت بأبلاغ الهيئه وقلت لهم اين انتم من هذه المهازل ورد قائلاً عجزنا عنهم كل مااردنا القبض عليهم هربوا منا وكانه مغصوب على المجيئ الى الحديقه وعند خروجي من الحديقة بعد عدم تحملي لهذه المسخره والسخافات الموجوده رايت ان الشباب يدخلون من خلف السياج الحديد والقفز من فوقه وبعضهم يصوتون للبنات من خلف السياج الحديد الموجود اما قصر الامير ودوريات الشرطة تمر ولا تحرك ساكناً وانا اقول للمسؤولين عن المهرجان خافوا الله في اهلكم وبناتكم وابنائكم لان هذا ليس مهرجان بل على مارايت كانه في في مكان لااريد ان اسميه وانتم تعلمون مااقصد وقل للمسئولين ان مهرجانكم فاشل بكل المقاييس وانكم سوف تحاسبون يوم الدين على مايحصل من فساد وانتم تعلمون وعندكم القدرة على ردع هذه المهزله بتكثيف رجال الحسبه ورجال الامن وحراس الامن ومن يقبض عليه يجلد امام الناس ولان يكررها مره اخرى وانا واثق من مااقول وحسبي الله ونعم الوكيل والله يهدي شباباً وبناتنا ً ويلطف ملاحظه’’ هذا الكلام مؤكد

بالله احد يشوف هذه المناظر ويضيق خلقه وجالس يسوي حركات هذا مؤكد والايقونات الي فيها ابتسامه

انا اشك ان ما تقول صحيح

طيب وين شفتي الي وضع يده في مقدمة الفتاة ؟؟ كيف يعني ما فيه إلا انتي ؟؟ معقول حديقه فيها الالاف من الناس ما يشوفون ولا ينكرون ؟؟!!!!!!!

هذا كذب ومن اسلوبك - مهرجانكم فاشل وما ادري ايش - يتبين المقصود من الموضوع

يا مشرفين ليش الواحد اذا وضع موضوع عن افتتاح محل نطيتوا تقفلونه لانكم تعتبرونه دعاية تجارية

ليش تسكتون عن القصص التي لا نعرف حقيقتها والتي لا يتم علاجها عن طريق المنتديات وانما عن طريق الهيئة .

[manedl]

هذي ثمرة السماجه !! قصدي السياحه !!!!

[شمالي 1]

[

يا اهل بريدة

حكمت على كل اهل بريدة

كيف عرفت ان القصة حقيقيه؟

بالعقل كيف يسوي هذه الحركة والحديقة فيها الالاف من الناس

اعوذ بالله تصديق الاشياء القبيحة مقدم عند بعض الناس على تكذيبها

الان بريدة فيها اهل بريدة ومن خارج بريدة

ما اقول إلا كلن يشوف الناس بعين طبعه

ومسوي نفسك من بريدة بعد

[ريــــم]

رحت للحضاري اربع مرات ماشفت اللي تقولين..


ـــــــــــــــــــــــــــــــــــــــــ

[شمالي 1]

ملاحظه اغلب الي يتكلمون على بريدة عدد مشاركاتهم2- 3 -5 -6

يعني متقصدين يسجلون علشان هذه الامور

وهم معروفين ما لقوا إلا هذه الاساليب للطعن في بريدة واهلها .

[غيوم العاطفه]

والله الهيئه ماقصروا طوال اليوم وهم يراكضون ويمسكون الشباب
>>بس لو يكفن البنات شرهن كااان حنا بخير

[عاشق بريدة وبس]

اقتباس المشاركة الأساسية كتبها شمالي 1 يا اهل بريدة حكمت على كل اهل بريدة كيف عرفت ان القصة حقيقيه؟ بالعقل كيف يسوي هذه الحركة والحديقة فيها الالاف من الناس اعوذ بالله تصديق الاشياء القبيحة مقدم عند بعض الناس على تكذيبها الان بريدة فيها اهل بريدة ومن خارج بريدة ما اقول إلا كلن يشوف الناس بعين طبعه ومسوي نفسك من بريدة بعد

(( لا عين طبع ولا عين ضبع )) أنا من بريدة ولكن مندبله سبدي من تصرفات اهلها ليه اخفي الحقيقة تربية فاشله

[عاشق بريدة وبس]

اقتباس المشاركة الأساسية كتبها شمالي 1 ملاحظه اغلب الي يتكلمون على بريدة عدد مشاركاتهم2- 3 -5 -6 يعني متقصدين يسجلون علشان هذه الامور وهم معروفين ما لقوا إلا هذه الاساليب للطعن في بريدة واهلها .

