[فهمي]

صدقوني من اربعة ايام ابحث عن مقعدين فقط من مطار القصيم الى جدة
لكن لايوجد !!
الى متى هذه المهزلة منطقه تعداد سكانها يربو على مليون ونصف المليون
تنطلق من مطارها رحلتين يوميا فقط الى مطار الملك عبد العزيز بجدة هذا
المطار الحيوي وبطائرات صغيرة MD90
ولماذا لايسمح لشركات الطيران التجارية بالاقلاع من القصيم الى جدة
عساها تخفف ولو شئ من الضغط
ارجوكم شاركوني بالحل وشكرا

[نضرتي هيبه]

ماعندك احد
هذ المفروض<= لاحياة لمن تنادي

[` Raun ~]

الله يعينك ..


انا مره رايح احجز من بريده لجده رحت لشارع الخبيب ادور حجز مالقيت وجيت من بكرا نفس المحلات لقيت واحد يقول فيه حجز من بريده لجده لكن لرجال اعمال يعني ذهاب واياب _ 570 _ راح تكون _1300_ قلتله وغير الكلام قال ماعندي غيره طلعت من المحل ورحت لمشوار وجيت للمحل قلت الشكوى لله __ لإني مستعجل قلت أصير رجل أعمال _ يوم رحت للمحل مالقيت الرجال رحت لخويه قلتله وينه قال طالع يجي بعد شوي قلت ok قالي وش تبي يمكن اقدر اساعدك قلتله ابي رحله من بريده لجده قالي اصبر شوي _ ......................._ قالي فيه رحله بعد ساعه وفيه رحله بعد يومين وفيه رحله بعد اسبوع !@!!!!!!! قلتله كم سعر التذكره _ ذهاب واياب _ قال 570 ّ!!!! قلت ابي اروح بعد يومين قال ok (_(_(_(_ _)_)_)_) اترك لك التعليق .. آسف على الإطاله .. تحياتي

[ماعبركـ لاتعبرهـ..,]

والله مالك الا سيارك وزين بعد اللي ...........

طيب اصبر لعل وعسى انك تلقى بعد اسبوع الحين الناس يرجعون لمدائنهم بعد العيد.,,,,,ومخترشين

["عفنااAاك"]

لا والقهر فاتحين بعد رحلات للخارج!!!
يابعدي أضبطو اللي عندكم بالداخل وكثر خيركم...

[ام ايوب]

نحن والخطوط السعوديه معاناة لا تنتهي

[جذاب بس كذاب]

معاناة الخطوط معروفه منذو مبطي ..

بس غريبه ما لقيت حجز بالوقت هذا ..

انا عندي رحله يوم الاثنين الجاي الصباح الساعه 10 ..

وحجزتها عن طريق الموقع .. انت لا تروح لمكاتب الخدمات احجز عن طريق الموقع والا عن طريق مكتبهم الرئيسي..

وتلقى الي يسرك ان شاء الله ..

تروح وترجع بالسلامة...

احترامي سيدي..

[أبورامي]

اقتباس المشاركة الأساسية كتبها ` Raun ~ الله يعينك .. انا مره رايح احجز من بريده لجده رحت لشارع الخبيب ادور حجز مالقيت وجيت من بكرا نفس المحلات لقيت واحد يقول فيه حجز من بريده لجده لكن لرجال اعمال يعني ذهاب واياب _ 570 _ راح تكون _1300_ قلتله وغير الكلام قال ماعندي غيره طلعت من المحل ورحت لمشوار وجيت للمحل قلت الشكوى لله __ لإني مستعجل قلت أصير رجل أعمال _ يوم رحت للمحل مالقيت الرجال رحت لخويه قلتله وينه قال طالع يجي بعد شوي قلت ok قالي وش تبي يمكن اقدر اساعدك قلتله ابي رحله من بريده لجده قالي اصبر شوي _ ......................._ قالي فيه رحله بعد ساعه وفيه رحله بعد يومين وفيه رحله بعد اسبوع !@!!!!!!! قلتله كم سعر التذكره _ ذهاب واياب _ قال 570 ّ!!!! قلت ابي اروح بعد يومين قال ok (_(_(_(_ _)_)_)_) اترك لك التعليق .. آسف على الإطاله .. تحياتي

[ابوغرام]

مرة حصلي نفس الموقف هاذا رحت وماحصلت رحلة الابعد اسبوع . وبعد ماطلعت من محل الخطوط السعودية تذكرت احد الاصدقاء عندة (واسطة) قوية بالخطوط كلمتة اني ماحصلت حجز .قالي عشر دقائق واكلمك
بعد سبع دقايق بالتحديد كلمني قالي روح لفلان ويحجزلك . رحت لة وحجزلي خمس مقاعد بعد ماكنت ابي مقعدين . سألتة ليش قبل شوي تقولون ماعندنا حجز الى بعد اسبوع قالي ياجماعة( فية مقاعد خاصة بالمكتب) يعني ماتطلع الا بالواسطة واللة كلام...........عذرا للاطالة و اشكركم جميعا زوار بريدةستي

[كتكوتة]

وش قالوا ؟؟؟
قالوا دولي....!
انتم اهتموا بالداخليه وفكروا بالدوليه

[ابو راكـان]

ههههههههه دوليه

ياخوي دق سلف وامش على جده 6 بالكثير 5 ساعات وانت وااصل ومرتااح وبس

[قصيمي انا]

الدنيا ماشيه باالواسطات

[توبه منك يادنيا]

ماقول الا الله يعين
لاحياة لمن تنادي

[@وردة الجوري@]

اذا لك وااسطه باي شي تمشي
اذا مالك واسطه امسك ارضك ولامااتمشي الا بطلعت الرروح