[@سموالذوق@]

اقتباس المشاركة الأساسية كتبها إلى متى ؟ موقع جديد : بجوار بوابة الكلية التقنية ( اللي على طريق الملك عبد الله ) , طبعاً واقف مع زحمة سيارات الطلاب بطريقة ذكية جداً .. و لولا الله ثم فزعة اللي جايين من المسار الثاني و إلا كان أخذت قسيمة كبر راسي

امشي 82 ولقطني هناااااااااااااك ابن الــــــــــ.........

جيب رصااااااصي تراووووه

[طارق العتيق]

^^

شوي بس و يحذفونه

[vip 555]

نسيت أعلمكم بس اليوم الظهر ساهر بشارع القناة مقابل المقبرة بسيد

الجاي من جامع محمد بن عبدالوهاب ووراه كامري سرية ..

اليوم راحت عليكم لكن بكرا وباقي الأيام أنتبهوا له ..

[Engineer]

ايه تادبوا السواقة ماهي لعب
تمشي بشوارع بريدة كأنك في ملاهي من اللي حولك ماغير مطاير

بس اهم شيء إذا قربت الاجازة يروحون عشان مأخذ مخالفة إذا جينا

[طارق العتيق]

ساااهر متواجد في شارع القناة قبل قصر الامراء الان وراوه سريه و مره شرطه من بعد صلاة العشاء الى الان ..~

السرعه المقترحه 80 ..~

يداً بيد ضد سااهر ..~

[يربش بريده]

سياست ساهر شارع طــــــــــــول مافيه محلات على اليمين ولاناس ولامنازل مكان ملائم لساهر انشرووووووووووووووووووها

[ابو تركي9]

السلام عليكم جمـيع واشكر من طرح فكر الموضوع لتعم الفائده للجميع

يـ شباب الموضوع مطروح للاراء المنطقيه .. ومنعاَ للتفلسف الزائد و أدورة المداخل التي لا تسمن ولا تغني من جوع

انا من سكان الرياض وبعد استيائـي من مخالفات ساهر ع الجوال .رحت لمرور الناصريه اعترض بشوف وين مخالفتي وكيف وكم السرعه ؟؟؟

رحت وحولون علي لجنه اسمها لجنه المنازعات افراد مخولين من وزاره الداخليه محطوطين لـ هذا الغرض

وبالفعل سجلت اعتراضي بمعروض وقدمته عليهم وبالفعل استعرضوا لي مخالفتي امامي شفتها بعيني مخالفه الكترونيه

وكل شي فيها صحيح .

وبعدها

بـ الواسطه دخلت علي المقبل مدير مرور الرياض وطرحت عليه استفساراتي كلها وبسردها لكم :

1- من الي يعمل دراسه ووضع لوحات السرعه بـ الشوارع ؟

جاوب المقبل شعبه السير بالمرور ..! انصدمت احسبه من اول الشركه تسوي سرعات علي كيفها هههههه

2- علي كم يتم ظبط مخالفه سير بـ النسبه لاجهزه ساهر ؟

جاوب وقال تم اصدار امر من وزاره الداخليه بعمل آليه النظام لرصد السرعه بزياده 10% علي سرعه الشارع المحدده..!
صدمه ثانيه توقعت مثلن بشارع سرعته 70 يخالفك ساهر علي 71

3- هل اسعار المخالفات موضوعه من قبل الشركه؟

جاوب بـ لا .. من قبل اداره المرور كذلك التدبيل بتعميد من الداخليه لهذا الشأن

عقب هالرد من المقبل استحيت علي وجهي وقمت وشكرته علي حسن الاستقبال وشرح كل شي لي بنفس طيبه

وبعدها تعودنا بالرياض علي سرعه الطريق 70 نمشي 70 / 80 نمشي 80 خلاص تأقلمنا علي هالوضع

والله تبون الحق والله انه الهداوه مريحه من جد وتوفير بنفس الوقت لجهدك الذهني و بانزين السياره ومحركات السياره

ولسلامتك ولغيرك من الحوادث .قبل نقول الله يزيل هالنظام الجاير والحين بالعكس نقول الله يديم هالنظام بالسعوديه


ومن هنا أكتشفت ان قائل ( اهل العقول السليمه بنعمه ) قايلها من قلب صادق.

