[ام الزلمات]

اقتباس المشاركة الأساسية كتبها ربيع أيمن الآن كل المعارضين أصبحوا لا يفهمون! والموافقه لك هي التي فهمت!؟ فعلاً إعوجاج بالتفكير.

الأعوجاج بالتفكير..هو حينما تتمنى العيش ببلاد الحريه

[أبو قرون]

كل الناس مشت أمورها في جميع الدوائر الحكومية وبلا تذمر ولله الحمد !!

ولكن أعتقد أنها الدعوة لتحرير المرأة من مبادئها ولكن بلباس آخر

[فيري]

اقتباس المشاركة الأساسية كتبها ربيع أيمن الآن كل المعارضين أصبحوا لا يفهمون! والموافقه لك هي التي فهمت!؟ فعلاً إعوجاج بالتفكير.

اخوي اعوجاج التفكير اتى منك

هي قالت انا اللي فاهمتها من ردودي يعني انا كتبت اللي في خاطرها والحمد لله القلوب عند بعضها

وطبعا المعارضين مافهموا وانتوا شفهمكم باللي نبيه نبي نسوي شغلنا بنفسنا بدون مانضطر نكون

ثقل على احد ولانضطر نلف وندور عشان ندور لنا رجل يسوي اللي نبيه ومانبي نكون جهله نختبص

بدون رجال الله يكون بالعون

[فيري]

اقتباس المشاركة الأساسية كتبها أبو قرون كل الناس مشت أمورها في جميع الدوائر الحكومية وبلا تذمر ولله الحمد !! ولكن أعتقد أنها الدعوة لتحرير المرأة من مبادئها ولكن بلباس آخر

كل الناس يئست من تمشية امورها وانت الصادق

او انذلوا للي يسوى واللي مايسوى عشان يصرف امورهم

اي دعوه؟ يعني تبون المرأه تصير بقره ماتعرف تدبر امورها

وبعدين شقصدك بالتحرير ؟ شفيها اذا راحوا سووا شغلهم؟ يعني اذا المرأه راحت سووت شغلها

بنفسها بتفصخ الحيا؟

تفكير غرييييييييييييب

[فيري]

اقتباس المشاركة الأساسية كتبها عزتي في عفتي لماذا لا أقول انتي ملكه ؟؟!! هل انتي لا تريدين العزه والمرفعه لنفسكـ ؟؟ تطلبين التصرف والتدبير من البشر وتنسين خالق البشر !! انا اطلب انهم يخلوون النساء يسوون عملهم براحتهم ايه احنا نطلب من الله سبحانه وتعالى بس لازم نبذل الاسباب (هزي إليك بجذع النخلة تساقط عليك رطبا جنيا ) أدعي ربكـِ أن يسخر لكـِ احد محارمك أياً كانت صلتك به ويقضي حوائجكـ .. واذا ماكان فيه محرم او ولي امر المسؤولين طلبوا منكـِ محرم وجعلوا هذا قانون لهم سدا لذرائع .. فأذا خالطت المرأه مكان عمل الرجل كان هذا سبباً لإنتشار الفتنه وتليها الفساد لا قدر الله .. الحقير حقير والمحترم محترم اي فتنه؟ النساء محتاجين يجون يسوون عمل مو جايين يلعبون وبعدين اذا بتقولين فتنه لاتطلعين في الشارع لان الشارع فيه رجال بعدين يمكن تصيرين فتنه إذا قلتي انا اتستر ولا أٌظهر شي من مفاتني تأتي أحد المراجعات غيرك وهي بكامل زينتها بمقر عمل الرجال وتكون هذه بداية الفساد .. وأظن انكـِ لا ترضين ان زوجك يعمل بمكان تكثر فيه مراجعة النساء؟؟ اذا جاتكم وحده بكامل زينتها طردوها الصراحه انا بفخر لو اخوي او ابوي يجونه نساء محتاجين مساعده ويساعدهم مو يصك باب في وجههم ويقول لاتجين الا بولي امرك ولا تنسين ان فتنة بني إسرائيل النساء .. فطلبك هذا يدعوا للإختلاط .. والإختلاط بداية الفتنه .. دُمتي كما تحبين

مافيها فتنه ولاشي الناس جايين طالبين العون وانتوا تقولون فتنه

ام الزلمات معليش تدخلت كثير في موضوعك بس ماقدر امسك نفسي

[أبعاد الشوق ♥]

.
.
.
.
.
.
.

