[أبو سليمان الحامد]

مشكورين إخواني وأخواتي ( كلن باسمه ) على الردود والمشاركات , وأحترم جميع وجهات النظر , ولعلي اكتشفت أن لكل عائلة عاداتها وتقاليدها .

بالنسبة لأختي انكسار حين تقولين إن إزالة الكلفة تؤدي إلى إزالة الحجاب مع الزمن فأنا لم أكتشف أن أمي وخالتي وعمتي كشفن الحجاب عن إخوة أزواجهن مع تقادم العهد , وطول المخالطة في البيوت مع ما بينهم من الأريحية والسماحة , وقد حدثتني أمي وأكثر من امرأة من أقاربي أنهن كن يأكلن في سفرة واحدة مع أهل أزواجهن بحضور الزوج ووالديه وإخوته وأخواته ولم نسمع بحجاب مكشوف ولا يحزنون .

المسألة راجعة للنفوس , وأنا أذكر أنه في سنوات مضت قبل 25 سنة تقريباًً ( طلعوا الشيبان ) أن أمي وزوجة إخوتي الكبار كانوا يختلطون مع أعمامي وإخوتي الآخرين , ويجلسون جلسة واحدة , ويعتمرون بسيارة واحدة , والمرأة تلبس غطاءها وتقدم الطعام وتسلم على إخوة زوجها وما زالوا , وأذكر أن أكثر العوائل كانت بهذا الشكل
ولم نسمع بكشف حجاب و غيره من إزالة الحياء .

بالنسبة للاختلاط في العمل والتحريم فهو لأجل المصالح والمفاسد , فزميل العمل ليس بينك وبينه حرمة أخ ولا حرمة منزل ولا حرمة أولاد , فهو يراك مطمعاً له كلما أقبلتِ أو غادرتِ , أما أخو الزوج فهو يراكِ زوجة أخيه وأم أولاد أخيه الذين هم بمثابة أولاده , وحينئذ فموقفه منك يختلف عن موقف أي رجل أجنبي آخر . ولا ننسى أن المرأة ستذهب للعمل بزينتها وعطرها وأناقتها وهذا يزيد من التحريم والشدة .
ومن قال لك إن الحديث مع البائع محرم ؟
الأصل فيه الإباحة مالم يتحول إلى الغنج والخضوع بالقول , والأصل في المعاملات جوازها بين الرجال والنساء كالبيوع والقرض والإجارة , والشارع أباح شهادة المرأة في المحكمة والقاضي سيسمع صوتها ويقررها , وموسى عليه السلام خاطب المرأتين عند البئر , وفي السيرة النبوية أحاديث كثيرة عن الخطاب بين الرجال والنساء دون خلوة محرمة .

والله تعالى يتولانا برحمته , ويهدينا للتي هي أقوم .

[أتعبني غروري]

أنا أؤيد الفئة الثانيه .. باستثناء السلام برأيي أنه عادي أسلم بس بدون جلوس معهم .. <<وهذي طريقة خواتي و مرة خيو ومعجبتن بالحيييل ..

[التواقه للجنهـ]

وش فرق أخو زوجي عن الغريب ..!!

والله انكم غريبين ..

لو ما أدري وش يصير وش يقلط معنا ومن حلل ذا الشيء ولا بعد يكون رقمي مخزن عندهم ..

والله غريبين بس هذه صحيح انه باين انها عادات لكن العادات يجب أن تغير بما يتناسب مع ديننا ..

يعني مثلا انا اتكلم عن تجربه اختي متزوجه من ولد عمي ..

يعني حتى مو من بعيد وولد عمنا ومع هذا حدود علاقتها مع اخوه اجزم انها لمعدومه ..

وهو ورع ولا هو بحولها ومع هذا هي تقول يبقى شاب ..

يعني والله في شيء اسمه غيره من الزوج وحياء من الزوجه ..

وشلون أسمح لزوجتي تقلط مع اخواني وتجيب لهم القهوه والشاهي < والله ما هي راضيه تدخل برأسي..

سبحان الله هم ملائكه ما يجي شيء في قلوبهم نحو زوجتي ..

يعني زيي الأخو الا ان كان لضروره قصوى مثل مستشفى الخ ..

