[(<*أبولجين*>)]

السلام عليكم ورحمة الله وبركاته




مسيتم بالخير جميعا

.
.
.



هذي رحلة كانت النية ببدايتها مغامرة من العيار الثقيل إلا إنها شيئاً فشيئاً تخلت عن بعض الأماكن اللي كنا ناوينها مابين خوف البعض ومنع سلاح الحدود من القرب من الخط الساخن مع اليمن بسبب حرب الحوثيين





مالكم بالطويلة ...


كانت مغامرات رائعة بما فيها من مجازفات ولكنها كانت للنفس مرضية





هاهو التقرير




في بداية الرحلة اخترنا سيارة صاحبي بحكم خطورة الأماكن وكانت الضحية التي لم تقصر لولا عطل المكيف الذي امتعنا بالساونا الرائع


ابدلنا السيت الخلفي بتانكي ماء لحاجتنا لماء وافر


حينما اقبلنا على ارض الجنوب كانت الأمطار التي امتعتنا واسعدتنا ونزعت منا تعب الطريق والحر والتي استمرت معنا ما يقارب الساعتين


منظر آخر


روعة السيول في وقتها



صورة للأمطار





بعد وصولنا بالسلامة لهجرة صغيرة تدعى بالفرشة حيث بحثنا عن سكن ووجدنا بعد مشقه بسبب الأمطار التي منعتنا من النوم خارجاً واعددنا العشاء وهاهي مرقة اللحم اللذيذة

تفضلوا والسموحه ع القصور

اصبحنا وبعدما افطرنا توجهنا بالتعمق جنوبا مع شباب عزوم مثلكم وشرواكم نعرفهم هناك وهم دليلتنا في تلك الأماكن



لقينا هالمكان الروعة بروعة الجو وهدوءه




صورة بانوراميه للمكان





احجار غريبة وكأنها مصنوعة




توجهنا لأماكن اخرى بين الجبال





صورة اخرى للجبال






وصلنا لوادي لجب وهو للأسف بعيد كل البعد عن مرادنا لكن تسير الرياح بمالا تشتهي السفن





جمال الجبال هناك سرق لب التفكير واشغلنا بالإستمتاع بالشكولاته المسكوب ع الفانيلا





وللشلالات روعة وجمال وما احلى جلسة بقرب ذاك الشلال الصغير الذي يطرب الروح سماع صوت إنسكابة





بعد التوغل يكثر الوعورة مع الخطورة حيث هناك اناس ليسوا من البشر
نظراتهم همساتهم حتى كلامهم ليس بالمفهوم ابدا

ً



سبحان من يحيي العظام وهي رميم



سبحان الله







مقطع يوتيوب لنا لحظة الدخول لوادي لجب

http://www.youtube.com/watch?v=HDEMBDlgSBo



اسمحوا لي باخذ راحتي في الحتسي



وبعد ما طلعنا من وادي لجب حاولنا التعمق إلى الداخل قدر الإمكان لا لأجل رؤية الأحداث فالأحداث الحمدلله هدأت ولكن من باب رؤية اماكن ما رأيناها بواسطة احد الشباب من اهل نجران

لكن الله يجزاه خير فعل اللي عليه ولم نوفق لرؤية شي


مكاننا تقريبا





بختصار


كان فيه واحد متعهد امور العبارة والحجز عن طريق واحد يشتغل هناك إلا إنه جحد لحظة وصولنا وقال انتم مثلكم مثل غيركم .؟!!

يعني احجزوا من جديد .! مافيه امل نحصل حجز ..!!!!

صحيح مثلنا مثل غيرنا بس ليه يتزهل وبالأخير يجحد ..!!

عموما جبنا الحجز وتيسرت الأمور ولله الحمد لكن على رحلة العصر


لحظة إنتظارنا في إحدى الحدايق العامه بجازان






تصدقون ولا شقة فاضية .!

انواااااااااع الحر

انوااااااااع الذبان تكرمون

فطسنا الصدق بس الحمدلله تيسرت بالنهاية



نقطة التفتيش قبل ركوبنا العبارة ( عذرا على رداءة التصوير لصعوبته ) .