(( دقيق الملاحظه بارك الله فيك ))
ارفق على نفسك الدنيا تبي والاخرة تبي

[رووح الورد]

والله حاله البنت وين اهله عنه والولد بعد المفروض كل واحد يحترم حاله
ان ماحطوا شي قلتوا ورى ماعندنا وش حيثنا ونبي حديقه حيواان
وان حطو تهوشون بلاوي وفتن حرنا بكم
الله يهدي شباب وبنات المسلمين

[شمالي 1]

اقتباس المشاركة الأساسية كتبها عاشق بريدة وبس (( لا عين طبع ولا عين ضبع )) أنا من بريدة ولكن مندبله سبدي من تصرفات اهلها ليه اخفي الحقيقة تربية فاشله

بالعقل هل واحد يستطيع يلمس وحدة في منطقة حساسه امام الناس ؟؟؟

الحديقة فيها الالاف من الناس

كيف صاحبة الموضوع او صاحب الموضوع هوالي شاف بس

باقي الناس يتفرجون عاجبهم الوضع يعني ؟؟

[عاشق بريدة وبس]

اقتباس المشاركة الأساسية كتبها شمالي 1 بالعقل هل واحد يستطيع يلمس وحدة في منطقة حساسه امام الناس ؟؟؟ الحديقة فيها الالاف من الناس كيف صاحبة الموضوع او صاحب الموضوع هوالي شاف بس باقي الناس يتفرجون عاجبهم الوضع يعني ؟؟

(( حلو حلو .... طيب ’’’ هل تبري أهل بريدة من هذا الفعل ,,,,, يعني هل أهل بريدة منزهين عن الاخطاء ( سواء الجاني أو المجني عليه ) ))

[عــــــالــــمـــي]

وأنا أشهد على ذلك واللي يبي الفساد لأهله يروح هناك.

[(ابويوسف)]

اقســـم بالله الله زميــلي يحدثني عن حراس الامن ويقول...
اشوفهم لاجت البنت تقوله طلع الشباب يقولها ابشري ومن ها الكلام والرومانسيه قدام الناس وه اصلن ما خاف من الله تبيه يخاف من الهيئه اوالناس


والف شكر اختي على هذا الموضوع


معلومه ......
ما ياتي الى الحضاري الا الاجانب او الساقطين دينيا ؟؟؟؟

[a7la_may]

الصراحه شفت مليون موضوع زي هالموضوع وكل مره ودي ارد وهذا اللي خلاني اسجل
العالم وصلو للقمر وانتم نفس الكلام اللي مامنه اي فايده
انا اروح للنخيل واروح للعثيم واروح للحضاري ماقد شفت اللي انتم تقولون
والله بديت اتاكد من كلمة كلن يناظر الناس بعين طبعه يعني اذا الواحد فيه بلا يبدا يناظر الناس نظره خاطئه
مثلا الحضاري الهيئه ماقصرت وموجوده يعني انت الحين احرص من الهيئه
ولو انه هامك الموضوع هذا مره او شفت حركه وسخه مثلا من مبدأ الستر على اخوك المسلم
تروح للهيئه وتقولهم اللي شفت وهم بيتصرفون بطريقتهم الخاصه
اما انه كل واحد يجي يشهر ويسوي قلق وقصه من لاقصه مالها داعي شوهتو سمعتنا عند العالم
وكلن يجي ويبهر السالفه حبتين من عنده اتقو الله
وسالفه البنات والبنات خلاص هذي حديقه عوائل شوفو لكم حل انه العيال مايدخلون وخلاص مع العلم انه فيه مهرجان خاص لهم اذا هذي هي مشكلتكم
اما انه مايحتاج يصير فيه هالمهرجان العالم وين تروح اجازه ونقعد بالبيت مثلا؟؟
وبالنهايه كلن ينتبه لاهله ويشوف عيوبه ويلتهي عن عيوب غيره احسن