اما يقضي لها مشاوير وش دعوى (وش فائدة العير الي مأخذته) ..

على قول انكسار وش خانته هو ..

انكسار الأماني خذيها مني يا قلبي والله انك رائعه ولا يغرك لو قالوا لك متشدده وما أدري وشو ..

وامي مثلا كبيره بعمرها فعلاقتها مع أخوان أبوي وهي أكبر منهم ولا حولهم والله ما عندنا من الي تقولونه شيء ..

مجرد يمكن بالسنين ان قابلته وهم طبعا يعتبرون موب حولها ..

بشرنا عن أهلك وان شاء الله انكم طيبين << بحكم اغترابهم جميعا وعدم توجدهم عندنا ..

ومع هذا تجد الرد بأوجز ما قالته أمي ..

وأحيان حتى أحسها ثقيله والله ..

يعني صحيح كلنا لنا عادات سيئه بس لابد نحكم فيها الدين ..

بصراحه حنا قاعدين نستهبل على الدين بهالعادات وشهو الي محللها ..

ولا جات على هواءنا وعجبتنا ولذا عملنا بها ..

وش الي محلل لكم الجلوس معهم وتضيفههم والميانه عليهم بالمشاوير ..

مو كفايه لا كانت ماخذته وهو غريب عنها انها بتكشف على ابوه ..

وعموما يبقى رأيي ..

لكن من الجميل أن نغير من العاده بما يتناسب مع الدين ..

التواقه للجنه..

[فكر واعي]

ابعد عن الشر يا الحمو و غني له ... خلك شهم يا خوي و البعد يا زينه
لا تقول مرت أخوي والشر ما ليبه ... ترى الرجل نار و الحرمه بنزينه

فــكــ ( وســلا مــتــكـم ) ـــر واعي

[(مهندس الكلمات )]

اقتباس المشاركة الأساسية كتبها عطــر الأمــاكن انزعج عندما اذكر سالفه صارت ببريده نقز واحد قال ( ما اصدق تصير ببريده !!!! ) وبريده وشي يعني ؟؟ فيه الخير وفيها الشر .. ديره كبيره كل يوم تتوسع اكبر من قبل . يعني منزهه من كل شئ ؟؟؟؟ بريدة احبه وهي ديرتي وديرة اجدادي وجميع اقاربي منها . تلقاك اول لا بغيت وحده ماهي من محارمك سواء بتوصلهم غرض ولا شئ لازم تكلم اختك تكلمه ثم تنتظر الرد من اختك ( يبيلك ساعه تنتظر تخبر لامسكن خط بالسوالف هالحريم ) عشان تروحله كله بس ماتكلم هالبنت . الان الوضع اسهل بكثير اتصل انت وكل شئ با ادب واحترام وبحدود . لا يجيني احد طاير ويقعد يخرجني من المله انت علماني وانت ليبرالي وانت مدري ايش ؟؟! ليه التششددد ؟؟؟؟؟؟؟؟؟؟ بالنسبه لي اسلم واذا هناك مشاوير وش يمنع انه تروح طبعاً لازم الاسره سواء . ترى التشدد ماهو زين وبنفس الوقت الانفتاح واجد ماهو زين . الوسطيه زينه للاسف احنا مجتمع غالباً ما يقبل بالوسطيه يا يميييييين يا يسار مافيه وسط . انكسار الاماني اعتقد والله العالم انه تبحث عن الاثاره من خلال ردوده . او انه بنت ال براهيم او العساف وابوه سكرتير ( عبدالعزيز بن فهد )الخاص .

والله العظيم كلامك سليم 100%

[رذر فورد]

إنكسار الأماني


ياناس والله إنه غريبه هالآدميه .

عنده مشكله .

