[مدمن نت]

والله فيه شماغ على كيف كيفك بعشرين او ثلاثين او اربعين ريال



ورهيبه بالمره ومافيها اي شيئ من ناحية المرزام والرزه والكشخه عند الناس



وناس تشتري شماغ بـ 200 او 300 ريال وآخر شيئ بعد ستة شهور



تحصله مرمي باحد الزبايل او مرمي بالمستودعات الخيرية اللي طبعا يبي الخير



ليش كذا ؟



اشتر لك بــ 20 او 40 ريال ازين لك رخيص وكويس




قال الله تعالى : ان المبذرين كانوا اخوان الشياطين ، ، ،



والله ورسوله اعلـــــــــــــــــــــــــــــم ، ، ،

[تريكي 00]

الغالي قيمته فيه عليك بدسار

[سهلاوي]

الصراحة بالفايت واحد من الشباب لابس شماغ عادي الصراحة قال لي: توقع
بكم قيمة الشماغ أنا قلت: والله أتوقع 120 ريال إقالي أجاملة أنه زين..
قال: لا هذا مشتريه 350ريال وطبعآ أعرفه يسويه لكن الحمد لله على نعمه العقل
أنا ما أقول لا تشتري غالي بس أعرف خامت الشماغ اللي تبي تشتريه ..
ودمتم....

[ممدوح الطرس]

صحيح كلامك

[سفيان الثوري]

اقتباس المشاركة الأساسية كتبها د.غمارة مع احترامي لك نظريتك نظرية شيبان !! يعني أنت برايك رينيه مثل الميهاف و دنهل .. >> موب دنهل رصاص

انا احترم رايك يالغالي

لكني انا ما قصدت اللي في بالك فأنا لا أعارض الجديد والجيّد والماركات الحسنة ولبس أجمل الثياب
بل هذا من ديننا وقد قال صلى الله عليه وسلَّم ( إن الله يحب أن يرى أثر نعمته على عبده )
وأنا بحمد الله ألبس أحسن الأشمغة
لكني أقصد أن بعض الشباب يشتري الشماغ الغالي من أجل انّه غالي لا من أجل انه أصلي !!!!!
حتى وإن كان عادي في شكله أهم شي عند الموضــة !!!!

فالشركات ترفع من سعر الشماغ حتى يظن الشاب انه جيد واصلي
ولو شاف هالشماغ معروض بـ20 ريال مالتفت له
بل يستحي يحاسب قدّام الناس !!!

[سفيان الثوري]

اقتباس المشاركة الأساسية كتبها نصف ساعة ^^ وراه نظرية شيبان ؟؟ هو صادق احفظ قريشاتك بعدين وين الشماغ ابو عشره ذا شكله فاتني

مرحباً ألف
الله يعمر مخبات الوالد ولا الشباب أكثرهم دااااااج

وقبل سنتين تقريبا شفت أخوي لابس الشماغ القديم الأحمر أظنه ( شماغ العقل ) أبو عشرة فاستغربت
فسألته ليش لابسه فقال ( هذي الموضة الآن )

[العود الابيض]

كلامك صحيح ومشكور

[صعب المنــ2ــال]

اقتباس المشاركة الأساسية كتبها د.غمارة مع احترامي لك نظريتك نظرية شيبان !! يعني أنت برايك رينيه مثل الميهاف و دنهل .. >> موب دنهل رصاص

تدري ليش تسمي هذي نظرية شيبان ؟ ؟ ؟

هذا يا طويل العمر لأن المبزرة يروحون لأبوانهم ولا لأمهاتهم "الشيبان" و يقولون عطونا 500 نبي نشري نعال و شماغ و الشيبان يخبرون ان الشماغ و النعال يشرونهن على مية وشلون هالبزقة يبي 500 ؟؟؟
همن الشايب يعيي يعطيك 500 و بعدين انت تمد بوزك و تزعل و تقول هالشايب عيا و صارة نظرية شيبان

لامن طلعت قريشاتك من عرق جبينك اشر شماغ بألف ريال ان بغيت اما تترزز على مخباة الشايب و تعيره هذي مشكلة

تقبلو مروري

[المدلهم]

اقتباس المشاركة الأساسية كتبها تريكي 00 الغالي قيمته فيه عليك بدسار

معليش والله شماغ فاشل وغالي ب 160

أنا شريت واحد وتحسفت

طبعا شريت مخفض موديل العام ب70 مهبول أشريه ب160

[البندري]

اقتباس المشاركة الأساسية كتبها نصراويون فشيلة نلبس من الرخيص يقوووووووووووووووولون قعيطي

ظهر الحق
كل عمركم يا الرجال تطنزون بالحريم
اثره مهايط ..

[ابوفهد بريدة]

غير دنهل لأتدور سراحه يستاهل مميز ورسمي ولون فخم

[&ملامح ايطالي &]

Kenzo انصحك فيه

[الحاسب]

يا جماعة وش رايكم بهالقاعدة
(ما هان تبارك)

[ديوان]

ياساتر بغض النظر عن صلب الموضوع , لكن هل ال300 ريال تشكل عائق عند الرجل لشراء شماغ يلبسه بشكل شبه يومي ويعتبره خسارة !!

قد يكون الامر مقبولا اذا كان الحال ميسور , او الحالة رديئة , لكن للعوام "كود" ..