وعلي حسب ماسمعت ان الشركه لسلمان بن عبدالعزيز والله يجزاه خير علي هالمشروع الناجح


ولكم ودي

[بولوهي]

^
الشركه لراعي art سابقا الله ياخذ حقنا منه .. صالح كامل او حول هالاسم

[خب الحلوة]

إضافة لمواصفات ساهر أنه غالبا يقف بعد لوحة السرعة المطلوبة لسبب كثرة الشكاوي من المراجعن يقولون مافيه لوحات أنتبهو. . . .

وهذه أماكن ساهر الجديد في الخبيب والتي يصطاد بها المئات يوميا واتوقع أنها أكثر الكامرات لقطا لكثرة الطارق لهذا الطريق والأمكنة هي:
1-مقابل فلافل عرفة بالشارع الأخر للقادمين من الدوار
2-مقابل ميد التي بجوار مؤسسة التقد في الشارع الاخر للقادم من الخبيب وهذا اخطرها لان مكانه غامض وغير واضخ تجده قبل المحطة على اليمين
3- في الخبيب نفسه بين الإشارتين وربما ليس له مكان محدد

السيارت معروفة باص ابيض أو جيب مستوبيشي أبيض أو رصاصي تجد قبله سيارة مرور أو سرية

[سوبرسايس]

اتركونا من السواليف الجانبية !
وخلونا في الزبدة..
تحديد أماكن ساهر يومياً لمن شاهد موقعه :

الآن :

ساهر في شارع القناة وأنت جاي من جامع الونيان متجه لإشارة شارع الملك فيصل
قبل الإشارة بـ300متر تقريبا..
مقابل بوابة المقبرة القديمة ..

واحد من الشباب وصلت قسايمه أكثر من ألف ريال وكلها متعدي السرعة بشي بسيييييييييط !

[جساس1000]

هذا هو الظلم بعينه

منعنا الخيروالمطر بسبب الظلم الجائر
واي ظلم اعضم من هذا الظلم

[مــرعــب]

اقتباس المشاركة الأساسية كتبها جساس1000 هذا هو الظلم بعينه منعنا الخيروالمطر بسبب الظلم الجائر واي ظلم اعضم من هذا الظلم

استغفر ولا تدخل ذمتك بعلم الغيب

وانت الصادق منعنا الخير بسبب الأنانيه والفوضويه وحب النفس وتهميش المجتمع

[muom]

نظام على حسابنا ولا ويسرقنا ياخي تلعب على نفسك تقول يقلل الحوادث قد شفتوا حادث داخل المدينه توفى فيه احد
الصحيح مكانه في الطرق السريعه هذي نقطه النقطه الثانيه سالفة تدبيل القسايم ليش ساهر وتدبيل قسايم ولا بعد شهر على طول خافوا الله في انفسكم اذا ناس تقدر تسدد فيه ناس على قد حاله وارجوا من من وضع هذا النظام يتخذ القرار الصحيح تجاه الشعب النظام اذا لتقليل الحوادث ليش يخفونه عن الناس أبقولكم مثلاَ باص ساهر متخفي في طريق من الطرق الناس تبي تسرع صح مو عارفين فيه ساهر والا لا يبي يمر من عند ساهر ويلقطه وياخذ قسيمه المسكين راعي السياره طيب هل هو هدا الحين يمكن بعد يصدم لاسمح الله ويموت أجل ساهر ماله فايده الحادث اللي قبل شهر طالب سوى حادث بسبة ساهر تجيبلي نظام مدري منين وتطبقه على طول لاتوجيه ولا إرشاد هذا حرااااااااام
أقول ياللي واضع النظام ادرسه وبعدين تعال طبقه عندنا ومشكور اللي واضع الموضوع للفايده تقبلوا تحياتي muom

[vimto]

sahir mn ajl salamtk