خففي على روحك شوي طيب

لا تتحمسيين اكثر من اللازم

[لحظة فرح־ˉ¯¯ˉ־_ۣۨ]

انا اسلم على اخوانه باحترام وبادب يعني سلام عالطاير
يعني اكيد هذا اخو زوجي وعم عيالي لازم اسلم عليه لكن بادب وعدم خضوع بالقول
ومع الستر الكامل مهما كان يعتبر موب محرم لي
وبالنسبه للمشاوير اذا كان مع اهله وكلنا مع خواته عادي مافيها شي لا فيه خلوة ولا شي
وبالنسبه (الحمو الموت) صح مايصلح التساهل والضحك معه او انه تقهويه او تمد له الفنجال او انه تقعد معه او يوديه لمشاوير لحالهم بحجة أنه صغير هذا اكبر غلط وحتى لو كان كبير فهذي خلوة , و لازم تحتشم أمامه درءا للفتن والمفاسد. يعني الحكم مافيه اقول عادات وتقاليد الحكم الشرعي ثابت وهو انه ليس محرم لي فيجب الاحتشام والستر
أمامه وعدم الخضوع في القول .وتجنب الخلوة
وبالنسبه لكلامك اخ كبير المحايدين عن حريم اول صح كانوا ياكلون من صحن واحد بعد وكانوا يصافحونهن مباشرة
باليد بس ترا ماكانوا يعرفون الحكم حتى بعضهم الكبارين بالسن اللي كانوا يصافحون اول وعروفوا انه مايصلح صارن العجز يصافحن من ورا الجلال << وش الفايده طيب بس هم على نياتهم ويدل على طهارة قلوبهم وأول بعد مشغولين بلقمة العيش موب فاضين للمناظر

[غرور]

اقتباس المشاركة الأساسية كتبها •°انكسار الأماني°• لاسلام ولاجلسة ولاقهوة ولاعشاء ولاركوب سيارة في حالة توي داخلة عليهم .. أما لاصرت أم عيال وبنتي طولي وقتها أسلم بس هه غير كذا لايمكن .. وش خانة صاحب السمو الملكي ؟؟؟ إنه ينشغل ويخلين أركب مع أخوانه ؟؟؟ إذا مشغول ومايقدر أعتقد لي أخوان يودونن مايحتاج أروح للأبعد منهم أو أكنسل الطلعة كله ماتلزمش .. * أخو الزوج مثله مثل أي رجل أجنبي .. وقربه لزوجي مايعني إنه قريب لي , بالعكس الحذر منه يكون أشد .. بصراحة لاأحترم أي بنت تجالس أخوان زوجها خاصة إذا طالعة من بيت مش متساهل من هذه الناحية .. بعدين مهب على كيفهم هالحمايل نمشي على عوايدهم , إذا هالعوايد شينة وتخلينا نجالس رجال نقولهم ياتحترمون تواجدنا يابلاش نجي .. حنا ناشئين في بيوت غير بيوتكم وإذا ترون عادي بناتكم يتكن ويفصفصن مع أخوان رجالهن بمجلس واحد فحنا لا مش عادي .. مير الواقع يقول إن الحمايل اللي كذا تعاملهم لو ماتجلس زوجة الولد مع عيالهم يخلونه تنطق بالغرفة لحاله .. لين تمل ويعسفونه .. هذا الموضوع بالذات متعجبة منه والله مبهذل مخي , عاد صارت بك ياكبير المحايدين هه .. يعني عوايل بريدة اللي أشغلونا بالشدة على بناتهم من روحات وجيات ولبس وبالأخير يناقضون أنفسهم ويقولون عادي يجلسن مع أخوان رجالهن ؟؟؟ ياكبّر علومكم ياأهل الديرة .. قسم ماراح يجيب لي الضغط والسكر والروماتيزم غير تناقضكم آآآخ بس ..

طيب ياحبيلك حمواتك مثلك؟؟؟والا بس أنتي كذا؟

[أبو سليمان الحامد]