.


جعلتيهآ معآنآة .
بـ الطبع كل إمراءة يجب أن يكون هنآك ولي أمر لهآ ,

اقتباس المشاركة الأساسية كتبها •°انكسار الأماني°• بإذن الله سيأتي علينا يوم نكون فيه محارم أنفسنا ولانحتاج لمحرم يشغلونن بوه داخل الديرة .. بكل طالعة ونازلة قالوا جيبي محرم ,, حرمتوا السعادة آمين يارب مثل مانشبتوا بحلوقنا وأشقيتونا بخرابيطكم .. مجتمع ظالم ,, ماأعطى المرأة ولاربع الربع من حقوقها كإنسانة ثم يهايطون المرأة جوهرة وألماسة .. أجل رايحة ترفع دعوى على طليقها يقولون محرم ؟؟ كذابين هم ماودهم يعطونه وجه قالوا جيبي محرم .. أعرف وحدة إنفصلت عن زوجها ولها أولاد صغار .. راحت تطالب بالمحكمة ويماطلون به , سنة , سنتين , ثلاث , أربع , خمس , يوم صار عمر بنته الصغيرة 12 .. قالوا خلاص مايحتاج رفع دعوى البنت تبع أبوه .. قسم مجتمع همجي الله لايوفقهم ولايبارك فيهم .. * وياكثر الهرج بس خلين أطلع أزين لي << ياما وياما من كلام مير بي نوم .. ..

إنكسآر الامآني .
الكلآم معك سيكون له أبعآد لآ حدود لهآ.
لكن سؤآل فقط . مآ هي الحقوق التي لم نآخذهآ ..
إيضاً || هل لكِ علم بأنهم كذآبين . أم أنكِ أتخذتِ مكاناًَ لكِ
عند الدوآئير الحكوميه . ورآقبتي مآ يدور هنآك . وتأكدتي أنهم يستحقون أن تكذبيهم .

فربما أنتي الآن [ ظآلمه ] .


إنكسآر || رجاءً رآجعي كلآمك وفكري فيه بعقلآنيه لآ تأخذك العصبيه .


أم الزلمآت .
إذن تريدين أن تكون كل فتآة ولية أمر نفسهآ ()
لم يتبقى إذن إلآ أن نصبح خلف المكآتب ونوقّع الملفآت .!
فعلاً أمرنآ عجيب . [ لآ يعجبنآ العجب ولآ الصيآم بشهر رجــب ]

شُكراً لكِ ,

[فيري]

^^^

شفيها اذا صرنا خلف المكاتب ووقعنا الملفات

الله يخلي اولياء امورنا لنا بس مانبي يمنعونا من اخذ حقوقنا بدون ولي امر

وحده ماعندها ولي امر شتسوي؟ اختي هالقصص اللي ماليه المجالس ماجات من فراغ ...

اولياء الامر مطلوبين في السفر والزواج واشياء اخرى بس مو تجي وحده بترفع قضيه او تاخذ كرسي ويقولون

لها جيبي محرم

[أبعاد الشوق ♥]

.
.
.
.
.
فيري .
هنآلك أموور عـده . في الخفآء أقصد في الجآنب المظلم من هذهـ المشكله .
فكري فيهآ برويه وسترين مآ الخطاً في هذآ .
أمر عضيم أن تكون كل إمرأة وليه نفسهآ.
إن حدث هذآ . سنرى وقوعنآ في الهآويه ونحن صآمتون ~
انآ أريد أن أفهم . مآآآهي الحقوق التي لم ظلمتِ بهآ .

. ستكون بلآدنآ في فوضى إذآ سُمح بذلك .

