[مخاوي الصمت]

اقتباس المشاركة الأساسية كتبها إبراهــــــيم ^^ يا حبي للي يحشرونه بعد اكمل اكمل

اقول عين خير
وإذا صرت مشرف يعني ما نحشره
<<< خربانة خربانة

[مخاوي الصمت]

اقتباس المشاركة الأساسية كتبها بدر بن عبدالله أبو غلا اللي يشوفك الحين يقول ذابحن لك بعير يوم إنك تبي تعصر الدم عليه الدخله كله نقطتين دم وتيبس ، عموماً جواب جيد ، وسأتيك بالسؤال الثاني والثالث إن شاء الله شكراً سحبيبي

غصبن عليك جيد

ترى يا حبيلك الذيب ما يحتاج تروشه بحمام دم نقط بسيطة كفيلة بإحضاره
تماماً كــ سمك القرش الذي تجذبه قطرة الدم من مسافات بعيدة

عساك ما تطيح بالموقف
وإلا تدري ترى عادي الموضوع لان الذيب أصلاً إذا شافك قال ما يحتاج نآكل نواشف

في الإنتظار يا مشرف الكشكول

[مخاوي الصمت]

اقتباس المشاركة الأساسية كتبها برنس بريدهـ أهلين أبو غلا معليش ياخي خانن التعبير وكتبت كاس ولكن خله بقاروره صحة <== افرض إن غطا قاروره الخل ضايع ثانيا / يجبه = يحبه ،، برضه العجله خانتن لكن مافكرت إنه خطأ إملائي

اهلين وسهلين ومرحبتين
خلاص يا بعدي اللي فات مات وكل واحد يصلح سيارته <<< باقي شوي ويتهمه

لا ما فكرت إنه خطا إملائي من كثر ما اشوف أخطأ الاعضاء صار عندي شي طبيعي

حياك الله أخوي برنس واي أسئلة خذ راحتك لا يردك إلا الكيبورد

[مخاوي الصمت]

اقتباس المشاركة الأساسية كتبها givenchy ابوغلا .. هل عندك نيه تأخذ المره الثانية ولا لا ؟ <== رد لي بالخاص

لا عندي مستوية آخذ الحلتيتة الدقيقة

هع

[مخاوي الصمت]

اقتباس المشاركة الأساسية كتبها الـدعساوي وين طس له الرجآل

يمكع الشوك من رجليه

[مخاوي الصمت]

اقتباس المشاركة الأساسية كتبها xX DUNHILL xX ^ ^ يقرا الروايه اللي انت كاتب له .., xX DUNHILL xX

أنت تشوف

[الـصـمـصـام]

هلا أبو غلا .. بالله عطني نصيحة لوجه الله .. لي طبعا ..

[بدر بن عبدالله]

س2

ذهبت إلى السوق لأخذ زوجتك ، اتصلت على زوجتك وقلت لها أنا عند البوابة فقالت لك لحظة
سأمر محلاً ثم آتيك ، جلست تنتظر ثم رن هاتفك الجوال فإذا به صاحب قديم فأخذك الحديث معه،
وفي نفس الوقت هناك صاحب لك ينتظرك عندك منزلك يريد منك غرضاً ما ، فأنت على عجلت من
من أمرك بعض الشيء، فتح باب السيارة وركبت تلك المرأة ، وانطلقت مباشرة وكنت منشغلاً
بالحديث مع صاحبك بالجوال، ومتوجهاً بسرعة إلى صاحبك الذي ينتظرك عند باب منزلك، وصلت
إلى منزلك ونزلت بسرعة وأخذت ذلك الغرض وأعطيته صاحبك ، وكنت قد أنهيت المكالمة مع
صاحبك القديم، عدت إلى السيارة فإذا بتلك المرأة - التي ظناً منك أنها هي زوجتك - وركبت هي
معك بالخطأ لأن سيارتك كانت مشابهة لسيارة من أحضرها للسوق وحينما ركبت معك لم تنتبه لك،

في هذه اللحظة ماذا ستصنع؟


ولو قلنا بأنك فكرت بأن تسير الأمر بشكل طبيعي وتعيد المرأة إلى نفس المكان ، وعندما ذهبت وجدت
أن أخ المرأة التي معك يتكلم مع رجال الهيئة والشرطة بشأن أخته وأنت تقف عندهم وتنزلها أمام
أعينهم ، وكانت زوجتك في نفس اللحظة قريبة من الموقف.