عبارة فرسان الجديدة كليا ( فررررررق )







الناس وهم يركبون والسيارات انتهوا من تحميلها






لقطة فيديو من تصويري للعبارة الجديدة

http://www.youtube.com/watch?v=3TIWI...eature=related





تصوير من داخل العبارة






تكييف حلو بس تلفزيون مقفلينه مدري على ايش حاطينه

بس روعة والله







منظر من خارج النافذة ولو انها مو واضحة بسبب إتساخها

ولكن السموحه






وصلنا بالسلامة وهذي لحظة نزول سياراتنا








welcome to farasan






اول شي سويناه رحنا نحجز عودة العبارة لأننا نسينا مع الربشة وصدمونا يوم قالوا مافيه رجعة إلا يوم السبت وكنا يوم الثلاثاء ونبي نرجع الإربعاء ..!!

بس الله يعز خوينا الأول من قاله يضبط لنا

رحنا للشقة وريحنا فيها لأن ماعاد باقي ع المغرب شي ولا فيه برنامج

ويوم دخلنا وش تلاحظون في الصورة ؟






على طول الشباب بدو في عمل بر بالسمن والعسل << انا ما اعرف ازينها بس طلعوها الشباب خياااال











صحيح ما جعنا إلا اليوم الثاني بس حلو


هذي لقطة لرحلتنا البحرية في فرسان

http://www.youtube.com/watch?v=RoazCB8XTtY





بعد ما طلعنا من جيزان

قال واحد من الشباب في وحده اسمها حزيمه

معرووووووفه بالتنور السمك والخبز الذيذ وخذ من هالكلام


مما خلانا نغير الإتجاه كله من طريق ابها الرياض إلى جيزان الباحة الطائف الرياض عشانها

وصلناها

وانصدمنا

ليه .؟

شوفوا الصور هي بتحكي لكم

الصدق .!

مدري ليه

ولكن بالإجماع من الشباب الخبز فاااااااااااااااااااااشل

حااااااااااااااااااامض ويابس شوي

يمكن ذوقنا غير عنهم ..!! مدري

والسمك للأمانة ما جربناه

طبعا وجهة نظر بنا فقط









وبعدها جلدنا الموتر جلد لين وصلنا للباحة وحنا ميتين جوع والغريب ..!!

ماصادفنا اي مطعم على دربنا من زين الحظ

طبعا مادورنا يعني على الطريق بس مالقينا شي وربي هلكنا جوع لين الطايف وتغدينا بخاري بااااااااااااااارد

لكن لك الحمد يالله على هالنعمة بلا حساب

وبعد ماطلعنا من الطايف

وحنا على طريق الطايف الرياض

وقبل مفرق الخرمة حسينا بإرهاق والراس يبي شاهي تلقيمة

قلنا ما بدهاش و فرقنا يمين ودرعمنا في هالبر لين حسينا إن المكان ماشافه احد من عهد آدم عليه السلام






يا وليييييييه يا بوفهد الحربي لوك معنا يالشاهي خباااااااااااال على هالسميرات








وهنا ينهتي التقرير المتواضع

وإلى تقرير آخر بإذن الله



وهذي إهداء لكم لمونتاج أحد الشباب لمجموعة رحلاتنا العام الماضي


http://www.youtube.com/watch?v=ap49-aug2xw

والمونتاج الثاني

http://www.youtube.com/watch?v=v87Mr...eature=related


نستميحكم عذرا



أبوخالد

[وادي الذئاب]

ماشاء الله الله يوفقكم ومشكور اخوي ..
تقبل مروؤوري ..

[عبدالرحمن الشايع]

,

أهبآآل يآبو خآلد

تسلم إيديك , ووين الغيبآت يآعمي ؟؟

[الخفاش]

هههههههههه , مهبولة هالرحلة كله مصآيب

اقتباس عطل المكيف الذي امتعنا بالساونا الرائع

هههههههههههه , يآنا فقعت ضحك على هالحتسي
تذكرت منول أيام زمان جمس الحلقة





وآآآآوك صدز التويوتا كد و مد




تقرير رآئع يآبو لجين بروعة مخاطره
و الحمد لله على السلامة

[الصباخ]

الحمدلله على سلامتكم، وفعلاً الرحلة ممتعة.
لكن وراه صور الموتر مهب واضحات .


