 |
|
|
|
|
25-08-2010, 06:44 AM
|
#1 |
|
عـضـو
تاريخ التسجيل: Jul 2009
البلد: القصيم
المشاركات: 385
|
سالفـة جدي يوم يسبـح بالساقــي ( مشفر + 18 وربع ) للكبار فقط |تم تنزيل جزء ثاني
السلام عليكم ورحمة الله وبركاته الحمدلله رب العالمين والصلاة والسلام على اشرف الانبياء والمرسلين أما بعد ..خلاص الحين راحت الرسميات ونطب بالسالفه بس قبل أبسلم عليكم  وشلونكم وشخباركم وشعلومكم ؟؟ وشلون شيبانكم ومن يعز عليكم ؟ أولا بطل الفلم جدي حمد الله يغفر له ويرحمه << قولوا امين ومواقفه كثيره جدا جدا وشي طبيعي لأنه عاش أكثر من مائة عام .. ثانيا بعطيكم وصف السكن حق جدي حتى يزبط الموضوع وتفهمون مزبوط , مالكم بالطويله بيت خوالي مساحته كبيره وخلفه حوش ومزرعة جدي<<< احلف  المهم جدي له ملحق (مشب) بآخر الحوش همن باب يطلع على المزرعه وعند الباب به ساقي << مهوب علي الساقي تشابه أسماء فقط وكالعاده جدي يجمع من هالشيبان بالمشب كل فجر وعصر , ذاك اليوم الأقشر وكان الوقت الظهر , قام جدي من النوم قبل يذن العصر بساعه وراح للمشب اللي بآخر الحوش حقه وزين القهوه والشاهي حتى لاجوا الشيبان العصر يصيرن والمات << مدلعهم وبداية الخروج على الرادميه وبداية السالفه الحقيقيه هو إنه << لحظه الصغارين يحطون الموضوع بالمفضله واذا كبروا يقرون باقي الموضوع << ايه هين  بكيفكم فقد انذر من اعذر << هي تسذا طيب نرجع لموضوعنا , طلع جدي من باب الملحق وطبعا عند باب الملحق به ساقي لايذ عن الناس محد يشوفه ودايم يسبح به جدي , وطلع ذاك اليوم بعد ماصلح القهوه والشاهي قال خلن اخذ لي ترويشه بهالساقي اتبرد واذا اذن طلعت << يسمع بالحديث ( لو ان نهرا بباب احدكم يغتسل ...الخ) معلومه : جدي مايعرف شي اسمه سروال وفنيله طول عمره ثوب فقط واذا قعد طلعت العلوم  المهم ويجيك يجدع الثوب ويحطه على حافة الساقي همن طب بالساقي مره نيم على بطنه ومره على ظهره ومره على جنب << لاتلومونه يدور البراد وجلس له شوي ومير تهب ذاك المهب اللي طير ثوبه وطاح بالساقي وهو يناظره وماباليد حيله  على طول راح مع الساقي مارده إلا مزرعه عزيز التركي جاره ولا يقدر يروح لم جاره مصلوخ طبعا باب المشب انصك من مهب الهواء << ياليل الليل وش السوات  مصلوخ والباب انصك وباب عياله على الشارع والسيارات تروح وتجي , فكر الرجال وفكر وفكر همن تجي ذيك الفكره اللي ماله غيره انه ياخذ عسيبين واحد يحطه على عورته من قادم والعسيب الثاني يمسكه ويحطه على عورته وراء ويروح من عند الشارع ويطق على ولد قبل يجون الشيبان ربعه ويشوفونه المهم ويسوي هالفكره الجهنميه ويروح من عند الشارع والله لا يوريك العالم طايرتن عيونه هو انس والا جن  ويروح ويطق على ولد ويطق ويطق ومير يفتح ولده الباب وينهبل يحسب ابوه هذرى , يبه وش بك سلامات وين ثيابك وهو يسحبه ويدخله للبيت ويسمي عليه , أومير تجيه ذيك التفله اللي تمشي مليون << ماله دخل بس حط الحره به وبعد التفله قاله رح جب لي ثوب ياهالجعري مهوب قاعد تسمي علي تقل مهبول وجاب له ثوب وعلمهم السالفه وحلف عقب هاك اليوم انه مايسبح بالساقي غير ماسبح ما يستفاد من هذه القصة : إن الواحد إذا بغى يسبح بالساقي يحط على ثيابه بلكه حتى ما يصير له مثل هالموقف !! أشوى إنه مهيب جدتي والا كان علوم << الله يرحمهم جميعا توصون شي ؟ صدز والله ؟ سلام عليكم آخر من قام بالتعديل روقــآن; بتاريخ 26-08-2010 الساعة 07:34 AM. |
|
|
|
25-08-2010, 02:22 PM
|
#2 |
|
عـضـو
تاريخ التسجيل: Apr 2009
البلد: حبيبة القلب بريدهـ
المشاركات: 1,229
|
اللي معطي السالفه طعم ثاني ان جدك اسمه حمد ق1
أجل أربع وعشرين سااعه بدون فنيله وسرواال ,, واللـه من البرااد والوناسه تسان عندي علم
__________________
.. من لم يؤدبه أبوآه , أدبه الليل والنهآر ..