ما التصرف يا عزيزي؟

[مخاوي الصمت]

اقتباس المشاركة الأساسية كتبها الصباخ هههههههههههههههههههههههههه أبوغلا هنا . هلا هلا بالحلوين، هلا بالزين كله . بسم الله نبدأ وبه نستعين . لو افترضنا إنك تمشي في طريق صحراوي (يعني مطيّنة) وراكب ددسن غمارة وباقي بالتانكي حق البنزين ربعه وكانت الساعة 11 الصبح وأقرب ديرة لك تبعد حوالي 400 كم، والطريق مهجور ونادراً ما يمر منه أحد وإن مر فإنه يمر كل أسبوع أو أسبوعين شخص واحد ويكون هالشخص من أهل البادية، المهم وأنت تمشي إلا ينفقع الكفر اللي قدام يمين، بعدين انفقع الكفر اللي ورى يسار بعدين أنشق الإديتر حق السيارة وبعده خبطت المكينة ووقفت السيارة همن بدت تحترق واحترقت كاملة، وأنت بهالحالة نزلت بسسسسسرعة وكان كل قشك بالسيارة وماقدرت تنزله للأسف، واحترقت السيارة بما فيها. بديت تفكر وتفكر وتفكر وقلت مالك إلا تمشي بالمطينة إلى الديرة الجاية، لكن للأسف كنت نازل وأنت حافي ونعالك احترقن مع القش اللي احترق، وماعليك إلا قميص وسروال وفنيلة حتى الشماغ ما معك، اضطريت بما إنك تمشي بالقوايل إنك تفصخ القميص وتحطه على راسك علشان الشمس، وبديت تمشي ويوم مشيت حوالي ثمانين كيلو عطشت وبديت تحس بدوخه من الشمس والمشكلة مافيه أي ظل ولا أي بوادر حياة، وكله دقايق إلا تطيح مغشي عليك، ويروح اليوم كله وتصحى من بكرة الصبح بنفس الوقت، وللأسف ما لقيت القميص اللي على راسك، فاضطريت إنك تفصخ الفنيلة وتحطه على راسك علشان الشمس وبديت تمشي وتمشي ومشيت حوالي مية كيلو وبرضوا للأسف مالقيت أي حياة، ومن التعب والعطش والحرارة سقطت مغشي عليك، وقمت من بكرة وما لقيت الفنيلة اللي على راسك، وأنت مضطر إنك تغطي راسك علشان الشمس وعطشان وميت من العطش وظهرك احترق من الحرارة ورجلينك تقطعن من الحر والشوك، وش راح تتصرف بهالحالة؟؟ باين إني وهقتك إلى آخر شيء وما بقى معك بهالحياة إلا سروالك اللي عليك .

حي الله أبو ريم
طيب وش الهدف من المشوار بالبر بهالصيف ؟ يلزمك تعطي هدف محدد
الحين تبي تقنعن إن الكفر اللي قدام انفقع ثمن انفقع اللي ورى همن انشق الرديتر وآخر شي يوم خبطت المكينة وقفت السيارة .. وش هالسيارة اللي تمشي والكفرات رايحات بدون رديتر
ونفرض أنه هذا صحيح يعني ابمشي والكفرات رايحات همن راح الرديتر همن راحت المكينة همن إحترقت السيارة وأنا إلى الحين ما نزلت ؟ <<< شايفن من أهل الرياض

طيب هالموضوع صار مرجع لمن يريد يصيد وعنده ذيابة أو شاف داب راقية اتشمس فوق الشجرة
او شخص انفقعن كفراته همن انشق الرديتر همن خبطت المكينة همن احترقت السيارة وهو إلى هالحين ما نزل
أو واحدٍ غاصت سيارته بالطين وخويه بأبو زعبل
أو إنسان طالع يدبدز بالشارع بالقايلة ومن قوة الحر ما لبس نعال أو غيرها من الأمور