وكيف الحال؟
أنا رأيي من رأيكم، وشوله الواحد يشتري منه .


إلا أبولجين، الحين اللي بالصورة هذي حرمه؟
ماشوف عليه عباة ولا شيء!
وإلا الدعوى فري؟؟

[{(بريداوي)}]

ماقصرت ولله على الصور والطبيعه والجبال ولكن شيقتنا باجنوب

[(<*أبولجين*>)]

اقتباس المشاركة الأساسية كتبها وادي الذئاب ماشاء الله الله يوفقكم ومشكور اخوي .. تقبل مروؤوري ..

لا عادي مر خذ راحتك << الثقافه صفر


تسلم يالغالي يا وادي ولا الذئاب مالنا معهم سنع


ياهلابك ولآهنت

[(<*أبولجين*>)]

اقتباس المشاركة الأساسية كتبها @جرّوح@ , أهبآآل يآبو خآلد تسلم إيديك , ووين الغيبآت يآعمي ؟؟

هلا والله جروح


تسلم يالغالي موجودين بس إنتهت صلاحيتنا طقينا الثلاثين

يعني اي موضوع لي أعرف فيه تسمم وتشغلنا البلديات عشان تسذا جينا هنا متوزين


لآهنت يا ألبي

[(<*أبولجين*>)]

اقتباس المشاركة الأساسية كتبها الخفاش هههههههههه , مهبولة هالرحلة كله مصآيب هههههههههههه , يآنا فقعت ضحك على هالحتسي تذكرت منول أيام زمان جمس الحلقة وآآآآوك صدز التويوتا كد و مد تقرير رآئع يآبو لجين بروعة مخاطره و الحمد لله على السلامة

هههههههههههه


هلا والله بالخفافيش كلهم


أجل جمس الحلقه

والله يا عليهن ذكريات بس أعلمك كح كح من جد قديم انت


شفت هالتايوت تراه ينقل تانكي ماء لفوق وحنا يالله السلامة بس ندخل ونطلع


لاهنت يا ألبي

[(<*أبولجين*>)]

اقتباس المشاركة الأساسية كتبها الصباخ الحمدلله على سلامتكم، وفعلاً الرحلة ممتعة. لكن وراه صور الموتر مهب واضحات . وكيف الحال؟ أنا رأيي من رأيكم، وشوله الواحد يشتري منه . إلا أبولجين، الحين اللي بالصورة هذي حرمه؟ ماشوف عليه عباة ولا شيء! وإلا الدعوى فري؟؟

خخخخخ

حامت تسبدك

ترى يقولون عيالها ضباط بس انا شي اسمه يقولون ما اصدق

وبخصوص العباءة << اموت على عباءة كيفي وانا اكتبها .؟

وبخصوص الجمس كذا اصول الدعايات نطلع الزوايا الزينه والخافي أعظم



يا هيا والله ومزنه

[(<*أبولجين*>)]

اقتباس المشاركة الأساسية كتبها {(بريداوي)} ماقصرت ولله على الصور والطبيعه والجبال ولكن شيقتنا باجنوب

شف التشييق شي من رب العالمين << واحد ينط يقوله وش معناها



هلا والله بريداوي


يا كثركم كلكم من بريدة << يارب يشوف فوق


هلابك والله والحمدلله إنها نالت شيئاً من رضاك واستحسانك




فادي <<< اموت يالذكريات

[مخاوي الصمت]

شرواك الطيب يا أبو خالد
عز الله سفرة طيبة وبهالوقت من السنة شي ممتاز وتغير جو خصوصا إذا كانوا شباب

بس ناقصكم رواقات تسان تفلونه صدز

ماشاء الله يا أبو خالد تقريرين خلال شهر تقريباً منتب بسيط كثر لنا من هالوطني يا بعدي

[%زهرة الجوري&]

تقرير رائـــــــع

[حامد شاكر]

والله تغطيه رائعه
وين هيئة السياحه تستفيد من هالتغطيات