[ღḿěṥṥΐღ]

بسم الله الرحمن الرحيم ...\

حبيت انكم تشاركوني برايكم ..

بموضوع الأسواق الغذائية (البقالات) .. الي تلقاه بكل مكان وبكل لفه وبكل حارة وبكل شارع ... بس مو هذي المشكله المشكله سلمكم الله .. أن الاسعار بها البقالات مرتفعه فوق اللزوووم يعني تلقى السعر مرتفع بشكل ملفت عن المحلات الجمله (لحد يصير ذكي ويقول اكيد الجمله ارخص) أدري )
لكن البقالات يبيع بمكسب الضعف ومايعترف بالمكسب القليل لييييش ..
هل هو استغلال للمستهلك الي مايقدر يروح للمستودعات .... ... .. .
أو استغلال لعامل القرب من المنازل .... ... .. .

شاركونا برايكم .. .. .. ..

[~~|]

كل العآلم غآلين الحين وقفت على البقآلآت ؟

[بريداوي100%]

الفلوس تضيع النفوس

[فتاة عنيزه]

كل شي غالي ..

ربك يعين ..

بس مالك إلا حل واحد ..

تحدد لك يوم في الاسبوع وتروح تشتري من الجملة مايكفي لاسبوع أو أكثر وريح راسك وخل الزيادة تنفعه ..

والله أضرب مشوار بسعر معقول أحسن من بقالة جنب البيت بسعر يقطع الظهر ..


الله يعين

[رووودي]

الله يسهل علينا ويسر امورنا الوقت هذا كل شيء ناااااااااار

[قـــصـــيـــة]

على قولت امي ( ماجا بضريّه إلا للهافي والهفيّه ) << طبعاً ماأدري وش معناه بس مقصد هالمثل

إنه فاتح بقاله بحارتكم ومقربلك المقاضي علشان ماتعني أكيد يبي زيادة ريال أو ريالين ,,

[ღḿěṥṥΐღ]

بريداوي .. والي فوقه (عجزت اكتب اسمك) مشكورين على ردودكم ..

فتاة عنيزة .. كلامك سليم وحل رائع .. مشكورة

رووودي .. امين فعلاً كل شي نــــــــــار حتى البيبسي بريال ونص .. هههه ألف شكراً

جوااانا .. والله ان امك حكيمة بس زيادة ريال أو ريالين مقبوله بس اذا صار أكثر ...

مشكورين كلكم على ردودكم ... وين الباقي ...

[أبو برق]

عليك بالجمله ورتح

[ღḿěṥṥΐღ]

أبو برق .. كلامك سليم .

[nawaf06]

اقتباس المشاركة الأساسية كتبها جوااانا على قولت امي ( ماجا بضريّه إلا للهافي والهفيّه ) << طبعاً ماأدري وش معناه بس مقصد هالمثل إنه فاتح بقاله بحارتكم ومقربلك المقاضي علشان ماتعني أكيد يبي زيادة ريال أو ريالين ,,

المثل تراه مسبه لديره اسمها ضريه وهي تبعد عن بريده 280ك وعن الرس 180ك
والهافي والهفيه يعني ما هب ودب ؟؟؟ والله عيب سب عينك عينك
فيها قبايل عيال حمايل ما هو من حي الله

[قـــصـــيـــة]

اقتباس المشاركة الأساسية كتبها nawaf06 المثل تراه مسبه لديره اسمها ضريه وهي تبعد عن بريده 280ك وعن الرس 180ك والهافي والهفيه يعني ما هب ودب ؟؟؟ والله عيب سب عينك عينك فيها قبايل عيال حمايل ما هو من حي الله

وانا وش دراني << خافت

مثل و يرددونه الناس ,,

شكرا لك على توضيح المثل ,,

[ღḿěṥṥΐღ]

هيه انت وجوااانا تهاوشو برى موضوعي .. سامعين ..


مشكورين على التفاعل

[abonwaf]

للاسف نعم
وهل فيه احد بيحاسب البنقاليه اللي يديرون بقالات التموين لدينا ..؟؟؟
وين الرقيب
هل بحياتك قابلت موظف يقول انا من التجاره .... ابدا ... ابدا

على قولة جدتي خل الدرعاء ترعاء
والخسران انا وانت

[بنت حمد]

مشكووور اخوووى ع الموضوع .. اجل مره اشتريت كرت شحن سوا من بقاله احدى المنتزهات ببريده الكرت ب50 وباعه على ب55 والكرت فيه زياده هديه20 وال20 ماخذهم له مدري بايعهم ب25 ههههههههه وكنت مضطره واشتريته..
لااا ويقول انا مافي فايده ... والله مالقاها الا ابوهنود