|
|
|
|
|
25-08-2010, 02:42 PM
|
#3 |
|
عـضـو
تاريخ التسجيل: Dec 2007
البلد: أعيْشْ حيثٌ يْسكُن الطيبون ،
المشاركات: 1,427
|
هههههههههههههههههه
أجل حط عسبان يا ويلي ويلاه على هالموقف أجل الحين ما يعترف بالساقي فله جدك صراحه الله يخليه لكم
__________________
وًمَتىْ تَنقَضِيْ سَنِينْ الًكَمد ..! |
|
|
|
|
25-08-2010, 02:47 PM
|
#4 | |||||||||||||||||||
|
Registered User
تاريخ التسجيل: Dec 2008
البلد: قلب القصــــــ بريدة ــــــــم
المشاركات: 789
|
هههههههههههههههههههههههههههههه تخيلته يقلد طرزان 
|
|||||||||||||||||||
|
|
|
|
25-08-2010, 02:57 PM
|
#5 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 385
|
وش يسوي يدور البراد بهالساقي
 والثوب من بكرى لقينا الهندي (الصبي) << حقت شيبان لقيناه لابسه بالصلاة << ويرزق من يشاء بغير حساب ملاحظة: بما إن الأخ اسمه علي الساقي والسالفه به سباحه بالساقي فلذلك أول من رد على الموضوع |
|||||||||||||||||||||||
|
|
|
|
25-08-2010, 02:58 PM
|
#6 | |||||||||||||||||||||||
|
مشرف أخبار بريدة
تاريخ التسجيل: Feb 2010
البلد: بريــدة || ~
المشاركات: 3,242
|
ههههههههههههههههههههههههههههههههههه !!
منسم جدك .. الله لا يبلانا
والله من الحرقان إن تسان عندي علم 
__________________
قال أحدُ الصالحين : .. { نسْالُ الله تعالى أنْ يعطينآ .. فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..! لإن العطآء إختيآرُنا .. والمنعُ إختيارُ اللّه .. ~ وإختيار اللهِ . خيرٌ من إختيآرنا .. ! } .. |
|||||||||||||||||||||||
|
|
|
|
25-08-2010, 03:01 PM
|
#7 |
|
عضو اللجنة الإعلامية مـشـرف أفراح واحتفالات تاريخ التسجيل: Jul 2004
البلد: بريدة
المشاركات: 6,640
|
^^
هههههههههههههههههههه حرقان سليمان موضوعك مهبول الصدز منسم جدك يا حبي لهم الاولين قمه البرائه << ايه هين المره الثانيه نسق يا بعدي عجزت اقرأ الخط صغير تسنه موضوع بنات
|
|
|
|
|
25-08-2010, 03:11 PM
|
#8 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 385
|
بدينا بالتعصب علشان أبوك إسمه حمد
إلا والله عندك علم .. والله مالقاه إلا هو أنواع البراد .. بس يبلش إذا صارت برد الله لا يوريك إذا جلس تطلع العلوم وهو مايدري ,, والبزران مايصدقون خبر كل واح دحاط عينه تحت وجالس يتأمل مخلوقات الله  ولد حمد  |
|||||||||||||||||||||||
|
|
|
|
25-08-2010, 03:17 PM
|
#9 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 385
|
تقوله صادز مايعترف بالساقي ولا بابو رزان ولا بابراهيم .... الخ الرجال بالية عظامه وأنت تقول الله يخليه لكم << اللي ماقرأ الموضوع زين ينفضح على الأقل زين إنك دعيت ومريت على الموضوع
|
|||||||||||||||||||||||
|
|
|
|
25-08-2010, 03:19 PM
|
#10 |
|
عضو اللجنة الإعلامية مـشـرف أفراح واحتفالات تاريخ التسجيل: Jul 2004
البلد: بريدة
المشاركات: 6,640
|
^^
اجل الله يخليه لكم ههههههههههههههههههههههههههههه نكته الموضوع |
|
|
|
|
25-08-2010, 03:24 PM
|
#11 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 385
|
ما خبرت طرزان يحط عسبان
إلا إذا كان طرزان مطور مادري ابوقرون |
|||||||||||||||||||||||
|
|
|
|
25-08-2010, 03:24 PM
|
#12 |
|
عـضـو
تاريخ التسجيل: Aug 2007
البلد: ليبيا
المشاركات: 29
|
هههههههههههههه
تسلم والله يعطيك العافية يا أخي والله يعينكم على جدك وخوذوا بالكم منه !!!!!!!!!! |
|
|
|
|
25-08-2010, 03:27 PM
|
#13 |
|
عـضـو
تاريخ التسجيل: Jul 2009
البلد: القصيم
المشاركات: 385
|
[QUOTE=أبو غــلا;2451534]ههههههههههههههههههههههههههههههههههه !!
منسم جدك .. الله لا يبلانا اذكروا محاسن موتاكم
|
|
|
|
|
25-08-2010, 03:37 PM
|
#14 | |||||||||||||||||||||||
|
عـضـو
تاريخ التسجيل: Jul 2009
البلد: القصيم
المشاركات: 385
|
هلا والله بالكفيل
زين لا صار موضوعي المهبول مهب أنــا << والله المهبوله طلتك على الموضوع حرقان والا ماحرق الصدز إني ما عمري شفت شي خبرك عارف عوره وحرام نشوفه  منسم وبس إن الله أعطان طولت عمر والله لا أعطيكم مواقفه من الالف الى الجيم خابر الشباب يحبون خط البنات وأنا حطيته تسذا حسب رغبتهم  وإن تسان تبين أنقل الموضوع لقسم الحريم ماعندي مانع << زعل |
|||||||||||||||||||||||
|
|
|
 |
| الإشارات المرجعية |
|
|
النمط المتتابع
