[•°انكسار الأماني°•]

بصراحة أستغرب ليه الفتيات يحاولن الظهور بمثالية في المنتديات .
أجل مؤيدات طيب حرام الكذب قسم بالله حرام ياأخوات أوكي جاوبن بس لاتكذبن .

بعدين لاتضربن الأمثلة بالناس اللي تقول عادي بنت خالي تزوجت قبل أختها واللي تقول بنت جيراننا تزوجت قبل أختها .
وش كارنا منهن ؟؟ تقل يعلمن وش ردة فعلهن وإلا فاتحات قلوبهن ,
وإلا نسيتن إن الحريم مايوضحن الضيم للناس والدليل شوفن اللي رجالهن شينين معهن متى سبنهم ؟؟
بل العكس يوضحن إنهن عايشات أجمل عيشة وهن في الحقيقة عايشات أتعس عيشة .
السؤال يقول أنتِ عادي تتزوجين قبل أختك أو خلينا نضرب على الوتر الحساس .
تقبلين بزواج أختك الصغيرة قبلك ؟؟

مايحتاج تجاوبن كالعادة كلك
العذر ياشيخات بس إجابة التأييد لايمكن يصدقها عاقل .
أجل ماأعرف البنات أنا , اللحين يتجاكرن هن وبنات عمومتهن أوخالاتهن على الزواج ,
والكثير يضفن خمة بن قرشوع بس علشان يتزوجن قبل فلانة وقبل علانة ,
وبعد كل هالتصرفات نصدق قولهن ( عادي تتزوج الصغيرة قبل الكبيرة ) مافي أمل يصدق هالكلام .
يعني يمكن تمشي هالكلكة على الرجال بس على الحريم لا , لأننا بالعربي نعرف واقعكن ونعرف تفكيركن كويس .

على بلاطة بعض الردود ماتخش المخ وضرب مثاليات أو بالأصح ( كلاكيات )
وكم كنت أتمنى أن الأعضاء الذكور إحتفظوا بردودهم فقط لجهلهم بهذا الأمر .

والسلام عليكم .