[نصراوي عسل]

الى متى وهذا الروتين الممل دعوات وناس تجي وهي ماوده واللي مايجي يزعلون عليه وتكاليف

مالمه داعي وبعارين تذبح وتطبخ وللزباله مايوكل الا شوي وفوق هذا حريم بالمشاغل ماغير تخيط

وتنفش الشعر وتصبغ الوجه مقابل آلاف الريالات وطق ورقص وطقاقات ماغير يصارخن بالقصر

وكل هذا يمكن الأستغناء عنه بأن يأتي الشاب ويأخذ زوجته ويكشتون بخيمه بالصحراء اسبوع

ويرجعون شهرعسل فهل من مؤيد لهذا العرس المختصر

[عزوتي شمر(بنت شمر)]

اقتباس المشاركة الأساسية كتبها نصراوي عسل الى متى وهذا الروتين الممل دعوات وناس تجي وهي ماوده واللي مايجي يزعلون عليه وتكاليف مالمه داعي وبعارين تذبح وتطبخ وللزباله مايوكل الا شوي وفوق هذا حريم بالمشاغل ماغير تخيط وتنفش الشعر وتصبغ الوجه مقابل آلاف الريالات وطق ورقص وطقاقات ماغير يصارخن بالقصر وكل هذا يمكن الأستغناء عنه بأن يأتي الشاب ويأخذ زوجته ويكشتون بخيمه بالصحراء اسبوع ويرجعون شهرعسل فهل من مؤيد لهذا العرس المختصر

ههههههههههههه
شف وانا اختك اللي قلته بالاوول يمكن موب اكيد انا اقول يمكن
بس انه يااخذه لخيمه ويكشتون شهر عسل هذي يبي له عشر سنين تفكير
وين حنااا بوه اولاه
لو جونا جو باريس او اسبانيا قلت معقووله
اوما حر وخيمه لا والله وش قالو لك ضباااااااااااااان

[نصراوي عسل]

اقتباس المشاركة الأساسية كتبها عزوتي شمر(بنت شمر) ههههههههههههه شف وانا اختك اللي قلته بالاوول يمكن موب اكيد انا اقول يمكن بس انه يااخذه لخيمه ويكشتون شهر عسل هذي يبي له عشر سنين تفكير وين حنااا بوه اولاه لو جونا جو باريس او اسبانيا قلت معقووله اوما حر وخيمه لا والله وش قالو لك ضباااااااااااااان

عاد هذي مزحه قصدي يروحون يغيرون جو بأي حته

[غريب احساس]

والله انك صادق وشوله الكلافه وقله الحياء والتعب والمصاريف يا اخي اذبح ذبيحتين ببيت اهلها واعزم ربعك القريبين وخذ زوجتك وتوكل على الله

[راعي الكيف]

لا ما يصلح هذا ولا ذاك يعني نفرح بس ما نسرف وأنت والبنت لبيتكما

[...flbynoo...]

والله حلوو كذاا..

بـــس لازم بعد الزواج بشهر يسوون حفله مرتبه..

[حبيبتهم]

مامثل عرس رجال من دون حريم وخلاص
الله يجزاهم خيييير إرتاحوا وريحونا...

عاد اللي وده يحط حفله صغيرونه للعروسه عقب ماتجي من شهر العسل يحط واللي مايقدر مب لازم..

حتى أشوفهم من تالي عرس الرجال يصير مختصر

[سمي الظبي]

شوفوا ياأخوتي وياأخواتي

البنت وده تفرح بليلة زواجه وتشوف الناس مبسوطه

ومومعقول اني احط رجال ومختصر بعد

انا عارفه انه هذا احسن من ناحية انه اقتصاد

لكن العروس وين فرحته ؟؟

والناس الي حوله مرمدين !!

من هالمنطلق ..

اقول للبنت العرس لازم يكون فيه دعوة حريم لكن منهم ؟؟

اهل البنت واهل الولد المقربين فقط

افرحوا وحطوا الي انتم تبون من التقديم والتوزيعات والطق وكل شئ

ماراح يكلف كثير لأنكم عارفين من الي بيجي مسبقآ

هذولا يفرحون في بنتهم وذولا بولدهم

ماله داعي تجميع الخلق على غير فايده

انا هذا رأيي


يجون الناس المقربين بس

والله يوفق

[&&& فلسفة قلم &&&]

.

• اللي اعرفوه من اهل القصيم إن البنت هي الليي تسوي العشااء فأنت
• مو بخسراان شي من حلاله وماله

.

[السامي البريداوي]

الرسول صلوات الله وسلامه عليه عرف بعرس أحد صحابته الكرام
بعد الزواج فقال له : ( الا طرقتم الدفوف .... ) الحديث فيما معناه .

فالزواج الذي يكلف صالة أفراح بخمسة عشر الف ريال لثلاث ساعات وذبح حاشيين بستة الأف ريال وغيره من التكاليف أنا معك أنه مكلف ولا له داعي , لكن أنه يكون مايجي أحد للعرس ويصير تقل نطله أو عرس مسيار هذا عاد ما يصلحشي ,
خير الأمور الوسط يعني إستراحة بألف ريال ونص حاشي ويدعون الخواص يكون أحلى وأجمل بوجهة نظري وإلا أنت وش رايك .؟

[يازين الحر]

يسلااام خيمه مع كنديشه تهف عليكم

[مزيون بس مديون]

فكره حلوه مررررره لاكن باي ارض اطقلي خيمه اذا تزوجت000

[كتكوتة]

كثيرمن الناس الحين مايحطون حفل وزف بس سكيتي على قولهم هههههههههههه
يعني رجاااااااااااال..زين شين صراحه زينته لان فيه اقارب لنا مانشوفهم الا بالحفلات. من بنات عم وووو.
وشينه كلافه على اهل المعرس ودوشه لروسنا..

[فسفوريه]

اقتباس المشاركة الأساسية كتبها يازين الحر يسلااام خيمه مع كنديشه تهف عليكم

انا اقترح انه تجي بقميص روز ابوو محازم دام الدعوى خيمه وكنديشه ماله داعي تخسر بعد هي