[عشششقي]

مساكم الله بالخير

هي وجهة نظر شاعر : لاأقل ولاأكثر وأتمنى أن تجد المساحه الكافيه لإنتقادها في المنتديات

الإنتقاد هو السبيل إلى كتابة الأجمل دائماً . ووجهات نظركم محل إهتمامنا


إليكم :





ياعرب في آخر زمن لاتلومـون الشجـاع=لو لبس تاجه وحـارب رجـال المسخـره
الضعيف إليا ضرب به شعاع الشمس ماع=لو يشوف البحر قدمه ربض تحت إشجـره
مانلوم اللي رضى الذل وأرضـاه الضيـاع=ومانلـوم اللـي بكذبـه تغشّـاه إغـبـره
والله إن السمعه أشرف عليّ من الوسـاع=ماندفن تحت إسم الأوهام والحـب أجبـره
شفت لي واحد تلخبط يبي يشـري وبـاع=يشتري من غـدر الآيّـام والعـز إخسـره
كل ماصادف طريقه حمـام الـورق جـاع=وكل ماهبهـب لـه الريـح ينقـز فنحـره
والله إن أصحابنا اللي يجيبـون الصـداع=يوم آشوف (الشهريار) إندفن فـي مقبـره
مقبـرة تدفـن وراعينهـا قبـل الـوداع=والبلا إنّ (الشهرزاد )أكثـر أهـل الثرثـرة
العجب ثم العجب والعجـب تسعيـن بـاع=كل رجـل يغـازل البنـت جاتـه تشكـره
وكل عذرا حسنها ترسلـه للرجـل ضـاع=هي تبي منه إنخضاعـه وهـي ماتقـدره
والعجيب إن قال أحبّك ليـا حـدّ النخـاع=قالت أكثر منك أحبـك وهـي بنـت بقـره
كيف ترضى بنت الأحرار مع كثـر النـزاع=عولمة مـن ينتشـر فيـه ذلّـه وانشـره
لو تعرْف إن الحيـا كنـز والدنيـا متـاع=مارضت بملاعب الوقـت والغـدر أخطـره
طافي النور إضحكت لـه بعينيهـا وطـاع=شوف كيف الحال والحـال ربّـك يستـره
مثـل ذاك اللـي مكبـر جنوبـه بالرقـاع=ماقـدر يشتـال حملـه يمينـه وأيسـره
صيدة الجاموس سهله على أنياب السبـاع=ومن خضع راسه مع الناس مافيـه إثمـره
مشكله يوم المره بالجهل ترضـى الجمـاع=ومشكله يـوم الرياجيـل تجمعهـم مـره
ومشكله لو يضرب السيف في وقت الصراع=راس من ظنّت به النـاس خيـر وتذكـره
ماهقيت إن أسود الغدر بين النـاس شـاع=وماهقيت إن الحيا مات في النـاس أكثـره
عن دلعهم ودي ألبس على وجهـي قنـاع=مالتفت في وجـه واحـد كثيـر البربـرة
وين صمت الحر الأشقر وممـدود الـذراع=لو نصوه أهل الحكي مـا يجيبـون خبـره
مانشـك إن الصديعـات يرضـنّ الخـداع=ومانشـكّ إن العليمـي يقصـنّ ظـهـره
السفينه لو بحرها كشـف عنهـا الشـراع=ماتوا أصحـاب السفينـه وهـذا مانكـره
راهنتني سود الأيـام فـي فـض النـزاع=وأشبعتني مـن خبرهـا خبـر مانحصـره
ناقصيـن العقـل ثلـث ويحـبّ الإطّـلاع=ولو سقوني سـمّ ماحرّكـوا فـي شعـره
لاجل أنا اللـي جاهـزٍ للهجـوم وللدفـاع=آخذ آقل الغـلا (صـدق ) وآكـبّ أكثـره
جبتها باسمى المعانـي وقـدر المستطـاع=فالصميم مـن أوّل القـاف لاحـدّ آخـره



رأيكم محل الإهتمام