اقتباس المشاركة الأساسية كتبها التواقه للجنهـ وش فرق أخو زوجي عن الغريب ..!! والله انكم غريبين .. لو ما أدري وش يصير وش يقلط معنا ومن حلل ذا الشيء ولا بعد يكون رقمي مخزن عندهم .. والله غريبين بس هذه صحيح انه باين انها عادات لكن العادات يجب أن تغير بما يتناسب مع ديننا .. يعني مثلا انا اتكلم عن تجربه اختي متزوجه من ولد عمي .. يعني حتى مو من بعيد وولد عمنا ومع هذا حدود علاقتها مع اخوه اجزم انها لمعدومه .. وهو ورع ولا هو بحولها ومع هذا هي تقول يبقى شاب .. يعني والله في شيء اسمه غيره من الزوج وحياء من الزوجه .. وشلون أسمح لزوجتي تقلط مع اخواني وتجيب لهم القهوه والشاهي < والله ما هي راضيه تدخل برأسي.. سبحان الله هم ملائكه ما يجي شيء في قلوبهم نحو زوجتي .. يعني زيي الأخو الا ان كان لضروره قصوى مثل مستشفى الخ .. اما يقضي لها مشاوير وش دعوى (وش فائدة العير الي مأخذته) .. على قول انكسار وش خانته هو .. انكسار الأماني خذيها مني يا قلبي والله انك رائعه ولا يغرك لو قالوا لك متشدده وما أدري وشو .. وامي مثلا كبيره بعمرها فعلاقتها مع أخوان أبوي وهي أكبر منهم ولا حولهم والله ما عندنا من الي تقولونه شيء .. مجرد يمكن بالسنين ان قابلته وهم طبعا يعتبرون موب حولها .. بشرنا عن أهلك وان شاء الله انكم طيبين << بحكم اغترابهم جميعا وعدم توجدهم عندنا .. ومع هذا تجد الرد بأوجز ما قالته أمي .. وأحيان حتى أحسها ثقيله والله .. يعني صحيح كلنا لنا عادات سيئه بس لابد نحكم فيها الدين .. بصراحه حنا قاعدين نستهبل على الدين بهالعادات وشهو الي محللها .. ولا جات على هواءنا وعجبتنا ولذا عملنا بها .. وش الي محلل لكم الجلوس معهم وتضيفههم والميانه عليهم بالمشاوير .. مو كفايه لا كانت ماخذته وهو غريب عنها انها بتكشف على ابوه .. وعموما يبقى رأيي .. لكن من الجميل أن نغير من العاده بما يتناسب مع الدين .. التواقه للجنه..

أشكرك على مرورك وتعليقك أختي التواقة :

لكن ما أدري وش اللي يتناسب مع الدين من وجهة نظرك ؟

يعني تعتقدين أنك الوحيدة اللي فاهمة الدين .

طيب إذا كنتِ أنتِ فاهمة الدين غلط , وفاهمة الأدلة غلط وش الحل ؟؟؟

يا أختي العزيزة : الشرع واضح : حرم الخلوة , والخضوع بالقول , وإظهار الزينة , ونحن لم نقل بهذا إطلاقاً , ولكن هاتي لي دليلاً واحدا من الشرع من كتاب أو سنة على أن المرأة لا تكلم الرجل أبداً , المرأة تخرج للسوق وتجادل البائع وتقول هات هذا وهات هذا , ولم يقل أحد من أهل العلم المعتبرين بتحريمه , فكيف بمن هو من أهل الزوج وذويه ؟

أما مسألة فهم الحديث : الحمو الموت بأنه تحريم العلاقة مع أخي الزوج بأي شكل من الأشكال فهذا فهم سقيم لا يتناسب مع سياق الحديث , فالرسول صلى الله عليه وسلم قال : إياكم والدخول على النساء , وهذا خاص في الخلوة كما فسره شراح الحديث , وكما بوبه البخاري في صحيحه : باب لا يخلون رجل بامرأة إلا ذو محرم , ثم ساق الحديث .
فالحديث عن الخلوة بلا محرم , ثم سئل النبي صلى الله عليه وسلم عن الحمو وهو أقارب الزوج من أخ أو عم ونحوها , فقال صلى الله عليه وسلم مبينا الخطر في ذلك : الحمو الموت , في كلام موجز بليغ , لأن التساهل في هذا الباب ديدن العرب , فبين أن المرأة يجب أن تحتاط من أخي زوجها أو عمه في مسألة الخلوة , وأما ما عدا ذلك فأين الدين ؟ وأين الشرع ؟

وأما مسألة المشاوير , فالموضوع خاضع للحاجة كما قلنا , وتكون الزوجة مع أهله وليست وحدها .

فلا تفهموا المسألة غلط بارك الله فيكم .

وشكرا مرة أخرى .