[فيري]

اختي العزيزه قريتي الموضوع؟

انا ماقلت كل امرأه تصير ولية نفسها بس شوفي الامثله اللي فوق

انا فكرت بالموضوع وارد بالعقل يعني هل يعقل ان انسانه محتاجه لكرسي لبنتها يقولون لها جيبي محرم؟

لو ماعندها .. او لو كانت معاملة محارمها زفت... هالكلام قلته من قبل اقري ردودي السابقه واقري الموضوع

والامثله اللي طالبوا النساء فيها بولي الامر او المحرم

[خلفان]

مع وين معاناة هذي نعمة ولله الحمد نحن في بلاد التوحيد

من يريد بلاد حرية المرأة ( المزعومة ) فليذهب خارج هذه البلاد

[قاهر العلمانيه]

السلام عليكم ورحمة الله وبركاته

اختي فيري تكلمتي كثير فيها هذا الموضوع وتردين على كل واحد

وقريت ردودك وتقولين ( المحرم ( ولي الامر ) بس في الزواج والحج )؟؟؟؟ لو سمحتي ممكن دليل من القرآن او من السنة على هذا الكلام لأن كلامك موب ينسكت عنه كبنت سعودية عفيفة لكن اختي انا اقولك انتي قلتي المحرم مايحتاج لهالامور وكلامك يشمل الخروج للتسوق والكلام مع الرجال وردك على احد الاعضاء بقولك ( شفيها اذا صرنا خلف المكاتب ووقعنا الملفات ) لكن هذا لو صار وراحت البنات والنساء بدون محرم وصارن في المكاتب وبدن يشتغلن في كل مكان << هذا بيفتح لنا ابواب ان المرأهـ مع الشغل والتعب صعب عليها تتحجب وبعدين بترفعون دعوا برفع الحجاب والحين ترفعون دعوا بسياقة المرأة للسيارة << واذا سوينا لكم اللي تقولون وش الفرق بيننا وبين الكفار شوفي المرأة عند الكفار تعيش بكل حرية لكن الآن هي في الحقيقة ماتعيش بحرية والله العظيم انه اذل امرأة واخس امرأة هن النساء اللي في الدول الغير مسلمة ادعو الحرية وشوفو وش صار لكن ديننا امر ان كل مرأة تخرج لازم بمحرم واللي يأمر به دين الاسلام مانقول ليش ووراهـ لأن هذا امر من الله والله اعلم مني ومنك بالأشياء التي ستحدث مستقبلاً وهو اعلم بالخير لنا والشر لنا سبحانه وياليتني افدتك والسلام عليكم ..

[فيري]

اخوي قاهر العلمانيه

الاصل في الاشياء الاباحه يعني انت روح جيب لي دليل ان المراه اذا صرفت امورها البسيطه بدون جرجرة المحرم

حرام ... وبكذا راح اسكت ولاراح اتكلم في اباحة هالشي

اذا المراه اشتغلت في كل مكان بترفع الحجاب؟؟ ليش ان شاء الله ماشفنا المدرسات والدكتورات رفعوا حجابهم اخوي

هل سياقة السياره حرام؟؟؟ جيب دليل

الفرق بيننا وبين الكفار ان احنا نطبق الدين ولانخرج عنه بتحليل او تحريم

اخوي انا عارفه ان المرأه عندهم ذليله انا اذا قلت خلو المراه تصرف نفسها بدون محرم اقول خلونا نصير زي الكفار؟

الاسلام ماقال المراه تخرج بمحرم في كل وقت

الاسلام طالب به في السفر والحج وفي اشياء محدده .. طيب يلا عطني دليل ان المراه لازم يعمل عنها ويخرج معها

محرم في كل صغيره وكبيره عشان اقتنع

[هدفي ما خلقت لأجله]

بسم الله على قلبتس بس

انا يما شفت كلمة معاناة فسرت عن كمومي جيت أفزع
مير إني اكتشفت ان استاذة العربي حقتس الله يسامحها ما عطتك معنى الكلمه زين

نجي لموضوعك

الشباب لي جو يروحون المولات بيشتري له فنيله سروال هديه لأمه يتمشى ع الأقل قالوا له عوايل
يعني لازم كل مره يجرجر اخته ولا ولا عشان سروال مثلاً ؟؟

إذا بغوا يروحون حديقه ولا شاليهات ولا ملاهي قالوا له عوايل ... يعني مثلاً يروح يعرس وما عنده امكانيه عشان يشوف هالثيل الأشهب ويتبطح فيه ؟؟