نقول في حال كنت بصحراء وما معك شي الأفضل الإستلقاء تحت ظل أي شجرة وتمشي بالليل حتى يوفر الشخص أكثر قدر ممكن من طاقته وهكذا قد يقطع الشخص مساافت طويلة ولو طال الوقت بالإضافة أن مشي الليل أفضل من ناحية عدم ميلان الطريق إستدلالاً بالنجوم ليس كالنهار الذي قد يدور الشخص حول نفسه بدون ما يحس
وفي الليل يصعد الشخص على أعلى مكان حوله ( جبل ، نفود ، غير ذلك ) وبإمكانه رؤية الأنوار حسب قربها وقد يرى أنوار قرية قريبة تحجبها النفد

في هذه الحالة يا أبو ريم سأمشي ليلاً وقد عصبت رأسي بالقميص لكيلاً يطير
وإقتلاع الأشجار الخضراء الصغيرة ومحاولة إمتصاص لو قطرات قليلة جداً من الماء لتبليل الشفاة والحلق ( رايت ذلك في برنامج وثائقي عن صحاري أفريقيا وعيش القبائل هناك )
وحسب الوقت المقدر تقريباً أسبوع وأنا واصل إن شاء الله <<< طموحه كبير الله يرحمه

شكراً أبو ريم لكن حاول تعيش الموقف حتى تحبكه صح ..

[مخاوي الصمت]

اقتباس المشاركة الأساسية كتبها الـدعساوي بالنسبة للعسكري , وان قلت لك حصل لي موقف السيآرة مآتمر من عنده الا كل سآعة , وجت لمنا دوريآت وش تقول <-- وش علمك يآشيخ هذي دولة , وش تقول به بعد

هذا عسكري ما عنده ذمة

اقتباس المشاركة الأساسية كتبها الـدعساوي وش أنت تقول هالحين أنت وكشرك هالحين تبي تبين لي أن الموقف غبي ولا ويش

لا يا بعدي أنت تعرف تسأل بس أنا ما اعرف أسوق

[مخاوي الصمت]

اقتباس المشاركة الأساسية كتبها أبو رزان ^^ اللي شافون وشافوك من الأعضاء

يا بعدي أتشرف إذا قارنون معك
ومتمني أشوفك من قبل لكن عقب ما شفتك تهذري بالكشكول طحت من عيني <<< خربة

للأفس الدديش لم يقولوا شيئاً
ويشرفني معرفتك

أبا رزان

[مخاوي الصمت]

اقتباس المشاركة الأساسية كتبها الـصـمـصـام هلا أبو غلا .. بالله عطني نصيحة لوجه الله .. لي طبعا ..

هلا بك يا بعدي
أوصي نفسي وإياك بالإخلاص ثم الإخلاص ثم الإخلاص

بحمدالله تم تعيينك شمال المملكة ومن المعروف أن هناك هجراً وقرى مهملة ولا يأتيها من الدعاة إلا نزر يسير

فأخي أوصيك بهم خيراً إعمل ما تستطيع وأجرك على المولى سبحانه وتعالى
وأعلم أن الأنبياء عليهم السلام أشد الناس نصحاً وإخلاصاً وحرصاً ومع ذلك يأتي النبي يوم القيامة ومعه الرهيط والنبي ومعه الرجلين والنبي وليس معه أحد
فلا يبتأس أحداً إذا لم يجد صدىً لما يعمله والله لا يضيع أجر العاملين
انقل ما تحاول من ملابس وطعام والأهم من ذلك كله العلم الشرعي حاول قدر ما تستطيع أن تحصنهم بالتوحيد
الله الله بالتوحيد
الله الله بالتوحيد
الله الله بالتوحيد
فعباد القبور وأهل البدع حريصين على أمثال أصحاب الهجر والقرى البعيدة عن المدن لكثرة الجهل بينهم

أسأل الله لك ولك والمسلمين أن يجعلنا مفاتيح للخير مغاليق للشر
اللهم آآآمين

[المنخرش]

رجعنا لك ياغالي مرتن أخرى

وأجبتك روعه والله مثل وجهك هههههه



س1/ وشلونك

س2/ عساك طيب ..؟

س3 / .. وشلون الأهل والأخوان..؟

س4/ بشرنا عنك ..؟

الله يسلمك
ابشرك باتم صحه ==>> هجتبه