[أبو سليمان الحامد]

اقتباس المشاركة الأساسية كتبها لحظة فرح־ˉ¯¯ˉ־_ۣۨ [/size] وبالنسبه لكلامك اخ كبير المحايدين عن حريم اول صح كانوا ياكلون من صحن واحد بعد وكانوا يصافحونهن مباشرة باليد بس ترا ماكانوا يعرفون الحكم حتى بعضهم الكبارين بالسن اللي كانوا يصافحون اول وعروفوا انه مايصلح صارن العجز يصافحن من ورا الجلال << وش الفايده طيب بس هم على نياتهم ويدل على طهارة قلوبهم وأول بعد مشغولين بلقمة العيش موب فاضين للمناظر

أختي لحظة فرح : أشكرك على ردك وتعليقك , ولكني سقت طبائع الآباء والأجداد في منازلهم مع الحريم ليس تأييداً لفعلهم على إطلاقه , فأنا لم أقتنع بالأكل جميعاً , ولكني أردت أن ابين للأخت انكسار أمرين :
الأول : أن المخالطة في البيوت من سلام وخدمة لا تعني نزع الحجاب , والدليل أمهاتنا وجداتنا كانوا يتخالطون في المنازل والمرأة تقدم الطعام لزوجها وإخوته وتسلم عليهم ولم ينزع الحجاب , بل كانوا أشد تحاميا عليه من نساء هذا الوقت .
الثاني : أن تصفية النفوس وعدم التشكيك بكل شيء أو بكل موقف , وصفاء النية عاصم بإذن الله من إرادة السوء .

وشكرا مرة أخرى .

[عآشقة قسمهآ ..]

والله احنآ من النوع الأول بالضبط مافيه كلافة حريم اخواني يجلسن معنا بحشمتهن وكمآ ذكرت مافيه
خضوع في القول ولا ميآعة بالعكس احترآم متبآدل وأنا بصرآحة أؤيد هالصنف وبقوة ~
لأني لاحظت انه يزيد من روابطنا الإجتمآعية وعلاقة اخواني ببعض تزيد ومآخذين رآحتنآ بلا تشدد ~


والله يعينكم بيتعبونكم العقول تختلف ~

[...flbynoo...]

,, إنـكــســار الآمــــاني ,,

بــعد مــاتتــزوجــين .... أبـيـك تــرجعين وتـفـتحــين المــوضوع هــذا وتـــردين ونشــوف ردك غير أو لآ

ولآ تـجـين تـنــاقشيـنن تـقــولين مــــــاراح أتغـير الـكــل تتغير نظريته بـعد الـزواج

[ياحبيلتس يانا]

سبحان الله مدري وشوله حركات الي ياناس شوفو

ردي وهرجي وانتبهو تدري محدن معطيه وجه

الا اذا عاكست اراء الناس

مير الله يجيب لتس الرجل الي يضفتس عنا

[التواقه للجنهـ]

اقتباس المشاركة الأساسية كتبها ياحبيلتس يانا سبحان الله مدري وشوله حركات الي ياناس شوفو ردي وهرجي وانتبهو تدري محدن معطيه وجه الا اذا عاكست اراء الناس مير الله يجيب لتس الرجل الي يضفتس عنا

والله اني طالعه الحين للدوام بس لما شفت ردك تنرفزت وقلت وجب إني أدخل و أرد على عجل ..

أولا كثيرن وإنتي من مثلهم لا يمتلكون أسلوب حوار هادف قيم ..

فما أن تضعف الحجه لديهم الا وتجدهم يكتبون أي رد يسيء لأنفسهم قبل غيرهم ..

من قصدتيها بحديثك هي أرفع والله بنظري من كثير فهي تسعى لتبيين الخطأ لكم ..

وبالنسبه لهالزوج الي بضفها على قولتك فاقول والله يا سعده بها ..

وارتقي بكتابتك و اعلمي أن هنالك ملك يكتب وبنظري لا فائده لردك الا أنه قد كتب عليك ..

انكسار والله لو بيدي من الأمر شيء ما أبقيت ردا يسيء لشخصك الكريم ..

ويشهد الله على صدق حبي فيك ..

وبالنسبه لصاحب الموضوع لي عود للرد عليك لاحقا فلضيق الوقت وبإذن الله سيكون ردي حينها مختصرا ..

دعواتك انكسار لي بالتوفيق بحضور الدوره وأن ينفعني الله بها وبما يطرح بها ..

وسلام الله عليكم ورحمته وبركاته ..

التواقه لجنانك ربي ..