على كذا لازم نطالب بفتح المجال لهم ..؟؟ لأن هالشيء يمكن رح يضايقهم مثل ما ضايقك هالموضوع .. ويمكن يصير معاناة لا قدر الله
وازين لهم من السفر برا و تضييع دينهم و مالهم .. طبعاً كل هذا بتجاهل ان بناتنا موجودات بهالأماكن
بس مالنا شغل بكم انتم .. اهم شيء هم يا مساكين
عاتي يجي واحد يتعرض لكم او يشووه سمعتكم .. اهم شيء نفسيتهم ما تتعب

عالأقل نطالب بفتح المجال لدخول الشباب اهون .. مير انك ما بتحتاجين اشياءك اللي فوق الا مره بالعمر يعني اوب ضارتك .. بس هم كل شوي يعني احساسهم المرهف بخطر

ياللي مسويه فاهمه وداقه الصدر

مثلاً مثلاً
صديقتك اللي بتسوي بطاقة الأحوال ضاعت بطاقتها او انسرقت
و حصلوها بمكان شبهه او احد مستعملها لعمل شر
صديقتك فيها القدر تخلص اوراق القضيه ولا المحرم ؟؟

اللي جت تبي كرسي للمعاقين وقدامها سرا رجال يبون مثلها بتقعد تخطم عليهم وتروح تجيب وسذا ولا المحرم ؟؟

لو المره اللي سوت قيصريه ماتت بسم الله عليها ؟؟ كيف يثبت المستشفى انها هي موافقه ع العمليه ؟؟ مو ممكن تصير بإكراه او تزوير ؟؟ مو يكون سندهم المحرم ؟؟

وبخصوص المحكمه والله الدين اعلم بصدق المرأه وإذا كانت شهادة الرجل بشهادتين للمرأه فأكيد ان كلامها بالأغلب خرطي :$

وتذكري إن كل هذا أغلبه يكون إتباع لقوله تعالى (( إن كيدكن عظيم ))

أتمنى أن لا يكون فيه إطاله
ويآ ريت مع احترامي تروحي تآخذي كتب من الجاليات ترى مو عيب لأنهم يعطونك بالكتاب فوائد كل شيء حرمه الدين

[فيري]

اقتباس المشاركة الأساسية كتبها هدفي ما خلقت لأجله [color="darkslategray"]بسم الله على قلبتس بس وعلى قلبتس ياخيتي انا يما شفت كلمة معاناة فسرت عن كمومي جيت أفزع مير إني اكتشفت ان استاذة العربي حقتس الله يسامحها ما عطتك معنى الكلمه زين نجي لموضوعك الشباب لي جو يروحون المولات بيشتري له فنيله سروال هديه لأمه يتمشى ع الأقل قالوا له عوايل يعني لازم كل مره يجرجر اخته ولا ولا عشان سروال مثلاً ؟؟ صحيح بس احنا بنات مو ملزومين نطالب باللي نبيه ونطالب باللي يبونه الشباب خليهم يشتكون مالهم لسان؟ إذا بغوا يروحون حديقه ولا شاليهات ولا ملاهي قالوا له عوايل ... يعني مثلاً يروح يعرس وما عنده امكانيه عشان يشوف هالثيل الأشهب ويتبطح فيه ؟؟ مسكين لالا مايستاهل بس مثل ماقلت لك قضيتهم وهم يطالبون فيها على كذا لازم نطالب بفتح المجال لهم ..؟؟ لأن هالشيء يمكن رح يضايقهم مثل ما ضايقك هالموضوع .. ويمكن يصير معاناة لا قدر الله وازين لهم من السفر برا و تضييع دينهم و مالهم .. طبعاً كل هذا بتجاهل ان بناتنا موجودات بهالأماكن بس مالنا شغل بكم انتم .. اهم شيء هم يا مساكين عاتي يجي واحد يتعرض لكم او يشووه سمعتكم .. اهم شيء نفسيتهم ما تتعب ايه مساكين لا بس بيجون يفرفشون واللي يتعرض لنا يكون فيه سكيورتي يرميه برا عالأقل نطالب بفتح المجال لدخول الشباب اهون .. مير انك ما بتحتاجين اشياءك اللي فوق الا مره بالعمر يعني اوب ضارتك .. بس هم كل شوي يعني احساسهم المرهف بخطر بالعكس هالمره اللي بتحتاجين فيها هالاشياء ممكن تاثر على حياتك يعني وحده بترفع قضيه على طليقها تبي عيالها يايجي معها محرم والا خلاص مو ضارها ؟ ياللي مسويه فاهمه وداقه الصدر انا يعني؟ مثلاً مثلاً صديقتك اللي بتسوي بطاقة الأحوال ضاعت بطاقتها او انسرقت و حصلوها بمكان شبهه او احد مستعملها لعمل شر صديقتك فيها القدر تخلص اوراق القضيه ولا المحرم ؟؟ فيها تخلص اوراقها ان شاء الله اللي جت تبي كرسي للمعاقين وقدامها سرا رجال يبون مثلها بتقعد تخطم عليهم وتروح تجيب وسذا ولا المحرم ؟؟ لا بتصف في الدور حالها حال هالرجال او يسوون دور للحريم اذا فيه زحمه لو المره اللي سوت قيصريه ماتت بسم الله عليها ؟؟ كيف يثبت المستشفى انها هي موافقه ع العمليه ؟؟ مو ممكن تصير بإكراه او تزوير ؟؟ مو يكون سندهم المحرم ؟؟ طيب خليهم ياخذون موافقتها وتوقيعها وممكن امها او احد معها مو ضروري رجال والا وين دقي على هالمحرم اللي ممكن مايعطيها وجه او ممكن ماعندها اصلا .. ويجيهم بعد كم من ساعه عشان ياخذ قلم ويوقع وتكون الام في حاله لايعلمها الا الله وبخصوص المحكمه والله الدين اعلم بصدق المرأه وإذا كانت شهادة الرجل بشهادتين للمرأه فأكيد ان كلامها بالأغلب خرطي :$ لو كلامها بالاغلب خرطي كان ماشهدت اصلا قال الله تعالى :{ وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى.. } . (البقرة :282 ). استغفري ربك ولا تفسرين من عقلك الحكمه هي ان نست واحده تذكرها الاخرى كما هو وارد وواضح فالمراه تنسى اكثر من الرجل ومو معناه ان كلامها خرطي .. من وين جبتي هالتفسير ؟ من عقلك؟ لاحول ولاقوة الا بالله وتذكري إن كل هذا أغلبه يكون إتباع لقوله تعالى (( إن كيدهن عظيم [/ color])) الخلط بين الآيات القرآنية لا يصح ولا يجوز، لذلك ينبغي العودة إلى التفاسير المعتمدة للقرآن الكريم عند أي التباس. ومن أجل ايضاح قول الله عز وجل عن النساء: (إِنَّ كَيْدَكُنَّ عَظِيمٌ)" بشكل محدد ودقيق يجب علينا الرجوع إلى الآية 28 من سورة يوسف (فَلَمَّا رَأَى قَمِيصَهُ قُدَّ مِنْ دُبُرٍ قَالَ إِنَّهُ مِنْ كَيْدِكُنَّ إِنَّ كَيْدَكُنَّ عَظِيمٌ)، حيث ندرك من السياق أن هذه الآية لم تنزل في النساء بشكل عام، بل نزلت في النسوة اللواتي كدن لسيدنا يوسف عليه السلام بشكل خاص، ونشاهد أن الله سبحانه وتعالى يخبرنا في هذه الآية عن زوج المرأة التي كادت لسيدنا يوسف وأنه قال لزوجته: إن هذا الفعل من كيدكن أي صنيعكن، وإنه فعل عظيم. أتمنى أن لا يكون فيه إطاله ويآ ريت مع احترامي تروحي تآخذي كتب من الجاليات ترى مو عيب لأنهم يعطونك بالكتاب فوائد كل شيء حرمه الدين

لا حبيبتي بالعكس مااطلتي

انا استمتعت بالرد على كلامك لانك ساعدتي في اثبات وجهة نظري

لا مو عيب ابدا ناخذ كتب فالانسان لم يؤتى من العلم الا قليلا ومع احترامي ممكن اخذك معي عشان

يعطونك كتب تفسير؟